陳春記

營業中

休息中

話說這次去熟食中心，真係有驚喜😲！食咗碗豬什湯，真係勁！湯頭濃郁得滯，還有一種溫熱暖笠笠嘅感覺，好過癮！架豬什湯內嗰啲豬肺、豬肚，啖啖肉感，鮮美得嚟仲爽口，完全無嗰啲怪味。西洋菜嘅清香同胡椒嘅辣味混合埋，配埋淋上去的辣椒油，嗚呼！真係夠晒痛快，一試難忘！老闆服務又好，笑容可掬，感覺好親切，整個氣氛都好！熟食中心嘅環境衛生都做得好好，唔似以前嘅固有印象，令人食得更加放心。不止食，連心情都好咗！我已經計劃緊下一次幾時再黎攞啖好滋味！呢度係一個得之不易、現代都市中難得一見嘅平民美食角落🍜，真係值得珍惜同分享！朋友仔，記得嚟試下，唔會令你失望㗎！

📍陳春記上環德輔道西38號皇后街熟食市場1樓CF5號舖細豬雜河 $371️⃣湯底較淡，重胡椒味2️⃣豬雜選擇比較少，主要係豬肺、粉腸、蝴蝶腩、豬肚，每樣嘅份量都唔係好多3️⃣河粉煮得唔錯，夾得起唔會爛，配埋個湯食好順滑 🔆落單小貼士🔆：喺佢舖頭前面有放辣椒油嘅三張枱坐底，老細做完嘢就會過嚟落單，上菜前預備定錢等佢嚟收（其他食客話呢一個老細記性好好會記得邊一個嚟先，但係我哋自己實測過佢都係錯咗次序，不過都係同一轉出餐）

位於皇后街熟食中心內中心都比較細內裡通風真係唔掂隔離鋪炒嘢啲油煙出晒嚟完全無餐牌 因為賣嘅嘢好簡單亦都係老細一個solo無豬紅的豬雜油麵好普通 唯一優點洗得乾淨湯係尋常味精湯

我在公司附近剛剛找到一間好多人去嘅潮州豬雜湯麵檔。位置喺上環熟食中心裏面。今天特登一試。菜單只有細碗同大碗，面底可以選擇米粉油面之類。我點了大碗豬紅豬什湯米。湯底清甜，豬什乾淨好味。豬紅豬什件數唔係好多，尚算可以，大碗大小都算OK，我細食都盡量可以食晒米粉，湯差唔多我都可以飲完。可以再試。

下午大概兩點，大牌檔店面只有兩桌客，沒有店員來照呼我。廚房亦似無人，我以為已經落場了。食客說老闆在煮面，我坐下等他出來便是。老闆說只有油面和粉。於是我選了油面。幾分鐘面便已煮好端上，即時付現。豬雜有肺、粉腸、豬肚和豬紅。全部清洗乾淨，煮得夠淋。豬雜湯清甜，我全碗喝光。看似平凡的菜餚，背後工夫其實不少，何況似乎只有1 人在經營。我正好要體驗慢活，沒有覺得招呼不周。隨客人需要，細碗淺嚐之選。大碗便是正餐份量了。

一個人，今日順路1点半去食碗豬雜先！在市政街市熟食中心！唔使排隊！即時有位(搭檯)！中午食晏冇咩人！生意唔易做！叫咗佢嘅人氣細豬雜麵加碗湯菜！五分鐘上檯，豬雜基本上每款得兩件，不過37蚊合理！好味，湯有少少辣，係加咗胡椒嘅！此店食物比較原味，冇咩花巧！唔錯！啲油麵正常！加上價錢平值得推薦！ 環境：五張左右大檯，要搭檯，冷氣夠！ 衛生：普遍，大牌檔格局！服務：好！但係得一個人做，落單然後去慢慢煮，再出菜收錢都係佢！並不打算快手快腳，有些日落感覺！傳說中嘅老闆娘亦唔知去咗邊！小店！似乎打算做得幾多得幾多！有時間支持吓！

今日趁星期六去試佢個豬什湯🥣！非常好味！D豬什好新鮮。配埋D芹菜香，少少胡椒味，簡直停不到口！我地三個人食兩碗豬什湯，大大碗，本來不太愛豬內臟的我都KO曬！老闆超級友善，老人家拿埋兩大碗豬什湯放在我們枱上，仲笑容滿面！熟食中心係半自助，我們需要加碗筷老闆都冇問題，食完就將用完的碗筷拿回所屬食肆。當我拿回碗筷時，老闆仲問我好唔好食，當我話好回味時，老闆報以滿足的笑容，好溫馨！我已諗緊幾時再食過，因為好好味，又充滿人情味，依D古老菜色真係買少見少！

好值得去嘅小店，趕得切三點前去食嗌左碗豬紅豬什湯米，西洋菜湯豬什湯嘅湯好好味，成碗飲晒全店得兩個人一個煮，一個落單服務想要幾好？真心想講，顧客無可能是對的害死左好多飲食業

麥春記（豬什/红），2大1细坐底，叫兩碗大淨什。老板娘話唔得，一定要叫哂3碗🤬,按人頭最底消費，堅喺 歡樂今宵， 快D說再見喇， 做得咁辛苦 搵夠唔使做囉， 頂癮

1. 我們一行4人，一來到落座就被4眼女人呼喝警告:每人至少嗌一碗！！！要嗌夠4碗先得！！！2. 我們叫左4碗豬雜豬紅湯，搭配隔離曾記既韭菜餅、蠔仔餅食。4眼女人見到，即刻同曾記老闆鬧晒交，仲行埋過來話我哋:食人哋既野唔好坐我呢度！！！我哋又唔係冇買佢既野，我哋食完都會自己交番d碟俾曾記，完全冇麻煩到佢…咁既服務態度，食物再好食都唔會再幫襯。

話說上環皇后街熟食市場有間陳春記食豬雜湯很有名氣，本人已到過幾次都吃閉門羹難得今日再來有得食一定要品嚐一下碗胡椒豬雜湯，未食已經一肚氣因為我和朋友一起去試吓唸住叫一碗點加其他食物，最後換來一陣罵人叫喊聲講呢度要每人要一碗都算，來到個碗好大但份量極少豬肚、粉腸、豬紅、肺全部都好細件，胡椒湯味道不夠濃味本人覺得唔值得比呢個價錢，真心唔會再去食👎🏻最後加一段小插曲老闆娘送食物到時唔小心將湯倒在我身上道歉都冇只係攞卷廁紙比我就走開，太沒禮貌😠

香港真係有好多特別野食, 喺上環皇后街, 有間幾出名既豬紅豬雜粉麵😋 試過一次, 果然名不虛傳😋平日只見中午時間開, 主要都係食豬雜豬紅粉麵, 嚟食既人通常都只係選擇食大碗 / 細碗就得🤭既然嚟到, 就叫碗大既😅 果然係好大碗😱 仲非常足料😋 豬紅, 豬肺, 豬腸, 豬肚, 豬粉腸, 份量唔少, 重重胡椒味 (可以走胡椒既) 好香, 辣辣地好惹味! 全部感覺洗得好乾淨, 無羶味, 最鐘意食豬紅, 口感唔散, 好食!但店家態度一般, 試一次ok, 食完說走

因為，在附近返工，午膳時段，多數去皇后街熟食中心覓食久仰此店大名，平時，不見太擠擁，今日，即管試一下著名的豬什麵....怎料...因為，近來疫情關係，所以揀選左一張細枱獨坐...老闆娘過來招呼，豬什麵有兩種選擇，大或細，她說細係好細碗，所以，揀左大碗，加豬紅，比較襟飽點...$53上枱時，碗確係頗大，但份量不算多，湯底好清，有很濃郁，很濃郁的胡椒味，反而，覺得有點搶咗主角的鮮味，豬腸，豬肝，豬肚，豬舌，豬紅...爽脆，鮮甜，洗得乾淨，並無異味...發覺枱上只擺放有黃色的辣椒醬，而沒有常見的潮州辣椒油，於是提出要求，怎料，惹來一番大聲斥罵...☹️☹️訴説此店係最正宗的，開了60多年...金漆招牌，究竟識唔識食㗎...食完，匆匆埋單走人，後來，發覺找回來的$50紙幣，係被撕爛了一半的...唉呀，下次唔敢去喇....

個女人d服務同態度真係超差，佢得豬什同豬頸肉，我淨係食豬頸肉，佢又話無，咁我去第二間。。我男友鐘意食豬什，咁問下佢d客食緊係大定細。。佢一句“得”埋黎話：兩個人食一碗粉問長問短。。跟住男朋友忍唔住鬧佢，佢就龜縮左入廚房。。我地幾時有話兩個人食一碗? 我唔知大細我點買? 我地只係唔想嘥，太大碗食唔晒好浪費。。味道再好，價錢更平都唔會去試。。最後我地去左隔離泰越南，一人一碗仲叫埋野飲，服務好，味道都唔錯。。P.S. 有相有證明，我真係有去，真係比個女人鬧

一去到問老闆娘可以坐邊，佢唔答兼且怒啤住我，結果係啲客人答我。然後一坐低問我幾多人，我答兩個，佢就即刻好惡咁話兩個要嗌兩碗同要食呢度啲野...咁我黎呢度唔通帶外來野食咁過份咩...都算嗌，照去落單叫兩碗豬雜湯飯，跟住佢真係好誇張咁呼喝咁再問係咪兩碗！香港好多餐廳都冇服務，其實唔緊要，但起碼唔會咁過份，又要比係啤又要比你呼喝，唔要求大排隊有服務態度但都唔係咁過份。絕對唔會再黎！