雙喜燒臘快餐

營業中

休息中

都說本太子喜愛平民美食，因此今次要來吃平價燒味。其實我已經來過這裡好幾次了，再返來的無非為了真正好味的燒味!不過這裡的環境大家喜不喜歡就難說了，因為人多擠迫，最重要是這裡佬味十足，女士未必喜歡，還是像本太子這種中年（開始脫髮的）大叔才能喜歡這裡的浪漫吧。好，上菜，叉鴨飯! 好味的是叉燒不肥不瘦，鮮嫩多汁，絕不三流。燒鴨味道十足，皮脆肉滑，加上青菜白飯，這個配搭十分好味。還有這碗燒鴨瀨粉，絕不失禮，比一般快餐店的好味很多。這裡單拼33雙拼35元，絕對是大件夾抵食既，不愧為多年老字號!

話你知呢間燒味係超好食的~早於10年前係會展開工時~已經成日去食晏~咁岩係灣仔區~行去睇下~點知仲有係到~太感恩啦食物保持一貫水準我食嘅係燒肉雞飯~~雞滑~熟度岩岩好~配以佢嘅熟油香薑蔥~咸香感覺不禁要趴飯燒肉最基本要皮脆~而佢嘅燒肉唔係“矮仔”添~通常食燒肉~肉嘅尾段都可能比較咸~呢個岩岩好~~唯一挑剔嘅係比較肥~可惜無燒雞翼……想當年係有燒雞翼同埋燻蹄~諗起都流口水太好~很滿足而又充滿回味的午餐~感恩

中午沒有特別想吃、又不想走太遠、又想營養豐富，雙喜一直是首選。雖然是熟客，實話說之前的叉燒並不好吃，又硬又乾，吃過一次就沒勇氣吃下一次.....現在進步好多！除了味道口感一直保持的油雞切雞又多了新的選擇😊 一個禮拜吃兩次，足以證明是真愛

今日放工後在灣仔上堂，見到$33有雙拼燒味飯，在沒有期望之下，點了一碟叉油雞飯，食後覺得係咁嘅價錢下，係灣仔咁嘅位置覺得十分合理，值得一試，推薦叉燒飯！如果有時間，可以加$5 試埋碗例湯，足料！

今日返去公司ot, 做做下野忽然有人宣佈老細請我地食义燒，我地好驚訝佢今日會出現，佢買左盒义燒，見到切出黎果樣唔太肥，食落真係好味，聽同事講係炭燒ga, 唔怪得gum 好食la, 味道唔會過重，好好味!

呢間嘢真係唔寫個post對唔住大家.lunch唔知食乜好於是就決定叫外賣,叫咗個燒味飯, 叉燒拼油雞.完全無服務可言之餘, 我無expect個40蚊嘅燒味lunch可以hea到咁.講叉燒絕對俾足面佢.簡直就係豬肉乾.油雞全部雞胸, 入邊無味,得層皮有味, 鞋到唔知係度食乜.沒有最差只有更差. d飯少凍仲要硬.成盒飯好似係度challenge我嘅牙力咁.好鬼攞命.我絕對唔會再叫呢間. 鐘意食硬叉燒同無味雞胸嘅可以試下佢,應該會啱食.

是日來到灣仔辦事，還未完成，已經到了午飯時間，不如吃一個簡簡單單午餐，幸好的是灣仔多食店，不愁沒有東西吃。上回來到謝斐道，今次又是同一街道上，尋覓一下食店。既然是簡單午餐，就去了雙喜燒臘快餐，吃一個燒臘飯。叉燒燒肉飯。叉燒是全瘦，沒半脂肪，而且肉質不錯較腍，未算鬆化，也沒有燶邊位置，吃起來蜜味未夠；燒肉皮還算脆口的，不過略嫌稍為硬了一點呢。凍奶茶。這杯是少甜的奶茶，喝起來還可以喝茶味，茶都算是順滑吧，少甜是為健康著想麻。吃過午餐，抖一抖，就要再搏剎過呢！

人在灣仔工作, 午餐吃飯盒好了, 是日的選擇是吃燒味飯.叉燒飯: 6分, 叉燒的肉質還算幾好, 不會太實, 不過是日吃到的大都是瘦肉部份, 還是喜歡半肥瘦的叉燒. 蜜味不太突出, 也嫌不夠多色, 吃落口的時候, 是比較乾.不過這裡是大排長龍的, 燒味飯, 始終有其永恆的吸引力.

I have not tried this place before so decided to try it.Ordered the BBQ pork with duck and rice.I asked for ginger and onion sauce but the guy was reluctant to give it.As for the portion size it was not that generous if you compare it to other stalls at the same price.★☆★☆★☆★☆★☆★☆★☆★☆★☆★☆★☆★BBQ Pork:The BBQ pork was actually quite nice, it was not sweet and the pork was lean but not tough.★☆★☆★☆★☆★☆★☆★☆★☆★☆★☆★☆★Roast duck:The duck on the other hand was dry.★☆★☆★☆★☆★☆★☆★☆★☆★☆★☆★☆★Photos of the r

二月下旬‧晴雖然我不喜歡太腍的叉燒，但也不能太硬，這裡是一例。未去練習，想吃點東西又不能吃得太飽，不如來這裡斬一條叉燒。選了一條脢頭位，不甜，有肉味，但真的幾硬，要花一點牙力去應付。雖然只是25元一條不太貴，但也不好吃，都是返去再興又或是七喜有保證一點。

一個週末的下午，手頭的工作已完成，可以暫時離開工作崗位，走到街上蹓躂，經過投注站，冷眼望著人群同時為二十八隻動物歇斯底理地狂呼，有些狂呼我空虛、我凍，有些狂呼命運是對手永不低頭，有些狂呼愛拼才會贏，曾幾何時，自己也是其中一狂熱份子，到現在，有的都是逢場作戲的勾當。在投注站的隔鄰是一燒臘店，燒臘是我的心水食品，倒有興趣入內「投注」，點了雙併茶餐，燒鵝叉燒河粉及奶茶，燒鵝味道不錯，肉質軟綿，叉燒甜度適中，切得夠厚，口感較好，河粉亦過得去，最差的是杯熱奶茶，茶和奶的比例不對，下的奶極少，只得濃茶，極苦，多下糖也無濟於事。這一次的投注，算是輸了獨贏，收返位置。

十二月上旬‧晴約了洋雜誌的發行人傾來年的合作計劃，去喝咖啡，但想吃點東西先，來試試這裡的燒臘下午茶。叉燒米大大碗，叉燒浸在熱湯裡，已不會好吃。口感不太鬆軟，但尤其有點肉味，半肥瘦，不會太難吃。米粉多，差不多必定會吃得飽。加一杯熱咖啡（又咖啡！），22元。便宜是皇道，錯不了。

一試雙喜燒味，叉雞飯一碟，賣相OK，叉燒半肥瘦，切雞用雞脾部份，good！味道方面，叉燒未算很香，但還算腍。至於切雞，則肉質略鞋，以雞脾來說，有點失望。整體來說，這兒的燒味水準普通。

今日(29-4-2011 Fri)又到我出灣仔做o野,放lunch喇,我自己一個去搵o野食,今次想食燒味,就o黎呢間.o黎到,都幾多人,但仍有位.我叫個叉雞飯同飲可樂,共$31.00.等o左一陣,碟飯到喇,睇睇,雞係雞翼,可幸叉燒有啲啲肥.先食叉燒,叉燒夠腍,但原來肥o既部份唔係咁夠,感覺同食瘦o既冇分別,而蜜味唔夠香甜,又冇乜燶位,好失望.雞翼就鹹鹹地,肉質夠滑,可惜唔係雞胸肉啦.而飯呢,我覺得有啲乾.食完成個飯,我就覺得質素一般.

呢間野d 食物一般 (但d 叉燒瘦到成條柴咁), 但服務真係好差, 食到成肚氣!我叫左個叉燒紅腸飯, 因為我只幫襯過一兩次, 唔知佢會唔會自動落埋豉油同薑蓉, 落order 猶豫緊講唔講好, 但最後都無出聲, 不過我盒飯出黎個時, 我就即刻問個待應有無落豉油同薑蓉, (因為上次佢已經無落豉油)佢就好順口咁話有!但我最後返到office 打開個飯盒, 發現都係無落薑蓉, 我就攞番盒飯落去叫佢加,點知個侍應仲話我無叫過, 仲要話我後生仔轉數慢喎.真係好嬲因為我係特登問佢有無加豉油同薑蓉, 而佢就講到係我錯咁, 個侍應真係轉數快過頭lo佢自己一心諗住叉燒紅腸飯就唔使落薑蓉就算,仲要話埋個客, 所以呢間野以後唔會再幫襯! 燒味飯灣仔大把....