陶源酒家

營業中

休息中

諗住開開心心同家人食蟹慶祝生日， 叫咗長腳蟹套餐，點知一坐低就話而家d蟹要加500， 已經有啲令人愕然， 套餐標價 1000都唔使， 嚟都就話要加500，諗住算啦，最緊要屋企人開心。但蒸咗蟹之後仲繼續掠水，又話一定要加個正價小菜， 擺明呃，已經有啲不滿，但諗住收得咁貴，啲食物應該ok啩。套餐有片皮鴨， 完全冇見過隻鴨， 只係拎幾片凍冰冰嘅鴨過嚟，味道真係大家樂啲燒鴨仲有鴨味。 不過因為肚餓，唯有食幾片果腹 。 之後嚟咗個什麼片皮鴨兩食，係幾片生菜同碟味道酸酸地怪怪哋嘅蔬菜炒肉粒(鴨?)， 其實係咪真係肉粒都好難講。 好彩最後個蟹係正常。心諗終於可以慢慢享受下，但d呀姐不斷走過來收碟，係一分鐘十次的頻率，擺明趕客。最後個套餐double價錢落樓， 咁樣嘅價錢，咁樣嘅服務，咁樣嘅食物質素，以後想我留港消費都幾難，香港飲食業咪畀你哋玩殘曬囉。

想趁大閘蟹季節未完之前快D嘆番轉放題先  見到評論初頭有點猶豫 點知朋友早排先食完話好食要encore多次就約左啦✌🏼朋友一早book左位 所以去到唔洗等就有得坐 佢地已經有一次經驗去到已經即刻落order等蟹 因為D蟹要預番少少時間呢個時間去左夾片皮鴨、小菜同點心黎食下! 個片皮鴨D皮都脆身 如果溫度再熱多少少就完美啦! 仲有遼參同蟹粉豆苗都唔錯! 最鍾意係鮑魚同叉燒 睇番落單紙原來係黑毛豬 唔怪得禁香口啦😁另外點左蟹粉小籠包黎試 真係好好食 好多湯汁 good good!等左唔夠20分鐘 終於等到主腳出場啦 有三種口味 清蒸、太雕、鹽焗👏🏼👏🏼食落幾鍾意太雕之後 趁未清碟又再叫多碟 前後都食左三轉都好飽 之但係甜品又係第二個胃 最後都食左紅棗糕同楊枝甘露 開心滿足歸家去~由於太肚餓同埋掛住食蟹+傾計 當晚好多都唔記得左影相😅唯有係咁以分享僅有既幾張啦~~ PS: 之前有人話佢地服務差 但果日去又唔覺wor  個姐姐見我地個碟堆滿蟹殼都主動過黎幫我地換左兩次碟👍🏼

購買了龍蝦伊面餐飲卷試試味道，結果發現龍蝦很小一隻，而且蝦肉一點不彈牙，應該不是新鮮的龍蝦，不推薦大家. 海鮮這種東西，新不新鮮一吃就吃得出，很失望，下次不會再幫襯.

秋天係享受大閘蟹既最佳時機，今次呢間粵菜酒家推出既🦀大閘蟹放題，$528/位，限時2小時。除左大閘蟹，仲有北京片皮鴨、小菜、糯米飯、包點、甜品等，十分豐富！😍🦀大閘蟹提供三種烹調方式：清蒸保持了蟹的原汁原味；太雕蒸酒香撲鼻；而油鹽焗則帶來了獨特的香脆口感。三種吃法各具特色，讓人想不停地品嚐🥰除了大閘蟹，片皮鴨係另一個主角。自助餐台上隨時可以取用，所有的醬料和配料都很齊全。片皮鴨外皮酥脆，搭配甜麵醬和蔥絲，口感一流😋套餐仲送招牌特盛三式，包括金湯小米燴遼參、鮑汁扣原隻鮑魚伴翡翠、蟹粉扒豆苗各一份😍主食必叫西班牙橡果黑毛豬叉燒，超級入味好好食🤩小食最鍾意川味牛柏葉🫶 朱古力鴛鴦奶黃包流心餡都唔錯🍫甜品除左必飲既薑茶，特別推介蛋白杏仁茶😍蛋白順滑，杏仁味道濃郁，飲完又飽又滿足👍🏻👍🏻🔸大閘蟹/片皮鴨：清蒸大閘蟹、太雕蒸大閘蟹、油鹽焗大閘蟹、京式片皮鴨🔸主食：生炒糯米飯、上海菜肉包、鳳城雞包仔、朱古力鴛鴦奶黃包、流沙芝麻包、蟠桃大壽包🔸小菜：椒鹽豬小排、椒鹽海中蝦、避風塘雞中翼、白灼生菜、麻香四季豆、脆滷豆腐、手拍青瓜、川味牛柏葉、涼拌高山耳、麻辣土豆絲、香辣萵筍絲

未去過一間衛生咁差嘅酒樓，好多蟲仔周圍飛，打完一隻，跟住又一隻，甚至飛埋落碗及食物。每個點心一到，要盡快食，一遲咗，蟲仔就會飛埋去食物😰 因為大多飛蟲，不敢再叫太多嘢食仲慘過食街邊。食環及衛生署真係要去巡查下。呢間酒樓以後都唔會再幫襯✖️✖️

今日同啲朋友一行10幾人一齊去呢間酒樓飲茶，我哋叫咗超過20碟點心，但係上菜比較慢，我哋差唔多要走嘅時候候都仲有啲點心未到，於是我哋唯有埋單，同埋想取消未到嘅點心。點知道負責收銀嘅姐姐姐唔信我哋，堅持話我哋食咗點心唔認數，懷疑我哋呃錢，唔通我哋食千幾蚊會為咗慳幾十蚊講大話？直至到見到經理同佢反映，收銀員先肯幫我哋取消，而且一句道歉都冇，我真係唔明白點解會有呢啲員工，我哋嚟食飯，唔係嚟受氣。真係要同陶源酒家嘅老闆講聲，希望你好好培訓吓酒樓嘅員工。

同朋友book左食午市既2小時大閘蟹放題，1.坐低時已即時order左大閘蟹，預佢20-30分鐘會送黎，點知等左50幾分鐘都未有，再去催問先有。2.入座時冇比任何食大閘蟹既工具我地，到上左大閘蟹時依然冇人比食蟹工具同蟹醋我地，問黑衫酒樓職員拎，佢拎到黎既數量又唔夠我地用，再要求佢補返比我地酒樓職員就發脾氣話：冇啦，比得你就係得呢份！ 因為冇工具食唔到，堅持同佢拗左陣先話等陣搵人拎比我地。最後係我地問左另一個望落正常少少既職員拎，佢就即刻搵人拎左比我地。3.因為第一輪既大閘蟹等左差唔多成個鐘先比到我地，導致我地夠鐘時仲有唔少蟹未食完。有個黑衫既中年男人職員黎收錢時就指住我地盤蟹，話：你地咁樣唔得囉，咁樣唔係食兩個鐘，而係食3個鐘！我解釋話因為你地第一轉蟹等左成個鐘先比到我地所以先咁，佢就燥底冇應走開左。最後我地超chur咁食埋剩低既蟹，亦都冇食3個鐘先走。4.每次同黑衫果個中年男人職員order小食，佢都會話等陣會送過黎比我地，但就一樣都冇送到過黎，中途催問佢都係一樣既回答，最後都係冇送到過黎。5.酒店冇提供工具（例如膠桶）比我地放食完既蟹殼，我地自己執左d空碟出黎放。有個紮髻肥肥地負責

今日一行6人去試 陶源酒家大閘蟹放題無諗到酒樓Book位 可以用WhatsApp 好方便利申 我仲係賦予中式酒樓太傳統嘅形象 要打電話WhatsApp 個CS仲好善談 唔係講笑😂😂😂$528/位 再要加茶芥同加一蟹有得揀清蒸 鹽焗 同 太雕蒸個人覺得清蒸係最好真係隻隻都滿膏🈵正常食呢啲放題 最擔心速度同漏單嘅問題點知出蟹勁快手 要幾多隻比幾多隻 仲無話要食哂先再比叫 一直送上🦀🦀🦀個餐仲送鮑魚同蟹粉小籠包等等限定野小籠包大大隻 好好食🙂‍↕️ 不過手太污糟 又想趁熱食 竟然無影到 貪吃嘅我真係好忘我(⁎⁍̴̛ᴗ⁍̴̛⁎)其次仲有自助吧 🤰🏻任食片皮鴨 涼拌小食 薑汁蕃薯糖水等等片皮鴨都係出手勁大方 大大片有埋肉食一無哂就原隻拎出黎切🦆少癲呀 仲有壽桃包仼食🍑依個係大癲本身以為係X記包點啲細細個hea野點知係成隻男人手咁大 原粒蛋黃餡🌅唔好以為放題無service💁🏻‍♀️手套 濕紙巾 收殼 換碟樣樣都好齊備同高速係佩服嘅🙇🏻‍♀️

🦀🎉 大閘蟹季節終於到！🌟好朋友請客，帶我哋去陶源酒家試食2小時的無限蟹宴簡直係吃貨天堂！😍 清蒸、花雕、同鹽焗大閘蟹，任你選擇，即叫即蒸，每一口都是滿滿的膏！鹽焗蟹風味真係好出色！一定要試😋除咗蟹，仲有京式片皮鴨和小籠包等等，都係任食㗎！🍽️ 椒鹽雞翼都係我推薦之一，外脆內嫩😍另外每位都會再送一隻鮑汁扣原隻鮑魚🤩中式甜品都有好多款俾大家選擇～特別是師傅親手做的壽桃，健康、長壽、幸福的象徵，不吃不行！🍑一班朋友都食到好飽好滿足🥰

食過荃灣、灣仔陶源的乳豬和片皮鴨，覺得唔錯。今次因為同長輩食飯，選擇較方便的旺角分店。當晚未人齊已經有一個男侍應企喺我哋後面，幾次叫我哋食$3388「臻味雙龍宴」套餐。我問佢係唔係全包，包唔包酒水。佢話係包茶介、加一，但冇酒水。- 六頭飽魚伴金錢飽魚同冬菇都好大隻，但唔太入味。- 鴻運乳豬襯紅袍乳豬應該得半隻，皮脆、紅袍係類似素鵝，酥脆唔油。- 鳳凰竹笙燴燕窩係最差的湯羹，好鹹的豆粉水，所謂燕窩，味道怪怪哋，飲咗兩匙就放棄跟住無心機再影食物相- 鳳尾蝦伴鮮奶卷整條炸蝦只有後節有蝦肉，前面係粉；鮮奶卷都係食炸粉- 上湯龍蝦伊麵夠大碟，龍蝦冇乜肉，伊麵偏鹹。- 濃湯魚肚翠苗豆苗浸在鹹鹹的湯、細細粒的魚肚。- 清蒸沙巴龍躉合格，無蒸過龍。- 蒜香黃金雞普通炸子雞，無蒜香味。- 最後珍菌炆伊麵無乜味，撈埋龍蝦伊麵會好食啲！其實設計菜單的人知唔知一個餐有兩個伊麵，點解唔換炒飯之類！？又無甜品到埋單時才知道唔係全包宴，星期六、日仲要加$300！只怪我哋冇睇菜單下面的細字！價錢都係其次，食物味道差到我哋冇人願意打包吃剩的食物真係唔使再嚟！

Kkay day買coupon, 寫明包蟹粉小籠包，但服務員話無包。第二輪大閘蟹等左半小時未到，要再追。按菜單上叫芒果pudding，黑毛豬义燒又無。其他自取食物，例如热食的蝦，係微暖，又"林"，晤好食。其餘大部分自取食物分量较少，好似無咩refill, 特別係片皮鸭。餐具不潔。唯一好的係職員態度。總結，不会再去。

超級大伏6條友入座服務又差到爆入座時無茶主動供應 茶半個鐘後才來。每次order都要促單,特別叉燒開座時即叫結束半小時前才送到。蟹質素也十分劣 99%都是公蟹而且 非常細隻平均每5隻才有1隻出現正常膏量,外面自 助區食物供應亦完全不足,尤其片皮鴨。 6人每人660賣單猶如食空氣完場無人飽肚/滿足。黑衫經理走黎促賣單聲稱我地”食左好多了“要求我 們交枱,態度十分不良。但問題我們並沒有浪費任 何食物,而且長時間等待食物送上,還多次促單。 當晚待應全場只有3位而且滿座只有6成,服務十分 惡劣,這餐十分不滿,並且不會有下次惠顧的機會

試一次唔會返轉頭！！！差到冇朋友！阿姐發緊夢咁，餐具油淋淋，好嘔心。上點心時整個碟飛起咗，仲要扮冇嘢走咗，食物顏色勁奇怪。如果想挑戰旺角最差嘅點心，你可以過嚟試吓。

大閘蟹質素好差，完全無味片皮鴨拎出嚟已經凍晒每次大閘蟹都要等好耐連糖水都要追先有跟住啲侍應又提早收起你張點餐紙成6百蚊，好似食左垃圾咁完全唔推介人去食差差差差差

過埋個暑假，又嚟到食大閘蟹嘅季節，我當然已經急不及待去食大閘蟹啦！🦀大閘蟹放題 $528-大閘蟹一共有三隻味道 分別為清蒸、大雕、鹽焗 黃油蟹膏啖啖軟綿 香味勁烈 每一隻都有十足蟹膏 非常新鮮✨特盛三色🌱蟹粉扒豆苗-將大量蟹粉煮成芡汁淋上綠油油的豆苗上 令豆苗味道更香更突出🦪鮑汁扣原隻鮑魚伴翡翠-以鮑魚汁煮肥厚的大菇 盡是精華相當美味 小小的鮑魚及西蘭花作點綴🥣金湯小米燴遼參-粟米底的湯加入穀物及碎粒海參 較為名貴的湯羹🦆片皮鴨-餅皮以點心紙逐層相隔 加入青瓜條及大蔥 再包着甜醬片皮鴨 惹味十分 油香強勁🐖西班牙醬果黑毛豬-叉燒肥厚肉嫩帶甜蜜味 肥瘦參半啖啖回香 甚為出色🐂川味牛栢葉-栢葉以川汁浸泡 吸受香辣精華 爽口彈牙仲有唔同嘅特色甜品可以任點！總括嚟講，味道唔錯，值得一試！