阿里朗韓國餐廳

營業中

休息中

今次再去食,叫咗燒鯖魚跟一碗白飯同湯。都幾大條,肉質同味道最唔錯啵,可沾附上的檸檬（汁）再食👍食咗半條已經食完成碗飯😆可以比大碗啲🤣跟的那碗湯就只喝了一啖,味道有點怪,所以冇飲🙈餐前小碟配菜還是薯仔最好味

印象中之前食過一次,都好多年前,仍然喺度,附近啲餐廳都轉手不少,阿里朗算幾勁落完單就有六小碟來了,感覺豐富,最中意件甜薯仔😋之後好快我地嘅主食就到了今次吃豆腐湯煲,飯腳吃海鮮豆腐湯煲,我地叫得好似🤣而家我地都唔食得辣住,可以叫唔辣,真好我個豆腐煲有好多豆腐,豬肉碎,原來仲有隻窩蛋喺啲葱下面🫢味道都正常發揮,送飯係唔錯,不經意就成晒成碗飯🤪最後仲有雪糕糯米糍做甜品btw,值得一提係今次接待我地嘅每個服務員都好好

係灣仔區食lunch 好多餐廳都要等位，但呢間韓國菜位於樓上鋪，基本上一入去就已經有位，而且餐廳空間都算大，好適合大夥人既餐廳🥰呢度食飯好有韓國特食，有前菜，主菜，甜品。lunch set menu 都有好多選擇，而且佢仲有燒肉餐，價錢都差唔多🤗同兩個友人去食，前菜有7種唔同款式，而且味道都好好味，好有韓國既味道，重點推介前菜必食薯仔😋😋 薯仔又淋又入味，大讚👍🏻👍🏻到主菜出場了，辣牛肉絲湯😋飯用左珍珠米👍🏻👍🏻 啱晒我口味，食過珍珠米真係番唔到轉頭辣牛肉絲湯冇想像中咁辣，所以唔食得辣既朋友仔都可以一試，好惹味😍 牛肉夠淋夠入味，而且份量又多，鐘意食蔥既朋友更加要同你哋大推呢個🫶🏻呢個差唔多成碗都係唔同類型嘅蔥🤩🤩食完前菜同主菜之後仲會有甜品，習員見差唔多食完就會送上迷你雪米磁，為呢餐韓國菜畫上完美既句號

呢期去開書展，又怕多人，就搵咗間灣仔近電車路要上樓嘅餐廳。呢間餐廳d檯都幾大，幾個人去食都好夠空間，向香港嚟講實屬難得！Order完就上咗一堆前菜，有青瓜、菠菜、芽菜、泡菜、豆腐、南瓜、薯仔呢d，豆腐同薯仔幾好味，其他都正正常常。呢度最開心嘅係可以再添多兩小碟。🥩🍜砂鍋牛肉粉絲 ($118)雖然天氣炎熱，但太鐘意韓國粉絲，砂鍋都照叫啦🤣 牛肉好多而且同個湯底一樣甜甜地，粉絲索咗d湯汁好出色😋😋另外仲有d蔬菜🥬向入面。不過Yummy就略嫌佢太甜，唔敢用佢個湯汁撈飯食😂怕肥死。 白飯用咗最愛嘅珍珠米👍👍食完仲諗住走人之際，點知仲有放題嗰種雪米糍（雲哩拿味）🥰🥰🥰開心

今日同朋友揀咗呢間韓國菜食lunch。呢個地方夠晒大，lunch set都係$100到$150內，亦都有一人燒烤套餐。不過我哋就決定叫番啲傳統嘅韓國午餐首先佢哋上咗六碟小菜，之後呢我哋點咗韓式泡菜牛肉飯，Bibimbap真係非常之好食。之後點咗韓式牛尾，份量都幾多㗎牛尾嘅味道亦都非常之濃郁。最後我哋加多份海鮮豆腐湯。I went to lunch in this Korean restaurant. The restaurant is very spacious. The lunch set menu is very well valued. The food quality is very good. I really like the Bibimbap

大肚腩平時都幾鍾意食韓國菜，尤其係唔同種類嘅前菜。呢間餐廳提供左七款小菜咁多，啱哂每款都想試少少嘅我🥰🍚韓國石頭鍋拌飯石頭鍋飯上鋪左蘿蔔、菠菜、木耳、芽菜、青瓜、紅卜卜嘅肉同埋一隻未熟嘅蛋🥚五顏六色，外表十分吸睛一上就聽個鍋發出咋咋聲超級熱辣辣，即使我已經即刻撈個飯但係仍然會有飯焦，令到個飯有焦香味同脆脆地嘅口感，咬落幾有質感😜拌飯本身未有預先加入調味料主要係靠拌菜嘅味道當然佢提供韓式辣醬同埋麻油🧉可以自己隨心添加再撈勻不過可能因為我加得唔夠，個人覺得味道比其他地方食嘅清淡亦都算係較健康嘅味道😌

泡菜湯中除了豆腐、菜肉餃子外，還有年糕及小排骨，材料豐富，辛辣美味生牛肉拌飯 - 一顆顆分明的珍珠米飯，拌上生牛肉、蛋黃及不同的香料及蔬菜絲，沒有肉的酥味我覺得滑豆腐免治辣湯煲配白飯是最好食的.湯味道有點鹹和辣, 好彩有白飯中和.一口飯, 一口湯, 的確唔錯.不過不食辣和不喜歡鹹味的人, 可能對這個湯不太感興趣.我個人覺得真的鹹了一點點.

「阿里朗韓國餐廳」，細細個就聽過呢個名，以前一度以為係台灣菜，可能同台灣嘅阿里山差唔多😂 既然咁屹立咗耐，對佢都有啲期望。環境座位幾舒適，而且店內嘅韓國裝修，幾企理。不過以呢個價錢，有更多更好選擇。午餐嘅選擇幾多，有湯、湯麵拌麵、燒魚、飯盒。==============================前菜味道不過不失，韓國餐廳常見嘅款式豆腐湯煲 $98上菜時熱辣辣仲滾緊，不過香味唔濃，入口好淡好稀，冇平時其他餐廳飲到濃郁有辣度嘅感覺。除咗豆腐，仲有好細隻嘅蝦、蜆、八爪魚仔，呢幾款海鮮都腥🙁 裏面嘅豆腐夠滑，唔散開。辣醬炒年糕 $98辣醬都係好淡，唔香又唔辣，唔能夠掛汁，而且年糕唔煙韌，一咬就斷開，失望😞 同年糕一齊上枱嘅湯，只有鹹味冇其他味道😅午餐嘅甜品 — 維記雪米糍==============================阿里朗韓國餐廳📍灣仔軒尼詩道314-324號 W Square 3樓

靚太朋友帶埋囡囡約咗Be呢個韓迷食lunch❤️好sweet咁訂好哂位揀咗去食韓國料理!!太明白我啦！可能已經估到Be思鄉到就快思覺失調😂😂入座被安排咗坐闊落嘅卡位！舒舒服服落好單食住滿枱伴菜等啦！. ⭐ 韓式海鮮蔥餅 $120其實就好似細個好鍾意喺酒樓食嘅"薄撐"😝不過呢個係韓式高級版！有海鮮粒同大葱！餅底軟糯但餅邊香脆！好食！！.⭐凍豆漿冷麵 $140呢個凍冰冰嘅冷麵一食就暑氣全消😀不過感覺豆漿係無任何調味！啱想食清清哋淡口嘅人士！.⭐牛肉炒粉絲 $98 （午市套餐）附柚子蜜其實叫餐係化算好多😉而且份量一啲都唔細！而且炒得夠惹味又材料豐富！.⭐烤牛肋骨 $180散叫都要燒吓肉架嘛😍😍果然無叫錯！醃得勁入味嘅牛肋骨烤到轉咗色就好即刻夾起食！又香又軟！一如預期超好食👍.⭐炆牛尾 $108 （午市套餐）附柚子蜜汁料好好味道！啱哂送隨上嘅白飯！牛尾細細件炆得又腍！滋味兼好易食！.食完飽飽韓籍經理仲送上『傳統紅棗茶』做甜點😜下次同韓國友人再嚟！

其實我真係好中意食韓國野，咁耐冇去韓國旅行真係好掛住d食物😭 最近發現原來灣仔有間樓上嘅正宗韓國餐廳，就決定上黎試下！黎食韓國菜點可以唔食燒肉呢！實在太多選擇，我同朋友叫左一個燒肉拼盤，拼盤有4款肉，牛肉，豬肉，雞肉同羊肉，真係非常豐富！除左肉之外仲有配菜，有泡菜，豆腐，芽菜等！拼盤上嘅肉非常新鮮，唔係雪藏左好耐好硬個種，真係非常高質！講講我自己本身其實唔太食羊肉，但呢個羊處理得好好，只有好少嘅羶味，okay喎😍 另外牛肉同豬肉嘅肥膏部份好少，所以燒完唔會有好油嘅感覺，而且肉質鬆軟，真係好食🙌🏻 個種韓式嘅燒肉味真係好有親切感😂 有呢種味先有真正嘅韓燒感覺😍另外我地仲叫左個魚子湯煲，呢個菜幾特別，平時係其他韓國餐廳都冇見過，就一於試下啦😍 一黎到就聞到好香好香！湯底微微辣，撈落個飯度食真係好過癮🤤 湯煲嘅配菜都好足料😍 有菜有菇有豆腐🙌🏻 辣度啱啱好，唔會掩蓋左魚子嘅鮮味！魚子唔林唔硬，食落嘅口感幾特別🤤 雖然係魚，但完全唔會有腥嘅味道！唔太好腥味嘅朋友 (我) 都一定會中意🙌🏻 而且魚子份量都幾多！我同朋友每人都食左3-4條魚子🤣呢餐我地真係好滿足🤤 期待可以再快d再去韓國食好西🥰

♥️阿里朗韓國餐廳好出名，歷史悠久，之前都有居港韓國朋友介紹我來試下，今日終於約咗朋友同帶埋囡囡嚟食lunch😋😋😍餐廳環境佈置雅緻，好有韓國地道風情，部分店員係韓國人，個個店員幾nice。我地獲安排靠窗卡位，寬寬舒適😍 🍽️凍豆漿湯麵$140🥰呢個冷麵好岩夏天食， 豆漿湯底清新，仲有唔少黑芝麻粉，味道香濃，冷面亦爽口彈牙。🍽️烤牛肋骨 $180去韓國餐廳一定要試下燒肉，呢份牛肋骨肉肉質嫩滑，而且好入味，非常好食，眨下眼就清曬。🍽️ 韓式海鮮蔥餅(細) $120好香口，小朋友都鍾意食👍🍽️牛肉炒粉絲$98午市套餐幾抵食，粉絲炒得有鑊氣，配料多，有木耳牛肉蔬菜絲等。🍽️ 炆牛尾 $108甜甜地，牛尾夠淋，用嚟送飯一流👍

天氣熱辣辣嘅時候，有時真係冇咩胃口。轉個口味？當然要有啲新意！佢哋嘅🔥湯鍋已經有好多選擇，除咗經典部隊鍋之外，我哋仲點咗少見嘅特色選擇，果然真係有驚喜😍🐙八爪魚牛腸鍋野味泡菜湯底鮮辣開胃，配料除咗經典牛腸，仲有大大隻八爪魚，牛肚，金菇...超豐富！韓式即食麵更可以索哂香濃嘅湯汁，條條都咁入味🤤🐷豬腩肉辣菜包燜得軟熟，肉質甘香，好鍾意面頭嘅豬皮，煙煙韌韌，骨膠原更豐富😋生菜夾埋微辣泡菜，入口爽脆之餘，食起身肥而不膩💓靠窗位仲可以望住街景，一邊欣賞一邊食，特別relax滋味🏙@ariranghk 阿里朗韓國餐廳📍灣仔軒尼詩道314-324號 W Square 3樓

Dear Readers,Been here since it opened back in 1984 in Harbour City. The Owner Ms. Chang was always to attend and greet Guest.We been at the Kowloon Branch so many times couldn't imagine there is no more Kowloon SideAny how the  Good Friday visit was a Splendid Lunch indeed. My whole Family still have many memories of this place .  Taste from past years over the Recipes were so ditto and unchanged , we are so Happy for  this Visit.Notice many old  Staff been changing and retiring but always happ

Ordered Marinated Double Size Special Short Rib for a whopping $430 HKD.  What in the hell are they thinking?  The food was ok, maybe a bit bland.  Have had lots of Korean food before, was a bit startled by the price here but winged it with a new trial.  Fail.portions were minimal both on the Short Ribs and the "salads", ie, Kimchi etc.  Whilst I like to support the Hong Kong community with my patronage in the wake of COVID-19, this establishment's pricing is nothing short of a shakedown.  Will

呢個餐第一次食嗰陣已經驚豔到我！我鍾意食牛肉，食過好多間韓國菜餐廳，但係好多次嘅結論都係又乾又柴，令我本身已經對韓國菜餐廳嘅牛肉失去信心😂點知阿里朗真係完全顛覆我嘅睇法😍食set lunch見到大部份價錢都係大概80至100，另一面餐牌價錢貴啲，係便當，睇落非常吸引，所以就揀咗個烤肉便當，因為又有粉絲又有飯又有牛肉，一餐滿足晒三個願望，唔使再心思思揀粉絲定飯，仲有勁多配菜，完全滿足各種味蕾。便當每部份份量都非常之多，符合價錢預期😂除咗量多之餘質素都好緊要！試咗啲配菜先，味道全部都恰到好處，估唔到仲有罕見嘅小魚干，超香口！送飯包你食到唔停口。重點來了，啲配菜好味到我忍唔住食晒啲配菜撈飯先開始食我最愛嘅燒牛肉同炒粉絲，牛肉仲係熱辣辣，好評！可見佢係真係即燒俾你而唔係好似好多餐廳咁散熱一下個「炒」出嚟嘅牛肉就算👍🏻👍🏻👍🏻，除咗熱之餘最令我驚訝嘅係佢真係好軟好嫩！！又香口，調味又超合我心意，既濃香又帶點甜味😻，真係好驚喜，好多餐廳嘅烤牛肉或者燒牛一係就好似我上面咁講嘅求其炒下翻熱俾你就算，一係就煮得過老。飯後仲送過糯米糍甜品添，其實淨係個便當已經有理由令我做回頭客啦😍，雖然價錢係貴啲啲不過物