雪山冰廳

營業中

休息中

來到長沙灣每次都會來到雪山冰廳，點解？抵食之餘，質素仲要有一定的保證。抵食同食物有質數外，環境都係一個因素，這裡地方光猛，位與位有一定距離，坐都坐得特別舒服。下午茶時間唔係唔食下午茶呀？價錢都只是$26 - $35，相當抵食。當然要叫樽仔奶茶、樽仔咖啡啦！貪佢夠哂足料，唔會因冰的關係變淡。避風塘生炸脾 配 紅豆冰 - $35避風塘生炸脾就夠哂香港風味，外層滿佈炸蒜，外皮香脆，肉質彈牙，口感十足。經典芝蛋牛肉漢堡包 - $36經典漢堡利用了煎蛋、芝士、手打漢堡、醬汁而成。麵包軟熟，切開煎蛋，滿滿蛋黃覆蓋在漢堡上，一口咬下，非常juicy美味。榛子醬西多士 - $32西多士內加入了榛子醬，配上牛油、糖漿，味道又非常夾，鬆軟度適中，甜度又不會太膩，正。

一間歷史悠久的餐廳........雪山冰廳價錢大眾化，味道適中，份量又足，平民區的一個選擇，可以隨時隨地吃到早午晚不同的餐單😊😊😊😊😊我鍾意周圍去食嘢，係不同地區、不同環境、不同的食物，不同的價錢、不同的價值觀，就是吃出不同的味道和不同的評語........😋☺️———————————————————🔹經典芝士蛋牛肉漢堡——-香噴噴的芝士，軟熟的牛肉，由細到大食早餐都必定有的荷包蛋，夾在一間經典冰室𥚃的.......經典芝士蛋牛肉漢堡，又怎能錯過。牛魔王的朋友⋯⋯吃晚飯也要加一個經典芝士蛋牛肉漢堡😂😂😂😂😂😂😂————————————————————-🔺包魚——-我至愛，用薑、蔥、菓皮，豉油、油，新鮮即.蒸，彈牙好味，新鮮爽口👍👍新鮮包魚28元一隻，抵食👍👍———————————————————🔹二人套餐：🤪🤪1-是日燉湯➕白飯x22-海南雞🐔——無骨滑溜的海南雞🐔，配以酸青瓜、白蘿蔔、紅蘿蔔🥕⋯⋯酸度十足，開胃，講起都酸哂口腔流口水🤣🤣🤣3-大馬站斑腩煲——大件斑腩、配以火腩、豆腐、茶樹菇，青紅椒⋯韮王、冬菇、多款配料......等等。份量十足飲品：必飲樽仔咖啡——濃郁咖啡，香濃好味，

食個快lunch@長沙灣一唸就唸到勁大隻生炸髀嘅雪山冰廳啦, 咁啱有卡位坐✌🏻, 好大本menu快快揭完都係想食小食多過碟頭飯/炒粉. 🍴經典芝士煎蛋牛肉漢堡包 (HKD32)係芝麻面嗰款好鬆軟嘅burger bun呢, 因為個包身好大所以好奇揭開睇下啲餡料: 熔緊嘅芝士, 荷包蛋加埋牛肉. 趁熱大啖食, 荷包蛋嘅蛋黃徐徐流出, 牛肉patty嘅口感近乎入口即溶, 同我expect茶餐廳level係驚喜的.🍴避風塘炸蒜雞髀 (HKD28)黎到li間cafe必食item嘅生炸雞髀🍗!!! 我地request加辣椒粉, 隻雞髀會唔會太巨大？勁多粒香口炸蒜加微辣味道真係好有避風塘嘅風味, 整個外皮脆到無朋友🤩, 由於係生炸, 雞肉非常嫩滑, 識食一定係dip埋粒粒炸蒜食👍🏻.🍴檳城叻沙摻摻 特餐(HKD52)馬來西亞名物叻沙湯底味道正宗, 陣陣椰香又唔辣, 當中摻摻有粗麵+米粉兩種口感, 豆卜索滿湯底好正, 而魚蛋片又大塊, 兩隻蝦一剝殼就知新鮮, 留意返剛拎到黎時喺匙羹上嗰一抹醬同兩塊脆脆一定要食唔好沈左喺湯底🤣.🍴配* 櫻花蝦炒蛋多士 反而想講下個多士, 厚切嘅酥皮feel多士鬆軟之餘充

經典芝蛋牛肉漢堡包 ($36)麵包鬆軟，牛肉漢堡juicy嫩滑，雞蛋仲係流心，入口食到芝士嘅咸香，味道口感層次豐富，正！避風塘生炸脾配紅豆冰 ($35)即叫即生炸，上枱傳嚟陣陣香氣，熱辣辣，色澤啡黃，加埋避風塘配料喺上面，邪惡又吸睛！雞皮脆卜卜，肉多味濃，入口咸香無雪味，口感嫩滑唔韌，肉汁豐富。咬落啖啖肉，唔會覺得嚡口，食落仲有少少辣，香口惹味！紅豆啖啖起沙，軟腍得嚟不失口感，甜度啱啱好，簡直透心涼。

一行四人襯假期出黎聚一聚吹吹水，到了長沙灣的雪山，近其中一位同事家嘛，搵定位夠方便，哈哈。星期六的下午茶時段十分旺場呢，雖然未到要排隊，但坐無虛席。先點了一份芝士白汁巨大漢堡扒配蛋包飯，噢噢…勁多白汁正喎。漢堡扒原來係手打漢堡，仲以為係豬柳漢堡添，煎得香口，啖啖肉，仲有兩大塊啊！蛋包飯係旋風蛋，幾好味。仲點左避風塘生炸脾，炸得偏乾身，但上面啲辣粉真係幾正。最後係茶餐廳嘅甜品，榛子醬西多士，哇哇，好大塊邪惡嘅牛油，正。榛子醬甜甜的，同西多好夾，炸得香脆又軟綿綿，好味好味。朋友試左呢度嘅名物樽仔奶茶，茶香奶滑好飲。跟炸脾餐嘅紅豆冰，勁多豆！軟腍不過甜。另外仲凍檸茶同雜果賓治，啲雜果多到離譜，有半杯果，甜甜的加上檸茶酸酸地，又幾好飲喎。卡位幾好坐，冷氣十足，加上食物選擇多，有下次。

超高質避風塘生炸髀～～～返咗成個星期工咁攰 梗係要食返啲正嘢啦 是日我哋就去左 呢一間朋友推介 話超級好食同味道好地道嘅港式茶餐廳 「雪山冰廳」度食我哋嘅午餐～～～一坐低我哋就好似餓狼上身咁 又話想食呢樣 又話想食嗰樣 果然星期六唔使返工 胃口都係好啲嘅 我哋首先叫咗一隻避風塘生炸髀 一份芝士煎蛋牛肉漢堡包 一支樽仔奶茶 同一杯忌廉薄荷朱古力～～～避風塘生炸髀d雞肉超級嫩滑 出面有啲避風塘粉嘅味 香香辣辣超級好食 完全係令人停唔到口 減肥？聽日先算啦！咁好食咪唔食呀嘛🤤～～～ 芝士煎蛋牛肉漢堡包同樣係非常誘人 軟軟的麵包 多汁嘅牛肉漢堡扒 香脆嘅煎蛋 同埋濃郁嘅芝士 呢個世界簡直冇嘢 比起呢個組合更令人心動🤤 again..減肥？食完先算啦～～～依兩杯飲品亦唔錯 樽仔奶茶好濃滑 忌廉薄荷朱古力 無論薄荷定朱古力味都好重～～～食完呢一堆野之後 我哋胃口依然好好 所以就接著叫左招牌海南雞飯 芝士焗波士頓龍蝦海鮮飯粟米雜果沙律 蒜蓉炒芥蘭同兩杯港口味雜果賓治～～～招牌海南雞飯果然係招牌 啲雞油飯好香 海南雞又多又滑 芝士焗波士頓龍蝦海鮮飯就超多材料滿滿嘅芝士令人欲罷不能龍蝦亦爽口～～～最後我

早幾日同屋企人去長沙灣整野，整得來都晚上，咁大家話肚餓就找間餐廳食晚飯算，係門口睇餐牌覺得唔錯價錢合理就入左雪山冰室。睇餐牌見二人餐都幾抵食就叫左，呢到二人餐選擇幾彈性，可以選蒸魚（每日有唔同魚選擇）或雞， 之後小菜又係選一款，包飯包燉湯兩位。我地最後叫左呢到出名的海南雞， 果然名不虛傳，夠滑溜點一點黑醬油再提鮮，小菜我叫左XO醬海斑片炒西蘭花，估唔到份量咁大碟，海斑片大大件，用XO醬炒夠惹味， 而當晚燉湯係花旗參赤肉，每一口湯都有濃濃的花旗參味，我超滿意，因呢排都失眠，第二日都唔多精神，飲完個人感覺好舒服。我們仲叫左碟黑松露沙拉一字骨，d 一字骨肉質好淋，每一條骨都掛滿沙律醬和黑松露超邪惡呀！ 但我都忍唔住食左3條。呢到最驚喜係蒸隻蒜蓉扇貝竟然28蚊，都算抵食，火喉剛好，彈牙再加上d蒜蓉和粉絲加哂分。 屋企人食完都話抵食，好味。

個炸脾好似得下午茶先有，配埋紅豆冰都係$35。肉質鮮滑、超級多汁，炸得岩岩好，配埋避風塘粒粒真係絕配。除左炸脾，經典芝蛋牛肉漢堡都係必試既食物，食到一半會有蛋汁流出！中意食雪山冰廳既程度係幾肚餓都會等到14:00先落去食第一餐！

除左一般茶餐廳食到嘅嘢之外呢，呢間冰室有好多新嘅選擇。我哋兩個人係下午茶時間嚟到，成間餐廳都坐滿晒，真係架多人嚟食。我哋叫左生炸雞髀，份量還好，仲有一份榛子醬西多士，比較新穎嘅配撘

同同事叫到成枱都喺小食🤪超開心🤣食飽之後又去上堂啦🤩🍔芝士煎蛋牛肉漢堡包 $32大大個burger!!芝士溶哂落煎蛋同牛肉漢堡上面😈茶餐廳burger漢堡喺唔同啲，咬落去爆哂汁，超級juicy🤤外皮脆脆哋，好易咬落去！🍫榛子醬西多士 $28😈嚟到茶餐廳必叫西多士！面頭牛油閃令令好誘人☺️急不及待切開佢啦！中間有層薄薄嘅榛子醬餡🍫但未有流心效果。西多士鬆軟香口，中間帶有少少榛子味，下午茶一流🤪🍗塘風塘生炸髀 $28熱辣辣嘅炸髀😍表面炸到脆脆，有少少硬，炸到鎖哂啲肉汁喺入面，切開後啲肉汁流哂出嚟😆.🍟海苔薯條 $22食burger點少得薯條，薯條要另外叫😂放耐咗都仲喺脆卜卜，細細條份量啱啱好，海苔可以多啲嘅話就更加perfect!!!🥤港式茶走紅豆冰 $25一次過滿足2個願望！奶茶+紅豆冰🤪奶茶奶味濃啲，茶味較淡，唔會太甜。底部紅豆粒粒分明，仲喺熱㗎🤣未攪之前顏色好靚，攪完就飲得啦😌一種下午茶得嚟又帶點午晚餐嘅味道😙.🍪華田曲奇妙趣 $25面頭有大量cream🤩華田味道濃郁，啱哂鐘意甜嘅朋友🤣.💁🏼‍♀️茶走喺咩？茶走指香港嘅絲襪奶茶唔落砂糖，而喺加煉奶作為甜味，改用煉奶可以減少惹痰機會，同埋

朋友介紹下，特登黎左深水埗食呢間冰廳，試下佢d小食，今次試左3款。經典芝士煎蛋牛肉漢堡包 （$32）呢個絕對係全間餐廳必食既食物！見到好多人入黎都係叫呢個。真係好食到不得了。個蛋黃漿爆出嚟，完全將個漢堡包昇華， 再配上濃郁芝士，真係好邪惡！😭 但食完一個會仲想食多一個， 有種食上癮嘅感覺！😅榛子醬西多士 （$28）呢個都係餐牌入面嘅推介之一，我覺得係幾特别，但我個人都係鍾情傳統既西多。不過西多外皮都好脆，真正做到外脆內軟，加分！👍👍避風塘炸雞髀 （$28）炸雞髀來講超級高質，配上避風塘味帶一點辣，好正！ 個皮炸得非常脆， 同時肉汁亦能鎖住，無得頂！😆

長沙灣區多寫字樓同住宅，附近自然食肆多競爭大價錢平，呢日又俾我發現一間抵食茶記啦餐廳位於離長沙灣道三個街口嘅內橫街，門口唔太起眼，無諗過過咗peak hour仍然食客滿滿。招牌芝蛋牛漢堡包，表層滿佈芝麻嘅麵包皮充滿港式茶記風味。中間夾有牛肉漢堡、芝士片同流心荷包蛋。一切金黃嘅蛋液順勢流出，融合牛油同芝士嘅鹹香，令漢堡食落更濕潤香口。咖啡配漢堡，對港人而言絕對係一個早午茶餐兼可、充份滿足嘅perfect match呢度嘅咖啡以忌廉代替奶精/淡奶，入口更滑，同時帶有淡淡奶油香。朋友點嘅蛋包飯，炒蛋份量多，半生熟送飯一流；漢堡扒真材實料，以牛肉打成，中間夾雜洋蔥粒，唔係溝麵粉嘅行貨；可惜白汁偏稀，忌廉味唔太出。口痕忍唔住嗌多份炸肶～成日怕heavy唔敢食，好彩呢度炸得乾爽唔油，心理上覺得無咁邪惡外皮卜卜脆，又帶蒜香辣香，惹味之餘無咁漏；雞肉略乾，無咩肉汁，但唔會老同鞋口。第一次試茶走配紅荳冰呢個配搭，奶茶茶底香濃，中和咗花奶嘅甜膩，幾好飲

豬先生豬小姐又麻甩一番食茶記了 今晚尼到長沙灣嘅「雪山冰廳」深水埗都有總店嘅 聽聞係老字號尼舊店翻新 環境光猛新淨 牆上嘅鯉魚圖相當有氣勢避風塘生炸脾size好大隻 皮夠脆不過肉質較乾 可能炸嘅時間過左火調味方面蒜味可以加重 唔夠避風塘style少少辣不過啖啖肉都好惹味經典芝蛋牛肉漢堡包芝士汁味道夠芝又夠濃 半溶狀態嘅芝士更顯邪惡了牛肉肉感軟腍夠厚身 漢堡包微溫軟熟多芝麻夠哂香口加埋爆醬流心荷包蛋 係完美嘅配撘一大啖咬落去 好滿足原隻鮑魚福建炒飯係好經典同足料嘅福建炒飯 有雞粒 蘿蔔粒 菜粒 菇菌 仲有幾隻原隻鮑魚仔鐘意佢濕濕地夠哂多汁易入口 悶熱嘅天氣之下食零舍開胃煎烏冬係咩回事？求知慾旺盛嘅心態之下叫左尼試下一上枱驚喜了 係一個好大好圓嘅煎蛋餅中間仲加左大量木魚同燒汁鋪面 係港式嘅大判燒蛋餅入面有芽菜 韭菜同蝦仁 要一讚嘅係蝦仁又大隻又彈牙 而且蛋入面並非全熟 會有少少蛋汁溢岀 成件事唔會太dry 又靚又抵又好食原盅燉湯 沙蔘玉竹麥冬燉雞腳湯 飲落清甜又清潤 完全係零味精嘅老火燉靚湯忌廉薄荷朱古力 華田曲奇妙趣都好邪惡呀 味道好濃郁 大大pat cream令佢更加幼滑 飲完甜野 人

避風塘炸雞髀即叫即炸，香脆多汁，少少辣，好香口招牌海南雞（半隻）雞肉滑嫩，雞味濃，伴有醃製酸紅蘿蔔、青瓜、白蘿蔔，好開胃芝士煎蛋牛肉漢堡包包是熱烘烘的，牛肉扒似手打的，有中式感覺，不像一般漢堡扒，流心煎蛋，好正！樽仔奶茶又香又滑，好夠凍花膠海鮮煮雜菜煲好大煲，又足料，有大大塊花膠，仲有蟹柳、魷魚、蝦、魚柳、茹椰子竹絲雞燉湯非常清甜，熱辣辣，好暖胃餐廳平民價，價錢合理，環境舒適，服務親切，最緊要份量足，很適合一家大細

依間雪山冰廳源自1956年懷舊式設計 令人好似回到舊時的香港淨係環境既裝修已經可以成為拍照打卡的地方來之前已經上網睇定有咩推薦食物首先要試佢既「雪山冰廳招牌樽仔奶茶」奶茶口感很滑 奶味亦夠香 推介 棒子醬西多士香港人至愛既西多士 唔係普通既花生醬依個特別啲係用棒子醬做餡料 夠晒邪惡 芝士煎蛋牛肉漢堡用傳統港式漢堡包牛肉味重 煎蛋仲有蛋汁流出黎加上半溶芝士 連埋一齊食口感豐富 一個字正!黎到長沙灣一定要試下雪山冰廳依間港式冰廳環境食物質素出色，價錢亦平！