陳記燒臘飯店

營業中

休息中

今日返阿媽度食飯，疫情下老家都係避免去街市人多的地方，所以去了附近的陳記外賣些燒味返去開餐。叉燒拼燒腩仔都是$98，燒腩外皮香脆，半肥瘦入口嫩腍，而且不會過咸；叉燒更加充滿著蜜汁香，叉燒邊燒至焦香，用了梅頭部份，所以入口鬆化。油雞半隻皮下脂肪不多，可以連皮食，豉油雞煮得入味，火喉控制準確，煮至剛熟，所以雞肉嫩滑。燒排骨表面塗滿香甜蜜汁，表面燒至變色，似叉燒狀，但肉味更濃郁及帶點焦香，一咬開就離骨，肉質較叉燒有較口。

唔比晚餐堂食，最好就係食燒味，方便快捷😋方便還方便......最緊要好食😋又比我發現到一間正嘢😝一間新開自家燒的燒味，新鮮熱辣辣，價錢唔貴味道又正👍😋———————🟤燒腩仔🐷：斬完上盒望見囗水流，為食貓的我頓時即刻偷一件食先， wow，新鮮熱辣辣又脆卜卜、燒味真心好味道，完全係食到即燒新鮮脆卜卜的感覺，燒味師傅功架一流👍👍對於食咁請究的我，返到屋企當然放得靚靚咁食，返到屋企食，塊皮一樣脆卜卜，肉又嫩口，真係好味到唔食哂係唔會收手😂😝🤗————————-🔴燒鴨🐥：早幾日見到人食燒鴨已經口水流又心郁郁，今日收工買燒味斬料，咁又點少得佢😂燒鴨又香又軟熟，皮脆肉嫩，呢間自家燒嘅燒味真係好正，真係樣樣都咁正————————🟡鹽焗雞🐔：色香味俱全的鹽焗雞，鹽焗夠味又夠滑，嫩嫩的肉質，滑滑的雞皮，平日我一定撕走雞皮不吃，但今日吃這隻鹽焗雞，是完全不感到有脂肪的雞皮，不禁也連皮一起吃下來😝———————-原來佢哋都有臘味賣，燒味燒得咁出色，臘味一定唔會差👍👍👍👍👍————————咁靚既燒味，又點能夠無紅酒🍷相伴咁又有籍口飲紅酒😂開心🥳⋯⋯就係咁簡單————————

冬至又好，或是聖誕節與家人共聚加多碟餸， 加多半隻鴨同燒肉是常識吧，最重要係一家人齊齊整整一齊爭鴨肶食，咁先開心。今次揀左油麻地新填地街陳記燒臘飯店油麻地地鐵站A出口一出過兩個街口就係，轉角位好易認。所有燒味都即日製造即日燒起，一隻隻燒燒鴨燒鵝，脆皮燒腩仔同油雞切雞都高掛在廚窗上，離遠睇到都讓人口水直流。二話不說，先食碟燒鵝飯先再外帶番屋企。燒鵝質素高一睇就知，鵝皮燒至一格格網紋， 肉汁從皮肉間流出， 外皮深紅帶有光澤， 肉味濃，咬落肉質夠嫩滑夠肉汁。白米靚仔煮得靚，飯粒咬落唔會削，我覺得走色就最好，因為鵝油油 脂滲晒落白飯到，每一啖都有鵝油的香，58蚊好過入深井食。燒腩仔半斤燒五花腩肥瘦層層相間， 唔會太肥，咬落肉質又鬆化，外皮燒得勁脆，即使番到屋企都唔會怕淋。燒鴨半隻鴨子色香味都俱全，鴨皮皮薄肉帶白色，油亮酥脆，鴨肉鮮嫩多汁，一咬落去鴨油香味盡在口裡徘徊。一食就知鴨隻質素高，完全不是街邊廿多元兩拼飯的質素可比。

-🔸四寶瀨粉 $48🔸臘腸燒肉瀨粉 $52🔸叉燒油雞雙拼例牌 $98-今晚同細妹食飯，平時食得多日本、台灣菜，今日突然想食返啲港式口味嘅嘢，就食佬味十足嘅燒味啦！三個人叫咗兩碗粉，再斬多份雙拼燒味例牌，已經超豐富喇！首先四寶瀨有齊燒肉、切雞、燒鴨、咸蛋，一次過試晒幾味；因為天氣凍就想食臘腸，所以另一碗就叫咗臘腸燒肉瀨。講返啲燒味啦，我最鍾意食叉燒，蜜汁燒完甜得嚟唔會漏，而且火喉控制得剛剛好，少少焦香超正！另外燒腩仔都好推介，肥膏比例唔會太多冇肉食，重點係塊皮燒得非常脆卜卜，正啊！

今天下午突然收到消息，外母跌倒入了急症室，便匆匆趕到去醫院探望。不過在急證室等了一會，外母還未入院，有些急事要做，便離開了。路過這裏，想買點外賣回家，在OpenRice內看到這裏有間新開的燒臘店。燒鵝下庒$140，燒鵝皮脆肉嫩，鵝肉味道十足，選擇燒鵝下裝的原因是因為鵝肶肉質紮實，鵝腩味道香濃。以這個地區來說，這個燒鵝非常優質，值得一試。👍叉燒燻蹄飯$42，叉燒肉質爽脆帶點軟腍，肉質豐富，燻蹄點些酸醋，味道更佳。

旺角呢間燒味檔離地鐵站近好方便，乾淨衛生，而且就算係到咗夜晚，仍然有好多選擇，就算收工先嚟買餸，一樣多種款式任你揀。今次試咗佢哋嘅燒腩仔同半隻燒鴨，攞返屋企加餸，屋企人個個都好鍾意。燒腩仔其實就係，燒五花腩，佢嘅皮好脆，而且啲肉好，實唔會好肥。啱曬我哩啲鍾意食瘦少少嘅女仔。而佢嘅燒鴨一樣好好味，個皮烤得好香脆，係傳統的味道，我去嘅時候都好旺人，好多人買緊。老闆娘好熱情，細心介紹，態度好好，之後一定再會幫襯！

今晚外賣左陳記燒臘返屋企做晚餐，買左四份一份下庄燒鵝($130) 及一盒燻蹄燒肉飯($47)。四份一份既燒鵝足夠二人食有餘，賣相不錯，燒得皮薄香脆，鵝肉嫩滑而且夠入味，皮肉之間帶有一層脂肪，鵝油滿滿，鵝香十足。燻蹄燒肉飯，份量大，燒肉外賣到家，外皮仍然脆到咬落有聲，脂肪跟瘦肉層層相間，肉質鬆化，雖然沒有炭火味，但充滿肉香，味道不會太咸。燻蹄薄切，食多兩塊都不會膩，做得皮爽肉嫩，沾上蒜醋汁就最好味。

今晚要同家人小聚下，佢叫我去呢間新開張的斬料就得，明白，即刻去買😘#白切雞髀雞髀係比最細嘅姪女食，叫師傅唔使斬開成隻咬，見妹妹食到好滋味，連皮都食埋，佢大讚好味添。#燒鵝打開都聞到好香，皮酥肉質豐富結實，食落有油香而且多汁，連平時唔食皮嘅我都忍不住要食埋佢，點埋佢哋嘅酸梅醬, 真係非常美味。#叉燒呢個燒汁味道很正宗，肉質有咬口且鬆軟，密味十足，送飯係絕對一流☺️見到佢哋掛出嚟嘅臘味，都好正咁😍，價錢合理大衆化，的確好味😋。

去開果欄買生果，行過旺角新填地街，見到新開左間陳記燒臘飯店，天氣咁凍，懶得煮飯，一於買幾盒燒味飯返屋企做晚餐~店員態度親切友善又健談，熱情地向我推薦各式燒味。最後買左燒鵝叉燒飯、油雞飯、燻蹄飯同臘味臘肉飯。燒鵝叉燒飯鵝皮赤紅帶光澤，咬落有濃郁鵝味夠酥香，油脂豐盈肉質嫩滑啖啖肉。叉燒肉味香濃，帶蜜汁亮澤，肉質軟腍彈牙有咬口，帶燶邊位置有焦香，惹口香口。油雞飯皮爽肉滑有雞味，食落嫩滑入味唔會嚡。皮肉間油脂滑溜有咬口，油雞肥嫩勁惹味。燻蹄飯爽脆鮮味唔油膩，口感豐富有嚼勁。臘味臘肉飯潤腸甘香醇厚、臘腸油香滿溢，臘肉口感肥腴唔會柴硬。

由細到大都好鍾意食燒味🤣🤣見到屋企附近新開咗呢間陳記燒臘飯店 ，感覺好老字號好正宗呢 😋😋一於買返屋企 煮個飯就搞掂啦 😊😊見到燒味係自家製燒的 ，仲有臘味賣！店員姐姐好友善👍👍買咗燒味下庄， 一返到屋企一睇就知係正嘢 🤤🤤鹅油非常之香，大髀位沒有半點肥膏 🥰🥰好香呀 返到屋企仲係熱辣辣！仲畀咗燒味豉油我添 ，送飯一流 😍😍鍾意食燒鵝嘅真係要試 因為依家好少好味燒鵝真係買少見少！另外斬咗半斤燒腩仔，我覺得好抵食呀，64蚊一大盒，肥瘦相間 五層肉，燒腩皮脆卜卜 ，食落咯咯咯聲，真係好鬼正🤤🤤依家役情唔可以出街食，買返屋企斬料真係一流呀😝😝

今日又係需要外賣嘅日子～屋企人就話想買啲燒味返去加餸🎈經過一間新開張燒味舖頭，款式相當多，有雞、鵝丶鴨丶叉燒丶燒肉丶海蜇等等 款式包羅萬有～見到價錢亦都相當便宜，新開張期間仲有九折！咁就一於叫過燒鵝同燒腩仔雙拼侍應姐姐好好人，俾咗好多甜酸醬同埋秘製豉油 返到屋企打開一看，分量十足！燒腩仔燒得皮脆內嫩，配上芥辣醬汁好好送飯，中間肥瘦分明，吃得非常過癮！燒鵝色澤鮮明，油香十足，外皮香脆，入口鬆化～呢間餐廳啲燒味賣相好靚，價錢亦都便宜，值得作為加餸之選！

其實我係一個燒鵝愛好者，基本上每日都可以食😂前排屋企附近開左間燒臘店即刻想去試試新野啦☺️尼間除左有一般既燒味之後仲有臘味，岩晒冬天尼個時間食😍食完個胃暖笠笠。今日同屋企人下午黎左食午餐，叫左個燒鵝脾潤腸飯，心大心細因為臘腸同潤腸都有，不過其實可以再加另外加$10要埋臘腸超級抵食，但驚食吾曬吾想浪費就只叫左潤腸。師傅上碟超快，切得仲好靚😏見到個燒鵝脾皮薄有光澤已經流晒口水，皮脂同肉好平均，最緊要係吾係得個樣，鵝味都有的，潤腸吾算好肥果種，肉質比較堅實，食落健康有咬口。另外叫左碟叉燒燒鵝加$20配埋燻蹄，塊塊都好大塊，最夠要爽口，叉燒燒得好靚有小小燶邊，不過我個人鐘意肥叉多點，可以同師傅order下次🤓職員好細心咁分開醬料上，醬油自己加吾洗怕太咸，好細心。最後叫左兩杯奶茶☕️夠晒港式有茶記既水準。除左臘腸仲有臘鴨，下次可以再試下😎