陶園燒臘飯店 (已結業)

去朋友屋企食飯，兩手空空點得㗎？所以去咗燒味店加餸～喺門口見到大大隻燒鵝，真係俾佢吸引到😂見到佢嘅鎮店之寶係荔枝柴燒鵝，更加聞到獨特嘅香味，而價錢亦非常親民，就決定幫襯😃叉燒（$50）～朋友同我都怕肥，所以點左瘦叉燒😂肉質會比較實在有咬口～配埋蜜甜嘅叉燒汁，真係非常美味😋燒鵝下庄（$130）～由於燒鵝有獨特嘅荔枝柴同鵝油香味，比起坊間嘅燒鵝，絕對有優勝之處！油亮嘅外皮，更加令人食指大動🤩配上酸酸嘅醬汁，簡直係錦上添花😋

佐敦寶靈街原來係一個市集，左右兩排都有唔少特色攤檔，橫街就有唔少食肆，今次行過就比一間燒味舖吸引住，遠處已經聞到去超香嘅燒臘味，仲有蜜汁叉燒嘅蜜汁味，忍唔住買咗燒味外賣返屋企食。當日下晝嘅5:00去到，舖頭入邊已經有超多人食緊飯，有一排卡位加幾張細枱，有一位師傅負責斬料，2位侍應負責樓面，忙起上嚟師傅真係斬唔停手🤭燒鵝下裝 $130最受歡迎一定係燒鵝，睇吓門口有隻肥燒鵝做生招牌就知道啦，幾乎每一個人嚟到都係買燒鵝嘅。皮薄超脆，下面有一層爭香嘅肥膏，再跟住啲好juicy嘅肉，最抵讚嘅係竟然仲有2包酸梅醬(⁎⁍̴̛ᴗ⁍̴̛⁎)叉燒 $50叉燒就偏瘦，勝在都夠入味，蜜汁都夠多，食落去都唔算好鞋，相信半肥瘦會好食啲

下午茶（2:30-5:30）：燒鵝瀨粉（$45）附送凍熱飲品燒鵝份量合理。燒鵝室溫，鵝皮唔算太脆，鵝皮下有少少肥膏，但可接受，鵝肉肉質比較紮實，甚有口感。燒鵝標榜用荔枝柴燒烤。以$45包埋凍飲來說，都可以算是抵食。

難得過海嚟佐敦，記得朋友之前介紹過附近有間燒臘飯店，有好味嘅茘枝柴燒鵝，一於斬料加餸。平日黃昏時間，坐滿半間舖，可見出品應該幾好。燒鵝下庄 $130下庄鵝脾特別好味，見到師傅會順手斬走多餘嘅肥膏👍🏻 荔枝柴燒鵝，塊皮果然特別香！啖啖肉，食落仲滲出鵝油油香。叉燒 $58斬完入盒仲係暖暖哋嘅，一般人鍾意食半肥瘦叉，但我就傾向揀無乜肥膏偏瘦嘅叉燒，用埋佢啲蜜汁送飯，係正嘅！除咗燒臘，原來仲有滷水出品，有機會再試

🤬🤬🤬2月4號下午大概5：00，買咗盒燒鴨下莊， 返到去發現 90% 肥膏，得d指甲咁薄嘅肉，近脾位都無2啖肉，挑到挑唔到出嚟食， 幾乎全部骨，仲夠膽收我$130 ， 因為兩隻手都攞住嘢，冇入去睇住佢斬， 點知就全部俾曬骨我， 離曬譜，千祈唔好幫襯🤯好差，真係好差， 第一次去附近買， 見佢擺出嚟， 好似幾靚咁。。。。 真係睇少眼就出事👎🏻👎🏻👎🏻👎🏻👎🏻 收錢態度又差，好似唔想接咁， 係門口仲要企咗好耐， 明明都唔係食飯時間，完全無法接受😡

新年期間，去左佐敦呢間出名燒鵝店買外賣斬料，好出色！呢間位於寶靈街，叫陶園燒臘飯店，舖面有隻燒鵝大公仔，好易認！當中有得堂食位置，都可以外賣返屋企食！我點了燒腩仔同燒鵝，先講燒鵝，係用荔枝柴燒嘅，特別香脆嘅外皮，嫩滑有肉汁嘅鵝肉，真係超級好味呀！食2，3舊都送到成碗飯！至於燒肉燒腩仔，肥瘦適中， 皮脆肉嫩，啖啖肉，就算外賣包住拎到返屋企，個皮仲係好脆！好食過一般燒臘舖好多！果然老字號！非常出色！價錢合理，店員服務都好好，有人情味！支持！要保存下去！

◾️◾️◾️✨佐敦高質抵食燒味✨◾️◾️◾️口感嫩滑 加餸必選👍👍#mayfoodie_jordan◾️◾️◾️◾️◾️◾️◾️◾️◾️◾️有一日屋企煮飯想加餸於是就嚟咗呢一間位於佐敦嘅燒味舖🤓發現幾高質抵食,想推介俾大家✨◾️◾️◾️◾️◾️[ 環境方面 ] ◾️◾️◾️◾️◾️呢一間餐廳位於佐敦由地鐵站C2 出口直行就到👍由於佢嘅位置非常方便亦都位於鬧市之中所以今日唔少附近嘅街坊堂食🙈去到門口, 你會發現有一隻好大型嘅燒鵝擺設做招牌非常搶眼✨🤓◾️◾️◾️◾️◾️ [ 食物方面 ] ◾️◾️◾️◾️◾️餐廳本身提供唔少燒味飯同滷水飯俾大家選擇而我最後揀咗兩份燒味做加餸🤓(1) ✨燒鵝✨燒鵝配合滷水汁下非常惹味😋咬落去外脆內軟 非常有肉汁(2) ✨叉燒✨叉燒口感嫩滑😋睇落去亦都色澤鮮艷 紅卜卜價錢親民 $50 有大大盒簡簡單單又一餐😋下次會試吓其他燒味🤣◾️◾️◾️◾️◾️[ Information ] ◾️◾️◾️◾️◾️📍 陶園燒臘飯店 (佐敦)📍佐敦寶靈街32號寶安大廈地下

今日在佐敦寶靈街買完年貨，順手去陶園燒臘飯店斬料加餸。陶園的古法叉燒和明爐燒鵝都很出名，真係食過翻尋味。秘製荔枝柴脆皮燒鵝真係好正，有特色又抵食。一隻$400，半隻$200，上庄$100，下庄$130，任君選擇。今天買了下庄。大大隻燒鵝肶孝敬老媽，她笑到見牙唔見眼。荔枝柴脆皮燒鵝香味誘人，皮香脆，鵝肉結實有肉味，調味佳，鵝油香。推介!古法叉燒也不可錯過。叉燒有肉味，肉質佳，瘦叉燒都唔鞋，半肥瘦更美味。性價比高，$128一斤，買$50都好多。下午茶優惠套餐都好抵食，由$38至$45，一律奉送凍熱飲品，好多街坊幫襯。

燒鵝脂肪比例誇張咗啲今天路過買咗半隻燒鵝半斤燒腩仔半斤肥叉燒回到家 打開睇到啲燒鵝肥高比例太誇張二百元半隻不算貴但也不是便宜本身不是食家不知道是因為來貨問題還是咁啱這一隻肥得太過份但今次的外賣經驗的確令我對這間店舖扣分味道普通 比較其他都是小店的味道分別來說 真的屬於普通桃園印像中應該已經很多年歷史不知道是否 仍然是開初的店主經營今次的購買經驗 的確是有些失望還有燒腩仔及肥叉未試味道 希望會有驚喜或者希望唔好咁失望

今日收工經過呢間燒臘檔，見到門口有勁大隻燒鵝公仔好搞笑🦢仲要著住件白色師傅衫，唔通係知己知彼百燒百勝既戰術🤣堂食燒味飯由4x蚊起📗都有十零廿個位，見食客同店員都有講有笑，充滿人情味，外賣斬料有非常多選擇，有叉燒、燒腩仔、燒排骨、燒鵝和燒鴨等🔥另外仲有好多款滷味，例如墨魚、牛肚、豬利同鵝肝鵝腎等一如既往有一個透明櫥窗斬料🔪吊起各式燒味和一盤盤滷，靠色香味去吸引往來的客人🦢燒鵝 | 8.5/10今次揀咗上下庄mix，既有肉多既鵝胸部位，亦有近鵝腿既位置🦵配咗滷水汁同酸甜醬，因為色澤夠哂亮麗，夾起由側面睇油脂已經融入肉質同皮一入口仲有驚喜，因為帶有柴火煙燻味，每一口都有濃郁香氣，愈食愈好味，因為有汁唔會太乾柴👍🐖叉燒 | 7.5/10經典燒味之一，必揀半肥瘦，因為咬落多d口感，食落爆汁，甜味唔會太over，顏色帶點深紅💋經過熊熊大火烘燒後帶點焦香味🔥

最近係佐敦附近返工，每日諗晏就夜晚食乜都好頭痛，夜晚簡左係陶園燒臘食燒味做晚餐。呢間陶園燒臘都幾多野食，有數款燒味米粉飯和滷水飯。有選擇困難既我都諗左好耐先決定好食乜。堂食或外賣一律奉送老火例湯，今日係粉葛章魚赤小豆湯，熱辣辣，喝到很香的海鮮味，好好飲。乳豬雙拼飯$68，配燒鵝，轉瀨粉。‼️堂食瀨粉米粉飯同價湯底為清湯，配3條菜芯。乳豬豬皮燒得很脆口，脆卜卜，小編略嫌肥膏太多。燒鵝約有6舊，肉多骨少。配有三款醬。飲品：凍檸茶

呢日做冬，做冬一定要食好豐富嘅晚餐，你今年做到我哋就留喺屋企食，因為喺屋企食嘅關係，我哋每人各自都買咗唔同嘅外賣返去一齊食！我就負責斬料，喺呢間陶園燒臘舖，買咗燒鵝，燒排骨，屋企人都話好好食！呢間燒味舖個門口仲有一隻勁大嘅燒鵝着住件侍應嘅衫，好搶眼！一睇就已經搵到呢間鋪！佢嘅燒鵝肥瘦分明，唔會話太肥搞到食落口成口油，而燒排骨嘅蜜汁味都好香！感覺上都非常之抵食！我見到佢嘅下午茶餐有先華奶粉食，都只係$45 ，非常之抵，如果下次同我食我都會考慮試吓呢個燒鵝瀨粉，因為佢嘅燒鵝都幾出色！

疫情下很多店鋪都提早關門，夜麻麻又想不到吃什麼，看到有間燒臘飯仍在營業，於是入去填飽肚子。相信陶園燒臘飯店都有一班街坊支持，都有好多街坊「斬料」回家吃，有燒鵝、油雞、叉燒等。有些熟客更因為想喝湯而來吃晚飯。食物的種類多‼️除了有燒味飯類（叉燒、雞、燒鵝、燒鴨等）之外，更有滷水飯類（豬腸、豬耳、鵝肝、牛肚、牛展等）。章魚粉葛赤小豆湯天氣凍最適合喝熱辣辣的湯水暖胃。湯水加入章魚干令海鮮的香味更加岀，好好飲😋‼️赤小豆薏米有去濕作用‼️粉葛就有舒緩肌肉痛既功效燒鵝雙拼飯 $62每次去燒蠟店必點叉燒燒鵝飯，精粹是多薑蔥，送飯一流🤣🤣👍🏻👍🏻叉燒肥瘦均勻，略帶焦香，肉質彈牙。可能小編真的太夜去，叉燒和燒鵝都凍了，如果熱吃會更加美味。飲品：熱檸茶

之前行過佐敦都成日見到呢個吉祥物「燒鵝員工」所以對呢間舖頭嘅印象都幾深刻今日再經過，就決定喺呢間度斬料加餸啦睇吓佢胸肌幾勁，就嚟爆衫咁滯呀💪其實小心地滑個牌係咪驚啲人撞親佢？🤪佢啲燒味擺出嚟，都幾靚見到佢啲叉燒幾靚，所以嗌咗分半肥瘦叉燒同埋佢嘅招牌荔枝柴燒鵝相係影唔到呢個半肥瘦叉燒嘅冧但食落口甜味適中，加上口感好冧屋企人都話跨區買都值得，可以再encore而佢哋招牌嘅荔枝柴燒鵝一打開個盒真係一陣香味湧晒出嚟依陣嘅香味係食燒鵝嘅時候，亦都會食到啲燒鵝有啲食唔晒，放喺雪櫃再煮返熱都好香仲有嗰陣柴燒味除咗燒臘之外，亦都有其他滷水嘢食斬料加餸一流仲有下午茶都幾抵食，下次可以試吓整體來講味道好正，值得再encore

今日去開佐敦寶靈街排檔，竟然在後街見到個"爆肌型廚"！喺一間叫陶園燒臘飯店門外,有隻巨型燒鵝守門口，十分吸睛。原來呢度嘅荔枝柴秘製脆皮燒鵝最馳名，我就決定今晚斬料加餸，買咗燒鵝下庄($130)，同埋叉燒($50)，兩樣都係呢度嘅皇牌。事頭婆叫我下次可以試下鹵鵝，話一樣都咁有水準。返到屋企，打開盒鵝，已聞到陣陣鵝香，食嘅時候，覺得d鵝皮嘅荔枝柴香好突出，鵝肶裏面竟然有好多肉汁形成嘅啫喱，食落好juicy，鵝肉滑溜無渣，肉味香濃，鵝皮香口但唔燶，平時食燒鵝會覺得內膽好咸，但陶園嘅鵝一啲都唔咸，食到鵝的肉香，真係要個"讚"。我平時食嘢口味唔重，所以冇點附送嘅燒鵝汁。至於叉燒算好抵食又好食，$50大大盒。叉燒一啲都唔肥，但食落冇渣，仲食到麵豉醬嘅香味。今晚煮碟菜，斬料做餸，簡簡單單又一餐。下次會試下買鹵鵝。