陳根記 (已搬遷) 新店位置

落單要自己落，酒水要自己攞，唔緊要！啲阿姐剩識傳菜，問佢乜都唔知唔關佢事，咁我洗咪自己入去炒晒餸？菜遲遲都唔出，問阿姐：我點知呀！態度差到一個點！問佢態度洗咪咁，好似想要繼續同我地嗌交咁！沙田最有名大排擋？我呸！呢生都唔會再去！食餐飯受晒氣咁！但又貴！仲有下次？佢既好評只係出錢搵打手讚咋話？如果食物水準高都無咁嬲、但根本同一般大排擋無分別！其他可能仲平過佢，佢啲員工差到咁，我都真希望佢捱唔到幾耐，摺鬼左佢吧啦！

早前到過禾輋商場酒樓吃過一頓晚飯，我就明白陳根記點解生意咁旺。闊別多年的陳根記，今晚再臨陳根記。6:30左右入座已經有半滿，未到7:30已經全滿。首先自己寫單再交給侍應，我們楝好星期五特價--$60口水雞、$82油泡鴛鴦魷、$68沙爹牛肉粉絲煲和$55鹹魚雞粒炒飯。口水雞是例牌份量，論價錢是抵食，好唔好食就現在分享；口水雞是四川傳統特色菜餚 ，屬於涼菜，正宗口水雞應該集麻、辣、鮮、香、嫩、爽於一身，可能由於遷就港人不太嗜辣，冇「麻」而只有「BB辣」，冇「鮮香」僅有嫩爽。油泡鴛鴦魷有鮮魷和土魷，鮮魷口感是新鮮爽口，却又少咗鮮甜味道。矜貴的土魷就只有兩片！我們要求沙爹牛肉粉絲煲走配菜，沙爹牛肉粉絲煲只有沙爹汁、牛肉、粉絲和菠蘿蓉，十美好味！鹹鹹香香的鹹魚雞粒炒飯很好味道！甜品是要自己到甜品舖位買，我買咗一份$28芒果腸粉三人分享，今餐吃得太多肉類，要少量甜品中和一吓！今晚人均消費$91，吃得很飽！

我地幾個中學同學每年都會聚幾次,今次大家都好忙唔得閒係openrice搵餐廳,見咁耐無去陳根記,大家又係沙田友好近,就去幫襯下以往陳根記6點半已經有人等緊位,今日7點去到吉枱仲有唔少,唔洗等我地4個人叫左5個餸,感覺佢份量細碟左,食唔飽既呢度蠔餅一向都唔錯,炸得好香口蠔亦好多,但真係好細份…幅圖我地係未食過,得2塊仔瀨尿蝦,好惹味!但偏細隻,數量係9隻例牌招牌手撕雞,普普通通馬拉盞通菜,夠味亦炒得好香西檸雞,略嫌雞片太薄,食落有d乾身,但味道係好食既見到banner寫12月尾會搬去石門,相信都唔會以大排檔形式營業,真係好可惜,最衰都係領匯

好耐無來食，聽講執粒所以來食下，今晚來到既時候落雨，雖然全場都好多人，但係就唔洗等位，不過而家食野都唔平，夜晚一個菜都成60蚊，不過今日係星期一，乳鴿特價$45，佢唔同既星期幾都會有唔同既菜有特價，兩個人來食，叫左4個菜，包括: 倉魚，魚香茄子，顯肉，乳鴿，同兩個白飯，加埋$288，其實係唔平。

陳根記呢個名相信沙田友無人唔知😂，一間大排檔六點開市，五點半已經有人霸位，坐無虛席☝🏻，都係第一次見😏！最特別嘅就係佢有一味wasabi手撕雞，每日人手撕出嚟，賣哂就無㗎喇！Wasabi手撕雞（一隻）$250手撕雞麻油味好香，加埋wasabi落去，食落會有啲攻鼻😍，好鬼爽！加啲蟹籽、海蜇、火腿絲同青瓜絲嚟增加口感，係一道不錯嘅涼拌，幾乎每次嚟親陳根記必點呀！未食過嘅朋友可以去試下，不過就難啲有位🤣，可能就要早啲嚟喇。好味指數（5粒最高）：

Very good food and atmosphere. Not many place like this anymore in HK, and not on islandThere is many dishes to choose from and can sit outside or undercover. There is a very large menu to choose fromMenu has lots of pictures and all the food was good with shredded chicken, oyster omelette, mango fritter, pigeon and beancurd roll being standouts. This is a place to go with a few people so you can try more dishes This is a legit place that you should try!! Can come back

諗起大排擋都會有不同食擋提供不美食，簡直係一個美食小天堂，又其一到晚上到處香都坐滿食客，食到佢嘅特色小菜而且鑊氣十足，又可以食到一番滋味，是日就去咗和輋村大排擋開飯。去到已見一張又一張枱坐滿晒食客係度品嚐緊美味小菜，我地都嗱嗱聲係餐牌點咗幾款食住先，先有椒鹽九肚魚，入口脆卜卜魚肉夠鬆化，再來係酥炸大腸，食到大腸香脆又帶點肥美啱啱好其後有孜然一條骨，食落口啖啖香嫩肉質，加上用孜然粉更加惹味，記得要趁熱食咁就最正輪到有燒鵝（半隻），睇見燒鵝皮脆肉嫩真係快D品嚐一下，入口肉質香嫩啖啖肉之餘又食到陣陣油脂特別香口輪到最後一款係黃金蝦，一放上枱已聞到香濃鹹蛋黃味道，仲係包住整隻蝦添，一入囗已食到蛋黃嘅鮮甜味又可以蝦肉彈牙鮮甜夠晒滿足又咁快食完一餐精美小菜。

烏頭魚冷盤超難吃！仲要醉？我聽都未聽過。沙拉骨賣相可以但第一口咬上去是肥膏太多了吧還是凍的😰。是預先炸定然後再沾醬上去。完全冇脆香感覺失望😧😧！無陰公牛柏葉唔怪得叫呢個名。原來係冬陰公做醬汁。比個名扼哂！！真係難食到冇陰公！太坑了！😤！海蜇手撕雞賣相太核突了😰！！居然骨頭都懶得掉太馬虎了😤！點的5個菜有4個是冷盤！食完D野都完全唔知食左D乜？👿👿我以後都唔會再去了！！都唔知網上好評點黎！！仲有咁多人？開國際玩笑！名過其實！出面普通小茶餐廳味道好吃過多多聲啦！仲要咁貴！tmd！👎👎👎早執笠啦！👎👎👎

家陣係舊式大排擋開飯真係買少見少，唔係到處都可以食到佢，而隨著環境同衛生問題慢慢逐一清拆再重新建成一站式綜合大樓，雖然係方便咗但舖位細咗又未必食到嗰種風味，而且仲有好多老字號飯店都未必肯繼續做落去真係有啲唔捨得，又變咗集團式經營真係冇乜選擇，就今次去咗呢度開飯感受一下氣氛之餘又可以食到地道美食一舉兩得，就點左幾款招牌小菜品嚐一下，飲番杯啤酒再食啖餸咁先最正有晒風味先有椒鹽鮮魷入口香脆內裏鬆軟啖啖肉，簡單又惹味，到另一款係香煎蠔餅煎得金黃鬆脆，蠔仔肉質又鮮甜食得滋味輪到有豉汁蒸大鱔，食到鱔肉肉質爽彈又鮮嫩味道十足，唔少得有招牌菜根記頭抽雞半隻，雞肉半肥瘦加上用咗頭抽煮，入口特別香滑味濃郁，真係眨吓眼就食完再食番碟馬拉盞炒時菜食落夠晒味道，咁就品嚐咗一餐大排檔美食。

We were staying at The Hyatt nearby and found this very local food market at this street food place. They have an English menu and photos. The calamari, morning glory and lemon chicken were absolutely yummy, best food I've had in ages. The batter and the sauce was amazing. $234 with rice, beer and tea. Bargain. Everyone was local and it was in a random area in the middle of an estate. Lots of fun.

今日同朋友去左沙田碌保齡球🎳，甘我知呢度有間大排擋好出名！甘就一於去試下啦！一行到去門口，有個叔叔問我地幾位就帶我地去坐！哇！原來呢度好大，好多枱！見到廚房燒味部！一入去原以為會好熱，點知好多好多風扇吹住，超碼吾會出哂汗先！一打開餐牌，好多野都想食🤤🤤但我地得2個人，又吾可以點太多，食吾哂！呢度自己食乜自己寫，寫完就交俾員工。諗左好耐，終於寫左以下小菜：香煎腐皮卷：呢個小菜個賣相係普通，但好好食！炸到脆卜卜，入面包住雜菜，食落無油益味，真係令人一舊接一舊🤭泥鯭粥：我原本想點一窩咖！俾朋友阻住左。不過原來一碗都好大碗，嘻嘻，粥入面有2條泥魚。粥底好綿，好中意食綿綿粥。好香，魚都好好味，吾腥！正孜然一條骨：呢個醃得好入味，加上外面有孜然粉！食落勁惹味！啖啖肉。豉椒炒蜆：份量都算多。一大碟，真係舊舊肉咖，吾係得殼！炒得好香豉椒味，夠獲氣！馬拉盞通菜：呢個真係必點！勁香夠鑊氣，好好食！點解可以甘香，我自己食哂一碟都得。哈哈！椒鹽豆腐：炸到金黃色一粒粒！一啖一粒岩岩好！吾會好咸，豆腐好滑！好味道五花茶：店家話係自製既，凍冰冰，降下溫降下火都一流，岩哂吾飲啤酒既我！整體來說，係度食係熱。迫。焗！但

三五成群，結隊聚餐！魚香茄子煲，呈上熱燙沙煲，香味四溢，經滾油炸過既茄子特別好食，肉醬夠咸香惹味，餸飯一流！沙嗲牛肉粉絲煲，份量有啲小，沙嗲醬汁吾夠濃厚，牛肉軟滑不硬，粉絲條條完整，吸收醬汁。煎蠔餅，比臉還要大，炸好完一大片，金黃光澤，脆卜卜，蠔仔又多得黎又吾會太細隻，食落有啲煙韌。冬蔭功浸蜆，比起正宗既冬蔭功較清甜，冇甘酸、冇甘辣，易入口啲，岩港人口味多啲，蜆量多，大小適中，偶爾一兩隻有沙。水煮魚，吾辣吾麻，味道不足，不用試

多年老字號 粉絲煲惹味 水蛋滑溜 手撕雞wasabi味好食啲 西檸雞甜酸度岩岩好 蠔餅最岩多人一齊食 一定要食沙拉骨 唔過酸既沙律醬 多人食抵啲 樣樣試少少 仲可以係隔離order甜品

喺詳細講食評前 要先講明個好評係俾個雞嘅!!!🤣-✏️Wasabi蟹子手撕雞 (半隻 $138)事隔左1段時間 真係勁勁勁想食翻佢個手撕雞 所以忍唔住老遠貢入沙田都要食🤪一樣咁好食😻😻每啖手撕雞都係撈勻左醬汁 而且食落會有啲wasabi嘅辣 有幾啖甚至係有啲攻鼻 好正🤣🤣雞肉份量好多 唔會話夾雜左好多骨😌而且配搭著蟹子 食落有卜卜口感 更加有層次 成碟雞送埋白飯一流🤤-✏️椒鹽鮮魷 ($80)講完個必食手撕雞 就要講呢個令人好失望嘅椒鹽鮮魷☹️失望到唔記得影相😂佢有一個好致命嘅敗筆 就係佢個係淋㗎!!😖即使佢入面個魷魚其實好彈牙同juicy都好 但叫椒鹽鮮魷係淋嘅真心係唔知想點🙄浪費晒☹️

座無虛席，非常熱鬧，價錢大眾化，黎得大排檔就對環境吾要求得啲咩。茫果一口脆，需另外出去排隊買，招牌甜品冇想像中甘好，外皮香脆，芒果酸敗筆，。孜然一條骨，骨肉分離，肉質稍老，味道不足。椒鹽鮮魷，香脆粉薄，鮮魷都大件既。