陸她娜豬髀飯專門店 (已搬遷) 新店位置

知道最著名的豬髀飯，這一次並沒有選擇，反而想試其他菜式🙊.沒有舒適的環境、食物更沒有精緻的擺設，所以這次就不拍照了☺️但是平民貼地、大眾化的價錢，每個人都負擔得到👏🏻.首先主打推介泰式冬蔭公 (細)十分足料，唯獨草菇不算太入味，椰奶味道亦過重🙈雖然如此，但湯內的蝦店員婆婆告知是取用生蝦的，口感果然很彈牙，而且不算很細隻，一碗裡面都起碼有五隻👍🏻個人覺得十分抵食，無呃料的🙏🏻.另外也想推介一個普普通通的烚生菜，配上蠔油簡單都配搭已經係足夠🙈份量也不少，二十幾元一碟我覺得性價比已經高過其他泰國餐廳。.留意事項‼️店內的店員婆婆係會有點兒燥底，但老人家嘛🧓大家如果用餐就不要太介意她的說話、她的語氣（我一入到去婆婆語氣都不太好的，但差唔多食完，婆婆有同我傾幾句🙂）

落住雨出黎行街， 唔想食貴餐就選擇左呢間。 午餐$37 超值， 豬脾湯河。 我同家姐仔一齊share。 豬脾肉嫩， 連小朋友都大大啖咬到， 滷得非常入味。 掛住食唔記得影食物相加4蚊仲有野飲。 閒日人唔多唔洗等位

好多人讚佢GE豬脾飯, 所以來一試。大概有5,6 舊切好GE豬脾肉, 咬落去肉質好林, 炆得夠火喉, 有淡淡GE 咸味, 味道一般左D, 如果有落D 香料醃, 就香好多。配菜有菜心同酸菜, 無咩特別。BTW, 珍多冰好淡....

今次第一次到該店進行午餐，但以後一定不會再去。因為該店食物份量很小。我叫了青咖喱雞飯，雞肉只有5片，雞肉份量可稱為兒童餐!而且下單的時候很多菜式都沒有。在水吧方面，凍檸茶的味道十分奇怪，茶味興香港茶餐廳不同。而且價錢不是相宜。午市套餐都要4×以上。

叫左個雙拼豬髀+豬頸肉飯，真心覺得好好食、雖然肥左啲。但男士們食既話會愛上另外叫左彩虹湯河粉，就覺得一般，個湯有啲特別，酸酸地。再叫左個小食，酸辣鳳爪沙律，依個就麻麻地有啲失望。所以吾建議叫黎食，會後悔

I was looking for somewhere to have a quick lunch and saw this Thai restaurant. It was around 3 o'clock so there weren't many people. I got a seat and quickly order something to eat because I was in a hurry. I order the daily lunch special which was the green curry chicken with iced longan drink. The longan drink was sweet and refreshing. The green curry was sweet and spicy. It was also creamy. The chicken was tender but there weren't many of them. The beans were crispy and the rice was soft. To

陸她娜豬脾店的隔幾間舖，開左間同名但更多食物選擇的店，今日就試呢間吧。午餐要$45送部分飲品，最新優惠龍眼冰不用加錢。叫左個泰式濕炒河同炒金邊粉，同樣有豬同雞揀，就各一啦。泰式濕炒河來到，見到用料好豐富，特別多菜，包括西蘭花、椰菜花、芥蘭、椰菜、甘筍等，見到都開心，豬肉切成薄片，夠嫩無渣，菜都爽脆新鮮，每款煮到剛好，汁料非常多，浸晒個河，略咸，夠濃味。炒金邊粉相對較失色，因為只得雞肉，無菜，芽菜都少，茄汁味甜甜地，個味係不錯，只是大部分係粉，悶少少，雞肉是有味的，唔係雪到淡戊戊那種。龍眼冰甜得來有龍眼味，柚子蜜頗濃，飲品不錯。

遊船河 無論用料和湯底都非常接近泰國街頭吃到的風味有豬紅、魚蛋、豆卜、肉片、豬潤、粉腸湯底味味濃 蒜香重河粉幼身 滑溜 吸水唔會太快一路食都有好多湯飲仲有爽口的芽菜餸料多又豐富 豆卜索晒湯汁肉片 豬潤都爽口魚蛋細粒少少 幾夠彈性 同唔粉彩虹湯河 最大分別就係湯底淺紅色 醋酸味 都幾特別但在泰國無食過呢個湯底墨魚丸都幾有墨魚香 椰汁冰同青檸梳打都偏甜但夠濃味 唔會好稀水總結小店幾抵食又幾好食下次試埋幾間舖後的分店食物多點選擇

呢間鋪頭細細間，得十幾個位。主打泰式菜餚，特別係豬手，咁就梗係叫個黎試下啦。有d失望囉，個人認為雖然有其獨特既腌製方法，可惜並唔夠濃味勝在肉嫩夠腍補足返另外，天氣太乾燥，另加$30叫左個椰青，大大個夠清甜整體價錢相宜，比起商場既連鎮店當然平得多啦，雖然衛生麻麻地，但都可以試下既。

知道豬脾飯是招牌菜，但好耐無食冬蔭公湯河見餐牌有便叫了。店內都坐左幾枱人，但得一個待應，個待應又慢吞吞，一路同廚房啲人傾計，叫左幾聲，都唔理我。終於叫到等左陣，麵到，一睇咁少料，得四隻蝦，兩小塊蕃茄，河又碎又小，湯又淡，好失望，無下次。

我見人黎到都系食豬脾，但我就麻麻地啦，我今次黎推介下佢地蠔餅同埋個燒豬頸肉，蠔餅一上台就見到成個餅都系蠔仔，肥美，鮮甜，，佢果蛋有好濃蛋味燒豬頸肉咬落好鬆軟，好香香矛味，再配合燒肉醬汁，少少辣帶甜味，配合豬頸肉食會去左油膩感覺

話說早排同朋友去屯門睇戲，又唔想食連鎖野，所以就問問附近朋友有沒有好介紹。之後就黎左呢間距離TMP五分鐘既“陸她娜豬髀飯專門店“一去到華都商場，發現有兩間同名既，朋友話一間食泰菜，一間食泰式粉面（快食）；見有時間，就去左泰菜果一邊。朋友點左以下幾樣食物，包括：蒜蓉包點左一份作為前菜，唔洗五分鐘就食哂XDD因為佢連埋d汁，點一點，真係好食到停唔到手。大家可以試一試。泰式炒金邊粉賣相真係有surprise，佢好似比一份蛋包住咁，吉開之後，就會見到入面既金邊粉，味道岩岩好，再加上青檸汁，酸酸的，好好食，很開胃。馬拉盞炒菜頭之後點左個菜，但食菜既話，泰國style一定係用馬拉盞炒。好食！泰式肉碎飯賣相一樣咁靚，肉碎再加上九層塔香料，可能我好喜歡九層塔的味道，所以我好中意食呢個。將隻蛋dook爛佢，之後mix一mix，yummy！所有味道都好好，而且真係由泰國人主理，d waiter都係泰國人，但今次就食唔到最有名既豬髀飯同嫩雞飯，一次要黎試一試。

2016年6月22日晚係華都陸她娜小菜館個邊晚餐，點左招牌豬髀，馬拉盞炒通菜及鮮嫩雞飯。招牌豬髀之前食過碟頭飯，坦白講好失望，一間以豬髀賣點的豬髀失晒水準，5夠入味之餘亦5淋。但今次再食，豬髀夠晒入晒之餘豬脾亦軟淋適中，酸菜5會太酸而帶甜味亦令豬脾味道提升，菜心墊底入晒鹵水豬脾汁味道。馬拉盞炒通菜5太鹹及油膩，味道特別，只係欠左些少辣味。鮮嫩雞飯雞肉嫩滑，只係略嫌有些帶紅，反而點嫩雞的醬汁味道怪異，不過5點醬汁雞件亦夠晒入味。整體黎講都不錯，下次亦會試一下小炒。

剛到屯市時，突然看到這類的資訊顯示此店「已結業」，令我又失望又驚訝⋯⋯可是難得一遊，我當然不死心，決定要親自認證「死訊」。嘻嘻！果然有驚有喜😆原來只是虛驚一場～一試招牌豬脾飯，真的喜出望外！豬脾肉切件連皮軟腍，不少都入口即化，連平日牙力不怎好的媽媽也大讚😋😋😋配上鹵汁、酸菜、菜心、鹵蛋，還有可口的椰汁椰膏珍多冰😍😍50多元真的不錯喇！

香矛雞翼飯雞翼炸得太乾,令到雞肉太鞋，味道一般,好少豉油，味道整體一般凍菜密,味道不太甜，幾好飲屯門市中心的確少泰國菜，本來有2間泰國菜，另一間知名度較高泰國菜最近執咗，只淨下華都地下陸她娜,陸她娜某程度上似港式快餐店居多，地下分店地方好細好迫，這間餐廳由居港泰國人開店 ，我見到它有不少泰國人店員，我之前來過2次,近1年冇來光顧,地下分店冇套餐，要散叫碟頭飯，午餐價錢相比同商場貴咗些小，我入到店鋪坐下後叫咗香矛雞翼飯(40元),另加8元要了凍菜密，服務都OK，地方不是太大,座位亦坐得不是太舒適環境地方不是太大,座位之間好迫，我明白地方有限服務我覺得都OK價錢冇套餐，不抵食