隨您鍾意 (已結業)

尋日中午見完客,近近哋嚟左呢間食,之前都食過一次,都可接受,今次都冇令我失望,o的壽司同刺身一樣咁抵食,但係個天婦羅就麻麻,個都好正,o的食物各樣都保持到,唯一令我失望既就係服務,想叫加茶,叫極冇人應,o的侍應又掛住傾偈,一間舖除左食品品質外,服務都係好重要既,希望有關方面認真處理啦.

今日女朋友過海搵我食lunch本來打算同佢去食「台灣麵」但雨又冇停過最後我地行過呢間野，見佢有位就入去食啦... 點知...先黎入到去佢assign 我地坐門口隔離張檯0個個位實比出出入入既人撞我心諗你大把吉檯啦! 最後我自己行入去求其坐一張之後叫野食啦! 有個金毛行埋黎(0個度得一個金毛, 好易認)以下係我地一部分對話:我叫: 一個咖哩吉列朱扒飯金毛: 20分鐘我話: 咩話?金毛: 要等20分鐘我話: 咁...咖哩吉列雞扒飯金毛: 20分鐘我話: ....咁我要咖哩吉列朱扒飯金毛落左單就行開我女朋友叫三文魚生反三文魚切到一粒粒好似超市買0個0的咁...野又唔見得好食，服務態度極差咁既野食同service 都要加一請我都唔會再去!

今天下午個同事話去食日本野...之後我們來了這間。各自各叫了食物，我就點了"咖哩吉列朱扒飯"，個員工同我說這個要等十五分鐘，我心諗"唔緊要喇....等下冇所謂！"嘩.....原來真係要等十幾分鐘呀...但一上到枱，外觀已經唔吸引了....由於佢係咖哩汁同碟飯係分開上，所以我立即把咖哩汁倒晒落去喇，點知原來d汁好少的..我連食都未食..咁就叫個員工過來，打算問佢拿多少少汁喇...(重點也在這一刻發生)！我問個員工 " 唔好意思呀，可唔可以比多少少咖哩汁我呀？"員工答 "　請等等，我問一問先 。" (點解拿d 咖哩汁都要問呢？唔通係新來的？)咁我當然等喇....等左一陣，個員工回答 " 唔可以加比你呀，因為個師傅話如果你要加汁的話，加 【$5】 先有呀！"我當然唔要喇....嘩....加多少少咖哩汁姐，使唔使加【$5】咁多呀！你d 咖哩又唔係好味到飛起。到塊朱扒，一塊要我等十幾分鐘的朱扒，以為係正野喇////唉.....唔好食.....真係唔好！整體來說....這一餐只係把食物放入肚算了....食道同個胃都唔好經過仲好呀！

自問怕熱得要命，今天焗得氣都差0的透唔到﹗三十一度的情況下，行街是沒有可能的﹗所以收工高速飛入食店搵食﹗銅鑼灣的 "隨你鍾意" ，呢排好似多左好多食字為名既食店，咩先到先等，邊食邊等，真搞笑﹗都熱到廢事諗喇﹗坐低一睇餐牌就叫左個二人餐﹗小食係中華沙律啦﹗佢加左0的麵豉落去﹗鹹鹹地幾惹味﹗麵屎湯當然又係粉開架啦﹗無咩特別，普通貨仔﹗壽司0的飯比較鬆散，應該0的壽司醋落得唔夠，不過0的食落都ok﹗魚生拼盤份量很多，五隻魚類，但食落感覺解凍唔太夠，有一件食落仲好似食冰有雪0係入面添﹗其餘的不過不失啦﹗尚算新鮮不過無咩驚喜﹗百五蚊埋單，又壽司又魚生價錢不算貴，食物都可以叫做OK，如經過都可以一試﹗

其實我以前都喜愛在這店用餐，但上星期日食完真的不再光顧，原因好簡單一句講哂無一樣好食，叫要幾客壽司D飯好實，叫了個牛油焗什姑三個人只是一人一次就無哂！錫紙面積還無一百蚊紙大！勁！串燒要問幾次先有，雞軟骨還未燒好就上檯！勁！最後一味土佐豆腐！唉！勁失望炸槳還炸槳豆腐還豆腐！一句講哂如果無改善都好難再光顧！

成日見佢排曬長龍,今日就試下佢係咪真係咁正先.原來佢的壽司比起其他壽司店真係平好多.最平的是$4一件,選擇亦不錯,有三文魚,瀨尿蝦,蛋..等等..三文魚真不錯,起馬有鮮味,瀨尿蝦大大件,男朋友最中意,仲有個唔係好記得叫咩名.係辣的墨魚.真係好新鮮,美味,手卷$12,還有小卷物有8件,,還叫了個餃子拉面,三十多元.湯底比較清.冇咁肥.我記得佢個叉燒拉面都唔係太貴$29,是一個平平消費的壽司店!!但佢的位真係好迫..唔重得耐.

cashier同女經理服務態度極差,order咖哩吉列豬扒飯,點知黎到冇左咖哩,咩汁都冇,賣相完全唔得,仲要話我地order錯,又話"要咖哩貴d架wor",好似我地冇錢俾咁,另外個朋友order左個拉麵套餐,送氣水,個朋友都未order要咩餐飲氣水就黎左可樂,跟住問佢地可唔可以轉忌廉,點知換左雪碧;令我地最嬲既係,我問佢地可唔可以多飯,轉頭個男waiter拎左碗飯過黎,我地即刻加分啦,點知個cashier不停咁同個女經理討論點解會有人加飯俾我地,(我地坐係cashier隔離),好清楚聽到佢地講d乜,令我地超級不愉快,過多陣個女經理走埋黎同我地講,"今次我地加俾你,下次唔會有",好攪笑地,埋單加左我地$5!!!!!我地之前係問佢可唔可以加飯,如果要加錢,我地唔會唔俾囉,係佢地d同事令左過黎,佢地又冇出過聲就拎左過黎,跟住就喃喃細語咁討論,仲要唔知有心定冇意俾客人(我地)聽到,態度極差,我地一定唔會再去!!

夜晚即興同朋友食飯，因為平時食呢間野o既外頡係經常翻單，因為一來平，二來食物質素唔差，堂食都係試過天后果間~~今次第二次係o係呢間分店食。我入到去坐低等朋友，d 職員就好似好想我快d 落order 咁。之後見到有個set dinner，問多幾句個男waiter 就好似好唔耐煩咁，我都係問左兩、三條問題姐=.=我一路坐一路變左「拍烏繩小姐」，係咁見到玻璃窗有烏繩又行又飛，佢地真係要多謝我，因為我kill 左起碼六隻=.=到我朋友o黎到，佢再問其他野，個男waiter 就好似好唔like 咁。我地係坐o係近門口位置，個男waiter 答完野就同企門口果個女人講唔知d 咩，我估係嫌我地煩，因為我見到個女人係咁望過o黎~~ 但我地total、前後都係問左6個問題左右吧，咁都嫌煩不如唔好撈吧~~ 不論男女，對客o既態度都好唔掂，明明知我地叫加水，佢自己都問係咪加水，都可以2分鐘內唔記得~~食物唔差，但d 刺身個厚度可以切得均勻d﹔最估唔到個小食係一兜綠色酸酸地、唔合叫咩名既菜，經常會當係伴菜果d o既菜o黎~~ 個壽司都ok，但外賣更ok~~麵豉湯因為少飲，所以唔肯定係咪一向唔俾埋匙羹，但個男仔

早排去食lunch, 都幾多人, 等左2個字到, 入到去坐低, 載茶係用紙杯, 怪怪地...叫野食, 望落個餐牌, 無咩好揀, 又貴, 普普通通淨拉麵加幾件壽司都要30幾未加一,得碗好明顯用粉沖的麵豉湯.如果叫其他例如饅魚飯要40幾....貴到佢...都算la..個waitress竟然同我講要等30分鐘, 離哂譜, 問佢有咩唔使等咁耐就黑面! 我決定唔會再去呢間咁既野

一碗鰻魚飯無野飲, 40蚊未加一, 又細碗, 唔算好食, 好普通, 最嬲係lunch time都要我等20 分鐘, 真係唔明佢點返枱, 除左個經理, 其他侍應態度又差, 問多兩句都黑面. 我唔會再去。

D壽司、刺身勁新鮮,而D食品都好好食~!我哋一班同事去食,大約12人,個個同事都話正呢~!!!!呢個價錢食到D甘新鮮GA野,我覺得好低食~!!推介: 刺身、串燒、燒餅.........

今次我同個fd去食.我fd叫左個tempura飯,我就叫左鰻魚飯(因為1年前專做外賣果間"隨您鍾意"既外賣鰻魚飯好好食)好奇怪,個waiter話tempura飯會遲黎(因為要炸tempura)但係tempura飯竟然仲快到過鰻魚飯!但係一入口就知有問題啦! d飯都唔熱,之後我地叫個waiter黎叫佢幫我整番熱個飯.過左一陣鰻魚飯都黎啦, 雖然熱辣辣咁黎到,但係條鰻魚竟然唔熟!(鰻魚肉既色係紅紅地咁)我就叫個經理黎幫我換過,我見佢拎碟鰻魚飯入左廚房,過左一陣番黎同我講...經理:"小姐,我地鰻魚d來貨已經係咁架啦."之後我同佢講"你知唔知生鰻魚有毒架!"經理:"咁我幫你cantel,但係你只係叫番飯類啦"(真係唔知d咩policy呀!!!)真係好討厭囉...ps:值得一提, 有一個男waiter真係唔知咩叫服務態度囉,佢好似遊魂咁....叫左好耐先有人黎,間餐廳又唔係大,又唔係有暗角,都唔明點解睇唔到人需要叫野食,咁即係證明有人發夢啦!!

去左呢度食LUNCH叫左兩個餐壽司SET有八件，味道都還好，當然不能和板前個D比啦餃子比較細三文魚手卷不錯啊一個餐只是三十五元，算係咁！

經過試下係度dinner但都幾失望...一入到去就覺得好嘈好嘈而且真係好迫meun款式一般但係問個wait少少野都黑面=_=...就真係唔係好得喇要求唔高既話都可以去食既...

呢間野經過過好多次了，就係未試過，所以放工下決心入來試下佢﹗晚上九點客人不多，食既都係日式小吃同埋壽司刺身等，點了冷麵、壽司青瓜蟹柳小卷、牛肉粒同埋青口試下﹗全部野都不過不失，不過想推介既係芥末青口，好野味好香，入口好creamy，最慘一碟先得四隻，一人兩隻唔多夠喉囉﹗經過不坊試下佢﹗