雲南啊老表黑山羊湯鍋米綫 (已搬遷) 新店位置

本身喜歡食羊和米線，所以在附近搵野食發現這間鋪時，二話不說就選左呢間！平時有選擇困難的我，今次完全無煩惱，一到就選了清湯羊肉米線（細碗）$50，野食上得好快，幾分鐘的時間，第一啖就試左湯，不膻，有清清的羊味，感覺好補身啊！至於羊肉方面好軟，切到薄薄一片，份量都唔少，食完成碗粉又暖又飽。

本身好鍾意食羊的我,當然要嚟呢度試一試最出名嘅羊肉,之前已食過它的羊肉米線,今次就點了羊肉湯飯,不過飯另上,羊肉份量仍然足,湯底仍然好濃郁,試完飯和米線後,始終覺得米線比較好食,和羊肉湯比較夾,另外點了雞翼和涼拌土豆絲,味道一般般,下次都係專心食羊肉米線就算了,哈

好少餐廳專食半肉，而且尼間主打黑羊肉，好特別。有細碗/大碗揀，細碗都已經好大份，正常食量既女仔都未必食得哂。自問大食既人，可以試下叫大碗挑戰。叫左羊肉細碗(忘記價錢)，豬頸肉米線(細碗)，自製豬手($25)。原本想叫雙拼牛羊，但冇哂牛腩。不過羊肉真係好好食，唔羶唔肥。個人平時幾乎唔食羊，但難得一遇好食既羊肉。湯底望落油，不過湯清甜，冇望落既咁油。而豬頸肉應該係冇特別醃製，仲保留豬肉味。份量都幾多下。雖然係細碗，但都食唔哂。米線軟硬適中，冇煮到過"林"既情況。自製豬手雖然好似唔似醃過，但出奇地外皮爽爽地，而且唔肥，骨膠原豐富。不過得2件唔夠喉。

嚟咗佐敦試呢一間米線，非常之失望。首先男朋友所試嘅羊肉米線，羊肉冇羊味，肉有好鞋。而我所試嘅係雞肉米線，雖然有有一兩件都幾滑，但總括太多骨，肉又唔多。 成個米線都好淡口，湯底味道一啲都唔吸引。至於個土豆絲，首先係切得唔夠平均，而且咬落去一啲都唔爽口，好似未煮得好熟透嘅感覺。味道都頗為辣。雖然呢一個土豆絲價錢好平，只需要$18 ，但係真係一啲都唔好食。總括而言，雖然價錢非常合理，但係嘢食就真係唔係咁好食。

什麼日子？31號當然到處都是人，臨時被約出去吃飯，又要就舊同事收工的地點附近，在OPEN RICE裡找了找，要不要吃米線？(當然不是三哥啦) 最後我們選了雲南啊老表黑羊湯鍋米綫 ，同事問『你過了嗎？』，我『沒啊，順便拉你來一起嘗嘗....cccc』。進店後自行選擇位子座下，店員笑著說『看看餐牌，吃什麼就叫我們』。店的主題是羊，那我們就要嘗一嘗羊吧，二人不怕膻味，朋友點的更是全羊(小)米線：先說說湯底，第一口喝下去感覺像三哥，可惜，因為只有咸，完全沒有其他肉的味道，羊肉，肉質很SOFT很有羊味，不會太膻，至於米線就略為淋了點點，可能我兩都比較喜歡吃夾口的米線吧。牛羊雙拼(小)米線：羊、湯底、米線就別再說一次了，想要讚一讚牛腩，真的又SOFT又入味，牛的鮮味很濃，喜出望外。口水雞：下次再吃的話要跟店員說不要雞胸部份。涼拌木耳：不錯啊 ! 木耳處理過程好好，夠爽夠入味，而且最喜歡它們不會太厚身，非常好。

來到十二月，係近日才有冬天的感覺，要保暖，除了打邊爐，吃碗熱辣辣的湯麵都是一個不錯的選擇，羊肉米線更是不二之選。今日來到佐敦雲南啊老表黑羊湯鍋米線吃碗招牌的羊肉米線，羊肉米線分兩款，一是有皮，二是無皮，由於不吃皮的原故，最後點了無皮羊肉米線加酸菜，再加一碟滷海帶。餐廳上菜的速度都算快，大約五分鐘便煮好送到面前，米線的size 有大和細兩款，由於食量不多，我點的是細，但「細」其實一點也不細，「細」的米線份量比譚仔、雲桂香還要多，要點大的朋友真要諗清楚自己吃得落與否。羊肉方面，全部無骨，啖啖肉，件件充滿羊味，口感軟腍，數量又多，吃來吃去都吃不完，而湯底清甜，散發淡淡的羊肉香，十分正斗。至於滷海帶，味道好，夠入味，海帶爽口，是不錯的餐前小食。愛羊的朋友，不能錯過這滋味的羊肉米線鋪。

之前見到呢間黑羊肉米線嗰陣已經係想去試嫁喇但一路都驚啲羊肉會好騷就冇行到入去食好記得第一次去食嗰陣時喺觀塘食㗎嗰陣呢間鋪頭都未搬舖同埋種類都唔係特別多 （依家多左好多唔同嘅野食 連啲麵嘅種類麵有好多種）只係有有皮同淨瘦嘅羊肉米線同埋有分大碗同細碗囉有次同朋友去食喇咁我哋就唔知大碗同細碗又幾大分別我冇望到周圍嘅人食大定細就叫咗個大碗有皮嘅羊肉米線嗰陣嚇親囉因為個碗太大個 仲要份量超多聞落去啲羊冇乜騷味都唔錯第一啖羊肉個陣都幾香口 舊肉係一啲都唔騷囉整得幾好食有皮嘅羊肉 係有些少嘅脂肪食落去唔會太過油膩有啲咬口今次去咗佐敦呢間食感覺都唔錯但呢一間分店唯一冇嘅係佢竟然冇分有皮定係淨瘦嘅羊肉米線囉咁我就叫左細碗嘅上菜速度都幾快咁我就係食細碗嘅羊肉米線（清湯）黎到我見到啲羊肉多 同埋係有啲連皮有啲係淨瘦啲羊肉嘅水準 之前係冇分別嘅都係一樣咁好食 仲要一啲都唔騷食辣嘅人可以自行調配佢啲辣醬佢有兩種辣嘅 但感覺上佢比起我之前食嗰陣時啲辣度係減少左涼拌豬耳都幾多醬汁帶辣嘅 但份量唔算特別多都幾入味整體來講碟豬耳算係OK不過呢一間羊肉米線最給睛都一定啲羊肉嫁喇🤤🤤🤤🤤

我同老公都好鍾意食羊，其實早前都試過哩間鋪，不過今次再去試真係冇得頂呀！我哋叫咗一個細羊肉米線同一個大牛羊米線，份量好足唔再講，佢個湯好清甜，羊肉味好重，鍾意食羊嘅朋友一定唔可以錯過，而另一個重點係佢有豬油渣伴菜，真係好好味，冇諗過佢原來會送豬油渣，所以都幾驚喜呀

是日午餐在同事的帶領下來到試呢間羊肉米線。未試之前都驚羊騷味而同同事再三確認，一試之下，大愛呢個羊肉湯底！米線有大細之分，上圖左邊係男同事選擇的大碗。。。真係超大碗。。。整個側面對照圖來睇睇先~大食之人都一定吃得飽~即使細碗來講，女士都感覺吃極都吃唔曬，而且羊肉分量都好足夠，肉質軟稔，好味！仲有大罐菜脯擺在檯面任加，再加分！午餐時分都唔使排隊，場面基本維持8-9成入座率，剛剛好。除咗羊肉湯米線之外還有其他選擇，從此又多一個午餐吃飯新選擇~

已經不是第一次和朋友來食這間羊肉湯店，之前都是食米線為主，今次見到牆上餐牌寫著套餐有羊肉湯飯，心動一試，但真是太衝動了，羊肉湯和飯是分開上的，但坦白說羊肉湯並不足夠我食完整碗飯，所以如果點米線就會比較好，湯方面亦會比較多，料也是一樣多。小食方面~避風塘麻辣雞翼和涼拌土豆絲都是推介之一，因為雞翼又麻又辣，真的非常惹味。而土豆絲份量十足，亦有少少麻辣的味道，十分好味。 另外枱上面有幾款辣椒醬汁選擇， 每樣我都試過，都非常美味，應該是店家自製的。

咸香湯底米線在佐敦區想食個清淡嘅lunch,與同事路過依間唔起眼嘅餐廳，見佢以羊肉為招牌，而且係食米線，就入咗去坐低。店內人唔算好多，因為怕腥味所以我選擇番自己慣性食嘅餸，豬頸肉米線同行友人選了羊肉米線。米線湯底咸香，有獨有的香料味，但豬頸肉冇咩味，而且冇煎香，肉質又唔肥美，的確好清淡嘅一餐。另外，叫了土匪雞翼作為小食，香口好味，不過有點普通。雞翼皮有黑椒及煎香過，但肉質不算特別嫩滑。試了朋友一舊羊肉，肉質與牛肉相近，但不特別好食。食完碗米線後會好口渴，我特地走出店門後買咗大杯嘅台式飲品。未食出店內招牌有幾引人入勝，有機會的話再去試試，店內牛肉也是招牌之一。

今日行佐敦時無意間見到呢間專食黑山羊的小店。由於佢個店名非常有特式👉🏻「雲南啊老表黑羊湯鍋米綫」，所以我地決定膽粗粗入去一試！由於第一次幫襯，怕中伏，所以一黍就揀佢鎮店主打：羊肉清湯米線賣相非常吸引，未吃已口水流🤤。雖然係清湯，但味道都非常濃郁，而且油份好少，所以個湯絕對可以放心大啖大啖飲！其實我個人就好吃羊的，不過見到都忍唔住要試，一試就停唔到口了，正👍🏻！無意中發現到好野，而且價錢平民，所以食得寧舍滋味。

今次同媽媽嚟佐敦一間都幾老字號同出名食雲南米線嘅餐廳，一入到嚟都覺得幾地道。即刻叫咗個檸檬冰底可樂同雪碧，真係唔話得，俾一罐我哋自己倒落去。冰底佔咗半杯，夠晒冰凍！睇完餐牌就決定叫羊肉酸辣米線同豬手清湯米線，兩碗都係細碗，不過嚟到都覺得好大碗！先講羊肉酸辣米線，好少餐廳有羊肉米線食，呢度啲羊肉帶有小小騷味，就算唔係好食羊嘅人都可以接受到。而且羊肉切到一條條，食落唔會話好鞋口咬唔開。湯底都幾濃味 ，配埋酸菜都幾唔錯。至於豬手清湯米線，有2大舊豬手，豬手好好食，有好多皮食架！唔好以為清湯會無味，其實都算濃味架，感覺係啱啱個碗不過冇落酸菜。清湯會附送2條生菜，加分！再想濃味啲可以加佢哋嘅菜甫，辣辣地都幾過癮！小食方面叫咗麻辣雞同蒜泥白肉。雞肉好嫩滑，不過就覺得無麻辣個種感覺，反而豆豉味好濃味，我自己就麻麻地豆豉嘅食物，如果可以再有多啲四川嘅麻辣香味會好啲。蒜泥白肉唔同我哋平時食開嗰啲，呢個無辣汁，只有白肉配上蒜泥，不過蒜泥味道都好濃，鹹鹹地都幾好食！

係佐敦做facial都7點啦, 梗係去寶靈街食飯，本來想再行下食咩，落好大雨，見到羊肉湯，價錢唔貴，試下無礙呀小食都係20，30蚊碟，話晒佐敦區應該唔大碟，咁就錯啦1) 口水雞都有1/4隻，味都唔錯，不過酒味比較重，有少少蓋過辣味 ~$302) 早知唔叫豬耳，因為同雞差唔多味，唔係要感覺好味d~$253) 涼拌豆角都幾多，味道都唔錯，有輕微辣味我唔係太肚餓，叫左羊牛雙拼米線，肉幾鮮，湯好清，普普通通，無想像中既羊湯 ~ $36男友叫左大碗羊牛雙拼麵，唔知係無上海麵定其他原因，係茶仔大光麵，仲要3個，食來食去都食唔完，肚餓就真係好低~$48野飲咖啡奶茶檸茶果d啦，我見到“茶蜜"問阿姐咩黎，佢話蜜糖紅茶，都幾特別，都係$14試下都ok,又幾好飲，真係蜜糖沖，唔係用菜蜜咯

佐敦唔知食咩好 米綫都唔錯 就試下老表🤣🐷豬手酸辣細米線($36) - 見到咁大碗都有點驚訝😦見色水咁清 以為會好淡無味，點知食落唔錯喎！雖然重口味既我都係落左辣油😆豬手似食緊雞腳🤣佢唔似泰國果d豬手口感⋯反而係爽脆豬手皮🤭似係用油泡過⋯我都係鐘意泰國豬手多d🤣🤣