雀越越南料理 (已結業)

平時lunch路過見到呢間餐廳都幾多人，今日lunchtime過後見冇咩人，而且有下午茶，就試下先！~店內不太多人，本身想坐卡位，但被店員叫坐二人座位……叫左個香茅豬扒金邊粉配熱華田~~~香芧豬扒金邊粉香茅豬扒香茅味濃，外皮少少脆，唔會好韌，但豬扒比較薄。金邊粉份量剛剛好，金邊粉偏煙靭，不會太淋，加上青檸及其他配料令整個金邊粉更惹味！！！餐具幾特別，但已佔據大半張二人枱... 如果真係兩個人一齊食，張枱會比較迫少少...整體來說，食物質素不錯，下次可再試其他食物~

開左間新既越式餐廳，印象中好似好耐冇食過越南菜，入去試下質素如何先，點左個香茅豬扒飯，賣相正常，食物都ok唔會偏鹹，但價我就覺得比較偏貴，間唔中都可以幫襯下既。

雖然唔講得上係咩驚喜, 但係呢度嘅食物都唔錯, 易算係意外收穫。 深水埗呢個位置多一個好嘅選擇。偶爾途經此地, 搵野食, 見門口餐牌上嘅套餐價錢好抵, 就入咗去試下啦。叫咗兩個特價套餐, 每個都只係35蚊:<越式蔥油香茅豬扒飯>煮得好好味, 都唔錯呀! 用料好新鮮。<越式香茅雞扒飯>同樣好味道。雞皮酥脆, 內裏肉質鮮嫩多汁。重點一提: 佢哋嘅配菜係煮熟咗嘅, 蔬菜、調味各樣都正, 惹味又健康有益。凍檸茶及熱奶茶, 都正路, 無問題。支持小店, 我有機會嘅話, 會繼續幫襯。

見到有間越南菜，門口望似幾好，就入去試吓，坐位屬於舒適，入面有個位置係用雀蘢做既座位好特別，服務都可以，最欣賞係杯水，好有特色，如果食過越南或泰式的有塊葉包住的甜品椰汁西米糕，杯水就係甘既味道好好飲，仲有龍眼肉紅棗茶都係好味，但食物就好差，一個甘間單既炸蝦餅未食過一間係甘難食，吳熱不在講，涷之餘，咬落口係硬，完全無炸既感覺，就好似係雪柜拿出來攤一攤比你食甘，咬左一啖吳想食，再食個咖哩雞，雞咬落口有一陣雪味，甘重既咖哩都庶蓋吳到一陣雪味，又係難食，所以剩係食左咖哩入面D洋蔥同蕃茄，個玉豆可以接受但偏咸，本來想再叫其他食物，但都吳敢再叫，一路食期間一路係甘不停鼻又痕，吳知係米泠氣隔塵網無清洗，好小情況我去食既地方會不停鼻痕好似有好多塵甘，連我朋友都話D空氣有問題，叫快D埋單走，總括來講，隨左杯水最有特色之外，食物係好難食，吳會再去。👎🤮

未食過咁難食既越南野...開頭見到門面幾好諗住去試下...點知入去坐低見到個menu已經知道中左伏1. 價錢比一般越南餐廳貴但份量普通、選擇又不多最後叫左個燒豬頸肉、生牛肉河、馬萊走地雞配金邊粉- 燒豬頸肉，基本上好難整得難食，但一咬落去韌到咬唔到，勁乾，好明顯係微波爐叮到乾哂硬哂個種口感- 生牛肉河普通，不過不失，但都唔係好食得去邊- 走地雞真係嚇死人，一入口梅而無味，完全唔知自己食緊咩，我地一家人之後就成碟無食過，真係食唔落..金邊粉未浸透，煮起時太韌食完真係好失望，諗住一家人食餐好，最後真係無一樣野係食到，平時我都無寫過食評，呢間真係忍唔住要寫，難食到令我驚訝...

前些時家中電腦壞了，要到深水埗一帶買零件，行完兩個電腦商埸，買齊零件已近黃昏，有些肚餓，但見食店處處，花多眼亂，找來找去，結果行到這間越南料理，見店門面很有特色，不妨試試。店不大，頗雅緻，尤其是那些蓮花吊燈，很漂亮。我們去到是下午茶時間，店有八成滿。茶餐有八、九款，每款三、四十元，很平宜。我們要了兩款。生熟牛肉湯金邊粉，湯底清甜，牛肉有鮮味，惜份量稍少。另配上一小碟新鮮金不換及特製醬汁，可見製作認真，誠意十足。香茅豬肉撈檬，乾檬絆以豬肉條、炸香的蒜蓉及洋蔥絲、蔥花及生菜絲，加上微酸醬汁，非常淸新惹味可口，值得推薦。香濃中式奶茶。

第一次食呢間，落完單足足10分鐘先同我講我叫嘅嘢冇晒，揀其他，佢等都唔等就轉身行開，其實等我2秒就揀到，因為根本就唔多選擇，結果又等咗幾分鐘先落到order。。。。

......老實說，越南餐廳很少是難吃的，最多也只是普通罷了，見餐廳門面不錯，便迷一樣的進去了......裝修疑似很想有特色，但整體感覺卻很一般般，黃色的燈，黃色的檯椅。餐牌選擇菜式極少，沒什麼特別推介，價格比一般越南餐廳貴。越式生牛肉河$68材料有生牛肉是基本，還有洋蔥、芽菜、香蔥...等基本配料，但份量不多，牛肉肉質過老，有如柴皮的口感，很難咀嚼！牛肉味淡，不鮮也不甜。湯底也很淡！味清而無味！河粉份量不少，但礙於湯底太差，牛肉太老，沒什麼食慾可言。香茅豬扒飯$68賣相不太差，伴碟的車喱茄不太新鮮，豬扒味濃，可惜粟粉用得過重，令肉徹底失去了原有的肉味和口感，相當油膩。越式香蒜牛油雞翼$68...討厭！為什麼要點這小食？超難吃的！味道很怪，有點油臭味...口感很油。蒜味淡、牛油味也淡，但很鹹！唯一可取的是雞肉不乾，還保持汁液。珍多冰$25柚子茶$21飲品方面反而還可以，慶幸珍多冰的椰汁是真椰汁！柚子茶味道亦夠濃，但不見有出色之處。價錢定得過高，不太值。很伏的越南餐...餐廳要留意衛生問題！請切忌在客人用餐時，在旁邊打掃地面，沙塵飛飛，嚴重不衛生，影響食慾！又何必呢？

是日晚餐點咗越南炒飯， 豬肉串燒， 炸軟殼蟹， 蝦餅；蝦餅味道一般， 不會好彈牙， 但味道也可以的； 越南炒飯唔香， 冇鑊氣， 同叮飯差不多， 味道一般； 串燒好失望， 支簽應該係裝飾， 完全唔冇燒過， 食得出佢應該係用豬扒切細， 串上支簽煮熟後再淋D醬， 完全中伏的感覺； 炸軟殻蟹， 一上枱我以為是炸魷魚鬚， 食咗一隻腳, D炸粉係腳的double, 仲有少少唔新鮮的味， 再試吓個身的位置， 哎！ 仲差， 真係幾臭吓， 冇晒胃口， 完全中伏的感覺，去附近拮串魚旦食好過！

雀越同旁邊古早牛肉差唔多時間開，佢地價錢差唔多，野食都唔錯裝修唔太似食越南野，感覺有d法國風情唔洗問男友又係叫生熟牛肉河啦，個人覺得湯淡左少少，可以濃一點就好啦天氣熱食撈檬比較清爽，炸春卷味道調得剛好，外脆內軟，加埋撈檬魚露正呀！軟殼蟹粉卷都唔錯，材料新鮮，即叫即整，軟殼蟹係脆ga 咯，唔係“霉霉地"但最衰金不換多左少少，已經唔計插係頂裝飾龍眼冰真材實料，好多龍眼同紅棗，味道唔太人造，應該溝糖水機會唔大，飲完喉嚨都好潤下

今日去深水埗行黃金高登，當午飯時間，經過呢間新嘅餐廳，印像中應該都係開張不太久，因為我間中都會行下高登做下潮人!對面馬路就已經俾佢藍色嘅佈置“吸睛”了，於是過去睇下，裏面應該係食越南嘢，而且佈置都幾特別，侍應都著曬一啲泰式，越式 嘅制服。不過今日一支公，唔想就咁食一碗 檬粉， 都係留返下次同朋友一齊，可以試多些越式小食!正當我想走嘅時間，比佢個午餐餐牌吸引了，我點了一個蒜子汁美國肉眼扒飯，真係估唔到午餐嘅肉眼扒都係厚切而且肉質很嫩滑，很多蒜子放在 上面蒜子汁好特別，唔似得黑椒汁一味靠辣，仲有伴碟蔬菜同車厘茄都很好味，杯凍奶茶都做到港式奶茶嘅味道。所以都幾有水準，下次人多時間，我會試試佢真正嘅越南食物，今日呢個午餐我都覺得價錢合理，食物質素唔錯!

開完會搵飯食，深水埗非常多選擇。晚飯唔著食太多、想食清淡啲。就試吓呢間新開越南菜。與其講係越南菜，其實似星馬菜多啲。裝修幾靚，但如果隻藍色再淺色啲會好睇啲。舖面有3個伙記，人手充足，服務亦過得去。揀咗2人套餐；有炸蝦餅、咖哩雞煲、馬拉盞炒豬肉四季豆、白飯兩碗、龍眼水兩杯（小妹加8蚊轉咗杯青檸梳打，但餐牌明明寫住特飲加10蚊，唔知點計，哈！）。炸蝦餅唔錯，味道及醬汁淡口，但亦不失淡淡嘅蝦香。咖哩雞煲餸唔太多，但好多咖哩汁，夠晒餸飯。馬拉盞炒豬肉四季豆，亦唔鹹，有淡淡嘅馬拉盞香味，就係豬肉少咗啲。餐牌上3個餸有個價錢，下面又一個套餐價，有啲亂。小妹見好多人都要問一問伙記至明白，好彩伙記態度亦唔錯。反而兩杯飲品都偏甜。似乎係用洗碗公司嘅碗筷，個飯碗太淺，比較難用。

第一次黎食下午茶，叫左個豬扒撈檬粉，黎到塊豬扒得半塊，斬開左2件，其中一舊係骨，問個經理係未豬扒係得半塊？佢答我正常，我地係咁.....我以後唔會再黎!覺得好呃錢..好伏

假期 午餐食左個 黑椒雜扒 配 凍檸茶另外叫左個唔係set lunch 既 生牛肉河粉 配 龍眼冰點餐上餐都好快 因為無乜人先黎左凍檸茶 有4，5片檸檬不過狂篤完 一d檸檬酸 都無 可能神早切開左浸係水再黎溝野飲 再黎生牛肉河 都好快上牛肉已熟 牛肉份量好少湯味道都唔錯 不過淨係碗麵都$68蚊龍眼冰無乜龍眼味 又唔係好甜 似水最後食完碗湯河先上個雜扒飯中途已經講唔好再黎呢到食雜扒後而做到一般茶餐廳水準唔錯似求其學過就煮出黎話係越南野最後埋單$156蚊仲貴過係附近茶餐廳晚餐以後唔會再黎

有一次食完飯，行過見到呢間食店開業，見店舖裝修非常特別，店員亦都好好，知道我哋食完飯經過，都有好禮貌咁叫我哋有機會去試。一直都想去，今晚終於有機會喇~😉朋友仔就早前去咗，試咗午餐同滴滴咖啡☕，但試完就話麻麻地…我唔飲咖啡關係，所以唔評論喇~先講吓裝修先，見到真係好有心機💖，連門口頂部都加咗幾個好靚嘅燈籠裝飾，而一入門口嘅屏風及金色雀籠坐位🌟，就真係吸引到不得了，再望頭頂上嘅燈，都係用蓮花設計，再配合藍色牆身、不同嘅雀鳥🐦裝飾及店員嘅民族服飾，可見真的是花咗唔少心絲...入到已經令人覺得好舒服，充滿大自然感覺🌱😌食物方面，叫咗啲越南菜較常食嘅食物試，生牛肉湯河、炒通菜、豬頸肉、大蝦米紙卷及春卷撈檬。🍲生牛肉湯河啲湯有少少似腩汁湯底，本人喜歡放啲是拉差加撈檬汁落個湯到，令個湯變得有少少甜酸辣味，熱辣辣夏天就最啱~但如果有埋甜味是拉差就好囉~😛炒通菜用咗蒜蓉炒，炒完菜嘅色澤仲幾好，冇瘀色。豬頸肉燒得好適中，唔會過火燒到燶晒。大蝦米紙卷，份量剛好唔會大多檬粉，蝦亦幾好。🍜春卷撈檬味道亦唔差，春卷涵好多好好味，如果春卷是用豬網包就更加好嘞~P.S. 食完嘢不防多飲啲水，因為呢到嘅水係用班蘭葉沖泡