雪山冰廳

營業中

休息中

𖤐ˊ˗雖然寒冬冷冷，但在餐廳卻見到很有人情味的一幕，伯伯家人去拿錢包，留下他一個人等，職員給張大枱他坐，又給杯水，態度很親切，相比一些米芝蓮店，寧願光顧茶記，就算一個人也不會感到孤單。｡ﾟ･𖥸──────-ˋˏ 𝓜𝓮𝓷𝓾 ˎˊ-──────𖥸 ｡ﾟ･✎ ̼特級牛肩胛香濃沙嗲鍋 $108火鍋🍲配料：雜菜、雜菇、牛肩胛、蟹棒、獅子狗、雙丸，可加錢加料，份量足夠女子吃飽，個人最愛多汁彈牙牛丸、超大條蟹棒，最重要是沙嗲湯底夠濃郁！✎ ̼熱檸檬🍋茶 $6是正常的檸茶，是有檸檬片，而不是冷壓檸檬茶！‧̍̊˙· 𓆝.° ｡˚𓆛˚｡ °.𓆞 ·˙‧̍̊ ‧̍̊˙· 𓆝.° ｡˚𓆛˚｡ °.𓆞 ·˙‧̍̊

是晚收工後和老公嚟咗深水埗行街街，大約七點好肚餓，於是乎嚟到我哋嘅「必食餐廳list」上頭幾位嘅雪山冰廳食飯。轉咗新裝修，感覺又升le咗，啲座位闊落咗，坐得舒服咗跟住我哋就快速點咗個二人套餐，蒸咗條靚魚，加一味芥末牛柳粒。首先嚟咗個是日靚湯，花旗參瘦肉雞腳。雞腳滿滿嘅骨膠原，食咗以型補型，補吓腳骨力。啖湯真係清甜，好飲到無法形容！等咗約莫10分鐘，條盲鰽魚肉質非常嫩滑，豉汁魚油撈飯好鬼正哈哈哈呢份係芥末牛柳粒，牛柳粒都好嫩滑，食到lam lam脷呢

木魚花芥末牛柳粒牛柳粒很嫩滑，一口一粒，肉質鮮嫩仲有肉汁，不會柴口，仲有惹味又刺激的芥末醬，佐飯不錯，加上爆滿的木魚花，帶有鮮味。茶樹菇杞子燉瘦肉湯喜歡這兒的燉湯，一盅盅的，有茶樹菇，原粒杞子，仲有瘦肉丁，加入薑片，唔會太咸，原汁原味，飲左後覺得很暖身。即叫即炸避風塘炸蒜雞脾雞脾大大隻，大過我隻手掌，即叫即炸，醃得入味，面層灑上炸蒜，雞皮金黃酥脆，雞肉嫩滑。足餡榛子流心西多滿滿的香甜幼滑的榛子醬，西多很厚身，上層有一片牛油，糖漿獨立包裝的，我掛住影相，如果即刻切開，應該很澎湃，所以真係要襯熱食。

星期日約咗朋友食早餐再去行嘉頓山，點知起身已經12點！朋友體諒我近排返工忙，只係話12點仲邊度有早餐食！原來佢地唔知深水埗雪山冰廳，逢假日早餐食到下午2點鐘。朋友叫咗傳統嘅沙嗲牛肉麵，沙爹醬比一般濃味，牛肉索晒沙嗲味，味道濃郁，麵底煮得啱啱好，唔會太硬或太腍。早餐另外配塔香蔥碎牛肉炒蛋三文治，蛋夠滑，香蔥配上碎牛嘅味道異常突出，再加上脆卜卜嘅烘底，真係perfect！我就叫咗蕃茄濃湯鮮牛肉通粉，湯色夠紅，飲啖湯就更加知用咗好多蕃茄肴湯，好開胃，而牛肉份量唔少。早餐另外配塔櫻花蝦炒蛋配鮮奶多士，蛋汁爆多，相當嫩滑！而櫻花蝦令到成個炒蛋嘅味道更有層次！帶有牛奶香嘅厚多士烘得酥脆，相當好味。

避風塘炸脾 配紅豆冰：真係必試之選，真係超好食！炸脾外皮脆卜卜，內裡肉汁豐富，究竟點解可以炸到咁脆口但又唔柴架？仲要配埋紅豆冰，甜而不膩，冰涼解渴，超夾。招牌海南雞飯 配樽仔奶茶：無骨雞肉好嫩滑，仲有甜酸蘿蔔青瓜，再配埋特製嘅醬汁，味道非常豐富。樽仔奶茶香濃，好順滑，一啲都唔澀，正到爆！菠蘿油：必點經典。菠蘿包外皮酥脆，內裡鬆軟，加埋一片厚厚嘅牛油，入口即溶，不過一個人食太膩啦，一定要同朋友share！爆饀蛋牛治（烘底）牛治外皮烘得香脆，內裡嘅牛肉同蛋餡料豐富，味道濃郁，鹹香鹹香，惹味！凍檸茶：食茶記都真係要叫吓奶茶、檸茶，試吓佢哋個茶膽。檸茶茶味濃郁，但唔會澀口，味道清新，食完啲濃味嘢，飲返杯凍檸茶，100分！

早幾日同老婆去咗深水埗嘅雪山冰廳，呢間茶餐廳真係好有歷史，聽講已經開咗好多年，係街坊心目中嘅寶藏。避風塘生炸髀配紅豆冰，呢個炸髀真係外脆內嫩，炸得啱啱好，唔會太油膩。配埋紅豆冰，冰涼解渴，紅豆甜甜地，真係一流嘅配搭！😋👍🏻招牌海南雞飯，雞肉嫩滑多汁，飯粒粒分明，仲有嗰陣海南雞飯特有嘅香味。配埋嗰啲特製醬汁，真係食到停唔到口！😍👏🏻爆餡蛋牛治(烘底)，呢個都係必試之一，烘底嘅麵包脆卜卜，入面嘅牛肉同蛋黃爆漿，咬落去真係好滿足。呢個真係一啖咬落去，幸福感爆棚！👍🏻菠蘿油，呢個菠蘿油真係外脆內軟，菠蘿皮香甜鬆化，入面嘅牛油溶化咗，咬落去真係好滋味～ 👀凍檸茶酸酸甜甜，清新解渴，係夏天嘅最佳選擇。樽仔奶茶就係懷舊味道，奶香濃郁，茶味十足，飲完真係回味無窮～總括嚟講，每一道菜都好有水準，價錢又親民，難怪咁多年嚟都咁受歡迎。下次一定會再嚟試其他菜式 😃

依間由1956開業既茶餐廳，保留左舊餐單之餘，仲有特色野食～點咗避風塘生炸雞髀、滋潤燉湯二人餐，包括老壇酸菜魚和小菜：鹹魚香芋蒸排骨。滋潤燉湯係茶樹菇杞子燉赤肉好好味，佢有茶樹菇、瘦肉、杞子等等，菇菇味香又甜，熱辣辣飲落去好暖胃丶好滋潤。酸菜魚湯底酸酸辣辣，好惹味。配料有麻籽、辣椒、泡椒、菊花瓣、芫荽、萵筍、雲耳、仲有薯粉，正呀！魚肉滑有彈牙，而且入晒味酸酸辣辣，唔錯！萵筍酸酸地，又爽口，好似醃菜咁，非常美味！薯粉吸晒湯底精華，非常入味！鹹魚香芋蒸排骨嘅鹹魚係我鍾意嘅實肉鹹魚，鹹香濃郁，又有着勁。芋頭蒸得啱啱好唔會太腍，有份嘅口感又有嚼頭，芋頭香味十足。排骨帶少少肥豬肉，香口又滑口，吸收咗鹹魚嘅香同鹹，加上芋頭嘅香味，所以口感、味道、香味豐富。避風塘生炸雞髀，炸得非常香脆，每咬一口都係脆卜卜，而且係唔驚好肥膩。加上避風塘嘅獨有辣同香，令香脆好香嘅雞髀味道層次更上一層樓。依度嘅經典小食🥰飲品方面，我點咗好少見，但我又鍾意嘅忌廉薄荷朱古力，依款飲品真係好舊，已經好耐冇見，唔係度度都有。朱古味香濃，加上薄荷香，仲有厚厚嘅忌廉，童年回憶返晒嚟，唔單止係回憶，仲有味道㖭啊！

⦁始祖椒鹽豬扒飯豬扒外焦內嫩，椒鹽的香氣十足，搭配炒飯，十分美味。⦁避風塘生炸髀炸得金黃酥脆，肉質鮮嫩，香辣的調味讓人一試成主顧。⦁榛子醬西多士外脆內軟，榛子醬的香甜搭配烤吐司，令人驚喜。⦁經典芝蛋牛肉漢堡包漢堡肉餅多汁，搭配芝士和煎蛋，口感豐富。⦁小食飲品沙律和薯皇，每款僅需$8加購。若跟餐加購樽仔奶茶和樽仔咖啡只需$9，而凍檸茶則$3，首選樽仔系列👍🏻👍🏻整體來說，深水埗的雪山冰廳，菜品選擇多樣，味道各具特色，非常美味，性價比高，值得一試。 

好耐冇食茶記啦！一想食就諗起深水埗間【雪山冰廳】，最後即興食返餐超豐富嘅下午茶😜😜  -飯餐-🍚始祖椒鹽豬扒飯（炒底）$78個飯一嚟到，就已經聞到濃濃的香味，而且睇落份量好多，有種擔心食唔晒嘅感覺！炒飯底粒粒分明，而且椒鹽豬扒亦幫忙碎上，非常貼心！  -下午茶-1️⃣ 避風塘生炸髀 $452️⃣ 榛子醬西多士 $393️⃣ 經典芝蛋牛肉漢堡包 $40三款茶餐都各具特色，炸髀🍗濃郁的香辣味，外皮脆卜卜，肉汁非常之多。榛子醬西多🥪係我必點的茶餐，冇理由唔嗌。另外芝蛋牛肉漢堡🍔果蛋仲要系流心，非常邪惡。  -小食-🥗沙律（跟餐）$8🥔薯皇（跟餐）$8雖然兩款都係跟餐小食，但唔會份量好少，超級抵食。必！加！  -餐飲-1️⃣ 樽仔奶茶（跟餐）$92️⃣ 樽仔咖啡（跟餐）$93️⃣ 凍檸茶（跟餐）$3個人推介樽仔奶茶或咖啡，茶味偏濃，口感絲滑。如果飲唔晒，仲可以拎走邊行邊飲😬😬

瑞士雞翼拼雪菜米線$41煎雙蛋配酥皮窩夫+$8湯底濃郁但偏咸，麵底唔會太淋有口感，雞翼醃製得好入味唔會太咸好食，酥皮窩夫正常 如果配煉奶應該更好瑞士雞翼拼沙嗲牛肉公仔麵$41冰鎮菠蘿油+$13沙嗲湯底濃郁但偏咸，牛肉嫩滑好入味不錯，雞翼醃得入味唔會太咸唔錯，冰鎮🧊菠蘿油好特別 剛出爐好好味

接近年尾，兩公婆都比較多嘢搞，所以，今晚都爭取時間，唔煮飯出街食，乾手淨腳。因為都要落深水埗，就諗起不如順道過嚟「雪山冰廳」食晚飯，話晒食過知佢水準去到邊。對比上一次嚟，呢一間總店已經喺2018年嘅事，今次再嚟，感覺唔同晒，除咗裝潢新簇簇之外，地方亦好似大咗好多，事後睇番以前啲食評舊相，原來多咗隔離眼鏡鋪個鋪位，加上燈火光猛，卡位非常闊落，確喺感覺好好多。最搞嘢喺，全場有兩個「自閉位」，啱啱有條柱閘住，寧寧舍舍單獨咗出嚟，啱晒啲唔想同人搭枱嘅單丁客，做個孤獨的美食家，邊食邊煲劇都未必有人理。有別一般茶記將啲「架生」放晌枱側嘅櫃桶，而喺將簡單嘅調味料、餐具、餐牌放晒晌枱面旁，阿姐亦好醒目，嚟兩杯熱水俾客人洗洗刀叉、筷子，而且，都好有禮貌。兩大本餐牌，食物款式包羅萬有，亦喺茶記嘅特色。餐牌過咗膠面，影出嚟有啲反光，好彩喺收銀旁有啲郵寄單張攞，掃描出嚟俾大家參考就一目了然。另外，喺牆上仲寫咗一系列是日鮮魚，有黃花䱽、三刀、䱽魚、盲鰽，整法可以轉換，唔喺咁多茶記會提供咁多魚鮮菜式。此外，仲有一個砂煲、火鍋嘅應節菜式：迷你秘製雙冬羊腩煲、椰子文昌走地雞窩、特級牛肩胛香濃沙嗲鍋，咁呢幾日喺入冬以嚟

雪山冰廳係區內已經歷史悠久，地道懷舊茶餐廳食物都食到。現在經過裝修，地方寬敞明亮，坐得超舒服😃見到餐牌有新款式，係砂煲火鍋系列，岩晒冬天進補😋椰子文昌走地雞鍋沙鍋上枱，超有風味👏🏻一大碟文昌走地雞，職員會幫手放入鍋內，大約煮10分鐘就食得。一開蓋就有椰子清香，雞肉嫩滑鮮甜，超滋補😍另外仲有秀珍菇，生菜，娃娃菜，牛丸，魚旦，獅子狗同珍寶蟹棒。蟹棒超大條，大滿足。鼓汁蒸盲曹可以揀鼓汁，冬菜或者清蒸。即叫即蒸，熱辣辣好鮮味。盲曹多肉少骨，岩晒我🤤🌟除了傳統茶餐廳美食，呢度加入左砂煲火鍋同蒸魚系列都相當好食，加上環境變得更舒服，真係區內好選擇。

深水店好耐無去，今日一去，原來裝修咗，起初無睇門口，以為轉咗手，睇返餐牌就知係真雪山冰廳味道，除了經典茶餐廳美食，今次推介雪山冰廳必點的懷舊漢堡，我選了人比較少既下午茶時段去，真係怕佢人山人海，要做食評要影相，會阻人做生意就唔好。入返正題，今次試食下午茶餐，芝旦牛肉漢堡，頂層包外有勁香芝麻，包內有美味牛油，蛋選了優質靚蛋黃蛋，睇相睇到，蛋白煎到有D濃邊，漢堡用足料牛肉，即叫即煮，咬落鬆軟有牛味，唔係快餐店漢堡可比，底層個包有芝士同沙律醬，配杯熱鴛鴦，成為40蚊，一個下午茶就非常滿足。

可能係深水埗最好食嘅茶餐廳～ 迷你秘制雙冬羊腩煲⭐️⭐️⭐️⭐️⭐️話就話迷你，但係份量一啲都唔少，起碼有二人份量！材料豐富，成煲爆滿～ 雙冬即係有冬菇、冬荀～ 冬菇炆到勁腍勁入味，冬荀爽口無根渣，同樣有柱侯醬入味～ 而羊腩都好大件，炆到軟腍入味，完全唔羶～ 沾沾腐乳醬，味道層次更提升😋 跟餐配白飯，撈撈汁，食完全身暖笠笠🥰另外仲有一兜鮮嫩唐生菜～ 食得咁上下，可以放埋落羊腩煲度滾一滾🤩 繼續品嚐羊腩煲暖笠笠嘅滋味～ 鴛鴦花炒鳳片斑球⭐️⭐️⭐️⭐️鴛鴦花就係西蘭花同椰菜花，炒得好爽脆～ 鳳片、斑球肥美啖啖肉😋 加上炒得夠鑊氣，配菜洋蔥、紅椒、青椒就更惹味～ 樽仔奶茶 ⭐️⭐️⭐️⭐️⭐️冰凍奶茶，茶味香濃零苦澀，入口幼滑～

深水埗區不嬲出名多美食，今次決定再次到訪喺openrice有不少好評嘅雪山冰廳，因為掛住佢個燉湯🤤.今次係佢裝修後第一次去，座位感覺比之前寬敞咗，成間餐廳嘅燈光好似光猛咗.🌟 特級牛肩胛香濃沙嗲煲這道特級牛肩胛香濃沙嗲煲好適合依家依D天氣食，上菜時會用火烘住佢，牛肉肥瘦均勻，厚薄適中，簡單灼一灼就可以食得，搭配香味四溢嘅沙嗲湯底，幾夾. 這個沙嗲煲除咗牛肩胛之外，還有一兜菜、丸同菇等，價錢都係一百蚊鬆啲，食完好滿足.🍔 芝士煎蛋牛肉漢堡包漢堡的牛肉餅厚嫰多汁，配上絕配嘅芝士同太陽蛋，一咬啲蛋汁流入鬆軟嘅包內，滋味升華.漢堡愛好者必試.🍞 榛子醬西多士有別於傳統嘅西多士，方包內搽滿厚厚嘅香濃嘅榛子醬，但味道唔會過甜，多士炸到金黃色，令人食指大動,簡直是下午茶的完美搭檔。🍧 紅豆冰紅豆香甜，煮到好腍身，紅豆椰汁份量剛剛好.🍲 燉湯：海底椰川貝燉赤肉今次嘅燉湯係海底椰川貝燉赤肉，湯頭清甜，足料湯渣，飲完一啖會想追飲落去，飲完覺得成個人好滋補咁，推介.今次喺雪山冰廳的用餐經歷，仍然keep到水準，尤其係個燉湯. 價錢亦都合理，服務也正常發揮，整體來講不錯.