雞翼山 (裕民坊YM²)

營業中

休息中

想食咗呢間出名雞翼嘅小食店好耐㗎啦🐥 冇諗過佢而家出埋飯餐 真係食雞翼都可以食到好飽啊😙港式避風塘蒜香雞翼望到已經覺得好開心 因為本身好鍾意食避風塘粒粒🫢 貪佢好好送飯 呢個避風塘粒粒比較辣 但係我都挑戰成功 因為都幾鍾意食辣嘢🤓韓風吉士鹹蛋醬雞翼呢個鹹蛋黃醬係分開另上 冇諗過佢嗰醬係凍嘅😂 令口感都幾特別 外凍內熱 雞翼外脆內軟 仲有好多肉汁 超級juicy 鹹蛋黃味都幾出眾宮崎南蠻他他雞翼呢個醬都係分開上嘅 所以我都係用匙羹將啲醬𢳂喺上面 呢個醬有少少似沙律醬🥰 配炸物都非常好食 雞翼都係非常Juicy不要儀態一人套餐B餐冇諗過呢個飯餐係所有小食放埋一齊😮 但係咁樣更加環保我都幾贊成㗎 溫泉蛋洋蔥雞翼丼🧅 入面都有三隻雞翼 但係今次就唔係炸雞翼啦 但係反而質感都OK 有啲似滷水雞翼咁 甜芥辣雞軟骨 雞軟骨粒粒都做得幾好 不過我最鍾意都係唐揚蝦🍤 點埋他他醬食更加正零系可樂除咗可樂仲有sparkling lemon tea😮 不過我自己係可樂控 所以都係會嗌可樂😙雞翼有好多種口味㗎 可能下次試吓唔同嘅味先

今日去探一個住喺觀塘嘅朋友，諗住買啲嘢上去佢屋企食，所以嚟到裕民坊YM ²覓食。咁岩見到呢一間雞翼山，呢度有好多唔同味道嘅雞翼，好似好吸引咁！加上雞翼都好適合開party，大家一齊share食。因為好多味道都好特別，加上本人有少少選擇困難症，所以叫店主推介在一啲比較熱門嘅味道俾我哋。店主推介咗文青風玫瑰雞翼、港式避風塘蒜香雞翼同埋宮崎南蠻他他雞翼。咁多款入邊我個人比較鍾意文青風玫瑰雞翼，因為玫瑰雞翼係有一層甜甜嘅玫瑰糖漿喺出邊，有種蜜糖雞翼嘅感覺，同時又帶一點花香👍🏻仲有，值得一讚嘅就係雞翼山嘅雞翼全部都係好Juicy嘅，唔會好乾，高汁👍🏻除咗雞翼，我仲叫咗一個A餐，A餐入邊包咗三件雞翼、南蠻蝦多士、溫泉蛋蘑菇飯同埋飲品，南蠻蝦多士都好好味，推介👍🏻

觀塘重建後都甚少在附近商場逛，這天來到裕民坊商場逛逛，發現多了很多特色食店和小店，行經一間專吃雞翼的食店，非常吸引，自小便喜歡吃雞翼，於是跟友人便外賣套餐回家品嚐。食店裝潢簡單，有一位置可立食，但見一般食客都是外賣帶走。我們一口氣叫了多種雞翼口味及試試一人套餐，而且選擇雞槌拼雞翼，可以盡情滿足食慾。《濃口櫻花蝦蝦醬雞翼》，雞槌雞翼大小適中，櫻花蝦數隻，份量不太多，蝦醬味突出，吃起來惹味非常。《宮崎南蠻他他雞翼》，醬汁是精髓，帶點蛋黃粒，本身雞翼只略帶點咸香，塗上雞翼後把雞翼口感提升，不會很咸。《泰式冬陰酸辣雞翼》，外賣回家路途中已不斷聞到冬陰的味道，吃起來是有點辣且帶點酸，充滿冬陰香茅香料的雞翼，同樣濃而辛，嗜辣的人應該會喜歡。我們另選了《一人套餐A餐》有三隻玫瑰雞翼，蝦多士，溫泉蛋蘑菇飯及飲品。玫瑰雞翼帶點蜜糖味，玫瑰味不算突出，清甜的雞翼比起剛才濃味的雞翼恰好中和了一下。兩粒蝦多士非常精緻，蘑菇飯份量很多，因外賣回家吃，所以飯的口感變得較乾身實淨，有溫泉蛋拌著吃，可使飯的口感較為濕潤鬆散。這次雞翼份量點得較多，吃得非常滿足😁

嚟到裕民Square, 佢地開咗間雞翼山我今次揀咗一個$128嘅有12件雞翼，12件三款雞翼分別係文青風玫瑰雞翼、濃口櫻花蝦蝦醬雞翼、同埋港式避風塘蒜香雞翼。另外呢我哋仲有一個不要儀態一人餐，係B餐嘅， $68 ，呢個一人餐入邊有溫泉蛋洋蔥雞翼丼、甜芥辣雞軟骨、唐揚蝦、仲有野飲，餐紙上係1，4，8，仲配了氣泡檸檬茶 & 氣泡桃橙茶。好多人排隊買，所以等左15分鐘先拎到，佢地有自助點餐機，應該就唔駛點排。包裝上店家都用咗心思。佢喺個雞翼盒上面專登開咗個窿仔，去排水氣。咁就唔使令到啲雞翼林晒😁其實依個份量兩個人食都已經超級足夠。如果係雞翼嘅fans真係冧到爆。雞翼嘅口味眾多，全部都好有特色，睇得出係用咗心思。玫瑰雞翼最好食，有糖膠黐住，避風塘雞翼好辣、好惹味，蝦醬雞翼嘅香味好足夠，一打開就已經聞到大超大嘅蝦醬味。有成10幾款口味嘅雞翼咁多，下次再試下啦。

平日放工行過裕民坊中心底層，見倒雞翼專門店*雞翼山*進駐到呢個商場啦，大熱天時放假決定係屋企嘆冷氣煲劇，就專程過嚟買啲雞翼返屋企慢慢嘆。店舖雖小，但都有立食位置，而且仲有兩部自助點餐機，非常方便，不過由於食物都係即叫即做👍🏻，所以都要預番10-15分鐘等候。睇睇餐牌，雞翼味道有好多選擇，文青風玫瑰味、黑松露、吉士咸蛋醬、櫻花蝦、他他醬、冬陰酸辣、咸檸七、避風塘蒜香、原味等等….咸甜酸辣各式其式，咁多味道選擇真係要專門店先做倒👍🏻。除左雞翼仲有3個套餐可供選擇。今日選擇左櫻花蝦、避風塘蒜香同原味；🥢原味雞翼，可以食出雞翼真味道，炸得金黃，肉質保持水份。🥢避風塘蒜香，呢個未入口蒜香味已經湧入黎，如果加埋辣就更prefect。🥢櫻花蝦係我最期待，入口咸咸香香。一人C餐 : 玫瑰味雞翼，香香甜甜；明太冇骨雞翼croffle 包，個包我拎到返屋企再入焗爐烤番脆，牛油味好濃，中間果件原塊菠蘿同明太子雞翼個味好鬼夾。

雞翼山，其中一間分店位於觀塘裕民坊之外，交通非常方便，買外賣回家一流。雞翼山當然以雞翼為主打，但雞翼口味之多確實超出想像。$128雞翼餐有12隻雞翼，可以選擇最多三款選擇，首選玫瑰蜜糖口味，炸雞翼絕配蜜糖，甜甜地但帶點花香味道，蜜糖味道亦不會太甜，首選必點口味。另一款咸檸七口味，雞翼帶有酸酸甜甜味道，可稍減炸雞翼之油膩感。除雞翼外，餐廳亦有幾款一人/二人餐可供選擇，有飯有包更有小食拼盤，確實不只雞翼咁簡單。

一見到個餐牌有成9款雞翼已經開始有選擇困難症最後揀咗鹹蛋醬、冬陰功、避風塘蒜香揀完又覺得有其他味都好想食 唯有下次再食啦今次係買外賣返去office食，叫完之後諗唔知D雞翼會去撈埋一齊返到去打開有驚喜呀，因為真係幫我哋分番開一份一份，啲味道唔會撈埋一齊港式避風塘蒜香，非常香口，味道唔會好辣但係幾惹味冬陰公酸辣感覺真係有冬陰功嘅感覺， 食落都幾過癮雞翼真係即叫即整，真係睇住佢哋喺入面整所以等佢整都要少少時間等緊嗰陣，見入面廚房都算幾乾淨整齊， 我都食得放心啲啦店面寫住「不要儀態…只想吃雞翼」都幾搞笑

今日屋企冇煮到飯，近近地係小巴站入裕民坊買野食番屋企。雞翼山好早之前就聽過但未試過，原來係觀塘開左分店，襯衣個機會買番去試下先！雞翼原來可以研發左禁多款味道🤣 佢Menu足足有9種口味。選擇困難症，所以要左個$128/12件有埋野飲，3個味一次過試下。濃口櫻花蝦蝦醬雞翼-初初驚會唔會怪怪地，食落原來蝦醬味適中唔會好濃，加左糖所以係甜甜地，意外地禁好食！宮崎南蠻他他雞翼-配咗個他他醬可以點，炸野食太多會有d油膩，點左他他醬就fresh好多，一件接一件！港式避風塘蒜香雞翼-辣味選擇！就係傳統香港味道，雞翼炸得香脆，加上避風塘炸蒜，非常香口。家中懶人冇飯不歡，買左個一人餐比佢，有溫泉蛋洋蔥雞翼丼、甜芥辣雞軟骨、唐揚蝦同野飲。雞軟骨、唐揚蝦炸得幾脆，唔係炸嘅洋蔥雞翼就唔怕太熱氣。值得一提係等待需時，因為餐廳應該係即叫即煮，所以所有炸物都熱辣辣好香脆！

嗌左openrice 外賣自取，我落單但朋友去拎，所以佢咩都唔清楚。番到屋企食個陣先發現，明明叫左全部雞中翼，最後就變左半翼半膇，明明叫左柳橙綠茶，最後話無就變左罐裝飲品，簡直係被騙。

小編又係觀塘尋找美味小食！今次來到裕民坊！近新小巴站！呢間雞翼山並不是第一次食，有日係朋友屋企開Party已經食過一次！個次係食文青風玫瑰雞翼！拎起手都熱嘅，而且食落口都脆，仲好有玫瑰香味tim! 見上次咁正，今次再嚟自己買來食。今次小編係叫咗港式避風塘蒜香雞翼！叫完都等咗一段時間！原來係收到order先做野既！即叫即做，送出來個時真係好香。拎住去搵個朋友未入到門口，已經話「真係好邪惡！」實在太香！食落口，好香！皮又脆，有少少辣，仲有啲肉都有少少雞味！送啤酒，直頭係邪惡中既邪惡！

文青玫瑰雞翼🌹🐔  +柳橙冰綠茶🍊🍵🧊🌹🐔🌹🐔🌹🐔🌹🐔🌹🐔✴️ 放縱自己一下…. 但好似冇之前咁好食….. 多咗啲之前冇嘅胡椒味…………🍊🍵🧊🍊🍵🧊🍊🍵🧊🍊🍵🧊🍊🍵🧊✴️ 杯柳橙冰綠茶越黎越細杯………. 之前膠杯已經細……….依家仲用裝熱飲嘅紙杯……… 容量細到一個點…….. 同飛機嗰杯咖啡一樣咁細杯……. 仲要送漏一杯……… 味道都越黎越唔好飲………..🥺

今天晚餐，點了觀塘裕民坊的 #雞翼山，話說這裡有多款雞聞名🤪今天是慶祝小朋友的生日，我們點了很多食物，朋友仔都推介希望嘗試這間專做雞翼的店舖，試試所出品的是否配得上專門店的名號，始終在香港這美食天堂，夠膽只做一樣食品，若非有十足信心相信也不會吧🥸我們點了三款雞翼：1. 原味脆香雞翼 通常試一間店舖實力，一定先試原味；這原味雞翼與想像中有點平凡，食落口感不過不失，正常雞翼看待推薦度：⭐⭐⭐2. 講呢D友情萬歲檸茶雞翼 這款我認為是三款雞翼中最為亮麗的一款，檸茶味完全突出,配上雞翼，其化學作用得出2個字「好食」值得一再回味推薦度：⭐⭐⭐⭐⭐3.鼠美草咸蛋黃奇雞翼 食落是有點咸蛋味，個人覺得配在雞翼上，咸蛋味道不算太突出，但也是優點，為平凡的雞翼配上一點點敘推薦度：⭐⭐⭐⭐總始這次雞翼體驗，可以給⭐⭐⭐⭐，建議大家試比較重味的配搭，會更能突出雞翼的味道

幾年前好鐘意食雞翼山嘅雞翼，今天來回味一下。不過有點失望，已經無以前咁好味😞🔸文青風玫瑰雞翼(💰$38/4隻 💰$48/6隻)取貨時都摸到熱辣辣！好想快啲食！但係回家一打開，點解無哂啲玫瑰花瓣？以前個賣相好靚架💔評分已經大打折扣😩雞翼都比以前細隻咗啲。但都係炸到脆脆，外層都有滿滿嘅玫瑰味蜜糖嘅。唯一無變嘅係佢嘅玫瑰蜜糖，仲係咁好味！但係雞肉入面有明顯嘅雪味😵‍💫點解雞翼山你要令我失望😭😭評分: 6/10

雞翼山應該好多人都食過，而我都唔另外😚我只係口痕想食下，雖然出左好多口味，但我最中意文青風玫瑰🌹雞翼即叫即炸，熱辣辣好正🤤表面炸得非常香脆，裡面啲肉仲好嫩，面頭仲有玫瑰花瓣同玫瑰糖漿，玫瑰味香得黎唔假，甜甜地好正，好岩我口味❤️❤️

今日下就諗住行下 #裕民坊 # YM2 , 見到呢間 @chickenwingsmountain 行過都聞到勁香, 就買兩份試下喇, 全部都即叫即整, 夠曬熱辣辣呀 #鼠尾草鹹蛋黃哥雞翼 雞翼炸得都算薄粉, 鹹蛋黃醬薄薄咁包圍住成隻雞翼, 每一個位置都食到鹹蛋黃醬, 食落好好味 #港式避風塘蒜香雞翼 呢個避風塘雞翼就滿滿既炸蒜同辣椒係面, 食起黎香香辣辣, 真係幾惹味 之後叫埋兩杯特飲, 分別係 #柳橙冰綠茶 真係有成舊橙係入面, 配埋個茶底飲起黎好清新, 岩岩好可以解返雞翼既油膩感 #水蜜桃粒粒茶 入面有細細粒既果肉, 飲起黎都唔太甜, 啱曬要黎配雞翼食 不過呢道位置比較有限, 如果要堂食可以係舖頭內既小枱進食, 食完就要快速讓位俾其他人喇 ———————雞翼山 (裕民坊YM²) (觀塘) 觀塘協和街33號裕民坊YM²地下G3號舖 ____________#雞翼 #鹹蛋黃 #邪惡 #食好西 #觀塘美食 #避風塘 #先食奇兵 #chickenwings #chickenwingsmountain #cineatkp #food #foodie #eatgoodw