陳興發魚蛋粉茶餐廳 (已結業)

叫左碗魚丸魚餃撈,單叫廿六蚊,雙拼加三蚊.咁我碗野應該廿九蚊.咁我食食下有個伙計同我講話撈麵雙拼應該係加五蚊而唔係三蚊,跟手向我張單寫[+2].咁我問佢點解,張餐牌明明淨係寫雙拼加三蚊,從冇提過撈麵有唔同.個伙計淨係九唔搭八唔知佢答乜.我費事為個兩蚊雞搞咁多野,而且夜媽媽仲要趕番屋企.咁我就唯有向度宣傳下,希望幫到各位朋友.仲有個麵好很難食,d鹼水味重到苦.

又去九龍城食食食，見OR食評中有人讚呢度d魚皮餃同魚旦，所以今次無去元合，反而黎呢度試試。個阿姐好好人，話每樣幾粒都得 (墨魚丸除外)。於是就樣樣丸都試少少，買咗一斤。魚皮餃至掂，個皮好煙韌，又有點爽口。裡面d餡都幾香，不過就有d肥肉。牛丸同牛筋丸都好得，爽口彈牙。貢丸一般，片頭較實，而且無咩魚鮮味。所以都係魚皮餃最好味！

平安夜的下午早了點下班，先到超市買些材料準備晚上自製的漢堡包晚餐，之後再到人氣十足的Tong Wong餅店大肆搜掠一番。看一看手錶，時候不早了，是時間來個速食然後回家準備一下嘞....想起食友提過的墨魚丸。小弟在這裡已是老顧客，印象上記得沒有吃過她的墨丸，每次來吃的不是自家製的魚皮餃便是魚蛋。今日一來，認識一下這位"新朋友"，想來也是蠻不錯呢...豪華一些叫碟魚皮餃墨丸雙併撈麵，索價三十多大洋，算是公道的價錢。麵量沒有想像的多，咬落有點彈性，但隱約有少許鹼味，而且蠔油下得極多，完全蓋過麵的原味，是小弟最討厭的了；墨丸帶點彈性，心目中的好貨色是吃到切碎墨魚粒之餘也有一咲極濃的墨魚味，但這日吃到的，還是"粉"比較多，不算落足料，只是極普通的貨色，比起樂園及同區的黃明記差甚遠。吃完後，失望之情溢於言表....招牌魚皮餃的外皮一向甚煙韌有勁，但今日遇到的卻又偏淰，而且魚味欠奉。裡頭的豬肉餡"散修修"的且味甚鹹....叫多碟芥蘭。灼過了火，淰過了頭......今天發生了甚麼事呢 ?只可以說是 : "食神今天離我而去也"....

dec 24, 09,嚟食lunch,叫咗 : 1) 魚皮餃拼魚扎 (hk$23)-之前我留住份鱔稿好耐,等有1日可以嚟試吓-我好鍾意食魚扎,但唔喺咁易搵到 (香港仔, 元朗)-就算搵到,佢哋嘅水準又唔穩定,所以要不斷開發-聽聞佢嘅墨魚丸都好,不過無理由咁攪嘢叫3拼-個魚扎皮都唔會好腍,微彈,有點厚度-除咗有肉碎外,仲有冬菇絲同中芹條,呢個喺全舊魚扎嘅靈魂,不過細個嗰時食嘅魚扎仲有紅蘿蔔條添,又紅又綠,又靚又好味-呢個魚扎都合格-但個魚皮餃就略嫌佢滑口咗d,好似+多咗生粉咁,味道喺正常,呢個就普通* 唔知點解佢張咭片印住新興發而唔喺陳興發喎~~~~

已忘記為什麼會走到這裡，大概是陪食友試試新口味吧，聽說這裡墨魚丸做得不錯的。食物：淨四寶，魚蛋下重了硼沙，極為彈牙，腥是少不勉，問題不嚴重就是了；墨魚丸做功不錯，是墨魚膠配上墨魚粒打製成，爽韌有嚼勁，不會吃到一口粉，滿意了；湯底是隕石級的味精湯，喝完要堆幾支烏龍茶。環境衛生：茶記格局，地下不算很濕，坐在卡位還可傾上小半區鐘。服務：店員到老闆都很健談，尤其談及墨魚丸就更是眉飛色舞，聽得出墨魚丸肯定是招牌作。消費：四寶扣底$20（約），經濟的Tasting Portion。

九龍城都算係我的福地, 幾次生意都傾得成, 簽約儀式係於陳興發魚蛋粉下午茶餐有個沙爹牛肉包食, 味道唔錯, 所以促成今次為呢間茶餐廳介紹介紹!個包好味, 最主要原因係個沙爹汁實在野味, 炒香左的牛肉片, 同大量的沙爹汁, 一齊塞入個甜包入面, 一啖咬落去, d汁必哂出嚟, 真係滋味!間茶餐廳下午茶時間唔多人, 啱哂我同客仔傾生意

Now that I have found a stable source for my 余均益, I am even more motivated to find great fish balls 魚蛋 in the city. To me 魚蛋 is even more local than wontons, as it is also impossible to find artisanal fresh made fish balls in other countries. At 陳興發, they do exactly that, bringing artisanal fish products to Hong Kong locals every day.While 陳興發 offers dishes ranging from your typical 茶餐廳 A B C meals to stir fries and Hong Kong styled milk tea, my main focus is clearing the fish balls and related

九龍城之行, 揀選了幾間評價什高的食店光顧首先係陳興發魚旦粉, 有二十個好評, 但只得很少劣評, 想必係好食之店但係原來魚旦粉味道只係一般, 什至可以話係唔好食? 點解呢?魚旦有魚腥的味道, 一點都唔爽口, 湯底味道只係一般, 米粉比較粗, 口感一般只係一碗好普通的魚旦粉, 唔明白, 點解會咁多人讚好呢?

很奇怪，從小開始，每次到雲吞麵店也不會主動點「魚蛋」粉麵，因為硬是覺得外表單調顏色白白的魚蛋，味道也不會如何美味，所以大多會點雲吞或牛腩，原因是味道會豐富一點。人大了，喜歡去嚐試不同的味道，上述的心態便漸漸消失。今次來到「陳興發魚蛋粉茶餐廳」就是為了外表單調顏色白白的魚蛋。先不談論食物，店員確實殷勤有禮，不論是下單還是付款，也十分有禮地說聲多謝，這點確實在我預期之外。點了粉麵套餐「魚蛋河粉」及「熱奶茶」($23.00)。「熱奶茶」茶味較淡，水準一般，不用深究。「魚蛋河粉」的湯底程奶白色，先呷一口，味道偏淡，不是預期中的魚湯味道。「魚蛋」的質地不似一貫魚蛋的「硬彈」，即回彈反應強勁，而是柔柔的反彈。咬下去口感帶滑，魚味頗重。魚片除了形狀不同及有一層外皮之外，其餘的跟魚蛋沒分別。魚蛋水準確實不錯，可以用「白、滑、彈」來形容，唯獨湯底未能配合，拉低了整體質素。

宵夜係十一點嘅事, 睇完紐卡素輸埋睇嚟要降班, 都無哂心機了, 唯有化傷感為食量!好彩食左一碗幾好食嘅魚旦粉, 算係安慰獎, 魚旦有咬頭, 質地好似蒟弱咁, 嘩, 好食 蔥同冬菜吊味, 令魚露大地魚湯底更滋味, 呢碗魚旦粉值得食!

個人認為, 魚旦粉係一定要弹牙同有魚味先叫好食係呢間餐廳,我搵到一碗合我要求既魚旦粉, 呢間餐廳叫陳興發! 魚旦粉一碗四粒魚旦加兩塊魚片, 爽口弹牙, 好味! 湯底係比較咸一點, 可能係因為用魚露調味, 帶點腥, 另外仲食得出有大地魚既味道!河粉質地好滑, 因為湯夠味, 所以河粉可以吸收更多湯既味道, 令到口感更佳, 除左魚旦粉之外,仲食左一碟潮州粉果, 粉皮好厚, 味道就只係一般!陳興發會令我再嚟幫襯,因為佢做到一碗好既魚旦粉!

近排午餐想吃清一點點，所以都是專攻粥或粉麵類。是日下午又落到來龍城，見久沒有吃過魚蛋，這兒當然是首選了...這裏的魚蛋及魚皮餃都做得不俗。魚蛋並不是普通死實實溝粉的貨色，質感淰淰的，食落有淡淡魚味；魚皮餃今天做得反而失了水準，皮不煙韌之餘而且是有點爛爛的，邊吃邊皺眉頭....只吃一碗粉麵當然不夠喉。見牆上食着有潮式粉果吃，有興趣試試。望上去那粉果皮色澤白白的，跟外面吃的那些晶瑩通透的不一樣。吃上口，有少許米香；餡料雖只是尋常的馬蹄粒、筍粒、豬肉及蝦米，但汁液相當豐盈，配料做得頗入味，蠻好吃的....十大洋有三大隻，一口氣來個三五七隻，已飽到上心口了

食魚旦粉食到落九龍城,本來約左朋友去九龍仔游水,但係洗場無得游,真失望!行到落龍崗道嗰頭,見陳興發魚蛋粉就在眼前,就入去食,廿二蚊一碗粉可以跟野飲,都ok,我就要個魚旦粉,味道幾好!魚旦比較鬆軟,但係味道幾好!魚片味道都幾好!湯比較濃,仲落左冬菜,夠味辣椒油都唔錯,辣度啱啱好,點魚旦好好食!

聽朋友講,佢地既魚旦粉有番咁上下水準,於是約埋佢去食!我自己食左一碗紫菜魚旦河,佢既魚旦比較淋,但係都算有彈性!不過我自己覺得味道只係一般!魚片都係差唔多質地,都係覺得其實佢係唔係好夠味!湯就比較咸,不過未至於唔好味,可能落得太多冬菜,我就同朋友講其實呢間魚旦粉味道只係一般,不過佢就話可能今次失左水準,下次可能會好一啲,但係計我話一間好既餐廳係應該長期保持水準先叫做好既,你地話係唔係?

上次搭小巴落九龍城見到陳興發魚蛋粉,印象中好似喺openrice見過不少好評,咁啱落九龍城見客,入內一試!叫左一碗紫菜魚旦河,有兩粒魚旦同兩塊魚片,魚旦普通,唔算好好味,當然唔係難食,只係覺得未算係最好食嗰幾間,魚片好似唔錯,比魚旦好,因為表皮炸得幾香,河粉算幾滑,都ok!湯底好夠味,不過食到一半d河粉索哂d湯既時候開始覺得有少少咸,鍾意佢落好多蔥同蒜泥!味道都可以算ok!