雲南小鍋米線

營業中

休息中

踏入石蔭小鍋米線的店內，撲鼻而來的是濃郁的湯頭香氣，瞬間勾起食慾。這家店以「小鍋現煮」聞名，每一碗米線的湯底和配料都經過精心調配，熱氣騰騰上桌，充滿家常的暖心感。 湯頭是米線的靈魂。酸辣湯底層次分明，辣度溫和卻帶有鮮甜，酸味點到為止，非常開胃；醇厚而不油膩。配料方面，特別推薦皇牌米線， 螺旋藻爽口， 雞絲吸飽湯汁後很入味， 腩肉十分入味搭配米線堪稱一絕。 而且餸菜份量很足夠。米線煮得恰到好處，軟滑中帶有嚼勁，米線份量足，吸湯能力強，每一口都能嚐到湯汁的精華。 店面雖小但整潔明亮，服務迅速親切，即使客滿時也能保持高效率。不過高峰時段需稍候。 石蔭小鍋米線憑藉現煮湯頭的誠意、紮實的配料與親民價格，成為街坊的人氣之選。無論是獨自享用或與友人共食，都能滿足對一碗地道小鍋米線的期待。 湯底辣味十足， 一般人食少少辣已經足夠好夠辣，嗜辣者絕不能錯過！

好啱重口味人士，即係我🤣🤣佢係都好鍾意食嘅米線，我覺得佢嘅炸醬走過油，特別香，雖然真係比較濃味，但係我都係超鍾意佢嘅炸醬🤤佢腩肉都醃得好好食，唔會話好鹹，然後肉質都唔會太嚡，所以每一次我都一定會嗌佢嘅炸醬腩肉😍佢雞絲就比較清淡，但係加埋米線嘅湯汁入面，索晒啲汁，都係好好食，然後份量都好多🤭然後佢本身米線個底都有好多肉碎，然後佢成碗米線嘅湯汁嘅調味係好濃郁好正，每一次食都好滿足，不過每一次食完都好想大量飲水🤣

成日聽人講得多呢間米線好好食😉咁岩放假就揸車出去試試佢，都算方便嘅大概步行5分鐘左右既路程已經去到鋪頭，好彩唔洗等好耐，大概3個字左右就入到去啦🤭😋自選小鍋米線 芽菜 酸菜 韭菜 肉碎（有小小辣）豬紅 螺旋藻店家好細心，係餐牌特別寫左句：小店辣度超辣，不要隨便挑戰辣度🤔都係個句啦，食開10小辣既我就揀左肉碎辣，對我黎講就岩岩好🤪碗米線一上枱就睇到同其他米線店嘅分別就係啲餸超多🥰，米線既質感都好岩我係米淋既😚湯底又唔會太咸，食完唔會口乾☺️😋麻辣雙拼（豬耳豬肚）呢個小食對我嚟講就辣咗少少，但相當惹味😝豬肚就夠哂淋同入味，豬耳就好爽口😊正今次就冇食到招牌餸雞絲同埋腩肉，下次有機會再試埋個薯粉🤭舔舔脷指數👉🏻7😋/10😋滿分 不妨一試😋

見到間鋪已經想走，坐位又迫，不過女朋友想食，叫咗小鍋米線，米線又無咬口，雞絲鞋既，豬紅凍既無味既，蘿蔔又係無味唔甜，雞中翼入口即溶，都唔知放咗幾耐，無下次。。。。

已經唔係第一次嚟食，好鍾意呢度嘅湯底帶少少甜香辣得來又會有返啲層次🩷🩷🩷鍾意呢度嘅大腸係切絲😂😂當然有人會覺得冇咬口，但對我嚟講真係好正，每一條大腸絲都吸晒啲湯汁，去買米線一流🤤🤤另外店舖招牌係雞絲同螺旋藻，上碗時都係一大堆，份量好足夠👍🏻👍🏻通常食米線我好少食腩肉，因為唔係偏鹹就係偏肥，唯獨依間我會選擇，肥瘦均衡，大少少辣又唔會偏鹹老公😋😋🐝—————————我是分隔線—————————🐝總結：未食過嘅絕對可以一試，係地點有少少偏遠，比較唔推薦嘅係豬紅同蘿蔔，豬紅食過兩次都係有少少腥味，蘿蔔幾次食都係有渣🫣🫣🫵🏻店名：雲南小鍋米線 (葵涌)地址：葵涌梨木道112號葵寶大廈地下5號舖#hkig #foodie#foodblogger #foodndaily #foodbloger ##hongkongfood #hongkongfoodie #foodblogger #likesforlike #eatateeaten #comment #share #subscribe #香港 #葵涌 #雲南 #雲南米線 #米線 #腩肉 #雞絲 #螺旋藻

呢間一定係我top 5嘅米線 除左有d遠之外都無咩其他缺點🥰<雞絲小窩米線🐔 💲42 > 呢度嘅必食雞絲點可以唔食，雞絲好嫩滑而且份量超誇張，原來雞絲同米線嘅口感好夾，真係好好味，一啖接一啖，停唔到口。如果唔可以食得太辣揀返小辣就好 因為佢地嘅辣度真係有啲勁😂<腩肉小窩米線🐷 💲42 >呢度嘅腩肉都係一定要食！腩肉煮得好腍，肥瘦適中，同米線一齊食，真係幾正。本身腩肉都有辣度，加上米線嘅辣都真係幾刺激，但本身嘅湯底又唔會蓋過腩肉嘅鮮味，真係值得一試👍<豆漿🥛💲8呢杯豆漿好香濃，口感順滑，甜度啱啱好，配埋辣米線一齊食，真係一流。食完辣嘅米線，再飲一口豆漿，即刻清爽曬，解渴又解辣。如果你都係豆漿愛好者，一定要試試佢個豆漿😚

今日山長水遠入黎食石蔭雲南小鍋米線，要係葵芳地鐵站坐235m入黎， 係街市附近，以為要排隊啦，點知唔洗WOR，可以直入涼冷氣，聽講哩間米線好出名的，佢最出名是腩肉，所以要叫哩個食! 仲有雪花雞絲及炸醬都口叫! 雞絲都出名的，聽講係全以全人手撕開的，弄至幼細綿密，吸滿湯汁後特別惹味。米線則煮至腍度適中，配上湯底同吃不得了，湯底雖然只得一款酸辣湯底，但香濃的茄紅色湯底配以微辣感，係OK的!!! 麵大概$50/60 碗

食咗接近廿年，好傷心近年擴充左之後，水準每況越下，以前真係超級無敵咁好食，好自豪咁介紹哩間米線舖。好希望你哋可以有返上一代嘅水準，唔好為咗生意額，唔理質素，咁先對得住「最好食米線」之稱。

位置極度偏僻，餐廳冷氣極之不足，碗麵又超熱，基本上成碗都食得好辛苦。// 自選米線嚟到呢度人人都嗌碗有雞絲嘅麵，但強烈建議大家唔好食雞絲，因為啲雞絲一嚟嚡，二來好散亂，三嚟佢啲雞絲真係冇味道，應該要食佢其他餸。佢嘅米線吸水發脹得好快，好快淋。食得到佢個湯底有酸菜，所以令到個湯底變咗微微酸辣，的確幾惹味，但佢個湯底偏油。個人覺得呢間店被吹噓得太誇張，認真附近有間米線店都贏佢。另外我覺得譚仔三哥完勝呢碗米線！

好耐冇食呢間米線，今次再再嚟食覺得有驚喜，因為湯底變返之前水準，而家湯底係屬於鹹香，唔會偏甜🥳1️⃣雞絲芝士腸豬大腸小窩米線BB辣誠意推介雞絲，好似雪花咁幼，浸落去湯底之後每一啖雞絲都索到湯汁，好好食😋豬大腸都值得一讚，因為係瘦嘅豬大腸，唔會好多油脂，喺其他米線舖食嘅豬大腸實在太過油膩，呢間處理得好好😘2️⃣腩肉炸醬豬肚BB辣米線加咗腩肉之後會令個湯底更加鹹香，雖然本身一碗小窩米線入面已經有炸醬，而家再加多一份炸醬每食一啖都食到滿滿嘅炸醬好滿足，重口味人士必叫！

長駐米線關注組榜上人氣米線🌟幾年前食過一次 淨係記得好辣好辣🌶️ 其他味道冇咩印象 一直都好想去試多次 但由於交通唔方便 埃咗👦🏻好耐好耐 冇錯係幾年 先肯陪我再嚟食😆皇牌米線 $58今次叫咗少少辣🤏🏻 芽菜、螺旋藻嘅份量都幾多 一上枱推咗個小山丘⛰️米線彈牙👍🏻 湯底非常濃味 唔洗飲湯都夠哂味 但酸味未算突出//配料方面//✅腩肉肥瘦適中 就咁睇個樣以為冇咩味 點知食落夠入味 唔錯；豬軟骨筋位腍哂 膠質滿滿 味道稍為偏甜少少；螺旋藻 唔多米線舖有呢個配料選擇 食落爽口似海帶 令湯底充滿海帶香；雞絲吸晒啲湯汁 唔算太嚡又唔會黐牙 可以接受‍ 🙅🏻豬大腸切到好幼 食落冇晒口感 而且脂肪比例非常高；炸醬令到成個湯底好油 食落好鹹而且有啲硬😰 個人唔太推介🙈整體都唔錯 但無網上講到咁神級 如果要特登去食就未必有呢個需要 但經開附近可以試吓嘅😎

石蔭呢個位真係唔會特登去😂不過難得去開個頭 就要試下！下午12點半去到都等左一陣不過都好快有位 等緊個陣都落左單個姐姐好有禮貌👍🏼自選小鍋米線 ($31)揀左雞絲 ($11) 螺旋藻 ($10)辣度講左肉碎辣 平時唔係好食得辣呢個辣度岩岩好👍🏼幾惹味雞絲真係好多 索哂d湯食落又唔算好鞋 幾好食😋螺旋藻食落似海帶同紫菜 都好食另外個fd都叫左腩肉 ($11)醃得幾入味 又唔算好肥豬肉辣度佢揀左小小辣本身佢都食得辣 覺得唔算好辣整體一碗兩餸$50幾蚊正常都好大碗又飽 經過黎試下都唔錯！

喺石籬附近玩完活動，朋友話帶我食好味米線，於是就試咗呢間小鍋米線，不過我fd話舊老闆娘主理嗰陣仲好食，但依家都ok。我叫咗自選米線，配料揀咗肥牛、響鈴、豬腸、肉碎，佢另外本身會跟韭菜、芽菜同腐竹。我揀咗清湯配肉碎辣，算係最唔辣嘅一種配搭。肥牛冇乜肥，但唔韌，豬腸好入味，不過佢切到細細條，如果切件會更有咬口。小食我嗌咗麻辣豬耳，好好味，好爽口，不過都幾辣。朋友推薦食佢個招牌雞絲米線，話係人手摵幼絲配湯好好食，我試咗少少，唔乾嘅，不過我唔鍾意佢嗰種雞鬆口感。好彩我哋5:30pm入座，嗰陣仲未坐滿，啱啱有位，未夠6點已經full晒要排隊，fd話佢午市同晚市都好full，唔想排隊就要揀啱時間去。

呢間小鍋雲南米線，真係由細食到大😁雖然而家已經冇以前咁好食，但係呢度嘅米線湯底獨一無二，不能取代。試過無數嘅米線都冇一間係似佢😆抵佢成日排長龍。超推薦食物：雞絲、冬菇（呢兩個好似好普通，出面都食到但你試過就知道唔同🤣雞絲唔會好嚡，幾碎絲的，冬菇亦都好林好入味，咬落啖啖汁🤫

之前一直睇米線關注組個個都推介石蔭有間好正嘅米線點知原來我個朋友就住係附近我就有機會試下我叫咗個皇牌米線有螺旋藻 雞絲 腩肉我覺得腩肉好味唔會好肥係雞絲好鞋同太碎感覺一般而螺旋藻個人就麻麻湯底都係好一般正常所以我唔會推薦大家一定要黎順道經過可以一試