阿芳上海餛飩

營業中

休息中

洋蔥豬肉湯餃配四喜烤麩 / 74本身嗌咗粟米餃 但係侍應掛住吹水落錯單最後落咗洋蔥餃好彩洋蔥係招牌推介 皮薄多餡多汁 洋蔥切成薄片增加口感唯一敗筆係個湯 竟然係出前一丁味 真係好失望除此之外其實食物本身係唔錯😗——————————————————推介度: 6/10——————————————————

頭先食薺菜豬肉餃子麵，其中一隻內有膠紙仲痴住d菜同肉，好核突，話俾店員知，佢拿拿聲拎走左條膠紙，之後咩都無做過，我覺得好無奈，食肆唔乾淨真係好令人失望，我以後都唔會再去幫襯。

原本唔係想食呢間想食嗰間原來有落場時間咁啱經過我又好耐冇食餃子咪入去試吓另外一個原因係被自家包製雲吞/餃子吸引😆從下午茶餐牌叫咗一碗「粟米豬肉餃子上海麵」跟一款小食，套餐價(HKD41)從餃子外型嚟睇，真係人手包㗎粒粒餃子個樣都唔同㗎同埋我係見到兩個姐姐不停咁包雲吞/餃子咬咗一啖餃子之後有啲失望啲豬肉咁鞋咁乾嘅🙈同埋啲皮好厚好粉上海麵其實冇味道不過口感就幾彈牙小食2選一 雞絲粉皮裡嘅青瓜實在太酸我只係食晒啲雞絲粉皮😆⭐️只收現金或八達通

個人嚟講覺得個食依啲個湯都幾緊要但係佢係exactly出前一丁個湯粉味嚟嘅…可能我唔識嘢啦🥲 白菜豬肉餛飩內裡係咁洋蔥豬肉餃子內裡係咁淨講餃子餛飩係不過不失不過個湯呢….

有啲掛住上海麵之下去咗呢間食lunch明明係餛飩但係主要食餃子同麵😂麵不設雙拼，只可以加錢加小食▶️ 四喜烤麩湯麵 ($46)四喜烤麩份量好多，同湯麵分開上，入面加入少量毛豆同雲耳一粒粒質感好好👍🏻好似麵筋咁，有啲咬口又軟綿醬汁索起窿窿之間，一咬就出汁，味道偏甜上海麵偏幼身🍜麵質不至於彈牙，不過都唔錯啦，起碼唔易爛湯底好清淡，味道主要來自餸菜▶️ 五香牛蹍 (+$18)睇個樣已經知唔掂☹️四片牛蹍好薄，望落完全冇色澤一啲牛肉味都冇，只靠醬汁咬落好乾，透明位又唔彈牙🙅🏻‍♀️食過最難食嘅牛蹍，極不推介▶️ 糖醋排骨用咗豬軟骨所以同一般糖醋排骨唔同樣一開始以為上錯🙃肉質同樣麻麻地，基本上冇咩肉食落只有糖醋醬汁酸甜味-竟然四喜烤麩最好食😋上海麵中規中矩雲吞餃子都唔錯嘅🥟幾飽滿，而且全部人手新鮮即包上海麵可轉年糕，咬落煙煙韌韌，可惜冇味🙈肉類小食就…唔建議叫座位少，星期六晏晝多人，坐得比較迫店舖入邊有隻黑色嘅貓貓🐈‍⬛雖然對面係澳牛同麥文記呢啲遊客熱點，但多數食客為香港人 (全家人或長輩老街訪們)性價比ok啦，份量正正常常，唔包飲品

有養貓最好系餐廳外面寫清楚未到12點行到佐敦搵食，今次求其搵一間無乜人，哩間雲吞清清D,合口味，裡面又得一個客，就入去啦！環境很細，但乾淨，系有兩隻貓，喜歡就好，吾喜歡真的吾接受，尤其是夥計系地面抱起佢玩，然後又吾洗手最吾好嘍。服務員吾錯，隨便坐，馬上遞上兩倍熱茶，再要一杯熱水亦無問題。後來越食越多人，對其他客人亦好有禮貌。糖醋排骨麵（$46）- 原來系豬軟骨，後來系餐牌另一個地方有寫，。- 豬軟骨系做得吾錯，糖醋味好好- 湯底真系幾好，好清甜，- 麵都入曬味，最可惜系麵太快”淋”，未食到中間都吾好食。薰魚麵（$46）- 薰魚個汁好甜，- 薰魚吾乾吾硬，但無乜魚味- 湯底真系幾好，好清甜，- 麵都入曬味，最可惜系麵太快”淋”，未食到中間都吾好食菜（餐+14）4分- 重要系份量比其他餐廳多好多，抵

佐敦小店林立, 店內光顧既都係熟悉既街坊, 店員都記得老顧客會食咩, 呢D就係人情味👍🏼係而家真係賣少見少。店內亦有一隻貓貓😸感覺就好似係到幫手看店咁。而食物就好似家既味道, 簡簡單單唔會有多餘既調味😝招牌套餐 $68糖醋排骨湯麵配四喜烤麩糖醋排骨開頭以為係炸既🍜原來係用炆, 味道有D似豬軟骨甜甜地, 唔會柴都幾好食。而上海麵湯底清清地😋可以中和返糖醋排骨既濃味。四喜烤麩則比較淡味。下午茶餐 $41韭菜豬肉餃子上海麵配雞絲粉皮韭菜豬肉餃子有4隻🥟都算大大粒, 味道似屋企自己包既, 簡單調味。而湯底就同糖醋排骨唔同, 比較濃味少少☝🏼雞絲粉皮細細碟, 芝麻醬比軟浠所以味道都淡味些。洋蔥豬肉煎餃 $42/6隻煎餃煎得好香口🥟洋蔥豬肉第一次食, 好香洋蔥味同爽脆🧅值得一試。

成日經過呢間舖就試試味道如何叫左一個韭菜豬肉一個玉豆豬肉兩碗餃子味道都可以一齊講因為味道基本上係一模一樣首先湯底死咸 毫無層次餃子亦毫無肉汁 好乾豬肉係唔夠靚？定用太多瘦肉？食落去係非常乾而餃子餡都非常啖味食之無味 棄之可惜——————————————————————————————————————————————————————————————————————————————————————————————————————

為咗咩都可以食少少🤭今次叫咗個輕食餐輕食餐有餛飩/餃子湯麵配小食再跟杯大麥茶小食方面揀左糖醋排骨而主食就揀左薺菜豬肉餛飩湯麵🥢。《糖醋排骨》雖然係小食 但係份量一啲都唔少有成三大舊排骨糖醋排骨嘅軟骨晶瑩剔透💎而肉都醃得好入味👍🏻酸酸甜甜咁食落好開胃😆。《薺菜豬肉餛飩湯麵》碗餛飩麵睇落好似平平無奇咁🧐但係其實裡面隱藏好多小細節🤫除左有蝦皮去豐富食麵條時候嘅口感同味道🦐最值得一提嘅係🌟餐廳用左蔴油去提升成碗麵嘅香氣🤩餛飩係名副其實嘅皮薄餡靚😍薺菜嘅份量十足🌿豬肉唔會好肥🐷食落感覺幾健康🤣

久沒來再訪呢位「芳姑」，一直惦念她美味的洋蔥餃子。經過三年疫情的折騰，此小店仍然屹立不倒，價錢比較一下也只是加了兩、三蚊左右，應該是實力的見證吧！坐底立即被落單，不多言，可能是在繁忙時段訓練有素，服務相當有效率。食物選擇方面還多了「手工蔥油餅」：送的無糖麥茶：「雞絲粉皮 / 洋蔥豬肉煎餃子」$38冷盤雞絲粉皮一小撮，麻醬沒有太 over：可以加些浙醋提味，醒胃：重溫這裡必吃的味自慢 - 洋蔥餃子，點了煎餃：即叫即煎，要等一陣先上枱。皮脆底，內裏肉汁會隨嘴部爆出，小心淥親嘴仔：洋蔥餃子大大粒，食落依舊香口，切粒的洋蔥食落索索聲，不帶辛辣，帶天然甜：混合半肥瘦豬肉和脆薄皮底，加上肉爆汁，堅係 #世一！不夠味的可以配上豆瓣醬，更添上海風味：「蒜泥白肉 / 洋蔥豬肉湯餃子 (淨食)」$52蒜泥白肉進步多了，比以前做得更像樣和濃味，調味去得幾盡：蒜蓉辛香及甜醬油，包裹着薄如蟬翼的冷豬肉片，將外省菜「濃油赤醬」的神髓發揮得淋漓盡致，吃完不要怕口臭就行：大大粒湯餃，依舊 encore 點了洋蔥餡料，令人食上癮：一款餃子兩種食法，都好吃，濃妝淡抹總相宜：湯用了上海傳統家常的簡單豉油湯底，落了蝦皮吊味。

這裡的燻魚很正宗，不是**姥姥餐廳的那種糊裡糊塗的，蔥油餅豬油炸超薄香脆，洋蔥豬肉水餃原來害怕洋蔥太冲，沒想到 也很新鮮香口好吃 👍附近還有松記糖水，豆腐老店，酸菜魚，確實覓食好去處

餃子主打，試一下吧。“玉豆豬肉餛飩”，吃不出是什麼，但應該是荷蘭豆吧，嫩口，咬下去還有點索索聲，口感勝一籌，但味道欠奉。“洋蔥豬肉餃子”，有普通及紫洋蔥，有脆粒粒，增加口感，但湯及味道一般，也沒有太大驚喜。“醉轉彎”，ok，花雕味香醇，雞肉爽口彈牙，色澤金黃，浸的時間和花雕雞汁的調製掌握得很好。還點了個“生菜全走”，沒什麼賣相也沒什麼好寫，但確實是大大盤的，感覺很抵食。加了支豆醬，才每人59塊，平宜！

每次路过就想进来尝一下家乡的点心，今天终于能空着肚子来探访一下，结果有点小失望。馄饨是我至小最爱，但是感觉肉馅太粉，没有鲜香。烤麸偏甜，偏水，不干爽。服务还是不错，希望店家改进一下，让我们在异乡能尝到家乡的味道。

今天路經這裡一帶，不想吃得太油膩，想食得清清地，所以揀了這間餛飩店。一個人加上不是lunch time peak hour，所以很快就有位。坐下不久，仍有不少街客想要進來，但都要等位，有些就叫了外賣，心想真的「咁好食？」結果抱冇希望地叫了一碗10隻白菜淨餛飩加豆漿。豆漿先送到，已有點側目，枝裝豆漿…，算吧，仲乾淨衞生。湯餛飩隨後都送上，沒有希望就唔會咁失望，基本上來講，談不上妳食，湯底是帶有豉油味的，與餛飩唔夾。餛飩都算大粒和足料，但就無肉汁，肉質偏乾…，不過見到隔離位太太叫咗個糖醋排骨又妳次好好味咁，大家可以試下。整體來講，服務不錯，但食物一般，唔係特別推介。

一心想過對面食粥，可惜超多人排長龍，退而求其次，嚟咗呢度食餛飩；見店內坐滿人客，相信都不會怎樣差，又一於試吓！叫了四喜烤麩、白菜豬肉餛飩、韭菜豬肉餛飩及一支豆漿。四喜烤麩～麵筋吃起來軟腍有咬口，咸中帶甜，難怪係熱門推介之一，真係幾唔錯。白菜豬肉餛飩也是推介之一，大大粒，皮薄餡靚，也算不錯；韭菜豬肉餛飩就比較一般啲，雖然已加入蝦仔提味，但可惜韭菜唔夠香，食落總有啲不是味兒。#四喜烤麩#白菜豬肉餛飩#韭菜豬肉餛飩#豆漿#阿芳上海餛飩地址: 尖沙咀白加士街20號永富大廈地舖電話: 23958897