阿里山鐵路便當

營業中

休息中

今天很想飲台式奶茶，所以就走去幫襯附近另一間的台式餐廳 ～ 阿里山鐵路便當。這裏的下午茶餐是由下午兩點至六點供應。下午茶餐牌選擇非常多， 有輕食、小食、麵食、飯類、等等都有，而且價錢都是由$28至$50左右，非常吸引!由於沒有吃午餐的關係，很肚餓，我就點了一個「滋味雙拼下午茶餐」～ 酥炸排骨拼肉鬆蛋餅，再加配一個肉燥拉麵跟熱台式奶茶，價錢都是$50，抵!個酥炸排骨好大塊， 雖然外表好似炸到好乾， 但切開時非常鬆化，而且肉質很嫩，鬆脆可口!個肉鬆蛋餅很特別，蛋皮煙煙靭靭，包住啲肉鬆係裡面，咸咸甜甜都幾得意!至於肉燥拉麵好大碗， 只是加十蚊就有一碗好大碗嘅肉燥拉麵，麵質爽滑， 湯底味道適中，好飽肚!因我不喜歡飲太甜的飲品，所以我叫了一杯熱台式奶茶走糖，味道都不錯， 加上用鐵杯盛載，可保存奶茶的熱度!今天去「阿里山鐵路便當」吃下午茶餐真是有意外驚喜! 味道、服務、環境衛生都可以，而且性價比很高，是一間值得推介的台式小店!

逢甲鹽酥雞滷肉便當嘅滷肉飯，每次食都令人滿足到不得了。滷肉飯嘅滷肉醬汁香濃，肉質鬆軟，同白飯混合得剛剛好，每一啖都食得出嗰種家鄉嘅味道。加上邊嘅鹽酥雞，外皮酥脆而內裏肉質嫩滑，加埋鹹香調味，令整個便當既有口感又有層次。再講講香濃朱古力，無論係作為餐後甜品定係慰勞自己嘅小確幸，都係那麼恰到好處。朱古力嘅香濃度夠，甜而不膩，完美結束一頓豐富嘅餐點。逢甲鹽酥雞滷肉便當，真係一個簡單卻滿足嘅選擇，每一次食都有一種幸福感湧上心頭。无论是忙碌嘅一天之後，定係想快速解決飢餓，選擇佢，絕對不會失望。

今日一朝早要來青衣做野，禁岩見到呢間餐廳唔洗排隊就入去食個早餐再開工😋餐廳坐位闊落，裝修富有台灣🇹🇼特色👍🏻見個早晨全餐幾多野食禁，就叫來試吓😋雖然賣相好似弱左少少😅但確實好豐富🤣蛋餅好軟糯，醬汁微甜，中間包住肉鬆，好味😋腸仔🌭偏硬身，帶甜味，有d午餐肉味，唔錯👍🏻粟米係撈左牛油，但唔會好油，好清甜😊炒米粉係用洋蔥🧅炒，味道唔會好濃，而且真係超大份，食完超飽😆$42有個禁豐富ge早餐都算抵食👍🏻😋

青衣都係另一個出名既美食沙漠🏜️，基本都係連鎖餐廳，不過發現呢間台式餐廳，竟然仲有賣港式早餐😲，附近既青衣街坊終於唔洗淨係食大快活、太興、百分百喇😂特別翠怡街坊仲有冇未食過呢間呀？推薦指數：🐷🐷🐷🐷（5分滿分）（原因：平價高質！早餐到11:30好評！）🥢沙茶牛肉公仔麵 𝐇𝐊𝐃 34（配炒蛋+牛油厚吐司）炒蛋好滑好滑😍，帶有奶香，出色！吐司烘得好脆，牛油味香，上台熱辣辣即刻食好好味😚，另外選擇配台式厚吐司🍞（二揀一）就冇炒蛋，吐司一樣厚度，只係上面搽既醬唔同，所以覺得炒蛋加吐司呢個更正😋。沙爹牛肉麵偏辛辣，公仔麵唔會煮得太稔👍🍽香草雞扒伴蜜味台灣腸𝐇𝐊𝐃 38（配炒蛋+牛油厚吐司）炒蛋同多士一樣好評👍，雞扒煎得香脆，肉質嫩的，台灣腸偏細條，但味道好味，會爆肉汁💦☕️凍特調咖啡，蜂蜜綠茶 + 𝐇𝐊𝐃 3咖啡好濃，帶小小焦香味，好飲！蜂蜜綠茶甜度適中，正常冇特別環境：裝修仿效台灣車站，睇得出有落心機❤️，座位闊落舒服

今日係青衣開工，係附近搵左間早餐店食，見到個餐牌都幾多選擇就入左黎叫左個炸豬骨拉麵配奶油厚多士加凍奶茶雖然叫炸豬骨拉麵但其實係豬扒黎，份量都幾多，拉麵好掛湯，好味個奶油厚多士都好正，外脆內軟👍🏻表面脆得黎好香口至於杯奶茶就爭d，比較淡，奶味茶奶都冇麥🙈建議試其他野飲整體黎講好滿意，而且呢個早餐只係$38，CP值算高🤭

今日同事想食台灣嘢，就揀左呢間公司附近的阿里山鐵路便當。個manual好簡單 A至L，啱曬選擇困難症的朋友仔，因為選擇唔多。其實唔係第一次食，每次我地成台都點L餐,配麻醬味。真係好食，個麵的口感都好ok，唔會太硬，又唔會一夾就爛，至於d鹽酥雞都好ok，唔會油，而且熱辣辣，脆口，yip得個味道啱啱好，正呀！至於個飲品就真係敗筆，除左甜味，真係飲唔太出其他味道，我地已經叫左小甜，都係咁，次次都太甜。overall算係不過不失，65蚊，想要求d咩呀！

Intro: 青衣出名係美食沙漠，而工業區附近其實都有好多人番工架！而附近有一間係食台式嘅便當，午市大約60蚊左右，而呢一日就試佢地個排骨便當～___________________🍽 香酥排骨滷肉便當💰53 ⭐️7.5✍🏻 呢個餐好豐富但都好熱氣✍🏻 滷肉飯嘅魯肉好大粒，肥肉比例少✍🏻 配菜有小蘿蔔、滷蛋同芽菜✍🏻 酥炸排骨嘅肉質唔錯，同坊間比更嫩口，但嫌炸粉過多🍹 香芋奶茶💰 跟餐+3 ⭐️8/10✍🏻 香芋味好濃，真係每啖有芋頭嘅香味✍🏻 而甜度都岩岩好，茶底仲好滑___________________🏠 阿里山鐵路便當📍 青衣長環街4號翠怡花園一座地舖6號舖⭐️ 7.5/10___________________

古早滷豬手滷肉便當（$58）便當份量幾多，除咗主食，仲有3款小食（芽菜、蘿蔔、滷蛋）。滷豬手有5件，夠腍，夠入味，唔過咸，味道不錯。豬手下面仲有不少椰菜，吸哂滷水汁味。滷肉飯，同樣唔過咸，肥肉適中唔過多，好啱送飯食。餐飲，台灣奶茶，偏甜。

𝒯𝒶𝒾𝓌𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒯𝓈𝒾𝓃𝑔 𝒴𝒾成日都話青衣係美食沙漠，果日沿著海邊行左好耐都淨係見到d連鎖餐廳，終於係最後一刻見到呢間台灣野。餐廳裝修滿滿台灣味，有個假既車站售票處，牆上又有鐵路壁畫，加上微黃既燈，感覺温馨。🌟阿里山招牌紅燒牛肉麵 （$60）牛肉非常厚切，而且係有筋果種，煮得好入味。湯底有種好濃厚既藥材味，加上酸菜，我個人幾鐘意，忍唔住一啖接一啖咁飲。不過個我麻麻地呢隻麵，比較似油麵🤣但整體都有驚喜😍😍🌟香酥排骨肉燥乾拌麵（麻醬味/蔥油味) （$62）乾拌麵有大量炸蒜同蔥，非常香口，麵底都係油麵。炸排骨感覺一般，炸粉偏厚同比較乾身。🌟逢甲鹽酥雞（$15）𝘭𝘶𝘯𝘤𝘩 𝘴𝘦𝘵 可以加錢配小食，試下夜市必點既鹽酥雞。雞件比想像中瘦小，食到炸粉多過肉，不過就有𝘥味粉好香口🤣飲品試左🌟古早冬瓜茶同🌟台灣奶茶，奶茶偏淡口，冬瓜茶正常。食食下原來已經二點幾，好多人黎食𝘵𝘦𝘢，個𝘵𝘦𝘢 𝘴𝘦𝘵 價錢好似3 40 而且多選擇，下次可以再試下。📍阿里山鐵路便當 𝐀𝐥𝐢𝐬𝐡𝐚𝐧 𝐅𝐨𝐨𝐝 𝐒𝐭𝐚𝐭𝐢𝐨𝐧青衣長環街4號翠怡花園一座地舖6號舖

叫左台式炸排骨+蒜蓉吐司+台式奶茶 & 阿里山早晨全餐（炸米粉，蛋餅兩塊，蜜味台灣腸，粟米，火腿，牛油吐司）。吐司整得好脆口，醬搽係麵包都好平均講下拉麵先，麵質同湯油麵差唔多，炸排骨食落似瘦豬扒，碎上，味道ok 嘅，可惜咬落好鞋口、好瘦至於早餐全餐感覺好新鮮蛋餅肉鬆餡正台灣腸、火腿、粟米唔多講，個米粉多到好誇張，味道比較淡，有菜絲、洋葱⋯少少配料啦不過食落唔確喉幾好味麵餐$35，全餐$42 本人覺得抵食嘅

今日公司同事叫tea叫對面阿里山，可以手機落打，之後再到樓下拎，好方便！今次我試左杯芒果烏龍，好大杯，但味道方面比較甜，下次穩陣啲，都係跟同事飲黑糖桃膠桂圓茶清潤滋補比較好飲

早上叫左個外賣.真係好無耐,食個早餐都充滿驚喜…差啲要入廠.事原我打電話叫左下面個外賣:早餐沙爹牛米粉炒蛋+吐司熱港式奶茶食左件吐司燶左都算啦…食食下個沙爹牛米粉就真心有驚喜啦…咬落去卡左一聲,吐出來檢查一下先發現,額外附送尖膠粒...之前食過有骨都算, 今次真係太過份.碗米粉食食下有粒硬野, 依家牙又痛,脷又損...大家食嘅時候都最好小心啲,唔好因為食個早餐就要去醫院.自從這次的經歷之後,應該都唔會再幫襯里間店舖了,食物安全應該是最重要的吧…

今日經過呢間鋪頭，比佢門口既裝潢吸引左，佢間鋪既主題係用左台灣車站黎設計既，所以入到去好有旅行感啊！唔洗講，我諗大家都一定估到係食台灣野。我地叫左幾樣野黎食：阿里山燒雞腿便當$58呢個有魯肉飯係度，都唔錯，燒雞腿都OＫ好食醬燒豬軟骨肉燥乾奉拌面$64呢個我地叫左蔥油拌面，但比想像中甜，豬軟骨幾好食，但個拌面同個汁唔好食，太奇怪，太甜啦蔥油淋青菜$25呢個就正正常常，無乜特別老街綜合老味小拼盤（老蛋、老雞翅、老豬耳）$42 有驚喜，因為前面食左個唔好食，驚老味都唔好食，所以預期值自動波減低左，但反而咁樣，覺得更加好味。個豬耳老到勁冧勁入味，如果下次有機會再試，我一定會單叫一碟豬耳！正！凍胚芽奶茶$13

平時都有試過，單單未食過晚餐；一試永難忘，難食都爆！1）沒註明係凍嘅鹽水雞，冰冰凍帶雪櫃味，碗飯又濕又有煲焦但係室溫，咁情況點送得下啲冰雞？2）蚵仔煎，又腥又薯粉 難食到4格都嫌多，$62⋯⋯實在食唔落，經濟咁差情況但浪費我都要走，唯有去第二度再食。其實做街坊小區生意，完全唔期望有驚喜好好食，但收咁價錢都至少唔難食讓我哋小市民飽肚回家休息，咁基本都做唔到，點解要經營食肆呢！係你地唔用心煮食令到啲人去連鎖店大快活、太興….幫襯。

位於青衣既依間阿里山鐵路便當都係主打街坊生意，普遍都係附近既人去食，而今次就入去食個晚餐啦～一入到去都覺得空間都幾大，同環境都尚算乾淨，而今次就係食晚餐既，佢有啲台風熱炒，類似小茶果款，而今次就叫左幾味菜，包括京蔥炒牛肉，辣子雞丁同炒回鍋肉～首先京蔥炒牛肉一上枱個份量都正常，牛肉既份量都幾多，炒出黎鑊氣都夠，食落牛肉味道都幾重，感覺似係落得太重手既調味料，以蓋過牛肉既雪藏味。而辣子雞丁同炒回鍋肉都係有同樣既問題，就係廚師比較重手，食落都覺得有啲太咸，但整體而言味道都係還可以的～總結嚟講，呢間餐廳味道都正常，唯一係比較重口味小小，不過以主打平民路線既餐廳都算可以接受，附近經過的話都可以去試試～