雲南小鍋米線

營業中

休息中

朋友落力推薦，講到天上有地下無咁好食，我可以話比大家聽我從來無食過咁難食既米線。最重要既食物：0分，米線出奇地淋，一食落口已經溶溶爛爛，另一位同我試既朋友食薯粉都係同一情況，好似啫喱咁，大家表示都唔知食緊既係米線定糊仔。我果碗叫左4個餸，第一個韭菜，十分多渣，咬極唔爛，無乜韭菜味。第二個餸蘿白：糖水浸得太耐，糖落得太多，搞到蘿白表面變左蒟蒻咁既樣，，食左一舊，見到其餘兩舊都有呢個情況，已經唔敢再食。第三個餸榨菜：一食落口凍冰冰，個女工仲自爆係一包包榨菜倒出黎，令本來好有期望既我一瞬間失望，原來都係買現成一包，無自製成份。第四個腩肉：好淡味，無任何特別，太細塊無口感，唔明間舖點解會推薦。如果真係要比較，相信食過荃灣四坡坊果間既各位應該會覺得石蔭呢間係無誠意之作。湯底：食雲南米線居然會有離奇既薑味，湯底口味唔咸唔甜唔酸，唔知食緊乜，再加埋死辣，愈食愈覺得自己係唔係去錯左舖頭？定係大家既口味都咁獨特呢？價錢方面：價錢的確係偏貴，連韭菜，紫菜，冬菇等都要9蚊一份，以食物質素同地區黎計可以話係全港最貴之一（好食都算，仲要係難食）。服務：小店，唔需要有啲咩服務掛衛生：地下好多污水積我只能夠講，可能

呢間米線大大話話我都食左10年由中一食到大學 可以話見證左佢味道嘅轉變呢間嘅小鍋米線每一鍋都係獨立咁煮 而湯底每一朝早炮製而成 所以味道係超好食 所以佢好快就會賣晒呢度必試係雞絲 腩肉雞絲係人手撕 同出面譚白色嘅雞絲係完全唔同 撈埋佢啲湯簡直係一流 腩肉半肥半瘦 味道係啱啱好 而米線嘅肉碎係有少少辣 好吊味 如果唔食得辣嘅人就可以叫唔辣 但都千祈唔好走肉碎 因為有少少辣 呢碗米線先好食米線係呀好多芽菜 米線份量就唔算話好多 識嘅人可以加底但米線係幾年前其實係好食過依㗎因為個師傅已經退咗休 依家傅左比後人所以未到已經去返之前咁好食 仲有堂嘅位置係好細 中午去食一定要派番半個鐘左右 三點至五點就唔需要排太耐 但腩肉可能會無曬

早陣子某熱門生活網站列出「全港十大好吃 」，而在列首位、被譽為  竟然是餓底中學時期偶爾光顧的小店😱.感到出奇是因爲小店位置偏遠，而且店面小到只能勉強擠下十多人，想不到還是被發現了，果然是 .當中最值得推介的不得不提 ，由人手把雞肉撕成絲，讓每條幼細的雞絲浸泡在濃郁的湯底，吸收了湯底的味道再送以米線入口，咬到雞絲時溢出湯汁，每口米線也是足味可口！.如果愛吃辣的也要挑戰一下，餓底認為這裡的辣度比  還要辣（用彼此的小辣程度作比較），餓底最多只吃到中辣，大辣就根本放不下口🙈不知又有多少個嗜辣勇士能成功挑戰？.價錢： HKD 31味道：8/10

覓 覓 \_凸_/餐廳定位： 白領，遊客， 學生，街坊賣點：有心意，認真做好一碗米線價錢：在米線界偏高食用方式：外賣，堂食Wifi：使用商場內wifi，無需密碼上菜速度：快奉送：茶水，餐具，調味料，小食:裝修：舊茶餐廳燈光：柔和噪音：一般，可以接受溫度：適中服務質素：服務員不足，勞累，貼心。點菜:菜式：米線和湯底很用心，好味，只是芽菜太多過敏原：蔥，芽菜，酸菜，洋蔥，海鮮備註：有沒有人可以告訴我，點樣唔使同兩對情侶同桌吃飯òᆺó優惠：無謝謝你的閱讀與留言因為我是邊吃邊寫的窮忙學生，所以統一用一個格式，再按需要作小許更改。

好耐之前都已經知道葵涌有間米線好好食，但我一直都無機會去個頭附近。今次終於有機會去食呢間，真係十分之期待😝😝我同男友係佢11點開店前已經去到，個時10點搭十左右就開始有3/4個人排隊！包括一位抱住bb黎嘅爸爸！原來好多都係外賣自取，包括我！我叫左小窩米線微辣加菜肉雲吞。雲吞滿滿白菜！最好食嘅係碗麵嘅靈魂！湯底同米線！湯底個隻酸甜好對到我嘅口味，真心係我食過嘅湯底內面最好食。而米線唔會太淋，有一定嘅咬口，而且湯汁會依附係米線。超好食

雲南式小鍋米線，每碗米線逐碗煮，一個小鐵鑊加湯底，放配菜米線再調味，夠晒熱辣辣。 呢度坐得唔算舒服，地方比較細，坐得有啲逼，不過都係個句，要食好野就要忍耐下，好食就得！雞絲腩肉小鍋米線 $44，湯底有豬骨香甜，先酸後辣！米線軟熟滑溜，聽講呢度啲雞胸肉煮熟人手撕碎，幼細度好似雪花。腩肉切得好薄，惹味，肥瘦適中。這裏唔做晚市，5點半後只可外賣，6點就收鋪，好強都會賣曬，想食除了要耐心等，仲要早啲黎排孩等食呀！

呢間米線店經常大排長龍，今日5點幾經過見冇咩人便試試。店內位置不多，沒記錯的話好似只有5、6張台。 一入店內已聞到濃濃的小鍋米線味，我叫了小鍋米線微辣加大腸同腩肉。 第一啖呷了一口湯試試，酸同辣的比例配合得剛剛好，而且湯底用料好足，除了我叫既大腸同腩肉外，芽菜、酸菜、韭菜及肉碎分量也不少，難怪湯底味道如此濃郁。之後再試大腸，很好食，肉質不硬，而且吸了很多湯底的味道，好入味好好食。腩肉就肥瘦適中，本身帶有少少辣味，配上微辣都湯，真是讓人回味。總括來講，呢求既小鍋米線十分出色，米線最重要是湯底，而這裡的湯底煲得一流，配料亦好味，以呢個價錢黎講真係抵食。難怪呢間小店可以甘多年來都甘受歡迎， 支持！！小鍋米線微辣加腩肉大腸 （$45）

呢間米線 由中學食到而家見住佢而家開埋後面既舖位咁成功當然係因為佢真係好好食啲湯底不得了雞絲 腩肉 豬紅 係最受歡迎既不過記住佢地既辣比出面勁一黎就叫小辣既話已經辣到飛起

當日下午1:20左右到達大街門口無咩人以為好快可以入座但原來行入去再拾級而上幾步仲有一個鋪面，出面有成20人等緊😱非常繁忙等左15分鐘左右就入座入座前已經問定你食咩呢到個雞絲咁出名一定要試腩肉都好多人讚又試叫左小辣（聽覺小辣都算幾辣）叫埋小米再叫多個凍檸茶5分鐘就上檯非常大堆頭雞絲好有質地，唔係水水既雞柳腩肉分量好足（雞絲同腩肉各10蚊），又夠入味要讚個湯，好夠辣同有少少酸菜個炸醬係有咬口個種，唔係譚仔d肉醬米線腍滑清曬！呢杯凍檸茶都好飲wor值得encore😉

如果你問我食米線，未食呢間之前，一定會同你講食連鎖米線，但食完呢個之後，就唔會架啦👍👍👍因為一來夠大碗，二來湯夠濃，三來招牌雪花雞絲夠味，四來酸菜正👍👍👍食咗真係食唔返大型店🙊😂😂本來都唔識食，以為佢upup dupdup ，點知真係高手在民間，美食在凡間✌️✌️✌️✌️不過呢，要成功登頂入內用餐都唔易，實在太多人來朝聖啦😭😭😭豬印推介：👍👍👍👍👍👍👍（滿分係10👍）

雲南小鍋米線, 成日見到網上評選佢都屬於香港十大最好味米線之一, 唔睇真係唔知呢間店望落去都好有歷史, 咪睇佢門面咁舊, 其實呢度既米線個人覺得真係實至名歸不論平日定假日, 門口都一定人山人海, 有D人仲要係專程搭車過黎食但係而家開左新舖就好左好多, 疏散左D人群, 同埋營業時間延長到8點至8點半左右記得以前收工返到黎未夠7點佢都已經落左半閘門口玻璃貼住左餐牌, 如果買外賣就要通知店員, 落單後比完錢店員會比個號碼牌你等叫號碼攞外賣, 新店開左之後, 小食既種類都多左我只會叫小小辣, 因為佢既小辣真係辣到食唔到呀 (Ref: 平時如果食譚仔我食小辣)湯底會有肉碎 (會有小小辣), 芽菜, 酸菜同埋韭菜而我個人就好鍾意叫螺旋藻同埋腩肉因為佢個湯底浸住螺旋藻好入味, 而腩肉本身自己都調過味, 又唔會太肥食既時候都要小心呀, 因為湯底會好熱, 我買完返屋企都仲出哂煙辣口既而米線返到屋企都唔會變到淋哂, 廚師煮既時候應該冇煮到太淋, 值得讚賞丫 (行返屋企大概7-8分鐘)

住葵涌附近有間食正宗辣粉店，差不多隔個星期都會買外賣返屋企食，全因為個湯底好正宗好夠辣，同埋螺旋藻真心超好味，同個湯底好夾，辣得黎好過癮通常都會叫中辣螺旋藻薯粉，試過喱間既大辣啦，真係辣到幾難入口，愈食愈辣，所以平時食開大辣既我都只能屈服食中辣薯粉煮得好淋身好入味，用既係酸辣粉既薯粉；螺旋藻好滑嘟嘟又吸哂d湯汁，超好味之前試過叫腩肉，喱間腩肉有腌製過好有味道，唔同出面一般的腩肉，好食好多呢仲試過蘿白，蘿白好硬身唔入味唔建議食啦，豬紅一般般，唔係滑口的，似煮咗好耐唔多新鮮總結：好有水準的辣粉店，正宗湯底夠麻辣，腩肉同螺旋藻100分值得推薦，價錢就偏貴少少，但分量好大碗好飽肚

呢間米線榮登我的最愛，價錢雖然偏貴，但是喺十分正宗的雲南風味 <3 湯底超級正，酸辣適中！個雞絲特別要點名讚一讚，撕到魚絲咁幼細，吸埋啲湯汁一齊食，非常惹味

之前朋友食過介紹話吾錯份量大碗而且味道唔錯，難得今日放假就決定坐小巴過去食，去到大約二時等了一陣就有位，原來這店有二間舖頭，整體覺得坐得都舒服而待應都好快手問食咩，我地今次選擇了二碗米線再加一個小食，整體來講份量的確大碗而且餸多到有點嚇親。這裡的雞絲每人都差不多都會叫當然冇錯過啦，味道的確吾錯而且夠幼身，腩肉入味吾太硬身，木耳和腐竹都好味，米妙偏淋身一般，辣度叫咗小辣都已經十分辣有驚喜，小食酸齋反而有失望，味道偏淡而且口感十分硬身，吾好食，食咗一半已經沒有吃了。

🚩石蔭🍜雲南小鍋米線-中學一直喺附近讀書, 都聽過好多人介紹, 話佢係隱世小店, 全港十大好食嘅米線之一, 然後畢咗業咁耐, 終於去左試🤪真係小店, 坐位唔多, 下午一點幾去, 唔使等位就食得-🍜腩肉雞絲米線小辣大大碗, 份量剛好, 小辣唔算辣, 湯底清而有味, 不過爭咁份「酸」叫咗兩個必叫嘅配料雞絲好特別! 撕得超碎超幼, 令佢浸係湯底索晒味, 腩肉嫩, 唔會煮得過老, 本身帶辣味, 都醃得幾好-整體係幾好食, 會想再食, 但又唔覺得係全港第一or top既米線店🙈心目中最好食既都係雲川燒！！-🚩舔舔脷：7.5/10🚩價錢💰：8/10🚩回頭度：7.5/10-