雪話雪冰 (已結業)

食完dinner 想揾個地方傾下計, 去食甜品會係一個唔錯ge選擇!! 經過見佢地裝修得唔錯同主打係韓國野咁就試下囉. 門口見到有人企係度仲以為full 左, 點知係無服務員帶位姐.....咁未自己揾位坐底囉, 點知就係惡夢ge開始~ 入到去未叫野食就叫我地轉枱, 因位置所限都明白, 點知落完單又再被要求轉枱......轉枱唔係問題, 但食一餐不停被要求轉枱就唔OK, 而且服務員態度真係麻麻~~~今次order左個焦糖奶油蛋糕吐司(偏甜)同士多啤梨冰(生果唔太新鮮). 服務同食物都唔ok, 唔會有下次!!! 

收工後突然想食甜品 即刻拉埋同事從港島來到九龍品嚐雪奶 當韓國人潮風開始減少就不會再排隊 雖然話好野要等 但性急的我就忍不到了韓式水牛城雞翼串拼薯條 $49雞翼微辣 好Juicy薯條是粗的便有薯仔的味道 可配上芥辣或茄汁 更加惹味特濃咖啡韓式牛奶軟雪糕 $45好香濃的咖啡味 雪糕奶味濃郁 食落同飲咖啡一樣韓式雪米滋粉天使雪奶 $68每個雪奶都會配上煉奶 適合喜歡食甜的顧客新鮮士多啤梨 配雪糕+雪米滋口感層次多 甜甜的水果阿華田雪奶非常多塊的阿華田餅干 配上曲奇雪糕+阿華田粉食第一啖就好有味道 食落同雪一樣的感覺 不似棉棉冰的口感 入口即時溶化 但食完面的一層就要加煉奶 因為沒有味道 想像的奶冰但沒有奶味食物味道（8/10）食物賣相（10/10）服務（6/10）衛生（6/10）價格

呢一晚大家雖然食得好飽，但依然可以搵到位zip d甜品入胃（爆）其實呢，點解次次都要食過甜品，果日嘅聚會先算完美呢 ？我都唔知 （笑）4個人食3個甜品其實都有少少勉強，但我會盡力食嘅。。哈哈！首先叫個classic d嘅芒果雪冰啦，芒果夠多而且算甜喎，上面果球雪糕有芒果汁點綴，甜中帶點點酸，即刻開胃哂（笑）至於個冰。。就唔係我食過最棉最幼細嘅冰，佢望落似椰絲咁粗粒的，不過都算ok，冇咬到冰粒嘅，不過話雪奶冰，但就冇乜奶味，要加煉奶先夠味喔！再黎就係蜜瓜雪冰，賣相好清新，蜜瓜份量唔算多，亦唔夠甜，如果夏天應該會甜啲啩，上面個雪糕係vanilla 味道，普普通通咁啦，都係椰絲咁粗嘅冰，都係要加煉奶先夠味，而且比芒果果碗更快溶啊！最後叫左個waffle，先講個waffle質地，外脆內軟，上檯時依然係暖暖的（呢點好重要喔！）蛋味香濃又帶出麵粉香味，加埋藍莓醬係偏酸的，感覺冇咁漏，喜歡waffle嘅朋友可以試下啊！

下午4點半無無聊聊口癢想同朋友食甜品 啱啱好經過依間雪話雪冰 被menu吸引左入去 叫左個韓式雪米糍天使雪奶等等等 等左成9個字先到🙄附近啲客人等左一段時間就走左當時舖頭只得2個店員 但舖頭入面有20張枱建議舖頭可以增加人手🙈幾經辛苦等左9個字最後黎錯左個香滑芝士特級醉人草莓雪奶🙈$69味道一般般 下面士多啤梨汁同雪奶非常少食到下面好似淨係食淨雪咁最後叫店員比多幾杯汁同雪奶我 加左幾杯汁同雪奶後下面雪既味道都ok但係啲雪食左1個字都冇就好快溶🙈而士多啤梨好甜好好味中意食士多啤梨嘅朋友就啱晒啦😂評分5/10

今日食完韓燒，下一站梗係食甜品啦我同朋友揀左一間幾有名嘅甜品店。我地一行4人，但因為4人一枱會限最低消費HKD 200。所以我地分開2個2個坐。店內燈火通明，但坐得有啲迫。我地坐喺垃圾桶附近，見住店員倒客人食剩嘅溶冰入垃圾桶，真係無咩胃口。Anyway, 我叫左韓式白雪幻彩Macaron 雪奶，呢個雪奶主要由士多啤梨味雪糕、奇怪味粟米片、同奇怪味Macaron組成食左幾口，已經唔想繼續食，下次亦唔會試呢個。栗米片有太大洗衣粉香味(化學味)，個人同女朋友唔太喜歡化學味。

第一次食係比正評試左個oreo冰 好好食 可能我本身鐘意食oreo味既所有甜品~加上d冰夠綿，分量又夠，十分滿意。但今次試佢個芝士冰就麻麻地，我本身好鐘意食芝士，所以見到芝士融合綿綿冰就非常興奮。頭一兩啖係覺得好香芝士味 好新奇，但食多兩啖就覺得愈食愈奇怪 食唔落去 真係太太太甜太膩。

上半場食完飯，下半場緊係要食番個甜品4個女仔叫左2個冰share食，抵食呀安排坐牆邊，好適合傾計，不過環境好逼好嘈。蜜瓜雪奶 ($68)雪山頂係雲呢拿雪糕，賣相好吸引。蜜瓜有10幾舊，好香好甜。雪冰係牛奶味，加左煉奶，唔會過甜，好味朱古力冰 ($68)黑白配，白色CREAM配濃濃朱古力粉。Brownie無我想像中咁甜，值得一讚。雪冰係牛奶味，加左朱古力粉同煉奶，已經食唔出果陣朱奶味如果俾我揀，我會揀蜜瓜雪奶，清甜奶香，已經想再食啦，不過少啲人排隊就好。

食左個芒果吐司，賣相唔吸引，芒果夠味夠甜，但同個吐司唔多襯，雪糕亦唔夠甜，食落去入面好多冰。環境方面，冷氣開到太大，無論坐風口位定係偏僻位都覺得好凍，感覺唔多好。

同朋友食飽飯之後朋友話想黎呢間食韓式冰叫左個蜜瓜雪奶，樣的確唔錯聞落都好香蜜瓜味，開頭要連埋d蜜瓜粉1齊食先有味，食到咁上下就要落埋煉奶1齊食，落左煉奶先夠甜先好食

店舖門口旁邊的蛋糕櫃，放置了不少甜品雪奶的實物，款式十分豐富，吸引了不少遊人或顧客的目光。店內燈光明亮，佈置簡潔。鋒芒畢露芝士雪奶($62)，光是個名字已經很吸引了，甜品的中間有一球巨大的芒果味雪糕，香甜的芒果味實在不錯，四周有著不少的芒果粒，芒果粒都十分香甜，夏天芒果當造不會有酸酸的感覺。而且更有不少芝士蛋糕粒在附近，香濃的芝士奶香味，在口腔裡瀰漫著，口感十分實在，甜品適中，值得一試。雪奶的質感很細膩，軟綿綿的，入口即溶，比起綿綿冰，口感還要更上一層樓，配合芒果雪糕、芒果粒，香甜的芒果味混合質感軟綿綿的雪奶，令人回味無窮。甜品評分:7/10店舖評分:7/10

和fd子行完旺角，心動想食個飯後甜品，叫了蜜瓜雪奶，賣相幾靚，本人是甜度控，對我來講，無論粉、蜜瓜都無咩味，要加煉奶先夠甜。環境狹逼坐得不太舒服，冰都沒咩味，試完一次就算。

之前同朋友行街都經過黎度幾次，一直都想嚟試下，今晚終於有機會啦冬天幾凍都好，都要食D凍既甜品先得。夜晚十點幾門口都仲有好多人排隊，排隊既時候一路睇餐牌有好多款甜品都好吸引呀~ 排咗半個鐘終於有位啦~我地兩個人叫個兩個甜品Share嚟食，首先講下峰芒畢露芝士雪奶，有滿滿既芒果，芒果新鮮，唔會酸，又好大粒。入面加左cheese cake，芒果加cheese cake再加埋冰一齊食，口感超特別迷人草莓奶油雪糕吐司，厚厚既吐司上面加入大量既士多啤梨、奶油、士多啤梨醬同雪糕，賣相超吸引。士多啤梨唔會太酸，吐司鬆軟唔會好硬好難切開，微暖既吐司配上冰凍既雪糕，真係要快啲食，如果唔係會令吐司變淋

姐妹飯局後，突然想食甜品，就醒起此甜品舖，每次經過都被外表靚靚既冰吸引住，今次就同朋友一齊試，晚上9點左右都有一半食客，幸好都有6人枱比我地，餐牌都好多選擇，主打食韓式冰及窩芙，Orea雪糕窩芙，$68，等了大約20分鐘，賣相跟餐牌有點唔同，側邊多球雪糕，窩芙鬆化，幾香口，配埋忌廉一齊食仲滑，份量仲好大份白雪幻彩Macaron雪奶，點呢個主要貪佢顏色夠鮮艷，影相岩晒，Macaron唔算甜，雪糕係士多啤梨味，配上少少脆米，口感都幾特別，外層冰係士多啤梨味，底層既冰係無味，所以店主都好細心，另外配上煉奶，可自行加上去食呢個係店主主動送既(都唔記得問咩名），佢話等窩夫太耐，所以整呢杯雪糕比我地食住等，真係好細心，外表好靚，香濃奶味軟雪糕，仲有彩色脆米，Macaron同朱古力蛋卷，見到都開心晒

店鋪裡燈光鮮明，設計擺設簡潔，具有時代性特質而且更播放著熱門的韓劇，完全配合到店鋪的主題略嫌不善的是座位不太舒適，沒有靠椅承托。首先我們先講講黃金雪奶這款甜品，外表一片金黃色，與產品的名字一模一樣，中間放著大大球的芒果味雪糕，附近圍上大大粒的芒果果肉，而且數量也很足料，沒有偷工減料的成份。再淋上芒果醬，有種令人眼前一亮的感覺，每一口都是芒果的享受，幾乎淡淡都伴隨芒果，喜愛吃芒果的朋友們不能錯過。底部是芒果味的綿綿冰，綿綿冰也充滿芒果味，不會好似某些甜品店的綿綿冰，吃到底部時已經失去了芒果味，只剩下沒有味道可言的綿綿冰，最後只會造成浪費。(小編吃得乾乾淨淨的)這個甜品整體配合也不錯，吃完這個甜品後，口腔仍然停留著芒果酸甜味，唯一可以挑剔的地方就是這個季節的芒果不當造，有些芒果果肉偏酸，不過這個問題是可以諒解的，不是大問題。甜品評分:7/10這款甜品值得推介，因為賣相方面與圖片沒有出入，而份量方面也很足料，批評的地方也很小，實屬不錯其次再點了一個天使香濃芝士雪奶，顧名思義，這個產品整個都是偏向純白色的，就好像天使那麼潔白無暇，最上面擺放著一球雲呢拿雪糕，還沒有吃這個雪糕已經聞到陣陣雲呢拿的

友人是個'抹茶控'，經過這間甜品店時，望到有個甜品叫''宇治金時紅豆雪奶''，即刻急不及待地拉著我走進去。看到餐牌的甜品款式都琳琅滿目，有綿綿冰類、窩夫類、吐司類等等最後叫了一個宇治金時紅豆雪奶，它是用碗裝著的，不似其他甜品店用碟裝的，這樣可以在面層加上裝飾，如果用碟裝綿綿冰的，只可以加上少量彩針和朱古力醬。外形裝飾方面，底層是綿綿冰，然後鋪上抹茶粉，周圍有少量白朱古力片，再加上紅豆蓉和一球綠茶雪糕。整個甜品都是抹茶為主，十分配合宇治金時這個名字。味道方面，抹茶味綿綿冰一般的甜品店很少機會吃到，抹茶味雖說淡了一些，不過配合抹茶粉一起進食，味道反而充滿抹茶味，友人十分喜歡這個抹茶味的綿綿冰。紅豆蓉略嫌不足，可能怕太多會過甜，加了一些朱古力片，吃綿綿冰時有了咬感，兩者配合不錯。抹茶雪糕味道也不錯，富有抹茶味，在口腔內有少許回甘。而且更附送了一樽的煉奶，客人可以隨意加入，自行調節甜度。