集眾菜館

營業中

休息中

原本已book 枱同朋友食飯、但當天突然收到朋友通知需要入院！所以需要取消飯局、打電話去cancel 時被接電話的破口大罵說退了很多訂枱、不是這時候才cancel 等。但根據資料5點先開始營業、從來沒有接過他們電話confirm Booking、亦沒有WhatsApp function！真的需要這樣嗎

因為我自己本身好鍾意食魚鰾，而呢一間小菜館嘅魚標又做得好出色，所以今晚忽發奇想，嚟一個魚標大比拼，其實都係好無聊咁樣叫兩款唔同煮法嘅魚標睇下邊隻正啲。一號佳麗就係鎮店之寶之一嘅鐵板白胡椒煎魚鰾，佢係用煎焗嘅方式去處理呢個魚標，所以煎到魚標嘅外層少少窿微微脆，蓮藕落去嘅時候仍然保留到魚標嗰種煙煙靭靭嘅口感，用鐵板上就保留到嗰個溫度，特別天氣凍嘅時候會更理想。2號佳麗就係傳統嘅薑蔥魚標，都係鐵板上，呢個魚標就少咗煎焗嗰種嘅脆口，不過佢啲配料就煮得好香，洋蔥紅蔥頭蒜片等等發揮到佢哋應有嘅香味。總結：如果純粹講魚標本身，白胡椒煎嗰款係好食啲嘅，但係如果講整體嚟講，薑蔥魚標係惹味啲嘅。

真係好掛住呢間小菜館嘅咕嚕肉。雖然要百幾蚊一碟，份量亦唔係超級大碟，不過真係食過返尋味。呢度係肉新鮮梅頭肉，加上薄薄一層炸粉，大廚掌握個時間掌握得非常好，先至可以做到外層微微脆口，而入面嘅梅頭肉就啱啱熟，咁先至可以做到外脆內軟嘅口感。另外佢個汁亦調教得好好，個甜酸度剛剛好，而佢嘅酸亦無乸喉嘅感覺。除咗咕嚕肉之外今次仲食咗鐵板白胡椒煎魚卜，呢個餸亦都係非常好食，個煎魚卜嘅質感好正，而且啲白胡椒嘅香味亦非常之出，無得頂。

雖然綠底紅字嘅招牌非常顯眼，但餐廳本身並唔起眼，猶其太子大角咀一帶不乏小菜對餐廳並無過大期望。誰知道餐廳喺口耳相傳地成為一枱難求嘅人氣餐廳，更加係帶嚟意想不到嘅美味。餐廳價錢合理，味道出色，用料充足，食材多元化，唯有環境稍為狹窄，路過附近搵飯食都絕對值得一試。【集眾極品雞】 - $238（半隻）少有地會附上雞雜，雞肉本身多汁嫩滑，咸香味道十足，但個人口味認為略嫌過硬，但味道良好。【鎮店小炒王】 - $158小炒王用上韮菜，走油炸過嘅竽頭絲，菜莆，蝦乾，腰果一齊炒，炒得夠乾身，口感十足，調味恰當，乾爽唔油膩，蝦乾仲帶有淡淡咸鮮，香口惹味。【鐵板薑蔥炒蠔】 - $158選用鐵板而非砂窩令炒蠔食到最尾唔會油價，蠔身大隻且鮮味十足。半煎炸過嘅蠔更加唔掛汁，十分香口惹味。【金沙黃金鮮魷】 - $148中意食香口嘢嘅人去嚫食小菜必食之選，金沙香口炸漿薄身，魷魚爽口，口感香脆輕薄，每舊切得比較大所以食多兩舊會有少少油膩感。綜合推薦度：🌕🌕🌕🌕🌗

今晚好開心，試到一間好好味嘅小菜館，雖然得兩個人叫唔到好多嘢食，但係叫咗兩個餸，兩個餸都做得好出色，攞滿分。其實兩個餸都係睇openrice見啲人推介所以叫嘅，果然無伏。第一個就係呢間小菜館嘅人氣小炒，拔絲菠蘿咕嚕肉，第一眼睇過價錢都真係覺得有啲貴，不過食咗之後就覺得物超所值，出面好難食得到啦呢種質素嘅咕嚕肉，外脆內軟嘅口感冇得彈。第二個餸係白胡椒煎魚卜，咁啱得咁橋又係外脆內軟，白胡椒好香，食嘅時候仲間中會咬到啲白胡椒粒令人覺得好興奮。

朋友介紹呢間小菜館，仲話記住食佢個避風塘瀨尿蝦，今日終於去咗試咗，真係正，因為係D瀨尿蝦已經拆晒肉，食落去啖啖肉，好High。佢D乾蒜都真係爆得幾香，好有避風塘嗰種風味。佢呢度個雞煲翅真係抵食，好似係$108一盅，一人份量，都幾多翅，好足料，雞湯香濃。佢呢度有隻德國麥啤都幾好飲，易入口，唔會苦，麥味都幾香，唔知係唔係食咗咕嚕肉D菠蘿，覺得隻麥啤有D菠蘿香味。聽講呢度嘅咕嚕肉又係必點嘅，網上講係新鮮豬肉加新解菠蘿，叫咗試咗，真係必點，可能係食過最好食嘅咕嚕肉，外層粉漿落咗個甜酸汁之後仍然保持少少脆口，入面舊豬肉(估計係梅頭肉)又真係熟得黎Keep到軟綿綿嘅質地，真係幾好食。

我真係非常欣賞呢間小炒店嘅白胡椒煎魚鰾，佢呢度嘅魚鰾半煎半焗嘅煮法令到魚標本身外脆內軟，講緊嘅外脆唔係好似椒鹽九肚魚炸到卜卜脆嗰種，而係煎到燶燶地，保留到魚標本身煙煙韌韌嘅口感之餘，亦因為嗰少少嘅燶燶地因而等你食嘅時候有嗰種輕微脆口嘅口感。魚標本身係有少少腥味嘅，不過就係佢用咗白胡椒做主要配料，所以就可以完美咁樣闢走咗啲腥味。呢個菜式係用鐵板上菜，保留到個溫度，同時亦可以減少魚腥味，另外芹菜蒜仔呢啲配料亦都因為佢用鐵板上嘅緣故所以份外香。另一樣呢度正嘅嘢就係呢隻德國麥啤，有小麥嘅香味但係又冇苦味，都幾易入口，其他地方好似比較少見啲。

今日遇到隱世高手，叫咗幾個餸，樣樣都係水準之作，而佢嘅咕嚕肉同白胡椒煎魚卜更真係屬於天花板級別，大家有機會真係要試吓。先講咕嚕肉，我問老闆娘點解咁好食，佢話原來佢地係用新鮮豬肉去做，唔卦之得一咬落去真係有唔同嘅口感同味道啦。佢嘅咕嚕肉炸得火侯啱啱好，外層雖然已經落咗汁，不過仍然保持微脆，而裡面嘅豬肉真係軟熟有彈性。仲有佢個咕嚕肉的醬汁又真係做到拔絲嘅狀況，老闆娘仲話佢地連菠蘿都係用新鮮嘅，真係非常有誠意。至於個白胡椒煎魚卜就真係勁，白胡椒香得黎又可以闢走魚卜嘅醒味，可以話係一石二鳥。佢嘅魚卜煎到表面微微燶，令到個魚卜更加香口，好掂，呢兩個餸餸飯真係一流。

這家位於太子的粵菜小館給人一種溫馨親切的感覺，菜式的味道也非常好。食物方面，他們的招牌菜色波蘿咕嚕肉確實讓人難忘。咕嚕肉的肉質軟爛入味，外層少少脆口，眼見差不多每枱都有點。小炒皇是鎮店菜式之一，色香味俱全，韭黃鮮嫩可口，最精彩是炸脆了的芋頭絲，脆卜卜好正，蝦乾的size很大呢。豉汁鵝腸味道醇厚，帶有一絲微辣,回味無窮，老闆說是新鮮的鵝腸，所以特別鮮味。這些傳統粵菜菜式都做得非常出色。另外，餐廳供應的德國小麥啤酒也是一大亮點。啤酒清爽順口，酒精度適中，完美地搭配了這些家常菜肴。

食來食去都係覺得呢一間嘅小菜最出色，淨係個咕嚕肉已經值回票價，材料新鮮已經贏咗起步點，呢度啲咕嚕肉係用新鮮豬肉，連菠蘿都係新鮮嘅，咕嚕肉外面炸咗個層皮脆脆哋，入面舊肉仲有肉汁，值得一讚係冇乜肥肉，唔使一邊食一邊咬走啲肥膏。乳鴿都做得好，唔會炸到燶晒over晒，乳鴿嘅肉都幾嫩滑。招牌雞睇個樣平平無奇，食落好夠雞味，隻雞冇乜肥膏，我哋要咗半隻，竟然都有雞潤雞腸呢啲內臟，幾好。什菌豆腐啲豆腐好滑，佢個芡汁雖然好似有啲厚，不過個味啱啱好唔會太鹹。

由上年到而家都久唔久有幫襯呢間食店，一直以來嘅感覺都不錯，可惜由上年年尾開始，每次食完都有個總結老闆娘好似唔憂做，訂位食飯，永遠盡量安排最細嘅枱，最好坐喺出菜嗰張枱，就算打電話訂枱講明要求，結果都係安排坐出菜位置，訂一張枱就只坐到半張枱，完全唔理顧客感受；食物水準保持，可惜份量越來越少，已經失去呢間食店以往嘅性價比水平，可以忘記此店，又一家典型自作自受嘅趕客之店，太子區附近實在太多食肆可以選擇，無需受氣

羊腩煲用新鮮羊真係無得頂，羊腩炆得夠入味，肉質鮮嫩，無乜肥膏，羊腩層皮煙煙韌韌，好有彈性，同雪藏羊真係分別太大了，另外佢入面D枝竹吸晒D羊腩汁，淨係呢個羊腩煲已經可以餸兩三碗飯。鐵板白胡椒煎魚卜D魚卜煎到好香口，外層煎到硬硬地，咬落去又保留返魚卜嘅口感，真係唔錯。加上鐵板熱辣辣另到D白胡椒D香味飄晒上黎，真係好惹味。鎮店小炒皇炒得夠乾身，腰果、韭黃、大蝦乾都炒得好夠火喉，最正係佢有D炸脆晒嘅芋頭絲，而且好少見小炒皇唔會好油。

食品ok 但疑似老闆娘的服務態度實在令人難受 和朋友2人晚餐 點菜時老闆娘用很不友善態度講明每人最低消費$200 當時心諗點解小菜館會有最低消費？但都唔緊要 因為菜單價錢並不平民 即使每人點一道菜已差不多達到最低消費了 但老闆娘全程黑面 說話粗聲粗氣 可能此菜館只歡迎客人食鮑參翅肚 如只想食小菜的就請到別家了 是一次極差的體驗 不會再光顧了！另外，看見隔離枱客人用熱水沖洗碗筷 老闆娘即時大聲話啲碗筷好乾淨唔洗再洗啦！令客人非常尷尬 菜館很細 難怪幾張枱也坐不滿

嚟到這家食肆，一入口就禁不住要發一聲：正！今日點咗幾款人氣嘅菜式，每款都係咁撩人。好啦，話咁多唔夠，就讓我來品一品同大家嘮嘮。首先，嗰個古法羊腩煲簡直係溫暖嘅擁抱🤗，逐塊羊腩肉嫩得來有嚼勁，藥材香氣又唔會過於濃重，溫潤滋補。條鎮店小炒皇帶咗少少嘅乾香同辣味，食落提味提神，個人覺得啱晒配酒吹水。聞名遐邇嘅咕嚕肉，唔得咁嘞，每一啖都係鮮甜爽口，外皮脆唧唧，入面嘅肉卻又鬆化入味😋。炸得金黃又唔油膩，呢個係洗板甲菜！安格斯牛粒就真係惹味到爆炸，金黃薯粒嘅酥脆同牛肉嘅鮮嫩相互輝映，一嚿嚿都係滿滿嘅滿足。雖然我唔係咁中意食得太邪惡，不過今次叼嘴一回，令到我完全投降。你話，呢啲美饌喺平民食店就搵到，咪即係話：平民也有春天啦！哈哈，總之食個飽係真嘅，無論係賓朋好友，定係家庭聚會，呢度都算得上係選擇之一。食完飽飽，心情就好似食物噉，暖笠笠嘅！🌟

約咗成班老友做節，去咗太子站附近嘅集衆菜館。心諗嗰度有乜嘢好食呀。坐低先嚟碟川味豬手，個汁好好味。跟住叫咗幾樣招牌菜，有魚米之鄉，炸子雞同濃湯雞㷛翅，每樣都見得人。魚米之鄉用龍躉切片蒸，上面加咗爆香咗嘅米，上枱時就淋上鮮甜嘅魚湯，大家食到汁都撈埋。炸子雞就皮脆肉滑，有埋內臟，證明係用新鮮雞。個翅都好清甜，應該熬咗幾個鐘。跟住仲叫咗蟹肉扒豆胚，豉油皇鵝腸，避風塘尿蝦肉同鹽焗鮮鮑魚。每樣都好有特色，碟碟都好食，不過個荷包就輕咗好多。冇計喇，過節食豪啲。