雞功房 (世瑛大廈) (已搬遷) 新店位置

在香港要吃到這麼多滿滿蔥味的撈麵好像不多，不過也算是意外之選，原先只是想嚐嚐海南雞以及看到有特別的黃酒雞湯，現在天氣微涼，都常常會想喝點暖暖胃的熱湯，海南雞的份量足夠，也沒有害怕的雞味；但黃酒雞湯稍微過鹹些，再來因為外送關係，不是太熱，可能都有些的影響味道，但真的很很愛撈麵上的蔥花，拌著撈麵一同入口，充滿著蔥花的香氣，有點想到臺灣宜蘭三星蔥的感覺，讚啦另外搭配了小食花枝丸，價格來說是有點偏高的，5顆30元，知道的，在臺灣也是差不多這個價格的，口感來說，是跟臺灣味道差不多的，還算可以的。隨餐還會附上醃製辣蘿蔔，貼心

早上想起海南雞反，來這裡一試，看見大量完整的海南雞，估計外賣生意很好，地方環境是茶餐廳水平，点了海南雞反，配湯的，湯是放了當歸及胡椒，很易有味道，不難做到，湯水平一般而已，海南雞反來了，雞夠滑，份量足，但雞味欠奉，但不能要求什麽了，現在吃雞要有雞味已變奢侈，油反非常非常普通，油不夠，連蔥的香味也沒有，蔥油反可是極重要的啊！佐料的醬油不夠甜及濃，薑蓉也不夠辣，72元，总體表現好一般，不夠全盛時期翠華水平的 80%。

Lunch 成日排滿人龍，但疫情少左人，為左保住咁好味藥材濃雞湯，特別滑既雞脾，就會過嚟食，女仕們補一補就一流，雖然環境普通，但老闆好有heart 下次都會再嚟食。

雞功房，好耐之前食過一次，喺triple king 隔離，記得果次食完覺得普普通通，但價錢又唔平。早幾日同事話食左間超好食既海南雞，咁於是咪跟去試試佢，哦，原來係雞功房，咁於是我又叫海南雞飯，今次食後感截然不同，雞肉相當嫩滑，又有雞味，而且佢伴碟果碗雞湯都好重料好夠味，的確進步不少，真心可以翻食！另外佢有個醬油雞次次都賣晒架，所以遲d會去訂半隻返去同屋企人試下！同埋見到佢都有私房菜可以訂，不過呢個就可能要遲下先約到大班朋友去試了。

今日同事介紹試食呢間海南雞飯，size比想像中大，雞的確無雪藏味，可以接受嘅。雖然今次無同事介紹得那麼很厚肉，但雞油飯味道唔錯，只係米的口感不太好，期待下次再去會有驚喜。跟飯有藥膳湯，不過味道有偏鹹，飲完湯後要再買嘢飲解渴。餐廳隔位做得唔錯，服務態度好，都好滿意呀。

每個月，總會嚟呢度幫襯幾次！呢度午餐嘅雞menu, 我都試匀晒，呢度嘅雞真係做得好出色！年紀大咗，唔想食燒味店嘅雞浪費quota！疫情影響，都係外賣自取就算，呢排仲要外賣自取平10蚊，咁就緊係拎返公司慢慢嘆！今日試咗海南雞飯，最值得讚嘅係雞酒，濃郁得嚟又唔會苦，飲完成個人暖笠笠又唔頸渴，我會倒少少酒去送飯，感覺冇咁油膩！呢頭太多海南雞店，呢間一定唔係最正宗兼最好食，但咁嘅價錢，咁嘅份量，收貨啦！雞嘅份量算多，呢度唔似泰式海南雞咁，d雞係有骨㗎，但都好滑，配埋黑豉油、蒜蓉汁，拎埋d菜甫送飯，簡直一大享受！

冇諗過咁細間鋪頭嘢食可以媲美好多大鋪頭！我去到單位好細但係都坐滿客人。睇吓大家記得嚟之前預訂。仲有佢每個月嘅菜式都會唔一樣架！我地訂左4人套餐同爸爸慶祝生日。一共有九個菜式。不得不提，龍蝦湯真係喜出望外！佢好飲嘅程度係同幾千蚊既西餐有得fight!!! 豉油雞又係令一個驚喜！真係冇誇張隻雞啱啱熟，好滑好香，好耐喺香港未食過咁好食嘅雞！最後一個就係原隻蟹泡飯！佢嘅湯底一定用咗好多海鮮熬製因為好鮮，絕對唔係味精！最好嘅係可以加湯架！絕對係物超所值。因為提早同左師傅講係我屋企人生日，佢仲幫我地蒸左壽包！太好了吧

早排聽朋友講，上環有間隱世私房菜，難得今日收早去中環等埋男朋友收工，終於有機會去試下。原來呢間嘢每個月都會轉一次菜單，而今次一月份菜單嘅其中一個主角係龍蝦，真係開正我嗰瓣呀！平時去飲，成日都食百花釀蟹鉗，但水準就係好參差。而今次呢味釀龍蝦鉗，啲蝦膠比例做到啱啱好，足料彈牙，唔會覺得撈咗好多粉；至於隻龍蝦鉗，就真係好難會唔好食啦。之後上嘅龍蝦忌廉湯，真係好味到爆晒燈，個湯夠晒香濃之餘，仲要有啖啖龍蝦肉，極之足料。另外，呢個湯係用杯上，廚師仲係上面特登加咗啲泡，驟眼睇以為自己飲緊Cappuccino。好戲在後頭 - 蟹粉扒龍蝦球，雖然賣相唔算好精緻，但係蟹粉、龍蝦球（唔係龍蝦丸）同豆腐三樣嘢味道真係同口感好夾，而D蟹粉食完，真係會齒頰留香除咗三味龍蝦之外，呢味最值得推介嘅係藥膳慢煮和牛，和牛肉質夠晒腍之餘，個湯仲要夠晒甜，仲要同藥膳味出奇地夾。據大廚所講，和牛係用咗面珠墩慢煮咗6粒鐘，而藥膳就用咗紅棗同埋加咗少少當歸，唔怪得之食完個身咁暖粒粒啦。由於九道菜係逐個上，所以食呢餐真係好似去飲咁，食足2個幾鐘。而我同男朋友都好鍾意呢個私房菜上下嘅服務態度，特別係大廚會出嚟分享下心得。

很久不見的朋友聚會,  多人吃飯最理想就是吃中菜, 可以分享食物, 私房菜更是我們的喜愛, 不是連鎖餐廳流水作業, 廚師都是用心去想, 去做好每一道菜, 以往吃過的都沒怎麼失望。這次朋友話事安排訂了這間上環的私房菜, 來到見到原來是一間小店, 佈置和餐具什麼的都比較平實, 給人感覺是, 心思都用在食物上, 所以沒太多花巧東西。私房菜的菜式是已定好的, 共有九道菜, 我們什麼都不用想不用選, 去到輕鬆的聊天等吃就可以了, 每位收費$530免加一免開瓶費。海蜇手撕雞第一道菜已開了一個好的頭, 微涼的海蜇, 很爽口帶有醋酸味, 不用再蘸汁料, 味道剛剛好, 海蜇手撕雞及青瓜絲, 完美配搭的前菜。龍蝦忌廉湯看樣子以為是泡沫咖啡, 真是被它騙了, 原來這是龍蝦湯來, 店員提示細力攪拌, 才不會浪費那些泡沫, 讓泡沫與龍蝦湯融和, 雙重口感, 龍蝦湯味道很濃香, 像取了很多龍蝦的精華, 比單吃龍蝦味道更突出, 要做到濃而不鹹不是每一家都可, 這家店就有這個功力了。蟹粉扒龍蝦球怎麼可以將我最喜愛的都放在這裡, 一直心心眼的看著它直至吃光, 蟹粉由蟹膏、蟹黃、蟹肉拌炒而成, 每一口都是心機, 啖啖精華

同事大力推薦，由於第一次食好，今次再去食。去到有黃酒雞湯飲，個人喜歡藥膳湯底，特別受女士歡迎，仲要好足料。第一次係食海南雞蔥油撈麵，一個字:正！佢既雞好滑，個麵好香，份量大。(如果係女士 可以同人share加小食都得) 而今日1250分去到，一心去食醬油雞，點知已經冇哂，仲要冇哂雞(有心想食雞 就要早d去)，唯有去食手拆蟹肉泡飯，其實期望不大，因為係食雞地方食蟹肉泡飯，但竟然出奇地好食，蟹湯好香，仲要多到蟹肉都遮住哂，而蟹肉份量都幾多，食到好飽，下次一定再早d黎食雞。(附送同事叫的蟹肉伊麵)

同事介紹雞功房d🐓好滑，但如果要頭抽醬油雞脾就要早一日打去預訂....📲今日12點就上去，店主一早已經預備好😚😚，套餐包括黃酒雞湯 ~好有酒香混合雞湯味。辣椒菜甫~菜甫爽口且夠辣雞脾~雞肉超滑，相信是浸煮隻雞才可做到，甜甜的醬油味😋😋😋價錢$90就貴d💸💸

朋友介紹比我噶一間吃雞好好吃噶店，叫雞功房，聽個名就覺得哩度滴雞肯定好食，叫左個黃酒雞湯補補先，雞湯好香黃酒味，藥材味都好濃，感覺都幾補下，然後加多個海南雞飯，滴雞肉好嫩滑啊，還有個頭抽醬油雞飯想試試，但系太飽了，下次再來試試另外一種雞飯！

朋友大力推薦這間餐廳於是便在lunch Time去試一下！一到餐廳便聞到撲鼻的黃酒雞湯味，老實說我個人十分喜歡藥材煲的湯譬如肉骨茶！所以未進食的時候已對這間店的期望很高！😅我點的是黃酒雞湯面 —本來是配伊面，但我轉了米粉，因為感覺米粉跟湯配合應該更入味。雞湯面的材料有很多，份量也不少！裏面有雲耳，桃膠，很滑的雞肉和有點蔬菜。我把整碗湯都喝光光！感覺是一個很健康的午餐。餐還有附送一個甜品，但是真的十分不推薦！🙃🙃

野食系好食 不過由排隊到入座到落單叫野食到上菜 服務態度差到無倫 呼呼喝喝 入座安排極差 落單仲叫你坐下先要等陣先好落 真係落單個時有佢講冇你講 咩都唔問得 仲要添加醬料時擔擔打打

晚上去了朋友介紹的雞功房食私房菜，五百幾蚊per head, 正常私房菜價格，但食完覺得唔抵。相就影得唔多... 記得有涼拌海蜇，鵝肝多士，一杯湯（feel到係足料，雖然冇上到湯料）其實叫做雞功房，當薑蒽雞上嚟抱住大期望，但冇乜特別。蟹湯飯個湯太濃，食完都幾滯下。其他嘢冇話好特別，有個牛面肉比較印象深刻，係全晚最好食。 最後甜品竟然係美祿布丁...好似有啲hea喎，相都廢事影。服務態度非常好，只是cp值不高並非難食，只是覺得唔抵咯