隨您鍾意 (已結業)

貪佢平...聖誕節咪去買壽司同刺身返公司開party囉...返到公司一開...老闆即刻問我你係邊到買...o的野放得咁(核特)...我即刻啞哂...同sogo&citysuper無得比...一面無奈...下次都係去返citysuper到買....好唔好食一件事..起碼人地放得靚靚地...話哂開party....

唔算好好食,接受到,始終一分錢一分貨,好過元綠...服務麻麻

間唔中都會黎呢間野食^^感覺日本野都係好貴但係呢度既中午呢~只要唔係太大食既話一個飯40蚊內都已經飽架啦~個人比較愛佢既刺身飯~都ok的~ 唔會話得好少好少刺身~另外附加一碗麵豉湯~不過有少少失望既係有時想中午去食佢既免治吞拿魚"月南"飯佢都會話冇既@.@"有d怪怪地咁...

個幾月前黎過第一次,,魚生嘎水準一路keep到,,都幾新鮮,,而且價錢合理~最recommend係三文魚壽司同加州三文魚反卷.抵食得黎唔差>v<值得一讚係廚房整食物嘎水準,,同上次差好遠!!尋日去仲出左新野,,不同嘎"鍋類".價錢大約$50左右..叫左個牛肉鍋加烏冬.個湯咸得黎有小小甜,好夠味;材料ok多,襯埋煙煙韌韌滑嘟嘟嘎烏冬..正!仲有今次叫嘎鰻魚炒飯夠味又夠料,,唔似上次咁..都唔知自己食緊乜嘎!好想推介埋"算"香牛柳粒架,,師傅落味岩岩好!可惜d牛柳粒左d..貨源問題..如果你唔介意的話絕對可以一試!d水準同之前差咁遠,,唔知係咪換左師傅嘎關係呢..

去維園打完波，好熱但又幾肚餓，食日本野幾岩。因為太熱，唔想食豬扒定食之類既熱葷，於是揀了什錦魚生飯。另外，因我從來唔喜歡飲麵豉湯，寧願加$3飲可樂。未幾，什錦魚生飯到，賣相幾好，三文魚、吞拿魚、玉子及青瓜的顏色配搭好吸引。三文魚和吞拿魚都幾肥美，好味。凍凍地既飯，一啖連一口魚或玉子，好開胃。打完波熱到半死之下，是最佳選擇。服務方面，雖不是好專業，但一揚手即有人到，也算殷勤。

第一次去哩間食野,同女朋友order左軟殼蟹手卷,天婦羅拉麵,三文魚刺身,甘蝦刺身!食物都算ok,價錢也算合理最喜愛軟殼蟹手卷!走之前還打算叫一客打包,誰料店員說前三間店舖係分店專門負責外賣,而且軟殼蟹手卷特價15蚊就有兩個!聽到之後呆左,實在太抵喇!最後買左6個走!

我當晚去既時候, 差不多就快關門, 好多野都賣晒, 但服務仍然okay, 起碼無大家講到咁恐怖. 但係佢太難食, 只係食魚生, 三文魚出水、吞拿魚太乾, 有少少元碌feel, 甚至比元祿還要差, 真係好後悔入左去.

有次同個朋友諗住去買日本野返屋企食,,買左三文魚同埋甘蝦,叫入面個師傅切三文魚,,見住佢掘完鼻,,跟住仲要唔帶手套幫我切,,個師傅四眼阿叔黎的,,我望住佢佢好似好唔耐煩咁囉...我一定唔會再去隨你鐘意到買外賣,,d態度差到死

成日都黎幫襯最愛三文魚又抵又新鮮,海膽也不俗呢!不過唔想排隊就要早D去食呀!

要食壽司的地方，香港多的是，但這舖頭不知道有乜把炮，可以態度咁差。點了的壽司和刺身，味道同上枱速度都OK，但係個照燒豬扒拉麵就勁慢，舊豬跟本就唔係照燒，而係普通煎豬扒。重點係服務，排隊時已見到裡面不斷玩經典遊戲倉庫翻，將食緊野既客人，調來調去，去遷就不同人數要唔同的枱，結果我被調了兩次枱。最唔掂係Ｄ全店女侍應，全程黑口黑面，粗聲粗氣。我走時佢講句：呢度賣單啦喎！好似講到我好耐先走，其實係佢個拉麵遲上，我一食完已經叫賣單，真係頂佢唔順。仲有，大大聲同同事講：快Ｄ俾佢地（外面排隊的客人）入黎，費事又話我地唔俾佢地入黎。嘩！真係一Ｄ對客的禮貌都無。成日好似好忙，客人叫落單會大喝對方等等！其實工作量在香港來說真係唔算top，出去外面做，呢班妹妹仔真係無得撈。希望多Ｄ人睇到，唔好再去呢間野！

感覺上都幾好呀,不過個吉列炸蠔個粉漿真係超厚!好似食緊麵粉咁呀!其他都不過不失!

雖然食物ok，但服務態度好差好差。sushi 可以，軟殼蟹唔掂，粉漿太厚，基本上其他小食都做得不太好。還有那位短頭髮黑黑地肥肥地的waitress一開始便黑口黑臉，掟碟，唔執台，要menu冇menu，要茶冇茶。問佢a同b有咩分別，惡到好似想殺人咁。都唔知幾時得罪左佢...正在wonder之際，隔離台的客人也得到一樣的service. 唉..呀姐，趕客咩?!

次次嚟呢度食嘢, 通常都只係食魚生同壽司, 佢地啲熱食真係唔多掂, 好油膩又冇食物嘅味,好似junk food, 款款都好似一樣味咁!同埋大多數我都會買外賣返屋企食, 一來佢堂食個邊啲位唔好坐, 但最主要係佢啲waitress啲面口和態度勁衰, 黑口黑面, 行屍走肉咁, 尤其是做得最耐個1,2個. 簡直不知所謂.btw, 我覺得佢地最近好似加咗價, 因為通常我都係一個人食, 我逍常都係買四五拾蚊size啲三文魚, 但最近我呢幾次買都起碼要60蚊.

之前黎幫襯過，主要都係食三文魚、墨魚、甜蝦、軟殼蟹手卷等等...另外，附近都有佢地既外賣店，我都成日幫襯，買佢既三文魚($68-/磅)。因為多人買，所以去得快，感覺較新鮮。另外，如果識揀，有時會有腩位，更肥美、更抵！

同傻鬼心思思食三文魚刺身...咁又唔想去峄坐一陣食幾件壽司, 咁傻鬼就提議去此店門市食..我地見到有甜蝦手卷...$5/件(起碼叫2件)咁我同傻鬼每人叫一件食...同埋叫左一盒三文魚刺身食. 手卷真係似食一團飯, 得一小小小隻甜蝦係入面, 仲要係個甜蝦都唔鮮甜. 不過刺身就真係唔錯, 可能多人買流量多所以都有信心既保証.