雲南啊老表黑山羊湯鍋米綫 (上海街)

營業中

休息中

呢晚又食米線店，呢間舖頭食過三次，對上兩次都係食羊肉酸辣米線，今次揀咗食（細）羊雜酸辣上海麵。上海麵係幼麵，估唔到比起米線更加入味，每啖麵都好香羊味好夾！佢嘅羊雜係碎上，其實似啲頭頭尾尾，雜比較有𡁻口，不過下次可能揀返羊肉。湯面加咗韭菜同酸菜，加埋放喺枱上自己加嘅辣菜甫，好味細已經好大碗～試過佢嘅小食辣芽菜、雲耳，今次食土豆絲，伴入咗辣油，爽口好食。另外加咗個「羊鍋骨」，睇菜單張相以為佢係上湯浸，上枱原來係香料烤焗，即叫即焗，幾惹味（冇影到相），$18一舊，同朋友嗌咗一人一舊

我食左5 年 哩間野 以前個姐姐服務好好轉左兩個呀姐之後 好似貼錢買難受咁問佢拎多碗細湯 同要菜譜我食左5 年不嬲都可以 吾得都吾緊要 我明白可能轉左人 新作風 但吾洗cut 我線 咪講一句吾得 咪吾得宜家香港咁既服務態度 吾怪得大家番大陸消費

入到嚟梗係要食羊肉米線啦，一揀就揀咗大碗size，咁究竟有幾大碗呢？用咗對筷子嚟讀畀大家睇。其實一開頭見到碗麵都好似唔係好多羊肉，好彩原來寶物沉歸底，一路隔一路食都有好多羊肉，而且羊肉啲味道唔錯，算係冇乜騷味啦。另外仲叫咗韮菜餃米線，啲水餃味道都唔錯。而且都有幾多粒韭菜餃，唔會好孤寒得幾粒。之後仲叫咗個拍青瓜，可惜呢個拍青瓜唔係好入味，有少少失望。菜脯任加都幾正，兩個人食咗133蚊，價錢都算合理啦。

雲南啊老表呢間舖真係食咗好多年喇！對於想食好嘢又慳錢嘅食客嚟講，呢度真係一個好選擇。食物味道都唔錯，一直都保持得幾好。👌😋 我最鍾意食嘅有羊肉米線、口水雞、土豆絲同餃子。呢幾樣都係佢哋嘅招牌菜式，每次去都會叫。講到羊肉米線，真係要讚一讚佢哋嘅大碗羊肉米線！🍲🐑 個碗大到誇張，第一次見到真係嚇一跳！😱 不過最近發現羊肉嘅份量愈嚟愈少喎，有啲可惜。😕 如果可以多返啲羊肉就更加完美啦！口水雞真係香辣惹味，啲雞嫩滑多汁，配埋香濃嘅醬汁，真係開胃到爆！🐔🌶️土豆絲酸酸甜甜，脆口爽口，配飯一流！🥔😋至於餃子，皮薄餡靚，真係好好食！🥟👍環境方面雖然唔係特別高級，但係乾淨舒服，最緊要係有雲南嘅風味。🏞️😌侍應服務都幾好，態度親切，落單快手。😊👍

落單嗰個姐姐都幾唔細心，啲嘢落錯晒。.嗌咗一碗羊肉酸辣米線（細碗），嚟到發現都幾大碗。羊肉份量都幾多，但略嫌唔夠臊。酸辣湯底都唔夠酸辣。湯底仲有蔥花同豬油渣。羊肉米線整體嚟講都算唔錯，只係開頭睇完其他評論抱有好大期望，而家冇覺得超級好食。.另外嗌咗羊肉串，呢個就好失望，雖然係$19兩串唔貴，但勁少串，又多肥膏，羊味同孜然味都唔夠重，食落味道好似香草腸。.雲南啊老表黑山羊湯鍋米綫 (上海街) (佐敦)佐敦上海街24號地下1A號舖

#一人食吃什麼每次落地雲南，都會第一時間去找米線吃現在不出香港🇭🇰也能吃到正宗雲南米線～✔️羊肉米線🍜無敵推薦🔥羊肉米線🔥真的好好吃啊！！！還有別的米線，但必須點這個～羊肉米線絕絕子！！！精髓是湯底，湯汁很鮮美，特別好喝，一大碗炫完了！米線有中碗和大碗，一個人吃點了一份中碗，真的很大一碗，果然就是雲南的味道！✔️白菜餡➕西洋菜餃子🥟✅白菜餡餃子素餡餃子真的太鮮了！皮薄餡大，口感清爽鮮美！吃一盤hin滿足！✅西洋菜餃子一提起西洋菜，很多香港人都會用來煲湯，沒想到居然還可以用來做餃子陷，實在太美味了‼️在佐敦上海街，佐敦站地鐵出來，很好找，可以說是本地雲南米線的天花板了！中午坐在店裡嗦米線，一整個愜意體驗一把瞬間穿越雲南～感受到雲南人的快樂🌟

在佐敦 看到這一間名字超長的餐廳：雲南啊老表黑山羊湯鍋米線 接近晚上去到 都已經接近滿坐 而且門口已經有好幾個在等外賣 所以就入去試下·🐏羊肉清湯米線（細碗）雖然是細碗米線 但分量一點也不少 很大一碗！完全無法想像大碗會有多大😂米線滑滑的 口感不錯；羊肉片份量還算多 肉質柔軟而同時富有適當的韌性 肥瘦的比例剛好 還散髮出淡淡的羊肉香味 清湯湯底微咸 令米線都有味 值得一試👍🏻·🐏煎羊架（2塊）上枱時已經閒到超香的羊羶味有2舊羊架 肉質不太容易斷裂 咀嚼了好幾下才呑到下去🌝·🐏烤羊肉串（2條）羊羶味真的很香啊！羊肉串非常香脆 超頂癮·🥟水餃（$7/2粒）哈哈 竟然可以兩粒起下單 選擇了其中兩款口味：韭菜餃和白菜餃韭菜餃較重口味😋白菜餃吃岀有薑味😋兩款餃子的餡料都是超足的 好吃👍🏻·腐乳通菜只售$15 幾平喎

看到人多少排這家米線，這天經過正好試試！🐑我看進來的每一個人點的都是羊肉米線🤩羊肉不肥但很鮮美，湯汁濃郁，米線Q彈剛剛好！羊肉吸收了湯汁就是剛剛好🤤還有特別香的豬油渣（不喜歡也可以叫他不要加）！🐮牛腩米線牛腩肥瘦參半，如果喜歡吃肥的一定非常喜歡🤤這個湯感覺跟羊肉米線的一樣，還挺鮮!分量太足了，這個碗比我的臉還要大！🍽蒜泥白肉蒜泥很香，不是太辣！配著羊肉米線很有滋味🤤見到舖頭都有好多回頭客

做完gym，天氣又轉涼左，諗住出觀塘食碗羊肉米線亂下身。但係趕唔切班車，最終出咗嚟佐敦，諗住俾多次機會佐敦店，點知真中伏。叫咗個大羊肉米線，個碗俾觀塘細。養咗份量都少好Q多。可能佐敦鋪租貴吧！最失望係個四川麻辣雞翼，得鹹味無辣味，在望音樂台上面嗰啲平辣椒油，佢就好似翻熱完啲雞翼，然後浸辣椒油落去就當係四川麻辣，OMG!早知去返路口新開嗰間元朗合隆好過。如果要食，真係要返觀塘食。同埋食完真係好口乾，我估佢落得好重味精。

之前食過一次，覺得還可以，之後再去買外賣生餃子，買30隻承惠$102，其實一點都不貴，30隻餃子是每10隻放於一個外賣麵碗裡，當時我離遠已見有碗的蓋是蓋不好，我立即出聲提醒女侍應要蓋好因我攞得比較遠要坐車，之後她拿放30隻生餃子的3個麵碗放在同一個背心袋內縛好给我，我一路行到地鐵於扶手電梯突然袋口鬆開跌下，餃子散落一地，好在當時遇到好心人幫忙收拾，當時情境非常狼狽，我一看原來是袋口縛不實鬆開，一個中形背心袋放3盒餃子，我當時也有疑惑，但礙於我已吩咐蓋開要攞遠的地方去所以也沒再質疑，當我上車越想越氣，亦一心要提醒對方以後外賣不可以這樣包的，打到去接聽就是該侍應，我跟她說剛才那情形，她是一般沒可能是那樣，最氣憤是她是如果我覺得包得不好為什麼不跟說，吓!我怎知你沒縛好呢？你不是有經驗嗎？她說蓋沒蓋好她就知道的，因那外賣碗不是放生餃子的，當下我真更氣憤她明知蓋不好亦给我？我已提醒要攞遠她更不是要給我包好點嗎？只给我一個中形背心袋？她好像怕我要賠償，怎也不承認錯誤，算吧!餃子扔掉，我損失不大，但她們這樣做生意及處理事情，我相信往後應損失更大，香港食肆每况愈下，我們消費者應怎選擇？

羊肉米線有分大細碗 細碗份量都OK 湯底 真係用咗羊肉湯 所以幾香濃 羊肉煮得好腍身 唔肥👍🏻最重要係唔騷 幾香幾好味 幾乎飲唒碗湯都唔覺得頸渴避風塘麻辣雞翼好辣 辣得過癮😂好食到叫多一份encore

如題，食物唔新鮮，唔會去第二次。因為要湊字數🤔唯有寫下其他，環境尚算OK，唔難搵到地方，入面得一個收銀+侍應，另外紙巾仲要俾錢買，3蚊一包，難得有食肆咁cheap紙巾都唔會供應，呵呵呵。最大問題都係食物本身，真心譚仔好食過佢好多。如果食羊肉應該OK呱，但水餃好貴，斷粒咁賣🤣呢相影得又差，冇乜胃口。食完覺得網上呢推薦好伏，我係上網search觀塘晚餐推薦搵到呢間嘢，唉，伏呀。大家自己衡量啦，同一價錢去譚仔可以食得好舒服。嗚嗚嗚。

This was my first visit to this local noodle restaurant. I had its signature rice noodle soup with lamb in clear broth.The thin sliced lamb was tender and the broth was flavourful (though I personally think it was a little bit salty). It was nice but be reminded that the restaurant is small and will have to queue from 1245 onwards.

好耐冇過來食羊肉米線，搬左鋪都唔知（搬左過對面，細間左），不過啲麵依然好大碗（個碗口應該有10吋闊，又深），連我咁大食嘅人都覺得好飽飽，友人叫左細碗都係食左一半就飽了！！食晒碗麵再食埋啲小食，飽到上喉嚨，要逛好耐街先可以落到格喇，哈哈~

食午餐通常都會試唔同嘅麵店☀️貪佢方便快捷🌈見到呢間比較特別主打雲南特色同一般米線舖唔同👍🏻雖然羊肉唔係個個都咁鍾意亦都唔係最容易入口🥴但係不妨一試更有特色的米線⭐️ 羊肉細碗米線 🍜第一啖試吓個湯同米線🤪 入口嘅米線比較滑可能係湯底帶點油似係雲南特色😅但係此外清湯都唔會太濃 飲完唔係過分口渴💧羊肉嘅部份唔知係咪迎合香港口味都比較瘦🐏 慢慢試其實有羊味但唔騷💙 配菜有點豬油渣 🧈帶點香口的味道增加了亮點💥