雞翼山 (裕民坊YM²)

營業中

休息中

今日返返下工諗住買雞翼箱嘅玫瑰雞翼打算放工外賣返屋企食，於是喺OpenRice order外賣自取。由於order嘅味道冇晒，店主打嚟問我想要咩味，而且問我幾點會去拎外賣，諗住我差唔多到嘅時候先開始整，諗得好周到。但係突然要OT遲咗成個鐘先去攞外賣，期間店主又打嚟問我係咪已經去緊點解仲未到，佢見我啲雞翼已經凍晒，就幫我整多一份，但係鹹檸七味道冇晒，佢叫我揀另外一隻味。我諗住淨係八隻+8隻兩種味嘅外賣，我以為嗰下店主將我嘅order俾咗其他客再整份新嘅俾我，但係最後居然係8+8雙味嘅Double，呢下真係好surprise！咁啱今日生日就好似店主突然間俾咗個生日surprise我，多謝晒！👍希望你哋生意越嚟越好！

下單前我們致電到分店，詢問派對餐價錢及食物內容，店員告知派對餐＄988 飾物內容只有90件雞翼 和黃金雞球、雞翼尖、蝦多士，三款任選一款，最後我們選擇了OpenRice下單到店後經過你們的自助點餐系統，發現派對餐內容不如店員所說，應該是四款食物也有齊，變相我們有詢問的情況底下，用了更貴的價錢購買，事件反映店員完全沒有熟讀餐單，在不知情情況下胡亂回答客人問題…品另外，OpenRice顯示15:35 食物已準備好，可取食物，但是最後食物在16:35 才能取，要白等比較長的時間，店員完全沒有任何解釋或道歉….西两零如果時間好多唔介意等嘅話歡迎大家過嚟試吓~

適憑經過見到雞翼山出左新口味，仲要係相當特別既章魚燒味，一於就試下伏啦 ! 雞翼山係一間專賣唔同口味雞翼既小店，店內不設座位，只有一張吧枱供客人企係度食，會提供手套等客人可以拎起隻雞翼大大啖咬，風味十足。《$38 章魚燒風味雞翼 4隻》⭐️⭐️⭐️唔知係咪因為就收工，本身38蚊4隻雞翼，老闆竟然比多左一隻，即刻感覺抵左好多😆 炸到香脆既雞翼，配上厚身，味道濃厚既章魚燒醬，沙律醬同柴魚片，合埋眼真係好似食緊章魚小丸子一樣，餐廳仲係上面灑左天婦羅碎，增加口感。但美中不足的是醬汁主要集中係同一隻，變左味道唔均勻，有隻超多醬好重味，有隻就好少醬，炸雞翼咁，另外有幾隻雞翼中心唔熟，咬開仲係血紅色，希望餐廳多多注意。人均消費：below $50環境：5/10食物：6/10服務：5/10性價比：4/10整體：5/10 風味雞翼

本身都好鍾意食雞翼,等朋友嘅時候自己叫左兩份雞翼:文青玫瑰雞翼同黃金鹹蛋黃雞翼😋兩款雞翼外皮都炸到好脆 玫瑰味好香但唔會過甜 另一款鹹蛋黃味好出 食完唔會覺得油膩👍🏻正

天氣咁熱，同fd 行下商場比較舒服，少少餓唔想食正餐，幫襯左雞翼山。之前試過文青玫瑰，今次我哋試吓另外3款比較重口味：章魚燒風味，避風塘蒜香& 三重芝士。章魚燒風味是新口味，外面亦比較少見用嚟配雞翼。雞翼加上滿滿的章魚燒醬汁，美乃滋，柴菜碎及柴魚碎，食落真係好似日式章魚燒，味道好豐富。店家將柴魚片再切碎，睇得出用心製作，我同朋友都覺得好特別👍🏻避風塘顧名思義就是香辣炸蒜，呢款口感比較香脆，蒜辣味剛剛好，同炸雞翼真係好夾，鐘意食香辣蒜味的呢款不能錯過。最後一款三重芝士，就時炸雞翼上淋上芝士醬。芝士味夠濃夠突出，食完十分滿足～最後點了杯手打檸檬茶，入面爆檸，解渴解膩，正！總括呢度出品嘅雞翼全部大大隻，即叫即整熱辣辣十分好食！另外想讚一讚呢間店使用可分解外賣盒，為愛地球出一分力👍🏻❤️🌍

琴日同朋友跑過嚟呢個商場避雨，見到地下都幾多餐廳選擇，想搵啲小食食下就見到呢間雞翼山，相片賣相都好吸引就叫幾款雞翼試下揀咗個人氣no.1玫瑰雞翼，咸蛋黃雞翼同埋新口味章魚燒風味雞翼。再點杯鴨屎香檸檬茶。三款雞翼味道都好好食，店員炒雞翼不停兜亂令醬汁包住晒雞翼外面。而入面嘅肉都好嫩滑，本身唔係好餓但都好味到食下一隻又一隻。朋友鐘意食咸蛋黃味，濃郁惹味，蛋黃加熱後更加香酥，邪惡滿分！我個人就新口味就最好味，本身我就好鍾意食章魚小丸子同大阪燒嗰種味道，呢個雞翼夠晒香口再加埋我咁鍾意嘅口味，點可以停到口。加上面海量咁多嘅木魚絲，食落更加香同有口感，推介！玫瑰口味同樣出色，雞翼上放左玫瑰花瓣碎，好睇又好食！至於杯鴨屎香檸檬茶比起平時港式嘅檸檬茶又更加多一種香氣。同青檸又有啲唔同，都幾特別，食左唔少惹味醬汁雞翼，飲返啖夠晒refreshing!

之前見過唔少介紹雞翼山，我當然唔會輸！（其實一直都想試吓，不過又未有機會經過）今日去開觀塘，當然要試下位於裕民坊嘅雞翼山。佢地啲雞翼即叫即做，我揀左三款唔同口味既雞翼，因為心思思全部都好想試吓！店員身兼數職，又落單、收銀同埋廚房，但服務非常親切有禮貌。我揀唔到，問佢有咩推介，佢好有耐性同我講解，仲俾埋建議同我講邊款口味有咩特色🌟文青玫瑰雞翼四隻同款口味，雞翼好香玫瑰味！外層係甜甜既玫紅醬包住脆口既雞翼，飄出陣陣迷人玫瑰香氣。每一啖都彷彿在文藝氛圍中享受美味，色彩繽紛，味道獨特，果然係店中人氣第一！食落就停唔住，好正！🌟黄金鹹蛋黃雞翼呢款真係唔得了！完全係邪惡既代表，鹹蛋黃包住雞翼，雞翼香脆唔駛講，每一啖都彷彿置身於美食的黃金世界！鹹蛋黃充滿濃郁鹹香，煮好時香氣撲鼻，讓人垂涎欲滴。最近真係迷戀肉加鹹蛋黃，超級邪惡！🌟大阪燒口味雞翼味道新奇有趣。雞翼表面灑滿了日式木魚碎，紫菜同沙律醬汁。一望即知，這款雞翼外貌獨特，色彩繽紛。每一口都帶來新鮮的驚喜，木魚碎和紫菜的組合增添了日式風味，而沙律醬汁則帶來了輕盈的口感。之後我哋仲加配咗手打渣男檸檬茶，口感酸爽，濃烈檸檬香，少少甜，配啱啱出爐嘅炸雞翼

之前有個friend話呢間嘅雞翼好好食話要攞嚟做散水餅我仲話佢太騎呢散水餅送雞翼叫人哋點食而且一啲儀式感都冇😒不過自從我上次試過一次文青玫瑰雞翼之後我絕對覺得真係可以拎嚟做散水餅仲可以令人留下深刻印象（正面嗰隻）😂😂❤️文青玫瑰雞翼呢款雞翼我今次係我第二次食賣相已經非常之吸睛上面有一塊塊玫瑰花花瓣好似後宮妃嬪下午茶食嗰啲糕點咁永遠都係咁fancy🌸估唔到雞翼呢一樣咁麻甩嘅食物都可以做到但係並唔係剩係得個樣食落去都有震震玫瑰花香味我估佢應該落咗啲玫瑰花糖漿🤔唔知大家有冇飲過玫瑰花茶就係嗰一隻比較濃嘅花香味令到平凡嘅蜜糖雞翼昇華咗幾個境界🌹💛黃金鹹蛋黃雞翼呢個雞翼我買緊嘅時候已經有個姐姐走過來問係咩名堂我都同佢大力咁推銷呢個鹹蛋黃雞翼因為我覺得應該幾好食🤣🤣雖然未食因為裏面嘅店員喺度整緊嘅時候已經散發左一個非常之甘香嘅鹹蛋黃味出嚟再加埋雞翼嘅油香真係好難唔令人停低腳步索一索再買個外賣返屋企Btw真係要提一提佢啲雞翼全部都係即叫即整勁新鮮！熱辣辣咁樣😍😍😍啲鹹蛋黃覆蓋成隻雞翼厚粉過夏蕙姨💕最衰我趕時間如果唔係我就會即時喺度食而最後嗰個姐姐真係買咗一盒雙拼返屋企我覺得我應該要收返廣告費😆🤎章魚燒

雞翼山，一間以雞翼為主的外賣店，其中一間分店於觀塘裕民坊，地點非常方便，放工買雞翼回家確實一流。餐廳有很多不同口味雞翼，每次都會試幾款不同口味。餐廳店員推介第一位，玫瑰蜜糖雞翼，味道帶有少少甜味，淡淡玫瑰花香味，雞翼非常入味，咸咸甜甜送飯一流。避風塘蒜香雞翼，屬於比較重口味之選，香濃刺激，帶有辣味，辣度屬於入門階級，老幼咸宜。餐廳最新推出，大阪燒口味雞翼，味道新奇有趣。雞翼表面有日式木魚碎，紫菜，沙律醬汁。

裕民坊YM2地下，有間雞翼專賣店"雞翼山" ，主打雞翼外賣，但也有一張立食枱。點咗6件$53自由配兩款雞翼，章魚燒風味雞翼＋文青玫瑰雞翼，雞翼係即點即做，所以要等10分鐘左右，雞翼出嚟係熱辣辣香味十足🍴章魚燒風味雞翼每隻雞翼都肥嘟嘟，非常飽滿，上面鋪上大量鰹魚干，沙律醬，蔥花等，雞翼外層炸至香脆可口，中間肉汁豐富，醬汁富醬油香甜，滿滿章魚燒味道。🍴文青玫瑰雞翼雞翼炸至香脆，上層就以蜜糖加玫瑰花碎，入口先有玫瑰花香，蜜糖清甜，不愧屬人氣美食

之前已經食過雞翼山的玫瑰雞翼，好香的玫瑰蜜糖味，皮外脆內嫰，好食，今次外賣返屋企，叫左3款吾同口味share 分別有避風塘雞翼、鹹蛋黃雞翼同埋玫瑰雞翼，仲叫多左。個小食蝦多士和飲品蜜桃烏龍茶。雞翼即叫即整等左10分鐘左右，店員好細心態度良好，打開外賣盒俾我影相打卡，即叫即整雞翼隻隻都脹卜卜。天氣太熱，一路行一路飲杯蜜桃烏龍茶果味好香好好飲。外賣用紙盒裝住，保溫都做得好好，令返屋企食的時候仲係keep到個溫度。先食咗鹹蛋黃雞翼，雞翼外皮沾滿鹹蛋黃醬，鹹蛋黃醬吾會死鹹，好鍾意佢個沙沙質感，雞翼炸得剛剛好，皮仲係好脆夾埋鹹蛋黃醬呢個配搭好惹味。跟著再試避風塘雞翼，港式味道小辣，惹味同好多炸蒜好香，跟著再食蝦多士中間蝦肉彈牙，香口小食，不過不失，最尾食玫瑰雞翼，雞翼上的玫瑰花粒好靚，甜美中和左避風塘雞翼的辣味，食落每一啖都有淡淡的玫瑰花香。順帶一提，盛載雞翼的索袋設計好靚，下次會再試埋其他口味。

每次經過彌敦道都會好想買雞翼山🥹食過一次真係返唔到轉頭，知道觀塘開咗間雞翼山，咁近就一定要再食❤️‍🔥😛✨見比較多人係外賣，但其實餐廳都有提供幾個站立嘅堂食位置，好特別咁有個獅子山嘅山脊線做裝飾，仲有個裕民坊嘅背景😂好有本地特色😮✨✨文青玫瑰雞翼私心最鍾意係呢款，每一次食雞翼山都會嗌🤣佢嘅玫瑰蜜味好香之餘唔會死甜，雞翼煎得非常香脆，個人好欣賞有玫瑰花瓣同埋香草做裝飾，賣相好好之餘入口亦都好有水準👀🤙🏻✨西檸酸甜雞翼個人覺得甜味比較突出，本身見到幾片檸檬做裝飾以為會好酸😂😂😂同埋佢唔係中式西檸雞嗰種味，未試過嘅不妨一試✅😬✨避風塘蒜香雞翼好香脆🥹但都有一定辣度，唔食得辣嘅人可能要準備定飲品🤣食得辣嘅人會好鍾意，個人覺得係三隻味入面最惹味😋✨另外雞翼加 $20可以加購中杯飲品今次我哋試咗凍頂烏龍蜜桃茶同埋凍頂烏龍檸檬茶😛兩者相比下蜜桃茶個味會突出啲，炎炎夏日下飲好清涼，唔會太甜令到人好口喝😋

雞翼山提供8款口味既炸雞翼，有時候會推出期間限定口味搞搞新意思😲。除左雞翼外，仲有小食、飲品、飯類等，當係正餐主食或者小食都一樣冇問題。🫨鋪頭有少量位置供食客用餐及打卡👍🏻雞翼即叫即炸🫢，即場加入所屬既口味再炒，所以要等大約10-15分鐘。雞翼隻隻都肥大肉厚，咬開好多汁，而且雞皮好香口及脆，完全唔會乾身。😺1️⃣文青玫瑰雞翼🌹:玫瑰花fans一定要叫佢哋呢個招牌「文青玫瑰雞翼」😍。雞翼外皮沾滿玫瑰花糖漿，另外用咗玫瑰花辦做裝飾，😯入口有陣陣玫瑰花味🤩。玫瑰雞翼比想像中香甜，😋對於我呢啲燒雞翼要倒成樽蜜糖落去嘅人嚟講真係啱晒我🤤2️⃣ 黃金鹹蛋黃雞翼🍳鹹蛋黃味雞翼係真材實粒嘅，食到鹹蛋黃粒，鹹蛋黃出油所以炸完有小小起泡係正常😛。味道岩岩好，幾香幾好味。雞翼外脆内軟，仲保留住雞翼嘅肉汁😄，雖然等得比較耐，但因為係即叫即炸，口感超正，等耐d都值得😚。3️⃣蜜桃檸檬烏龍茶🥤唔係死甜既糖水味 蜜桃味好出 帶啲檸檬酸酸地清新解膩😆

要講到全港最正嘅雞翼店，一定係雞翼山，佢有幾間分店，而最方便我就係呢間係裕民坊嘅雞翼山啦！佢d雞翼真係超正，經過都會嗅到好香嘅味道，而且係即叫即整，所以出品係最正啊，熱辣辣的，我今次揀左佢no. 1嘅文青玫瑰雞翼同西檸甜酸雞翼！2款都好好味。要等一陣，因為都幾好生意，我見有人係手機一早下單的，比較方便，不過大多人都乖乖等美食，出品後旁邊有個位，比你即食都得，我都忍吾住食左2隻先走。文青玫瑰雞翼，好味，外皮甜甜地煎得香脆又有玫瑰外賣好靚，佢嘅雞翼係大大隻，完成有質素！咬入去肉汁保留，又冇雪味，太正了！至於西檸甜酸雞翼，係我喜歡的口味，因為都比較喜歡甜酸嘅野食，不過吾算酸，有少少檸皮，就算食落都幾夾，幾清新，外賣都係好靚，美味。佢仲有飲品的，點了烏龍果茶，中和返，夏天飲又清爽解膩，舒服。

呢間舖頭，鍾意食雞翼嘅朋友，絕對要過嚟試吓，店舖位於觀塘裕民坊，好近地鐵站，商場都好多小巴同埋巴士路線外賣返屋企食一流，就算堂食都得，舖頭有三個立食嘅位置雞翼山總共有九款味道嘅雞翼，今日我哋就試咗其中兩款✨黃金鹹蛋黃雞翼$43雞翼炸得好香脆，炸粉好薄，食落一啲都唔油膩，雞肉仲十分之嫩滑，有肉汁，鹹蛋黃醬超澎湃，味道超濃郁，食完超有滿足感✨三重芝士雞翼$38淋上咗濃濃嘅芝士醬汁，芝士控必點，芝士鹹香味十足，非常足料，帶點拉絲嘅效果，同雞翼味道好夾✨凍頂蜜桃烏龍果茶$28滿滿嘅蜜桃果香味，烏龍茶茶底香味十足，夏天飲超解渴，但又唔會過甜，一流