陳權記餐廳小廚

營業中

休息中

早餐A - 火腿通粉, 餐包與煎雙蛋&凍飲  34元  3.5/5分1. 火腿絲都不算少,通粉就略為硬了少少,湯底就似清水,所以需要加大量胡椒粉調味2. 餐包都幾好味,拿上手都好熱,然後我用兩雙雙蛋夾入麵包內,好似食三明治一樣3. 凍飲+2元,鴛鴦正常的水平,有齊咖啡及奶茶的味道最近去了兩次西貢行山,早上都先吃早餐,兩間茶餐廳的價錢都相同,味道都正正常常,為之後一連串的戰鬥做好準備。行山的朋友都不坊先吃一個精彩的早餐才出發,以免途中力量不足而肚餓!~

繼八月在「香港」四百公里範圍以外掠過，也導致「香港」需要掛「三號」信號的颱風「森拉克」 之後，今次星期二「香港」又遇上颱風「浪卡」，不過「浪卡」風力跟「森拉克」差不多，最多都也是懸掛「三號」信號而已。「香港」面對這些風力看似不算非常強烈的颱風，公共交通還是無可避免地，需要大部分停駛，所以晚上我亦需要留在「西貢」，尋找仍然開門的食店食晚餐，結果我找到「陳權記餐廳小廚」。恰巧「陳權記餐廳小廚」適應「香港」的疫情，所以選擇安排所有「外賣自取」粉麵飯食品原價價錢，都有九折折扣優惠。可惜我一直食不慣外賣，所以我寧願留在餐廳裡面堂食好過。偏偏最近一年以來，一個「新冠肺炎」已經令香港人用餐習慣都大受影響，不能夠隨便選擇堂食，經常被迫享用外賣，香港人甚至已經開始「習慣成自然」，不知不覺間忘記了堂食，幾乎每餐都「自動波」奔向「外賣」懷抱。加上我進入「陳權記餐廳小廚」用餐的程序，某程度上已經受到「新冠肺炎」影響，還未找到座位，就已經立刻選擇食品，導致「陳權記餐廳小廚」店員有所誤會，弄錯外賣給我，所以我也需要承擔責任。結果我受到自己點餐時的疏忽所影響，需要等候更長的時間，店員還詢問我選擇堂食沒有價錢折扣優惠

入親西貢，好多時都會去巷仔食炒麵膠粉，或者泰國菜，今次去了seven隔離間茶餐廳試吓。(其實本人都很平民，所以經常都係茶餐廳食嘢)。入到去坐落似啲舊式茶餐廳，個感覺幾好。小菜都有幾多款揀，點了個金針雲耳牛肉煲同梅菜蒸肉餅。先講個牛肉煲，都幾多金菇同雲耳，牛肉就正正常常都係滑牛(茶記好少俾肥牛😁)，不過都幾入味，同埋個汁唔太浠，食落去都可以。至於個蒸肉餅，佢啲梅菜ok，唔太鹹同唔硬，而且啲肉都有啲彈牙，唔似有啲茶記啲肉餅係淋晒，食落去都唔錯。

二人入去食早餐，A1 火腿通煎雙蛋餐包熱飲$32，A2五香肉丁通火腿煎蛋餐包熱飲$35，落單前問轉多士加幾錢，佢話加一蚊，兩個餐都轉左多士。但係見到張手寫單收$33(加左$1啱)同$38(加左$3?)，問返落單嗰個人有冇落錯單，佢就話我$38嗰度收多咗一蚊改返$37，我話唔係應該$36咩？佢就即刻話A2轉多士加要加$2，我問佢點解一係加$1一個係加$2係咪份量唔一樣，佢就話總之A2係要加$2！餐牌上冇寫明加幾多錢，落單前我地亦都有問又無咁講過，其實真係明呃！其實多$1唔係啲乜嘢跌都跌左，不過呃就唔ok囉！咁唔老實做生意一定唔會再幫襯！

前一日，係星期六，入左去大浪灣露營左一晚，去到第二朝出香黎西貢時梗係第一時間去醫肚食番個早餐先啦！去到就都唔知食咩好，因為間間都餐唔多咁款，就有個店員過左黎招呼我地，所以就揀左呢間陳權記黎食我地既早餐了。都係普通既茶記早餐啦，一如以往咁order 左通粉再加奶茶佢個通粉仲要有豆喺入面，色彩美觀豐富。奶茶夠茶香奶滑，好正。滑蛋就好似炒耐左咁，未係好滑，有待改善。整體早餐都係不過不失咁啦，茶記早餐3x蚊始終都不能要求太多！

雖然位於西貢專綫小巴站旁邊的「陳權記餐廳小廚」，「陳權記」廚房製作的「焗鴛鴦扒飯」實際份量不算非常多，「焗鴛鴦扒飯」使用一個橢圓形，有大約兩三吋深度的耐熱焗飯餐具去盛載炒飯跟餸菜。但是食客在「陳權記餐廳小廚」裡面，只需要付出不算非常昂貴的港幣五十九元價錢，就可以在牛、雞、豬三種扒裡面任擇其中兩款，再自由選擇焗飯調味醬汁搭配成為「焗鴛鴦扒飯」，套餐還有飲品，感覺算是不差了。雖然「陳權記」「焗鴛鴦扒飯」實際製成品受制於焗飯餐具的有限體積容量，所以「鴛鴦扒」裡面無論是選擇牛扒、雞扒抑或是豬扒，餐廳廚房都無可避免地需要把它們切件，再放在焗飯表面上，最後才淋醬汁和放入焗爐。所以「焗鴛鴦扒飯」實際製成品，食客可以食到的「鴛鴦扒」實際份量，都在所難免地需要打折扣，例如選擇牛扒加雞扒「焗鴛鴦扒飯」，雞扒受制牛扒已經佔據大部分位置，雞扒可以佔據的實際份量只剩兩三小塊而已。所以即使「焗鴛鴦扒飯」裡面的「牛扒」是「薄切牛扒」，「牛扒」實際口感感覺焗得很腍，但是「雞扒」實際佔到的空間，都被「牛扒」搶走了，結果實際上可以食到的雞扒變得不多。即使「雞扒」本身頗為厚身，「雞扒」實際的口感感覺飽滿，可惜「雞扒」在「焗

好少平日來西貢吃早餐，以為都會好靜，但其實都生意不錯，係冇星期六日咁爆場。當日大約7點半，入面只有幾枱客，會坐得舒服啲。坐低望望餐牌。。。。媽咪揀了A2，食「沙嗲牛肉米粉+火腿炒蛋配餐包」$35。牛肉份量都好多。可能平日師傅會鬆手少少吧餐包我食左，都幾新鮮。而我一心想走肉，又唔想食太多。所以便叫了「麥皮餐配多士」$32。麥皮係沒有奶和糖，感覺健康啲。食慣了齋麥皮，就唔會覺得難入口嘅。油占多就比媽媽吃厚多士賣相都ok大概7點9，就開始坐滿了客。不過觀察所得，好似愈平的茶餐廳，個場係旺啲。

好久沒進西贡了，在洪記海鮮酒家后面好陳權記好易揾到，只能以價錢合理，扺食大份，午餐的推介的梅菜扣肉，水準都唔太差，扣肉香囗淋身，老火湯有少少海鮮味，總體不過不失，盛惠54蚊

相約朋友去遊船河，早上相約茶餐廳吃早餐。meun跟一般茶餐廳相若。跟朋友點了沙嗲牛肉麵和牛扒餐。沙嗲牛肉肉質唔錯。但是面質不佳，面質就像福字伊麵。套餐還有餐包和炒蛋，餐包略嫌凍了一點，如果可以烘底就非常好。炒蛋味道淡了一點，需要自行加上鹽和胡椒粉調味。奶茶香滑，味道適中。餐廳位置非常好，鄰近西貢公眾碼頭。環境方面，椅子有點窄，枱面有點小，但勝在冷氣充足，整體上感覺還可以。ps. 附近還有很多茶餐廳選擇

作為西貢既長期客仔，當然差唔多食晒西貢既美食。經常食美食，有時都要休息下，食番住家飯。每次想食住家飯既時候就會去陳權記食。佢既小炒有鑊氣。份量都岩岩好。但食陳權記既夜晚要識計數。因為食佢既晚餐佢有套餐同散叫。兩個人食散叫，份量岩岩好。套餐就貴d，因為份量比較多d。岩多人食。食完晚飯，又係時候番屋企訓教啦。

去完露營去西貢食個包飲啖茶同行朋友去開呢間咁就去呢度啦坐出邊好方便因為我哋好多背囊有位可以擺萬惡嘅西多士我就唔敢食啦但係食咗好耐冇食嘅奶醬多加凍檸茶厚多士嚟嘅未到正常都好足料＄25都好抵食啊見啲朋友食西多士都津津有味應該都好唔錯

今日入西貢去玩獨立舟，首先同朋友仔們係西貢市中心集合。OK 便利店隔離有一排茶記，夠就腳，雖然啲呀姐全部都係門口展開熱情既招待，但因為上次去另一間食湯飯食到寶寶肚仔痛，所以今次揀隔離嗰間食個靚早餐。佢有個餐33蚊幾掋食，又有面又有煎蛋又有火腿同餐包，跟埋嘢飲。我嗌咗個五香肉丁公仔面，不過下次要醒啲加錢轉岀前一丁。好可惜個餐包無牛油有啲失望，所以俾咗男朋友食哈哈！不過另外朋友加錢轉多士，好似好好食咁！

我一向身體不算很健康，尤其是經過大病入院後，身體的免疫能力已經大不如前，變得比以前更怕凍。現在約一月寒冬季節，天氣温度動輒降至只得十餘度，不好彩的話甚至降至十度以下，真正天文臺發佈幾多次寒冷天氣警告都不夠用。之前還要留在舖頭幫手做收銀，等到八，九點差不多可以下班。但是屋企沒有煮雞，沒有飯開，惟有在周圍找間可以吃熱飯暖一暖身體的餐廳。結果我想起在小巴總站，都有幾間還有「煲仔菜」吃的餐廳，例如「陳權記」。可能是因為我光顧「陳權記」時，已經差不多晚上九點左右，遊客已經退回九龍多時，所以「陳權記」已經剩下很多「吉位」給我，完全不用等待入座，不用擔心要「搭檯」，完全安全自在食飯。天寒地凍，當然想吃個「煲仔菜」來暖個身。不過我有一樣東西很懷疑，就是西貢沒有露天大牌檔，「陳權記」店外又沒有師傅在即場燒「煲仔菜」，又如何即席燒個熱辣辣的「煲仔菜」給我暖一暖身呢？結果我點了個「咖喱雞煲」，「咖喱雞煲」套餐附送白飯一碗，但對我來說仍不足夠，要加錢來多一碗才符合胃口，反而飲品就不用加錢，給我一杯熱好立克就足夠了。答案揭盅，其實「陳權記」的煲仔菜不是用瓦煲，而是用類似鐵煲的物體去煮。由於用鐵煲，而不是用瓦煲去

雖然唔知pokemon go仲可以hit幾耐，但西貢的確係一個好地方。餐廳位於三個pokeshop之間，真係捉到無停手，席期出現三隻伊貝，中級車厘龜、奇異種子、食夢獸、皮皮......言歸正傳，叫咗個K營養餐，波蘿油+腿蛋+鮮奶，鮮奶可選冷熱。雖然波蘿油一啲都唔營養，但它仍在營養餐內。可能掛住捉精靈，件牛油溶咗少少，但波蘿面幾鬆脆，一個合格的波蘿包。

 離開東丫，返回路口，欲搭的士離開。惜，往東霸的的士，回程已有客上車，又因網絡接收問題，未能call的。Cc和H，自告奮勇，步行半小時往東霸截的來接我和C。就這樣，擾攘了半個多小時，兩人不負重託，成功完成任務。返回西貢碼頭，大食之友C又嚷著說肚子餓，見附近有茶記，我們走了過去，坐在戶外，繼續與陽光玩遊戲。小妹要來了一杯既甜蜜又滋潤的熱檸蜜。Cc心大心細，既想吃西多士，又想吃雞翼沙律，小妹就建議各要來一份share。沾上蛋漿油炸的西多士$32外香內軟，且夾著花生醬，伴以牛油和糖漿，點滴滋味在心頭！雞翼沙律$32一客有3隻雞翼，醃得入味，炸得外脆內嫩。沙律份量不多，有青瓜、紅蘿蔔、薯仔和蘋果等，酸香又冰凍。C要了雞髀沙律$33，感覺上，較為吸引和抵食，且較飽肚。