阿部屋日式板燒．豚肉專門店

營業中

休息中

【大埔區】【阿部屋日式板燒．豚肉專門店】我呢排唔係好舒服，所以入咗大埔睇醫生，睇完就去搵啲嘢食。好耐冇喺大元邨個平台度搵食，見有啲時間就上去八卦吓。望到呢間我未寫過，姑且一戰。又咁講，嗰真係平日下午，個頭除咗啱啱放學嘅小學生同埋啲家長之外，根本就冇乜人，間餐廳都係。我入到去叫個「午市之定食」，因為冇下午茶，不過叫嘅係 $58 嘅「香川燒鯖魚」，仲配埋「麵豉湯」、「日式蒸蛋」同「味素珍珠飯」，乜都有得食，呢個價錢都冇得要求啲乜。條鯖魚我揀咗鹽燒，覺得略鹹，本身肉質同埋味道都唔差，係鹹咗啲啫。其實碗麵豉湯都幾鹹，反而個日式蒸蛋就完全冇味，奇怪。嘢飲我飲熱「洛神花蜜」，我自己唔記得叫佢少甜，所以唔係好慣。跟住用 $62 叫碟「鐵板燒牛舌」，仲貴過個午餐，不過質素 okay，冇令我失望。咁樣夾埋食咗 $120，不收加一，係可以嘅。。。（地址：大埔汀角路10號大元商場平台F3&F4號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #globaleats #tas

九龍人入左大埔工作，趁有時間即時搵個地方食個靚靚午餐🥱成日都茶記都食到悶。正想搵間西餐廳食個西西Lunch，點之俾我見到呢間日式店🤩就入去試下佢見到隔離枱塊豬扒😅大到咩都唔考慮，直接一定要試下佢塊厚切豬🐖叫左個炭燒厚切豬扒飯配七味炸雞+凍奶茶豬扒好厚，唔會過熟，有汁，嫩口七味炸雞，正常味，太飽，淨係食左一件整體：價錢合理🤣份量過大😋好味指數高聽聞好似淨係做早餐，午餐同下午茶。香港而家禁既環境，都唔做埋個晚市，証明質素係有實力。支持係九龍區開分店呀😆😆

慕名而來🤤大埔名物--阿部屋豬扒包Lunch都要排下隊，但都算快有得入座。見到機乎枱枱都係豬扒，豬扒，豬扒🐖🐖🐖我地今次就試下個豬扒包配蘋果沙律，另外叫多個汁燒比目魚定食👫🐽豬扒絕對係必食幾乎每個人都會食😀豬排大大件又厚身食落鬆軟有肉汁🤗份量太大，最后只能食晒塊豬扒，塊包放棄左一半😅🐟定食比目魚好滑定食感覺好抵食仲有蒸蛋，麵豉湯配味素珍珠飯🤩有時間再入大埔，必定會再嚟🤣因為俾隔離枱既香蔥油麵吸引左🤣🤣🤣🤣

上次食過...對豬扒先生念念不忘。點解可以塊豬扒禁厚身，而又做到醃得夠味，又熟，又唔乾，又唔柴口？仲要係juice....😍😍禁大塊真係除左太飽會食唔晒之外，應該無可能有得剩🤣放假帶埋朋友仔嚟試下🤗我當然係叫左照燒十勝厚切豬扒包，朋友仔就話試我兩啖豬扒😜佢就叫個芝士火腿牛角包配辣肉醬米粉✅️✅️豬扒包嚟到，塊豬扒大到朋友仔都O晒嘴😆切左兩舊仔俾佢試，食到佢係禁話想轉餐🤭但佢個牛角包都好正，重點係辣肉醬米粉，估唔到除左豬扒，個辣肉醬都好出色👍👍我發覺一定要幾個人一齊黎食，禁就可以大家share咩都食到😎

lunch食個豬扒包都唔錯喎，豬扒豬仔包塊豬扒仲大過麵包，個麵包有嚼口，仲會有淡淡嘅麵粉香味，越嚼越香，夾埋個生炸豬扒，中和得剛剛好，豬扒外脆內嫩一啖咬落去仲會有少少汁，第一啖可以先直接單食個豬扒，可以好明顯feel到個豬扒嘅香味，但係如果可以再夾埋啲酸蘿蔔或者係酸黃瓜就更加好了，蘋果沙律會撈埋啲薯仔泥，帶少少奶香味，蘋果夠曬新鮮，夾埋大紅豆，粉糯，解膩又好味，再飲翻啖凍汽水，Nice一個套餐好頂肚啊。

今日又過嚟食啦，厚切豬扒真係必食，隔一段時間唔食就念念不忘，豬扒飯可以叫切好先上又或者係自己切，我鍾意自己切，因為切嗰陣時可以明顯聽到個豬扒好脆，但係入邊又好嫩，仲會有少少汁，搭配嘅咖喱汁有啲似日式咖喱，但係改良版，帶少少甜但係都會有少少辣，所以唔會覺得膩，最緊要係咖喱汁會另上，食飯真係唔鍾意啲汁撈埋喺個飯入邊，自己撈唔同啦，老龚嗌咗脆香芝麻雞翼湯拉麵，老老實實，個拉麵就比較一般，面嘅韌度唔夠，湯底都比較淡啲，你就當佢係普通嘅面啦，但係個雞翼OK，出邊一啖咬落去會有少少脆皮，但係入邊又可以爆曬啲汁出嚟，一啖好滿足夾埋個芝麻好香，凍檸茶同埋凍奶茶我覺得凍檸茶好飲啲，但係記得叫少甜喎。

工作日來食個午餐，好火爆喔，大排長龍，不過環境幾號，排隊都唔會勞煩，等咗一陣就可以落座啦。我食懷舊經典沙丹厚切豬扒配珍珠炒飯，好大一份先58蚊喔，好抵阿！上邊蓋住滿滿嘅料，大塊大塊嘅午餐肉，金燦燦嘅溏心煎蛋，非常之厚身大件嘅豬扒！豬扒深得我心，一d都不膩，豬扒肉好柔軟，咬落仲有肉汁出來，好好味。炒飯都好味阿，粒粒分明又唔會太硬口，好食！

豬扒拉麵，但係個拉麵係公仔麵嚟嘅係韓國金拉麵，不過煮拉麵都好講究水準嘅，拉麵煮得好彈牙爽口，同埋店家喺入邊加咗少少沙律同埋雞蛋，令到個拉麵上升一個層次，不過主菜梗係係呢個連骨豬扒啦，大大嚿豬扒，煎炸得好嫩，一啖仲可以食到原汁，同埋個口味有啲似豉油味，好味，好開胃，叫餐可以搭配叫山梨完熟白桃汁，呢個都幾好飲喎，清甜，雖然及唔上日本水蜜桃汁咁甜，但係都好OK嘅，同埋個拉麵餐搭配好夾。一個set食都好飽好滿足。

今日休息特登過嚟試吓呢間燒屋嘅拉麵，因為聽啲同事講話呢間嘅拉麵係有啲似中式同埋日式嘅結合品，拉麵湯底對於我嚟講雖然冇日式傳統拉麵咁濃但係都OK嘅，不過前提係因為我口味比較淡，豬骨湯味都好濃，鹹淡適中，入邊個竹筍好爽口，我鍾意，雞翼豬骨湯拉麵焗雞翼係另外上嘅，食雞翼嗰陣時先知點解係要另外上，雞翼出邊脆口入邊好嫩，一啖咬落去啲雞汁係充滿咗你成個口入邊嘅， 口感豐富，同埋個豉油味好香，呢個雞翼完全拍得上出去炸雞舖特登食嘅雞翼，有少少驚艷到，最後再嚟多啖特製菊花蜜，正👍

洋風咖喱汁點招牌厚切吉列豬扒，睇落係正正常常嘅茶餐廳餐，但係食嗰陣時有啲驚艷到，首先係個米飯煙煙韌韌粒粒分明，食落都可以食到米飯嘅米香味，有啲似東北大米🍚，可能我對於飯嘅要求比較高，所以如果個飯嘅質量高嘅話呢我都會覺得呢個餐有加分點嘅，再講吓個豬扒，炸嘅火候係夠晒喉嘅，出面脆口，但係入邊唔會變得乾柴，呢個都要求到個師傅嘅水準會比較高，點埋佢哋個咖喱汁配得啱啱好，因為咖喱汁帶少少甜口，豬扒鹹香味中和到咖喱嘅甜味，呢個餐比較like，另外可以再加$10多一塊蜜瓜，蜜瓜就中規中矩啦，同自己喺出邊買嘅都差唔多，另外一個炭燒豬扒飯就比較唔同，炭燒豬扒有啲似生炸嘅豬扒，成舊連骨真係可以食得出個師傅炸豬扒嘅功力好高，出邊炸得爽脆入邊都可以保留到汁嘅風味，強烈推薦秘製蔥油汁，真係淨係呢度好易食得到咁好食嘅蔥油汁，香蔥味好濃，再加上個汁唔會太油，師傅先知原來呢個豉油係佢哋自己製嘅，並唔係喺出邊求其可以買得到。

呢排有邪惡炸物craving去到邊度都想揾炸物食，呢度嘅後切豬扒包深得我心，豬扒好厚身，肥瘦適中，一啖落去油脂嘅香味一下就爆出來，跟住來嘅系柔軟嘅豬扒肉，軟嫩多汁，調味好有滋味，配上煙韌嘅豬仔包，十分有嚼勁，口感豐富，實在系太好味!一口氣食完用香甜嘅蘋果沙律收尾，太過癮啦!另外一份系炭燒厚切豬扒飯配七味炸雞配秘製蒽油汁，一大盤嘅肉喔，先55蚊，好抵食吖！都系一句話，豬扒無可能唔好食lol，七味炸雞香口多汁，外脆裡嫩，蔥油汁不愧系秘制，香味十足，撈飯食好正！

落大雨唔想出街買餸，奈何肚餓到死就落街來堂食，今日來到唔使排隊，即刻就有得落order。汁燒格陵蘭比目魚配麵豉湯配日式蒸蛋同味素珍珠飯先68蚊，好抵食喔！格林蘭比目魚食落好新鮮，非常嫩滑唔會overcooked,燒汁亦都啱啱好，好有滋味。面豉湯同日式蒸蛋都幾好蒸蛋嫩滑我好中意。沙丹豬扒好大件喔！好香口多汁，煎蛋撈埋醬汁同飯一起食落好正算系好靚嘅一餐頹飯吖！夏日果物系哈密瓜，好甜多汁，作為餐後甜品健康又好味。

今日來商場shopping，結束之後想簡單食個午餐，就揾到阿部屋啦。見好多人推介後就點咗慢煮醬油雞翼香蔥醬油撈麵，加8蚊就可以配凍飲。分量真系好大，配有四個豉油雞翼，嫩滑鮮甜，完全停唔到，一口氣就兩個雞翼落肚！撈面口感好好，唔會太硬，每一根都裹住晒醬汁，唔知系唔系我太肚饿，一啖又一啖，全部扫晒，好味！對於呢個價位嘅餐廳，環境都好唔錯啦！座位都好寬闊，系一次好滿意嘅lunch！

家庭休息日冇人想煮飯就來試下阿部屋，lunch time好火爆a,排隊都要一陣架！三個人點咗兩個撈面，一個飯，都幾好味！我最中意慢煮醬油雞翼香蔥醬油撈麵  53$ ,蔥油豉油醬汁咸淡適中，撈面QQ嘚，豉油雞翼都好入味，嫩滑多汁，好正啊!炭燒厚切豬扒秘製蔥油飯配韓國餐肉煎蛋 55$ 好抵食喔，分量好足，炭燒豬扒非常厚身，但系咬落去一d都唔會難咬，好軟嫩，同煎蛋午餐肉一齊撈埋醬汁，一大啖滿是料嘅撈飯真系大滿足！另外一個撈面系十勝厚切豬扒香蔥醬油韓國麵  58$ 另加10$ 配夏日之果物,都幾唔錯，豬扒好好味，生果揀咗哈密瓜，好甜，一d都冇失望，好味！

同事呢排日日来食午餐，今日我都同佢一起来！我食招牌厚切吉列豬扒飯配洋風咖哩汁，吉列豬扒食得出系厚身的豬裡脊，炸衣香脆，肉質鮮嫩，好对我胃口！空口食豬扒就已經好有滋味，一啖接住一啖，完全停唔到口！猪扒饭嘅咖喱汁亦系我中意嘅味道，猪扒同咖喱汁一齐捞饭食落就系另一個level，好送飯a!食晒真系好饱好饱，美味又抵食吖！