阿麥廚房 (已結業)

加路連山道有幾間別緻餐廳，呢間阿麥廚房，前身係阿麥書店，講起阿麥廚房原來在銅鑼灣區長大嘅同行友人都有少許印象！今日來到這間餐廳文清氣息已不多，只見門口有詩意的poster，以及一個飾櫃。意想不到嘅竟然佢餐牌內有乾坤，鵝肝都喺度發現到而且又香又Juicy相比下三文魚沙律失色左呢，但配上黑魚子蛋白算特別黑松露菌忌廉湯，龍蝦湯好creamy. 豬手原來切好了, 不用自己動手，皮脆肉嫰。海鮮意大利飯，真材實料，恰到好處. 最後來個唔知係乜的Study coffee, 原來係咖啡上面打cream，普通咖啡都來個花款，令人難忘，可能呢個就係生活態度

晏晝一個人出銅鑼灣，行行下有d 肚餓，醒起上次睇中但full booking 所以食唔到既Mackie Kitchen.Set lunch 幾抵食，大約$90 加一 就有個正常既西餐食下。餐湯不過不失，蒜蓉包夠熱夠脆。今餐我揀左海鱸魚拼意粉，雖然d 汁冇直接淋係魚上面，但上餐時魚皮已經有少少稔左。而魚肉有少少過熟，有d 鞋口，但總比唔熟好。反而個紅椒忌廉汁唔錯，有種酸酸地既感覺，好清新。順帶一提，個跟餐意粉有d 過量，食唔晒，個汁又唔夠多。成個餐既重心去左意粉到。另外，鋪頭明明有好多位，都係安排我坐係柱旁，成餐都食得唔舒服。

M佬今日早咗收工，所以佢去銅鑼灣行吓街，順便搵定食咩，搵好位再等我嚟。結果就send咗個地址同餐廳名俾我，原來今晚去銅鑼灣加路連山道9號食阿麥廚房，行到去加路連山道兜嚟嚟去都見唔到阿麥廚房嘅，原來我已經路過幾次，佢店面以Mackie Kitchen示人，想去食嘅朋友要留意喇。餐廳設計幾靚，好有情調，而晚餐嘅Dinner set有前菜、湯、主菜同飲品。大蝦占米多大蝦大大隻，大廚細心起肉同切粒，蝦肉爽口彈牙，加上有蘑菇粒做配料，以蝦膏為醬汁，好好味！香煎法國鵝肝配焦糖酒醋藍莓鵝肝係其中一個必食之選，外層煎得香脆，油脂十足，入口即溶，配上焦糖酒醋藍莓可以減輕鵝肝嘅油膩感！黑松露菌忌廉湯 & 蟹肉南瓜忌廉湯黑松露菌忌廉湯既黑松露十足，味道濃郁，好creamy！而更驚喜係蟹肉南瓜忌廉湯，絲絲嘅蟹肉配上超鮮甜嘅南瓜，好濃原好香好滑。德國式燒咸豬手餐廳嘅鎮店之選，豬手外皮脆卜卜，而肉仍然係好滑嫩，醃得入味，重點係肥膏唔多！大廚已細心將肉切件，夠晒方便，想味道更出，可以加埋bbq醬！而碟上仲有薯條同沙律菜，好豐富。西班牙海鮮燉飯即叫即煮，夠晒熱辣辣！用料有菠蘿、青口、帶子、鮮蝦等，味道酸甜微辣，層次豐

朋友準備結婚,所以去佢屋企準備婚禮上既用品,做下做下,由早上做到黃昏,我們都開始肚餓,所以佢帶我去佢話水準好高餐廳慰勞一下我!!餐廳雖然在鬧市附近,但位於比較寧靜的街道,令人有一種遠離繁囂,舒適悠閒的感覺!餐廳內裡暗暗地既燈光,浪漫又有氣氛!餐廳主推Setdinner,各種肉類,海鮮,飯或意粉都有!主菜選擇很多,諗左一陣決定升級前菜和餐湯,主菜就選擇<香煎帶子配黑松露忌廉野菌扁意粉>和<德國式燒咸豬手>!<香煎法國鵝肝配焦糖酒醋藍莓>鵝肝外層煎得很甘香,內裡好像牛油一樣在口中溶化,有著外脆內軟的雙重口感,焦糖酒醋藍莓和薄薄的脆包一齊食,味道一流!!<大蝦占米多>我一直都估唔到占米多係咩,原來係將大蝦起肉後,放上菇同洋蔥粒,再加忌廉汁整成的!!蝦肉好大粒,肉質爽口彈牙,蝦頭的蝦膏仲好多!!真係食到津津有味!!<黑松露菌忌廉湯>湯上的黑松露醬好多,十分搶眼!撈埋一齊令味道更香濃!!而且每一啖都食到好多菇粒!口感和味道都不錯!<蟹肉南瓜忌廉湯>煮得濃稠,入口香滑濃郁,味道亦鮮甜清新!!湯裡有好多蟹

約左朋友銅鑼灣食飯，見這餐廳評語不錯就來試試。我地今晚叫左兩個dinner set。沙律升級做香煎法國鵝肝配酒醋藍莓同埋煙三文魚黑魚子蛋白沙律。鵝肝煎得好香，一點羶味都冇，入口即溶，配上香脆小多士減低油膩感。酒醋藍莓好有酒香，藍莓吸收了酒醋很juicy,食完鵝肝食這藍莓很開胃。煙三文魚黑魚子蛋白沙律亦不錯，煙三文魚切粒，份量不算少，黑魚子不腥有鮮味，配上蛋黃醬沙律菜很清新。湯方面我地都升級左做蟹肉南瓜忌廉湯同埋龍蝦湯。南瓜味很甜，有少許蟹肉，這湯南瓜絕對係主角。龍蝦湯很香濃鮮甜，有一件爽口龍蝦肉，加上忌廉令湯很滑身順口。跟湯有一件蒜蓉包，焗得很香脆惹味。主菜方面，菠菜忌廉煙三文魚意大利粉，忌廉汁creamy,煙三文魚有煙燻香味不腥，意粉質感不過淋過硬，配上的BB露筍和菇類亦鮮嫰。燒紐西蘭西冷配牛肝菌汁（7安士），我地叫左7成熟，牛扒燒得有水準不會過熟，牛肉味濃，配上牛肝菌汁更可提味。配菜就有翠玉瓜、西蘭花、車厘茄同埋薯仔。跟餐餐飲亦不會馬虎，我們選了study coffee同埋熱朱古力。咖啡造型特別，朱古力亦有拉花。

朋友M本來book左cwb某素食餐廳同我提早慶祝生日，不過後來發現間餐廳只可以比我地坐1.5小時，佢上次試過真係夠鐘就被人趕走，連叫左既甜品都要好急咁食完即刻起身！今晚我地唔係想咁趕喎，所以就決定轉場，朋友M揀左呢間有好多好評既阿麥廚房。我幾鐘意幫襯加路連山道附近既食肆，呢個範圍好似同cwb鬧市感覺好大分別，適合放工之後輕鬆傾下計。餐牌係需要少少時間學睇架，因為佢一面係主菜同甜品，另一面係前菜同湯，其實係成個full set dinner黎既，只係種類比較多所以分開左黎寫。凱撒沙律係對版既，有齊爽脆既生菜、煙肉粒、麵包粒、少量芝士碎同埋Caesar dressing，係一個fresh start。湯可以揀青豆湯或者羅宋湯，我一直都唔係pea soup既fans，覺得佢太膩同太飽，所以揀左後者。配料甘筍、洋蔥、番茄、西芹等等係切粒架，感覺幾可愛，亦都唔會飲到拖住條菜咁樣 XD配湯既蒜蓉包正正常常。主菜我地叫左兩個share，一個係牛肝菌意大利飯，另一個係pork spare ribs。牛肝菌意大利飯好夠味，牛肝菌味濃，有一條條既牛肝菌混入d飯度，飯粒硬度偏硬少少不過都仍然係討好既硬度，中

今個月朋友生日，就約好了出來食飯慶祝，朋友喺銅鑼灣做嘢，所以就去返銅鑼灣搵地方食飯。朋友姓麥，咁啱上網見到呢間阿麥廚房，個名真係改得好好，一定要去呢間🤣呢度環境燈光較暗，好有情調又浪漫，我覺得都好啱二人世界。今晚叫左套餐，前菜是香煎法國鵝肝配焦糖酒醋藍苺，真係非一般的前菜，鵝肝配酒醋個味道又好夾👍煙三文魚墨魚子蛋白沙律就好清新；龍蝦湯、蟹肉南瓜忌廉湯都好大碗；主菜黑魚子海膽麵包蟹意大利飯，係成隻蟹蓋一齊上嘅， BBQ烤辣味西班牙豬肋骨好大條，仲有個薯條好香口！成個套餐大部份都係海鮮，啱晒我朋友！

我都幾鐘意加路連山道一帶的餐廳，環境特別安靜，我特別喜歡阿麥廚房，環境和食物都很不錯！侍應親切友善，餐廳燈光柔和，氣氛浪漫~有不同的Dinner set，前菜，湯，主菜，一杯飲品，很豐富！小食和餐湯可以加錢升級！我們都升了級！大蝦占米多的虎蝦好大隻，已經起肉和切粒，吃起來好方便！配料有有蘑菇粒，混和蝦膏醬汁，蝦肉爽口彈牙！很喜歡香煎法國鵝肝配焦糖酒醋藍莓，鵝肝邪惡都要吃，外層煎得香脆，滿滿油脂香氣，入口溶化，藍莓醬可減輕鵝肝的油膩感！黑松露菌忌廉湯的黑松露味很濃郁，很creamy！我好喜歡這個蟹肉南瓜忌廉湯，南瓜的清甜，湯裡面有蟹肉，很香的南瓜味，很滑的忌廉湯~黑松露麵包蟹意大利飯好惹味，蟹殻內藏著creamy的意大利飯，還有很多黑松露可以伴飯吃，飯粒軟硬適中，好入味！德國式燒咸豬手，這個是必食，豬手外皮脆卜卜，又不油膩，中間不會有厚厚肥膏，豬手的肉醃得很入味，十分嫩滑！肉都切件起了，方便進食！有好多調了味的薯條，每條都好香脆！這個份量倒是大，喜歡吃肉的朋友不要錯過哦！最後還有餐飲！這裡的set dinner真的很不錯！

阿麥廚房．．．很早之前已聽過它的名字，當時同事為了與女朋友慶祝生日，在我面前專登提前訂位，我好奇下查了下openrice，哇！幾百個like，相信它有一定的實力之餘，留下了深刻印象！它是位於銅鑼灣加路連山道的小店，適逢SOGO週年大減價，順道過去碰碰運氣，幸好提早過去，這裡差不多晚飯時間就高朋滿座了。餐廳有著粉紫控最愛的顏色，沒有繁複的擺設，低調優雅，柔和燈光下綻放浪漫的氣氛。這裡通常叫套餐，即使upgrade湯及小吃，結賬人均也只是三百多元，是性比價高、較便宜的選擇，餐廳提供意粉、意大利飯、扒類等，我倆左加右加，款款都有叫，樣樣都有得試，等待時挺期待這回豐富的晚餐。大蝦占多米 + $58如手掌長的大蝦，肉質彈牙，蝦膏鮮味突出，應該是大廚將蝦肉與磨菇、洋慕及忌廉汁拌勻再焗，灑上蝦子，既Creamy，味道又變得豐富起來。煙三文魚黑魚子蛋白沙律  +$58黑魚子新鮮爆汁，與大蝦占多米一樣，鮮味突出，沙律醬汁及蛋白非常香滑，煙三文魚有濃濃的燻香風味，口感煙韌，配合爽脆沙律菜，味道出奇地清新，原來「大家」可以相處得很融洽。蒜蓉包香脆好吃，充滿濃濃的牛油香~~~黑松露菌忌廉湯 +$48真材實料，

今晚要和知己好友慶祝生日，所以早在一星期前，特意訂了在銅鑼灣阿麥廚房，貪佢食物高質，環境又有氣氛。我和好友都分別點了晚餐，包括有前菜、主菜、湯和飲品，十分豐富。由於係生日飯，所以有啲嘢食都想加錢食好啲！餐湯我們分別點選左南瓜蟹肉湯同黑松露磨菇湯！南瓜蟹肉湯的南瓜非常新鮮，而且是超多蟹肉，每一啖湯都令人好滿足！另外黑松露蘑菇湯都充滿奶香，令人飲完再想添飲！前菜我們點選了大蝦占米多，廚師好細心拆咗啲蟹肉，所以食用非常方便，蝦肉爽口彈牙，認真不錯！另外還有香煎鵝肝配焦糖醋藍莓，鵝肝入口即溶，真係好好味！主菜是我們點了餐廳的招牌菜-德國食燒鹹豬手，豬手皮脆卜卜，再配埋香脆嘅薯條，認真一流👍🏻! 我哋仲叫咗個香煎帶子配黑松露忌廉野菌扁意粉，帶子大大粒，爽口彈牙！估唔到兩個人都可以吃清光。飲品方面，為咗好瞓啲，我選擇了vanilla milk，味道好香，幾特別！而我朋友點選cappuccino ，上面的拉花簡直為今晚的生日慶祝畫上了完美句號！

有日去銅鑼灣上堂，見夜就食埋晚飯先走喇。行下行下去左呢間 Mackie Kitchen. 見幾有格調，就入去試下。座位幾舒服，唔係好逼果種。店員推介佢地嘅豬手同海鮮飯，話好多人鍾意。open rice 一下，真係大部分人都係推介呢兩樣。咁我地無咩ideas, 就試下喇。🍵餐湯：黑松露菌忌廉湯（我向來鍾意食菇同埋黑松露果種香味。佢應該係用雜菌攪爛嘅，咬落啖啖都係菇嘅香味！我個人好喜歡）🍵蟹肉南瓜忌廉湯（我試左友人兩啖。南瓜嘅香甜同蟹肉好夾，呢個比黑松露較為清新）🍤小食：大蝦占米多（個醬幾特別，配合埋洋蔥粒，啲蝦肉好爽口）🐽主菜：德國燒豬手（皮脆肉嫩。唔係講笑。我平時好怕食豬手，驚佢乾。但見到好多人都點呢個就試下。啲肉真係仲juicy 架。旁邊啲薯條都好飽滿。熱辣辣！）黑松露麵包蟹意大利飯（麵包蟹本身都好大隻好睇得。第一次試用黎整risotto . 又幾好味喎。都好多蟹肉，同埋份量唔會太多，啱啱好）Staff 都好helpful。上菜又快。值得推介。

有次上網搵飯食揀中呢間，當時夜晚8點【見到佢喺網上寫收10點先照入去食】點知佢話8點15分last order。唔緊要，照叫野食，當晚服務員態度都可以接受【本人唔須要太熱情既招呼，只希望正常】食物味道同品質其實都好好，又岩口味食材都新鮮。需然碗碟都崩。anyway，呢日之後既一個月我再去，當時5點15分到店想食晚餐【係早左d】。個4眼女店員話5點30分先開始【其實佢態度係非常惡劣，兩次嚟到都只掛住玩電話又西面】甘我地打算等一陣再order。叫佢拎manu又是旦拎一個嚟打發我地，之後有個疑似阿頭定咩人話6點先開始。。。都係一直同人吹水冇理會我地，後來我地決定走，唔會再踏入呢間野半步

同事話公司附近有間西餐廳好好食，於是今晚就帶左我去試一試!阿麥廚房位於加路連山道，呢條街其實都好多唔同既好食餐廳，而這間餐廳淨係門口已經俾人一種好浪漫既感覺。同同事兩個人大概6點半左右到達餐廳，已經有一枱客人享用緊晚餐了，記得大概7點幾已經有好多人到餐廳食晚飯，絕對唔係少人食!我們二人安排坐4人枱，餐廳不算好大，燈光柔和，每枱都有一個小蠟燭點綴，而且佈置令人有置身於外國的感覺，很舒服!我們點了兩個set dinner，還加錢升級食鵝肝、大蝦同飲靚湯!加$58升級了前菜香煎法國鵝肝配焦糖酒醋藍莓，鵝肝煎過後味道很出，多士脆卜卜，兩者配埋一齊食好有口感，再配埋焦糖酒醋藍莓汁醬一齊食，油膩感即時減少!而且還有配了黑醋既沙律菜，頓時感覺清新!加$58升級了第二份前菜大蝦占米多，上菜時見到個樣已經覺得好好食!大蝦已經整開了殼，蝦肉已切成粒狀，再加埋蘑菇、洋蔥同埋應該係用蝦膏整既醬汁，非常爽口彈牙而且惹味!這個前菜一樣有黑醋沙律菜食，很健康呢!兩個餐湯都各加$48升級，先有黑松露菌忌廉湯。黑松露味非常濃郁，湯裡面仲有打碎左既蘑菇粒，好有口感，味道層次豐富!另一個湯係蟹肉南瓜忌廉湯，南瓜好濃，蟹肉亦

點解會去食：2018-10-29:今晚好想去銅鑼灣行街食物新鮮程度：⭐️⭐️⭐️即叫即整，個Risotto 雖有少少偏硬，但調味還是不錯的！食物合適溫度：⭐️⭐️⭐️⭐️感受到佢個廚房嘅熱情食物驚喜程度：⭐️⭐️⭐️⭐️個湯竟然有蟹味，忍唔住飲晒—————————————————服務員態度：有個男侍應，在我掉左張tissue之下，即刻走埋黎補返比我，回應之迅速，實在驚嘆！—————————————————最重要係。。。我會唔會再去呢？重遊指數：⭐️⭐️⭐️以上評分標準以⭐️⭐️⭐️⭐️🌟為滿分

經過一輪地獄式的生活後，今天終於重見光明！光明之路當然要有美食伴隨，同老公係CWB附近的小店試試吧！這間店，我地成日都經過，郤發現很少幫襯！回想拍拖的初期，也常常經過這裡的(n年前了！）食物，環境、氣氛，都很對板！點了set dinner, 頭盤是香煎鵝肝配上大大粒新鮮藍苺，油香直衝味蕾，驚艷四射。另一前菜是大蝦占米多，蝦鮮甜爽口，同樣出色。湯品亦沒有讓我失望，黑松露忌廉湯，黑松香氣四溢，真材實料。蟹肉南瓜湯，蟹肉份量超額，味道大大提升。主菜來了，燒咸豬手皮脆肉滑，再加上厚厚的骨膠原，簡直係人間極品，連老公唔食豬手都食左兩件。最後的麵包蟹意大利飯，用料份量十足，食到捧著肚皮離開。總結，不論食物環境氣氛都是一流的餐廳，值得記下來回憶一番。