雪ノ下 (已結業)

對面刨冰屋要等好耐位，咁就一於試下呢間啦，反正都有冰食✨✨✨✨✨✨✨✨✨✨✨✨✨✨✨✨✨高知縣黃金之里生姜刨冰——有驚喜咁多款刨冰入面生姜味道最特別一於就叫黎試下啦果然無令人失望呀刨冰頂有少少幾片薄生姜開頭見到個刨冰白雪雪仲以為味道會好淡但原來絕對唔係入面加左霧島牛奶唔會太多又唔會太少牛奶加姜好夾呀食下食下仲發現入面有雪糕而冰嘅質感軟綿綿好幼細有入口即溶嘅感覺下次再試埋其他味道先☺️ ✨✨✨✨✨✨✨✨✨✨✨✨✨✨✨✨✨瑞士特濃黑朱古力法國草莓pancake——心太軟朋友？呢到嘅pancake並唔係梳乎厘pancake唔好expect佢係鬆軟嘅感覺今次嘅特濃黑朱古力pancake我會叫佢做無流心嘅心太軟😂味道係好味的濃濃朱古力味但又唔會太苦但質感就似一件蛋糕啦或者似一件厚厚嘅熱香餅Pancake面有大量cream再加士多啤梨如果d cream改做雪糕應該會即刻加分

同 c 睇完戲揾野食，因為喺戲院已經食左隻熱狗，所以最後決定食個甜品算。我哋最後去咗間c想試嘅 pancake。今次真係好好彩，去到唔洗等位，坐低無耐出面又開始排長龍，lucky! 因為無正式食個晚飯嘅關係，我哋叫左一個綠茶刨冰，一個原味 pancake 。佢個刨冰做得好好，所有冰粒都有綠茶醬，個味好濃，但係又唔會好澀。再加少少紅豆蓉就會多一分甜味，多一個層次。最中間嘅冰係白色嘅，有牛奶味。整個配搭都做得好好。個Pancake 其實一啲都唔似 pancake 。 其實可以話佢係一個蛋糕。但係咩都好，佢最出色嘅地方係佢個蛋味真係好濃，好香。你可以加少少蜜糖等佢有少少甜味，不過唔好加太多，因為會蓋過左個蛋香味。口感方面，佢真係似蛋糕多過 pancake 。好彩我哋兩個人 Share, 因為佢都幾厚身，幾飽肚。

想試呢間雪ノ下好耐😍知道佢有最低銷費每人$50，即係唔可以兩個人share一份，今次留定肚去當Tea食！.原味🥞Mandarin Honey Pancake$68全名係:愛媛縣小池養蜂園蜜柑蜂蜜宮崎縣高千穗發酵牛油顧名思意，呢到係採用咗日本嘅蜂蜜同牛油😀.見到openrice好多關於pancake嘅口感/質感負評，想先為佢平反一下。呢個pancake絕對唔同於梳乎厘pancake，佢比較偏向hotcake 熱香餅style嘅pancake！.厚厚嘅pancake 蛋味 - 超！級！香！濃！佢不同於疏乎厘pancake，一切開裏面係綿密又軟熟嘅蛋糕咁，食落唔會只有空氣。每一啖都充滿好香好香嘅蛋味同牛油味🥞🥞🥞🥞🥞🥞🥞🥞🥞🥞🥞🥞🥞🥞🥞建議先試吓原味個味道，再點蜜糖，因為就咁食已經好好食😍🍯倒上甜甜的蜂蜜，加添pancake嘅層次感，食得出係高質蜂蜜，好正😋.十分推介呢間位於禮頓道嘅甜品店☺️厚厚嘅pancake很實在，感覺更抵食😋

一開店的時候人龍超長，現在幾乎不需要排隊就可以馬上入座。我本來也是喜歡美式比較厚的pancake，所以其實對現在大熱的souffle pancake不太感興趣。🍽 原味pancake一端上來的第一個感覺是「好小啊！」，份量應該是一人份量的一個小點心。切下去時感覺非常鬆軟，蛋香味非常濃。淋上蜜糖味的糖漿就是一個簡單又經典的甜點。🍽生薑味刨冰選擇了香港比較少見的生薑味刨冰。薑味雖然重但是並不會很辣，吃完整碗都不會有辣到苦或不舒服的感覺。刨冰的質感類似台式刨冰的感覺，不是我喜歡吃的綿密口感，稍微扣分。

今次試了銅鑼灣甜品街名氣相對小的雪之下, 雪之下主打是刨冰和Pancake, 那不就是甜品街內I Love You Dessert Bar和SHARI SHARI Kakigori House的混合體嗎? (笑) 這裡的Pancake價錢不算太貴, 大約七八十元, 但數量只有一枚, 我和朋友基本上將要試的Pancake口味也試過, 結論是其口味我自己不太喜歡, 雖然我知道她很努力去做好其Pancake. 像是原味的那一種, 口感太實, 比HeShEat的更實, 淋上蜂蜜後味道是Castella而非Pancake. 至於Dark Chocolate和抹茶味甘而帶苦, 按上去的朱古力汁和抹茶汁流出來, 感覺有點像心太軟, 但內裡不是中空, 就如被水浸泡而濕透的蛋糕一樣, 蛋香相對比原味更少, 我還是喜歡將醬料淋上去的Pancake多一點就是!

同朋友食完飯食甜品是常識吧？係銅鑼灣食完晚飯，落咗少少格自然就開始再度覓食，睇下有咩甜品鋪。鋪頭都頗多人，好彩出面有得坐住等下。都等咗近20分鐘先可以入座。一入去要係櫃檯向店員落單付款先，然後再入座。由於製作需時，都等咗15－20分鐘先食到。我地叫咗兩款：冰島藍莓Pancake＆京都宇治抹茶刨冰。冰島藍莓Pancake餐牌寫班戟係用日本廣島雞蛋製成，厚度約4cm。而實物真係幾厚下，個形狀超圓，亦聞到雞蛋香。由於佢唔係現時大熱嘅梳乎厘班戟，口感上一定會係實正啲。而呢款口感實正之餘，唔會太乾，都保留到啲鬆軟口感。不過斑戟面層同底層較硬，同埋都幾易滯。而藍莓係偏酸，配合返班戟上嘅cream食會好少少，中和返。不過自己可能都係偏好梳乎厘班戟多啲。京都宇治抹茶刨冰呢款份量都唔惹少，頗巨型。刨冰仲淋咗啲霧島牛奶同紅豆係表面。刨冰抹茶味愈食會愈濃郁，食到底仍然好重抹茶味。抹茶偏苦澀，同我一樣鍾意食甜抹茶嘅人，建議加入紅豆同牛奶再食會好啲。

星期六下午差不多5點來到雪ノ下，門口已經好多人排隊 我地訂左6人枱都要等，因為店面不是很大 等緊既時候waiter就叫我地先落單，佢話係即叫即做，要整10零分鐘 我地叫左一個Mandarin Honey, Matcha 同埋Dark Chocolate 店面風格有點和風味道，當然啦，來自日本嘛 廚房L 形係店內左邊，右邊約有2X個位，排得都幾密 我們一行5人，坐低就去cashier 俾錢，各自叫左飲品 Mandarin Honey黎左先，Mandarin 相當於原味 一黎就有一陣好香既蛋味 原來雪ノ下係用日本廣島雞蛋做，個蛋味真係好出 Pancake上面有一小方塊的牛油，再配一小瓶蜜糖 牛油係來自宮崎縣高千穗，而蜜糖係愛媛縣小池養蜂園蜜柑蜂蜜，全部都係日本野 Pancake面係慢火煎出黎 食落口感好厚實，完全唔係好鬆軟既感覺，更似一個蛋糕，不過係好食既 但係好食到個牛油香同埋蜜柑巴香味~ 之後上枱既係Matcha，佢係抹茶紅豆味 一黎到個個賣相好吸引，綠色既抹茶蛋糕上面有D cream，旁邊有D北海道紅豆同黑豆 You know, 京都味出曬黎~係好濃既抹呼茶味!!整體都滿意

同朋友食完正餐之後未係好飽，就去食甜品，朋友話之前經過雪之下唔洗排隊，已經心心眼。一開張既時好多人，實在唔想排隊，依家係時候喇。點左個Mandarin Honey pancake $68🥞 ，呢種pancake 有4cm 實在感厚燒，唔似平時McDonald 熱香餅，又唔係梳乎厘pancake，厚身似蛋糕，用日本廣島雞蛋。製作需時15-20分鐘，等左好耐，終於黎喇。pancake 面上有一小片宮崎縣高千穗發酵牛油，旁邊就有愛媛縣小池養蜂園蜜柑蜂蜜另上。係餐牌上得知用左好多日本材料，但食落又唔係真係好特別，厚pancake 我還是會喜歡hesheeat 那款。因為有每人最低消費$50，再叫多個蜜桃茶 $32，係用斯里蘭卡優質茶葉品牌 Dilmah，平時都有飲開，好飲的，食甜品就適合飲茶消滯，不過$32 已經買到一盒有多。✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨

不知由何時開始流行梳乎厘pancake，每次經過pancake專門店，也看到長長的排隊隊伍。大家都熱衷於pancake的空氣感，還有一出現在枱面上的那個動L動L的可愛動感。我也有經歷過這個嘗鮮的過程，也分別到了幾間主打pancake的店排隊，希望感受那種綿綿的，鬆鬆的幸福感覺，可是，我原來是不喜歡那種梳乎厘pancake的口感!!! 本以為在香港最近的只可以吃到梳乎厘pancake (還要是排隊等了又等才有機會吃到)，想不到就在幸福pancake店的幾街之隔，我跟男友都找到了喜歡的味道經過這店時，已經被店中簡約的設計吸引，心想是很日式的設計。本來我們的期望不太大，就是打著要吃一個甜品作完結的想法。🤤因為店家有最低消費，我們分別點了原味和紅豆抹茶味。 每個pancake都需要大概20分鐘的製作時間，在這段時間，就談談天，看一下旅行資訊，原味pancake就到了。老實說，一看到pancake時我們是有驚喜的，因我倆都以為是梳乎厘pancake! 要說的話，它更像一個蛋糕，原味pancake會配上一小瓶蜂蜜，倒上蜂蜜，pancake𣊬間變了蜂蜜蛋糕!!! 一切下，會看到pancake內是實心

同事邀請一齊去食班戟，銅鑼灣有三間心水餐廳，經商討後㨂了這家。下午6:30去到，入面只得兩位客人。餐廳面積較細，枱面好窄。我們二人叫了一份蛋治、兩份班戟和兩杯飲品。厚燒玉子三文治58元，已切開三份，雞蛋好厚，味道唔錯，但價錢略貴。京都宇治抹茶班戟78元，配上北海道紅豆和京都黑豆，賣相吸引，味道唔錯，價錢一般。瑞士72%特濃黑朱古力班戟78元，配上法國草莓，非常好味，價錢可接受。宇治抹茶熱飲26元，味道一般。牛奶宇治抹茶凍飲32元，味道略淡。

日本過江龍 成日都見到人地食厚身既班㦸 好吸引咁 岀到銅鑼灣 排幾耐都要試下Dark chocolate pancake賣相好吸引 厚厚既班㦸配上一大舊cream同草莓 果然即叫即焗熱辣辣 班㦸切開好多煙 舊cream仲融緊添🍫班㦸選用瑞士72%特濃朱古力 入口果然香濃朱古力味 唔太甜 配上面頭既cream甜度岩岩好 🥞班㦸入口感覺似蛋糕多啲 冇我想像中好似班㦸咁鬆軟 但係就好濕潤一啲都唔乾 🍓法國草莓甜甜酸酸 解膩唔錯Strawberry milk kakigori賣相同樣好吸引 採用法國草莓 霧島牛奶 冰好綿 入口即融 冰草莓份量唔少 每啖都會食到 配上牛奶味既冰 酸酸甜甜 好freshCoffee kakigori選用日本堀口咖啡 雖然睇落去好似有啲淡 但係綿綿既冰入口好濃咖啡味☕️ 中間仲有充滿煉奶既冰 中和咖啡既澀食到最底仲有好濃既咖啡刨冰 唔會越食越淡刨冰岀色 班㦸當蛋糕黎食其實都唔錯 唔好期待有班㦸好鬆軟既口感

都有差不多半年冇黎呢間甜品店食啦，熱潮過去，排隊的人龍也沒有了!初初開幕的時候黎覺得pancake好好味，因為唔係食空氣!但今次再食，感覺真的不同了!Mandarin Honey ($68)，價錢比起初開的時候平了，pancake因製作需時，所以都等左10分鐘左右先黎!pancake口感一樣有點像馬拉糕，但沒有當初咁鬆軟!蜜柑味既蜂蜜味道一樣，但就是個口感不同了!京都宇治抹茶味刨冰($55)，價錢亦是比起初的時候平了，刨冰的份量都少了!這個刨冰很夠綿，抹茶味都幾濃，配紅豆一齊食可中和抹茶的甘味!刨冰中間位置還有煉奶味的刨冰!這個刨冰反而比pancake更好食!總括黎講，價錢雖然比之前平了，但食物質素都有微微的下降了，要再想想會唔會再食!

你可以話我誇張。。食個冰姐 洗唔洗禁激動啊可能我身體入面係純粹流動住浮誇嘅血LOL真係憑良心 我好少會第一次食一樣嘢 會即刻諗定幾時再泥過 因為我個心成日覺得要試新嘢 要去新地方呢度係令我初嘗呢個想法說真的 呢度畀咗好多驚喜我首先性價比好高 簡直係超晒班平時都係去開Sxxxx Sxxxx食冰 但係近百元其實真係幾唔化算這冰個presentation都好殺食粉粉的紅紅的 少女心爆發又是新鮮材料仲要好有心思士多啤梨肉係frozen的 唔會9 5撘8咁食食吓冰有啲林bitbit嘅strawberry flesh喺喥令到成個食感和諧一致有眼睇ratio亦做得好豐盛 guarantee 冰同士多啤梨係1:1仲有就係冰係用霧島牛奶做base holy moly thats my baby再者 裏面仲整咗 煉奶流心喺centre 又一驚喜不得不邊食邊諗下次泥要再試邊款甜品同埋平到不得了 希望佢keep住呢個price heheYukinoshita 雪之下KakigoriStrawberry Milk 法國草莓牛奶 $55 📍銅鑼灣

平時哩間甜品都不乏長龍，可能因為天氣問題，今日難得經過無人排隊，二話不說就入咗去了。呢間餐廳出名嘅係日式厚燒班戟蛋糕，我哋揀咗個70％瑞士朱古力味既。大約等左15分鐘就有了。佢真係即叫即焗，用刀切開果陣都有煙出，熱辣辣。上面有一舊大既cream，用黎送朱古力蛋糕都夾，不過如果係雲呢拿雪糕就更佳。旁邊仲有紅苺醬，同cream同朱古力都係不錯配搭，賣相不錯。 切開後，入面既蛋糕有少少濕，唔知係未焗得乾身定係特登焗到咁樣？texture似係介乎普通蛋糕至 brownie中間，朱古力味非常濃，不過可能我本身預期係似pancake多少少，佢而家比較似普通朱古力蛋糕，同我預期有d落差。賣相唔錯，味道還可以，可能揀番原味會比較好，因為哩個朱古力味食晒果陣有d溜…… 同埋同pancake好似無咩關係…… 所以…… 試吓都ok ，但我唔會encore了

本來黎到希雲街想帶朋友試某間出名既波波冰，但離遠又見人龍，想放棄之際轉個靚身見到呢間雪\下，裝修幾靚又帶偏黃暖色燈光，溫馨得黎又好實在既感覺（相信女人既第一印象）看看餐牌原來全部都係甜品！天啊，作為街坊既我居然對呢間新野毫不知情，二話不說入去試左先講menu選擇不太多，主要係厚班戟/雪冰/飲品既唔同味道變化之選，個「底」基本上都一樣，所以決定試最original 最招牌的兩款：*抺茶紅豆刨冰* 同 *蜂蜜班戟******刨冰：size當然不及對面果間蛋形刨冰咁cute同大，不過諗下喎，呢度價錢幾乎係佢既一半，而且食完後我敢講味道遠超出果個蛋！抹茶味濃得黎帶甘，不會一味只得苦澀，甜度適中，連不嗜甜的朋友都覺得剛剛好；奶味主要來自奶漿同中間既牛奶雪糕（係，原來收埋係中間！surprise !) 香甜而幼滑；刨冰既冰片好幼好碎，但又pack得足夠實唔會輕飄飄咁食到山泥傾瀉上面既紅豆係十勝紅豆，超大粒，甜到起綿；仲有少有既蜜豆/黑豆同場加映，雖然得3粒但非常大同蜜味更濃！整體黎講刨冰🍧係超乎預期的好食！望住食完既碗底有種莫名既「圓滿」，真係要學日本人咁講句「多謝款待」😋😋*****蜂蜜厚班戟：