陳新記

營業中

休息中

聞說鴨脷洲大街美食多, 於是趁假期攜眷一探虛實🏄陳新記位於鴨脷洲市政大廈熟食市場, 鴨脷洲在香港仔對面, 食肆都提供海鮮加工, 望見一圍圍八餸一湯, 極之惹味😋時為三點三, 試試兩款勁熱氣的招牌小食一口西多士$29🔥一口西多麻雀大小, 炸得金黃, 色澤均勻不油膩, 脹卜卜咬下去質感軟實, 加花生醬煉奶和一小陀牛油😴略嫌甜味不足花生醬過稀炸雲吞(細)$24🔥餡小皮大, 看起來像金魚, 皮薄酥香不油膩,餡料一小啖肉餅無蝦😥配沙律醬同m記泰式酸辣醬, 擔當招牌小食的話略嫌斤量不足🙉搵食後記: 結賬時隔離枱上飯後甜點, 竟然是堆成小山的紅豆粒粒西多士，這道隱藏菜色令人心心眼

招牌一口西多士 $26見到枱枱都有一碟！厚身既一口西多士堆成一座小山，上面淋上練奶，西多士底下就加左花生醬，西多士粒好肥厚😂，麵包口感軟熟，沾上溶化既牛油、練奶同花生醬同吃，甜度也剛好，味道不錯，但未至於要專程去食🤣。 招牌炸雙拼 $45；魚皮 $20見到人地一大盤炸物咁送到，K都忍唔住邪惡一下，K首先叫左雙拼，即係炸雲吞同魚片頭，再加魚皮就要20蚊😃應該係新鮮即炸，因為黎到仲好熱辣辣，炸雲吞細細隻，好薄脆，有啲似食錦滷雲吞既口感，中間餡料則是免治豬肉同小蝦；魚片頭幾香口彈牙，但覺得油左啲；魚皮炸得香脆，入口仲有卜卜聲嫁！

難得放假又好天就唸住約好朋友行肉桂山😎🌞但行之前我地就去左醫肚先😊去左呢間位於鴨脷洲既市政大廈陳新記食呢個一口西多士❤️之前睇電視介紹過己經好想去試下😋果然無令我失望 ，佢地既西多士係即叫即整，超級好味🤩一啖放哂落口，又多花生醬同煉奶，又香又脆卜卜，食既時候係新鮮炸起，仲係熱辣辣👍🏾之後，我仲叫左一碗叉燒魚旦粉、三寶（有炸魚皮、炸雲吞、炸魚旦）都係即叫即炸😍👍🏾、仲有佢地既招牌豬手，豬手好入味，而且佢個粉好大碗😂差d食唔哂🙈認真好抵食最後要介紹埋佢地個秘製辣椒油🌶真係好正因為我本人好鍾意食辣野，個辣油只係滴左幾滴已經好辣好香，所以建議有朋友仔去記得一開始唔好落咁多🙈但係由於我地去既時候有好多人，所以輪候既時間就會耐d，我地有問老闆您如果想加工海鮮就最好打去預先預約，佢地就會留張台比您地，所以我決定下次要再試佢地既海鮮加工😍呢間野值得推介👍🏾👍🏾不枉此行，可以食飽飽去行山

多年沒來食， 差左很多， 牛腩河之牛腩件件厚肥膏，都唔知咩黎， 簡簡單單菜軟牛肉飯都要等20分鐘，服務員只回等吓， 態度不好。 不是食海鮮加工，基本不用來， 此店是趕客，不用來

心思思去陳新記食下午茶，叫咗份一口西多，呢度嘅招牌除咗海鮮之外，一口西多都好出名。賣相好魔鬼，一層一層的一口西多，由上而下淋滿煉奶及花生醬，味道不錯，但西多略嫌麵包口感比較鬆散，水準無以前咁好食。

又心癢癢要食海鮮，今日去嘅時候有點遲，都好驚人地收檔。好快咁揀完買完就上去啦，第一間真係比人拒絕咗，要準時收工。第二間陳新記就肯接埋我地張單啦。因為想要碗白飯送條魚食，又好肚餓想食住啲嘢先，就叫咗個招牌豬手飯。豬手有兩大舊，一咬就化，十分軟綿，入哂味，唯覺八角味重咗啲。惹味豉椒炒蟶子仔，豉椒汁惹味咸香。蒸海魚蒸得超滑，熟度完美。陳皮鮑魚的豉油比蒸魚的來的清香。第一碟菜可能是粉麵的油菜，所以感覺是已經煮得很淋才去炒的。邪惡的西多粒，加煉奶，牛油和花生醬，正。店家後來換我們的生菜。

年廿八，做埋今日收爐，中午，車房大佬請我哋一班同事去鴨脷洲陳新記食海鮮。 佢好神心㗎，一早就去咗漁灣街市買定條游水石蚌，然後，又在鴨脷洲街市買瀨尿蝦、赤米海蝦和花蟹，拎去俾陳新記煮俾我哋食。 呢度好熱鬧，氣氛好好，我哋除咗食車房大佬買的海鮮之外，仲食埋呢度的招牌菜三寶，即是魚片頭、炸魚皮和炸雲吞，又食豬手、牛腩、肉絲炒麵、楊州粉飯，蒜泥炒生菜。 以上幾味水準都唔錯，牛腩又腍又入味，三寶各有奉場客。炒飯、炒麵其實一般般。 至於大老買啲海鮮梗係頂呱呱啦，陳新記整海鮮確係有一手，絕對無糟蹋啲新鮮游水海鮮，完全可以發揮出各樣海鮮的鮮味，抵讚! 多謝大佬!

2018年1月13日星期日今日車屋企人同埋親戚游車河，終點站係香港仔鴨脷洲。有人提議去食下午茶。就揀咗陳根記，之前淨係喺度試過食海鮮估唔到下午茶都幾唔錯都有唔多唔少嘅嘢食選擇。大約三點鐘入到去雖然唔使排隊但係都差唔多座門晒人。六個人就叫咗兩份陳根記三寶，揸片頭炸魚皮同埋炸雲吞。唔知係咪太肚餓一見到大家就係咁食完全唔記得左影相。我自己最鍾意食炸片頭好好味，好彈牙同埋粉唔厚。之後再食咗一個粒粒西多士，好食同埋幾特別奶茶亦都唔錯。周圍其他人都係食海鮮，我見到啲海鮮都好似煮得唔錯。下次都要試吓喺樓下買海鮮再上嚟㗎加工。至於環境方面街市來講都算乾淨，不過地下有少少濕老人家就要小心一些啦

在附近工作的我…同事都說這間的西多士很好食，於是在下午茶時間就每人叫了一份來吃！它是一口的西多士，但是每一粒都很肥大！是厚切來的！西多士裡面沒有花生醬，而是另外上的，對於不食花生醬的朋友們是很貼心的舉動！滿滿的蜜糖和花生醬，雖然是外賣但熱熱脆脆的口感真是的非常好食！總共有9塊，雖然說是一口，但對女孩子來說應該是2～3口，很抵食！雖然這間店本來是做海鮮的…西多士不是主菜，但這個絕對會是我下午茶的首選！

帶外國朋友看香港特色及吃有風味海鮮，我會喜歡帶佢哋來香港仔鴨利州市政大樓吃。 首先價錢又唔貴又夠地道，朋友又可在街市自己挑選喜歡海鮮。 想吃幾靚幾貴幾平幾抵海鮮也有，又可感受一下香港文化。 買完行幾步上一層，就見到幾間熟食小店。 我會一直行到最入＂ 陳新記＂，佢哋通常也滿座要等位。 在等位期間，店員就會問或建議各款海鮮煮法。 一般也是清蒸丶椒鹽丶避風塘風味。 通常坐下不久，海鮮也會好快到。 加工費唔算貴，佢哋其他菜式味道也不錯。 椒鹽瀨尿蝦炸得夠香脆，炒得夠惹味。 新鮮海鮮即炒，全爆膏超美味）蜆炒到剛剛熟👍鮮魷就炒得一般豉油皇炒麵(炒得夠鑊氣，配搭海鮮)

友人加親人雙雙推薦此處，今天有緣來此一嘗。便重要是把所有招牌菜都試了。首先點了招牌三寶。炸魚皮的的確確無懈可撃，很薄很脆很薄。炸雲吞可以，餡𥚃略帶一點冬菇味。炸魚片頭也可以，彈口，只是我不是片頭的愛好者。再來是南乳豬手，很淋很入味。然後也是招牌的西多士。這道小吃好味在所有東西都十分平衡：炸漿，糖漿，花生醬，牛油，和面包本身的質感都很好。絶對是必吃（我們先後叫了三碟）。跟著我們在街市買了六，七種海鮮，計有蟶子，鮑魚，魚，糕蟹，蜆，蝦。手工很好，蒸，炒，湯樣樣佳。最後叫了一碟豉油王炒麵。不是我的茶，但用來試廚房的功力。麵很乾身，不油膩，有鑊氣，很好。走之前外賣一客招牌：柱侯牛腩。牛腩汁非常厚身，難得把牛筋也煲到溶化。充滿骨膠的汁也有美顔效果。

今日阿Sir請食飯！當然要「食好啲、食豪啲」啦！🤣一於去食海鮮餐！自從港鐵通車後，去香港仔食海鮮真的方便了很多！利東站A出口：鴨利洲大街，一條長通道直行便到了！先去街市買海鮮，各式各樣，可按個人喜好，有很多選擇。買了海鮮交到食店，便由大廚安排煮法😋我們一行十人，買了不同類型的海鮮，真的很豐富😍赤米瀨尿蝦泥鯭蜆扇貝蠔象拔蚌三點蟹石斑仔龍蝦鮑魚一口多士仲叫了碟菜，真係好豐富，好美味！買料平均每人$200，食店每人$100包括汽水啤酒。平均每人$300，抵食！

朝早有客來睇廠，老頂諗住個客睇完廠就同佢食飯再摸摸底，挖生意，點知個客唔領情，搞到條預先訂咗嘅生猛石蚌和花蛤無人問津，變咗益咗我哋做o靚嘅去食。未夠十二點，我哋就跟老頂車，飛車去鴨脷洲街熟食市場，嗰度得番一間開檔 (可能係休漁期關係)，中午時間，特別好生意，相比我哋廠就拍晒烏蠅，我哋老頂一片愁容。天氣熱，坐低就整枝樽裝可樂解下暑。然後睇下有咩好食，氹下老頂。先來個招牌菜柱侯牛腩。好腍，不過鹹咗D。另一個招牌菜係三寶，即係炸魚皮、炸魚片頭和炸雲吞。碟頭大非常大，食極都食唔晒。點沙律醬或甜辣汁來食都幾好食。條魚係新鮮石蚌，用嚟清蒸，唔知係咪客人多的關係，舖頭兼顧唔切，蒸得太熟，嘥晒條魚，老頂好唔 happy。再嚟係鹽油水煮花蛤粉絲底，撞鬼! 又係熟過頭，老頂對眼厲住我哋，我哋都唔知講咩好，我哋兩個知“訂”，唯有夾手夾腳隊晒條魚和碟花蛤。最後，驚老頂肚餓，叫番碟肉絲炒麵俾佢頂肚，佢食咗兩啖，大讚好食，佢當堂笑番晒。

终於等到放午飯嘅時候、忙完一個上午更係要医吓個肚啦、公司附近冇乜好食、就搭車去左鴨脷洲街市、睇吓有乜嘢食先、完全忙記左係休魚期、索性係樓上大排當、揾左个位、望吓餐牌、就叫左个肉絲抄面加個招牌牛腩再踅支大啤先、牛腩好味、抄面麻麻、午餐食飽肚就算唔好要求咁高、下次再食好啲。

幾位識食好友先到鴨脷洲街市買料，包括三味魚：瓜子、杉斑和大方利，再攞上街市熟食中心「陳新記」加工，最後點埋陳新記馳名夠哂香脆嘅西多士做甜品，大家滿足之餘所費卻是不高，性價比爆燈。