雪園飯店 (已結業)

整體食物質素已經沒有十年前在北角老店的水準，好的大廚也過檔，最差的是服務，就是那位目中無人的經理害得連賣coupon 也不討好，應該好好檢討自己服務質素，絕不是租金問題，如果要叫翅才有服務，那你們要與時並進了

今日同同事去利園間雪園晚餐，入座率6/7成，座位舒適，裝潢設計反映出傳統高檔中餐廳。同事有優惠，用餐有9折優惠。餐廳菜式主打四川菜，我地叫左小籠湯包、四川擔擔麵、炸排骨、上海粗炒、螞蟻上樹。所叫菜式味道可達高水平，因為價錢相議但味道少味精，食出食物的原味道。尤其小籠湯包，餡料味香，豬肉沒酥味，令人食慾大增。擔擔麵花生醬味比較重，可以再辣多一點點，分量正常，值得一試。上海粗炒係傳統菜式，烹調向來鍋氣重，比較多油，以我介意多油gei人黎都，都接受到。螞蟻上樹其實係炒四季豆，用左菜鋪去炒，香口又有咬口。

今日係公司開完會，見外邊有少少落雨，就同個客去咗公司附近嘅雪園食午飯。其實都有一段長時間冇嚟過啦，環境都係無變。冇乜人，可以靜靜地享受午餐。叫咗個頭盤，有海蜇，有雞絲粉皮，仲有個腐皮。依個頭盤幾好食，好快就食晒。仲叫咗多幾樣餸，必叫嘅小籠包，保持水準好味，叫咗上海粗炒，唔係太油膩，幾好，仲有一個比較特別嘅就係雪菜粉皮，依個係第一次叫，幾好食，值得推介。最後仲有一碗綠豆沙食，有甜品嘅午餐係最完美嘅。

本身用apps預訂7點晚餐，去到個老部長落單後等左半個鐘都仲無野食，check單發覺原來單都無落，道歉都無一句。到想再落單叫野食同甜品，又係老部長，佢話用餐時間1.5小時，大佬我等左半個鐘，食得半個鐘，仲有半個鐘你咁早催我走。食物真是好普通 無咩都唔使再黎而且食食下仲閒到有人食煙煙味

同一大班人食飯通常第一個選擇都係中菜第一貪佢圓枱方便傾偈同埋中菜一定個個都啱食！呢日約成班中同食飯禁下個book枱app睇下銅鑼灣有咩好食就揀左呢間雪園印象中呢間雪園以前係喺北角而家開左好多新派中菜食豪華裝修、打卡食物但有時想反撲歸真都係要搵返呢種有咁上下歷史既老舖我地幾個女仔都唔係叫左好多野食嗌左小籠包, 奶油津白, 賽鎊蟹, 醉雞, 炒年糕簡單幾樣食物都有應有既水準唔係流於表面既fancy另外我最欣賞就係呢間餐廳夠晒隱蔽有時就算你去中高價既酒樓都會有種啪嘈喧巴閉既感覺但呢到始終可能平日晚市冇咩人搵食搵到黎呢邊反而我地幾個傾偈傾得自在唔會比人催交枱

Almost 30 years ago, Snow Garden was one of the places to go if you want the best Shanghainese cuisine in Hong Kong. Can the same still be said after all these years, let us all decide here.We a table for 4 arrived at 6 sharp, we were the first table of the night. Shortly after that, people started coming in, and be 7pm, the restaurant was full, always a good sign on a Sunday evening.The smoked eggs are a bit dry but the yolk was creamy and softThe abalone mushroom was soso, with it being too ch

已經多年無去雪園，以往只幫襯過佐敦雪園，如果無記錯佐敦都無了十多年了，今次就來銅鑼灣雪園，原來此間不同彼間，唉！吾好理邊間打邊間，好食就得啦！但除了好食也要服務態度好先得，去到坐下，好明顯服務態度就吾得，介绍餐牌時一點耐性也没有，好食都無用；清炒河蝦仁，算爽口，點些浙醋可提鮮；怪味雞，口感麻麻痺痺漕溜魚片，魚片幾滑，散，不錯樟茶鴨，乾了些，無乜肉汁，扣分；整體食物算可以，只是服務態度差啲，可能我們無叫贵價嘢原故。

前幾日，去睇首映之前同屋企人食飯，結果揀咗雪園。由於同屋企人食飯冇乜點影相，但照舊一定會食我最鍾意食嘅薰蛋，我本來唔係好鍾意食咁樣煮既蛋。但係嗰種煙熏味真係令人好難忘，前菜仲有食素鵝，豬手，素王雀。其實食上海野，食前菜多過主菜是常識吧！雖然好衰但係個魚翅真係好味，佢個湯仲要超級好飲加埋個金華火腿我諗我食咗好多舊，舊金華火腿嘅油脂位係超好味！ 最後係好飽既情況下，都係忍唔住叫咗個素菜包再加生煎包同埋最最最重要嘅高力豆沙！ 做人都係為咗食嘅啫 食一餐開心嘅真係差好遠

食得太多四川嘢，有時候會想食返吓上海菜。雪園確實係香港老字號不錯嘅淮揚菜，拍得住南京/揚州！今次唔好意思淨係影得涼菜，唔記得咗啲沙窩雲吞雞（不錯)，樟茶鴨(鞋口)同毛豆莧菜(正常)，不過我覺得都係啲涼菜出色啲！海蜇頭醉雞平均消費每人$300 ，都ok！

Second time I have been here, though reception is a bit slow but service is good, food is delicious and price affordable. We had lots of apetitisers including fried eel, dumpling, jelly pork, fried turnip cake, thousand yr eggs, jelly fish, bean curd sheet & main are fried string beans, Shanghainese noodles. For 6 pax, our bill was only HKD$1,200 including delicious osmanthus coconut pudding!

兩個姐姐預訂呢個雪園飯店今晚準時七點去到全場滿座我哋訂咗一張大枱12個大人兩個小朋友點左一個圍菜 有四個冷盤可以自選一個脆鱔海蜇頭醉雞醉豬手正呀！ 火瞳魚唇雞煲湯 美味非常 跟住嚟一個圓蹄 入口非常之冧不 肥膩 海參 就彈牙肉厚

雪園，一間老字號上海餐廳，细细個已經食過，隨着時代變化，已經好多年未去過而且地點都變左，今次特登去幫襯一下。周末中午有四位套餐，我地選左$498。包括自選五拼冷盤(九選五)，自選兩款小菜(十五選二)，自選三款飯麵及飽點(七選三)。點左以下:四鮮烤麩 (味道唔錯)蔥油海蜇 (海蜇質感幾好，味道ok)糖醋小排骨 (味道唔錯，甜味剛好，肉都幾稔)谅拌馬蘭頭 (幾好，味道都幾濃)谅拌小木耳 (蒜味幾重，幾好味)回鍋肉 (賣相同味度都一般，味度唔夠)百頁唐菜 (非常好，D百頁同唐菜非常ccc, 加上湯底味濃， thumbs up!)上海鍋貼 (一般，可以煎得更香)雪園素菜飽 (幾好，個飽D皮同饀都幾好味)崧子咸肉炒饭 (一般，問題左於菜粒太多，因菜有水份令炒飯有少少濕既感覺，唔夠香)總括雪園水準可以接受，環境service 都ok，不過個人認為比不上"浙江軒"同"蘇浙"。Overall, 以價格比係recommended。

小朋友時代同家人常左北角食雪園搬左之後完全冇食過後來發現佢地搬左去銅鑼灣好奇之下去試下黃金明蝦好少食到唔［流］嘅黃金蝦雖然賣相麻麻但食完之後都仲有辦法可以食其他餸實在難得椒鹽小黃魚夠晒大條食落去鬆脆可口一定要食糖醋排骨暫時係我食過最好食嘅排骨真係唔可以用言語去形容 要試第一次食素鮑魚切得好detail 飯前小食多一個選擇本人對鴨麻麻哋但都可以接受食完咁多有份量嘅嘢都係用返啲菜去清下腸胃冇咁熱氣上湯豆苗好好食

嗯⋯味道一般般，去之前睇過OPEN RICE話服務差，其實沒有太差不過都唔算好⋯食物味道就屬於「正常」，夠熱；環境就「KEEP得好好嘅舊」，明白嗎？整體而言「一般」到我都唔知寫咩好⋯⋯

銅鑼灣可以食包點、飲茶的食肆都試了八八九九, 今天就去「雪園」一試。「雪園」是家老牌上海菜館。酒家面積不太大, 但是竟有多間廂房, 讓客人有更大的私隱。裝潢屬傳統格局, 沒有大驚喜。甫坐下, 店員送上餐牌、泡菜 $20 及茶 $15/位。即是什麼食物都不叫, 都要俾$50。這就是中式酒樓獨有的文化, 合理與否真是因人而異。就筆者的個人而言, 這種「硬食」的行為不太合理。點心紙的包點選擇不太多, 前菜小食反而選擇豐富。《醉豬手 $78》 這頓飯最出式的菜式。豬手含有豐富的膠原蛋白質，看似很肥，但脂肪含量遠比肥肉低又不含膽固醇。豬手又有豐富的膠質，增強皮膚彈性及韌性, 是窮人恩物。醉豬手其實做法簡單，不外乎烚丶過冷河丶浸汁，但想食夠晒爽口嘅豬手，就一啲都唔簡單。這個醉豬手表皮滑又脆身爽口, 不錯。咬下去雖然不是啖啖肉, 但是膠質重,口感煙韌。豬手的酒香味道清香樸鼻, 酒味濃但沒有苦澀味容易入口。《小籠包 $33(3只)》 小籠包是去上海飯店必叫的點心。1客3件, 數量比一般的上海飯店少, 賣相看起來不太豐富, 打了折扣。另一方面, 卻方便客人較少的食客, 彈性較大。夾起來, 湯包不夠豐盈,