阿詩瑪

營業中

休息中

7:30左右入座三個人去食 去呢間係因為喺我樓下有個職員態度真係超級差有個目測50歲嘅大嬸遞嘢嗰陣超大力差啲將啲湯倒瀉然後佢係成嚿木咁企喺度唔知搞乜又突然去咗門口隔籬嗰張凳坐低企成日喺度睇手機 仲對客人黑面係完全冇見過佢笑搵咗佢幫我哋加單佢篤咗好耐先搵到聽服務員講佢係新人 係咪完全冇新人培訓㗎？其他服務員其實態度幾好 淨係呢個囉菜式一般 但推薦口水雞 如果冇乜特別我係唔會想再嚟㗎囉畢竟我都唔想俾人黑面希望餐廳自己可以培訓一下新人thx

今日跟同事食lunch諗住新開張試吓，12:15pm 入坐，間餐廳裏面人少所以安排3人入座坐卡位，叫咗三個lunch小菜套餐，咕嚕肉、水煮牛，茄子魚，食物唔夠5分鐘已經上菜，D餸所有嘢只係暖，唔稱得上熱，食到咁上下，未夠半個鐘D侍應逐個逐個嚟就想收晒啲嘢，已經講咗好幾次話未食完，跟住其中一個侍應，攞咗個Menu，夾硬迫另外一邊一個人坐嘅卡位話要搭枱，根本係趕客，嘢食已經一般，服務態度極之差差，隔籬茶餐廳都唔會咁樣講客，離晒譜，以後都唔會再去

週五晚同朋友相約去太古城試試新開既雲南菜。 餐廳座位舒適，適合三五知己傾計食飯或者一個人來食碗米線，都唔錯。我最喜歡氣鍋雞湯甜、好味麻辣魚皮惹味、冰鎮黃金耳配Wasabi豉油，口感幾得意滇醬肉絲餅、阿詩瑪小炒王都唔錯性價比高

中午12點前已到，當然只有兩枱食緊午餐，本身想試酸菜魚，由於唔知係咩品種既魚，就問店員啦，店員回覆我: “我都唔知咩魚喎”，然後佢就繼續低頭玩電話，寧願玩電話都完全冇幫我問廚房/其他店員既意思，新開張黎講既餐廳，依度服務真係有待改善。同一位店員，玩完電話，會去拎枱布抹枱，又會送餐，個對手套冇換過，到咗1點爆場個陣，見佢啲手指真係插到入碗米線。最後叫了竹笙雞肉米線，餸既分量足夠，米線幾滑身，不過就偏淋，味道不過不失。