雞屋

營業中

休息中

男朋友又唔知邊度睇到 話要帶我去叫雞🙄🙄🙄餐廳鋪位細細 得十零個位好彩岩岩好一班人走 咁我地就有位坐😎🔥明爐燒雞開初諗住一人一隻雞 但原來要$208/隻😱所以改變左策略 變左一隻雞+菜+小食欣賞餐廳真係即叫即燒 火喉岩岩好 成隻都金黃色💛🐓皮脆內嫩 肉汁豐富 用手撕開 啲雞汁精華就流到周圍都係差啲辣親個嘴呢🤪❌可惜調味出左事❌成隻雞本身都偏咸仲要啲鹽未搽勻 有啲位係咸到苦🤢大大影響左隻🐓嘅水準🫤🥒涼拌青瓜個汁好好味 真係好好味 好香😋但青瓜味還青瓜味 個汁還個汁....有啲浪費左個汁🙂🍲香腩炒藕片 $80少啲油會開心啲🙂可能希望越大 失望越大🙃同期望係有啲落差👉🏿👈🏿價錢都比較進取試左一次就夠了

而家先得閒出返個食評，上次幫襯完家常便飯食隻鷄炒幾個餸，同老闆傾開計先知原來可以預訂海鮮，咁啱老母節就一家人嚟食下海鮮啦，叫老闆幫我預訂下，有蝦有魚有蟹有聖子滿足到老人家就得了。海鮮處理有別於其他大排檔，即使蒜蓉蒸咖喱炒甚至鼓汁蒸，仍能保持海鮮鮮味，份量都足唔會得返啲殼。食左都好多海鮮燒埋乳鴿同鷄，埋單竟然比出面酒樓啲咩套餐抵。

同朋友食飯住大埔區既佢介紹左間小店，聽餐廳個名就知要食雞所以一黎就叫左隻明爐燒雞，熱辣辣，叫佢原隻上唔洗切，自己剪同埋撕黎食😋😋啲雞肉好嫩，好juicy😋香腩炒包菜，有小小辣脆香骨，好脆，味道剛好唔會好咸燒雞肉咸菜炒飯，好大碟，咸菜既份量剛剛好又唔會太多而勁咸太少又唔夠。最後仲有適量既雞肉👍🏻不過呢度既環境有啲細，座位有限

原計劃放工操泰拳，是關昨晚飲酒太多爬不到起床，都係休息下吧。大埔有雞食，那麼有緣撞到趙學兒黎食雞，黑色鬆身長裙加白色眼鏡框，應該無認錯掛，而且大廚親自招呼喎。到訪才知道舖面真係真係非常迷你細細，見到時使我呆一呆，四張窄身長檯，如果身形龐大就坐得十分辛苦，就算我地幾個中等身材大男人都覺坐得迫夾，尤其貼牆位置。妹妹侍應們都落力服務有衝勁，值得一讚啊。要限時 90 分鐘？時間正常都足夠有餘既。菜色被刪掉一部份，幸好主力佳餚仍然保留著。次次都大魚大肉，來個普通平民廣東菜賀賀生日吧。聽到全場已訂滿，有幾檯客不願坐露天門口位而雙雙離去，熱辣辣加多蚊蟲，我都不肯坐啦。電話訂位時已查詢有否啤酒供應，只有青島或藍妹，有啤酒飲已經好好喇，無所謂。本來不打算飲酒，但只得汽水及加多寶供應，茶都無支飲下，最怕甜的我最終都係啤酒。青島啤酒，比飲開的有點苦澀。生力啤，阿叔梗係飲土炮生力啦！應該有十年以上未飲過，夠冰凍時還可以，甘苦味強烈，放涼後直頭覺得嗅囉。蒜香雞翼尖，肥美滑嘟嘟，醃味清淡不辣，咸香蒜味可口啜得舒暢。人家都寫明蒜香，不是蒜辣，就算唔辣都正常不過既，有辣就更添風味啦。蒜辣雞腳，出色的烹調，最愛炆到雞皮

如果吳係朋友介紹有一間甘正既鋪頭，一定吳會入去食，吳好諗住一入去一定有位，你吳卜枱可能比人包左場就摸門釘😂真係估吳到大埔有間甘出色既燒🐔，嘩，好味到吳識講，你吳試過係吳知原來好食到甘🔥🐔—-熱辣辣，熱到辣咀，皮脆玉嫩，真係好食到一個人都食得曬一隻，已經叫左兩隻，不過同一班朋友一齊食，吳可以甘失禮😬😬😬😬😬佢吳單只係燒🐔好食，係每様都甘好食😂🐷頸肉——肉嫩，味道適中皮蛋——-糖❤️皮蛋，又係必食炸大腸——皮脆吳會硬，咬落口感一流，仲———-吳會好似出面D染左橙色，全天然，———食得健康，廚師又做得出色🦐——-炒得夠曬惹味👍👍😋😋😋😋火腩豆付干炒菜—-吳使講就更係一樣甘好味樣樣都煮得甘出色👍👍👍👍👍服務又係一流，老闆超好人👍👍👍✌️✌️✌️

全部野都好有水準😋😋 最緊要試吓隻要自己撕又食過返尋味嘅燒雞！皮好趣肉好滑😋😋啱啱出爐嘅燒排骨都好香！再可以嗌多幾個小菜🥢 例如香腩炒包菜 都可以試試😋一家大細食餐飯正 獨獨黎食宵夜都咁掂唔講咁多 你地都試下就知🤤！！❤️

老闆很好人,因為即叫即整太熱,剛剛出爐,佢幫我地手撕兩隻雞脾，雞好滑，皮好脆，連平時食開D雞胸都好滑,因為我們兩人去食一隻雞已經好飽，好想試埋其他小食,但好飽了

講到呢間雞屋，已經第二次幫襯～佢店如其名，係一間只有屋咁大嘅店，主角就緊係雞啦😄上次幫襯一行5人叫左1隻雞，每人只係試到少少，所以今次同老公2人撐枱腳🤭2個人KO成隻雞～主角燒雞原隻上～呢個係店員推介嘅，但唔想整污糟手嘅朋友都可選擇切件上。我地2次都原隻上，由於店員會提供手套，所有用自己手撕開好似原汁原味d😄不過隻燒雞熱辣辣咁上，都幾難撕㗎～好在店員又有提供胶剪😀結果老公好輕鬆就將隻雞解左體，我再用手拎泥食～隻燒雞果然外趣內嫩！咬落去d皮仲趣卜卜，d雞油同汁好自然向下滴🙊d雞肉一d都唔”鞋”！而且好入味，夠哂咸！但個人覺得有d汁點會更吸引～不過2個人食一隻雞真係幾多🤣攪到隔離枱嗰一家七口竊竊私語🤨唔知係咪笑我地大食呢～除左食隻雞，我地仲叫左碟大腸炒芥蘭～賣相同份量都值8分，大腸算洗得乾淨，芥蘭夠鑊氣，唔會過淋或過硬～除左拼大腸，仲可以簡咸肉嗰d～食到飽飽，叫左罐出面好少有嘅加多寶！其實我未飲過🤭原來超級甜！中和翻餸菜d咸都唔錯👍🏻燒雞～～～～我會再泥的！🤪

難得周日，中午與家人預約了大埔體育館打羽毛球。運動之先要醫飽個肚才有力氣😂😂經過雞屋，見到宣傳海布寫著下午5點營業，本想轉身離去，留意到餐廳內有一台客人，一家大細正在吃飯，便膽粗粗進內詢問，原來那台是熟客，特地致電預約老闆回來做午市生意，所以當天中午都有營業。今次真係有食神必食燒雞，外脆內juicy！原本我們吃剩雞頸部分，老闆見到，特意提醒我們，每隻雞他們都已仔細把淋巴挑出，挑到手都有職業性酸痛，所以是十分乾淨的，可以安心食用！當下我就覺得很窩心，怎麼會有這麼細心的餐廳總結是，家庭式餐廳，感覺像是私房菜般的～東西好吃，燒雞有特色！吃過這一次，下次我變成熟客再去幫襯

諗住求其食餐飯，點知搵到好野!!😋我地5個人去食叫左1隻燒雞，3碟小炒同3碟小食燒雞🐓🐓皮脆肉嫩多汁，但我建議都係用手撕最好食，因為我覺得切左啲皮冇咁脆😌😌跟住小炒王送飯一流，有蝦米白飯魚乾，真心推介，我地仲叫2個自由配搭-香腩炒包菜-鮮魷炒芥蘭 ，都幾大碟下價錢都ok.小食我地就叫左涼拌皮蛋，炸蓮藕蒜，香雞翼尖，本人就覺得個炸蓮藕真係好好食，而且佢呢度啲餸送啤酒一流👍🏼同埋佢晏晝係唔係開嘅主要做晚市*門口就有位泊車價錢合理可以一試：D

偶然發現翠怡的轉角開左間新餐廳 - 雞屋, 是間簡單裝潢的小店, 一向甚少到那邊食飯, 和2個朋友看著餐牌金黃色的燒雞, 膽粗粗決定一試,等左一陣, 店員安排我地坐低, 第一次去當然係睇相黎點,  我地點左:明爐燒雞: 金黃色,皮脆肉嫩, 一搣隻雞脾就流哂啲肉汁出黎,  而且調味啱啱好, 好食到真係停唔到! 店主建議客人自己手撕黎食既, 有手套比我地,唔洗驚整到對手油淋淋, 貼心既!臘味炒芥蘭: 臘肉真係好香, 平時會嫌油, 但呢度我真係會直接食, 用黎炒芥蘭一流,好有屋企既味道!涼拌皮蛋: 皮蛋好好食, 一食就知係靚皮蛋黎, 可再辣一點。炸蓮藕: 必點的小食, 很少地方有在賣, 香料味道恰到好處。總結: 燒雞堅正! 住大埔咁多年, 食過唔少餐廳, 呢間既雞真係數一數二好食, 店舖好乾淨,坐得都舒服, 食得出係有心機煮而唔係hea野, 會再幫襯~ 

咁啱今年係度食團年飯，啲燒雞好脆又好多汁，以前食親啲雞都係外面脆，入面乾到死，但係尼間嘅燒雞唔同，啲汁鎖晒係啲肉入面，一搣開啲雞，肉汁流晒出嚟，夠晒味，唔洗加其他汁，正！