雲南過橋米線

營業中

休息中

坊間標榜正宗雲南米線多不勝數，這間位於享和街的小店，門口感覺殘舊，內裡裝修也不漂亮，卡位設計十分狹窄也不見得坐得舒服，小妹喜歡叫外賣舒舒服服慢慢吃，附近亦有雲南米線店舖，但小妹唯獨對它情有獨鍾~雖然店名主角是過橋米線，實質還有很多選擇，例如寬條紅薯粉，幼條紅薯粉，米線，拉面，甚至有河粉，所以呢~正唔正宗就見人見知智，不過對於小妹來說好吃便ok了！種類有湯和撈吃法，小妹獨愛撈寬條紅薯粉，大愛 ~價錢平不在講，最抵錫是一個外賣它都會送。例牌（秘製醬汁撈寬條紅薯粉+紫菜$22)，見到有新產品就要個試試（自家製魚肉春卷+$7)，再要了（凍奶茶走甜+$5），連外賣盒共$35，超抵食！配料有炸醬、蔥花、莞茜、花生，不過小妹走了芽菜，薯粉用上大膠碗盛著，滿滿的很豐富，底下一大團的薯粉根本食不完，要了小辣，千其唔好叫大辣，因為真的很辣，之前一路吃，就一路眼水鼻涕一齊流，真的有夠爽！薯粉煙煙韌韌，配上軟綿的紫菜和脆口鹹香的花生粒簡直絕配~反而自家製春卷比較普通，皺皮縮水且鞋口，又沒魚肉味。飲品方面，加上$5就有冷熱飲品如奶茶咖啡、檸檬茶、檸檬水、王老吉、汽水等選擇，奶茶出品都不錯，挺合小妹的口味。雖則

這間米線門口細細，唔係咁顯眼，不過佢午市時段係好多人等位。今次我叫左豬紅雞絲酸辣紅薯粉配凍0茶，我朋友叫左炸魚卷肥牛大腸酸辣米線配王老吉。豬紅好入味而且爽口丶雞絲撕得夠碎而且冇痴住雞骨，因為之前向沙田有一間食雞絲米線係有啲痴住雞骨差啲吉親口所以我好注意有冇相同情況！這店的酸菜係好好食，好正宗，唔係街巿買到果啲大大舊酸菜番來切成的粗條果啲，配埋辣肉碎醬，成個湯底變得好美味。紅薯粉有扁粉同粉條，扁粉係好似河粉果種長方條，粉條就係好似米線果種一條條，我是選了粉條，粉條煮得剛好，熟透而爽彈牙，不會過淋。成碗粉的份量多，餸亦多，好飽。凍0茶夠凍，有茶味，檸片也有4片另外，我朋友話佢果碗米線都好正，特別是炸魚卷，炸魚卷記得要剪段，唔係就太大條。留意一樣係酸辣底係冇炸花生，麻辣先有，如果喜歡落埋花生的朋友就要另外叫一份花生。整體食物我覺得好食，侍應都好熱情，坐位唔會好闊落，所以如果4人雅座真係坐4個人的話都幾迫。

天氣好熱，唔想再行，求其就入間米線店，填飽肚走人。要了碗炸醬拉麵，加魚肉春卷和豬頸肉，小辣。拉麵麵質好腍，完全沒有咬口，小辣其實是完全唔辣。像牛脷酥的魚肉春卷，在路德圍的雄記粉麵吃過，想不到這裡也有供應，不過口感沒有雄記的好。至於豬頸肉，有幾片，大概可以再爽脆一點。加了五蚊飲罐冰凍可樂，爽！連飲品埋單三十二，無疑是抵食。

其實全這區咁耐, 就算我喜歡食酸辣一直都無想過去此間同事叫我地試試~價值唔係貴, 湯底$19 , 餸就$4 一款, 另加DRINK 都係加$5叫左豬頸肉小酸辣米線 ---豬頸肉唔得...薄到唔知自己食緊咩 , 湯底夾得唔錯, 不過酸或辣, 老實講配料就唔算太多, 粉底就絕對夠食, 另加酸菜....點知唔係我想食果隻 (即好似譚仔)....(PS. 其實我想食係豬軟骨)不過環境真的好迫...2人座根本坐不到2個人....冷氣足夠令人感覺凍 (食完麵就O岩O岩好)都係快快食完走人

見到d食評咁好, 就去試下啦, 因為本人都好中意食薯粉, 我地2個叫左兩碗面同一碟通菜, d 野食都ok, 但衛生就麻麻, 可能d位比較逼, 要同d唔識既人一齊坐, 俾人地d湯汁彈到.. 開頭d 姐姐都好好笑容. 其實都冇咩吉位坐, 佢叫我坐入少少俾人坐, 我地已經逼左其中一邊好逼啦, 所以我就話:我唔想呀, 好逼.. 點知佢個樣呢, 完全係 本來覺得平平地可以再試下, 但d人的態度完全唔得.. 估唔到食野仲要受氣

今曰行過荃灣廣場,見到呢間有我中意食的薯粉，二話不説就行左入去！開頭見d侍應姐姐都好nice，我他兩個人就叫左一碗腩肉芝心丸，另一碗就加埋魚蛋，味道一般，碟腐乳通菜就老左少少！d侍應姐姐叫不斷叫人坐入d要俾人搭枱，我地明白佢地想做多點生意，但無理由叫客人同唔識的人痴住坐掛！我仲見到隔離台其中一個搭台的食到流汗同鼻水，同對面距離又近，好唔衛生！臨走個陣，見佢地又叫人坐埋一邊俾人坐，個客人好有禮貌咁話唔想，但居然俾我見到個姐姐啤住個客行開左原本諗住下次都可食下，唔係太貴，但見到d人咁既樣，又要同人逼住坐，唔會再去

因為ＮＯＷ見到飲食節目有人吃香酥骨令我想起上海排骨麵於是沿海旁走40分鐘希望走到又累又餓時食碗上海麵誰不知麵店貼上一張Ａ４寫上今天休息…熱辣辣就決定轉食辣走入雲南過橋米線侍應姐姐好好笑容招呼我們店內好靜　沒有電視　令人食得很專心結果我點了個２號　走酸又走炸醬　變成好清的少辣湯每餸加＄３紅薯粉比米絲好味道食完痰上頸但我就愛味精…埋單時侍應姐姐笑容依然非常好　好得不得了呀

有朋友帶過我黎呢間鋪頭,上次食中辣,感覺唔錯價錢又唔貴啱啱路過覺有d餓就行左入去,今次試小麻辣真係有d驚喜,唔係熱辣辣而確實麻辣,舌頭有d發下發下配料一d都唔馬虎,近日天氣寒冷,食辣野最適合不過

星期六晚上同屋企人嚟左呢度食米線,因家姐姐夫都話呢度唔會好多人,易搵位同埋好味呀.但今晚8點幾嚟到,都要等左一陣先有位呀,我地係門口已落單,有幾款粉可以揀,有磨薯寛粉,薯粉,拉麵,米線,價錢都係15或16元左右,另外再加餸就3元一款,還有撈麵,仲平d,13元跟住再加餸,飲品就加5元就有,豆漿是一支支的,都真係好抵架.入到去入面,我地坐係廚房前面張枱,張枱好細及窄,坐得好唔舒服呀.兩個人坐再擺埋袋好迫呀.好有壓迫感喎.我地分別叫左酸辣炸醬薯寛粉配蘿蔔,酸辣炸醬米線配通菜,蘿蔔,另外我叫左酸辣炸醬薯寛粉配豬潤及腐竹,姐夫則叫左特式醬汁撈拉麵配左幾樣餸.等左一陣就嚟左啦,賣相都好吸引同埋好大碗的呀.我那碗的味道都好呀,唔算太辣,豬潤及腐竹的份量都適中的.味道都好入味及淋身,個寛薯粉都好味,幾特別呀因係粗身的同埋都入味架.媽媽則說通菜好老,其餘的ok.豆腐我叫熱的,是成支上的,味道ok唔會好甜.如果環境唔係咁擠迫的,食物都係平及好味的呀.

除夕夜,睇完戲9點幾,唔知食咩好,行過呢間米線,人唔太多,就行入去試下啦入到去,我點左一個肉燥湯米線,再加左菜,腩肉,竹笙,我女朋友點左一個撈紅薯粉,落左單再睇下加一個餸要幾錢......一睇,嚇親!!......全部都係$3,平時果D鋪頭樣樣餸都唔同錢(早知叫多兩樣)等左一陣好快黎到,比我想像中大碗同好賣相,先試個湯,OK好味(唔油,我已叫麻辣),試D餸,腩肉,好食.......食食下,想食D小食,點知我問個店員,佢話開左3個月,未有小食住.......(有D失望),咁我睇下個餐牌,好想食雞翼....之後我問個店員,可唔可以就咁加雞翼,佢諗一諗話可以,我就加左3份(即係6隻)等於一個小食,黎到再食,好入味,正!!!食後感:雖然鋪面唔大,但睇得出佢做既野,好用心,好食,而且我好鍾意店內既人,服務態度好好,唔似D做開左名既米線,越做越唔好食.....D人態度又唔好,可以再去^^

趕不到尾班車, 沒法子吃燉好奶佬的下午茶餐, 行下行下記得呢度係以前大壩街搬過來的, 仲係食過之後兩公婆也肚痾, 不過, 今天自己一人放膽試試吧!酸菜雜醬米線, $23, 酸菜很酸, 可能這才是地道吧, 雜醬好鹹, 米線尚可, 不過腍, 其他料如芽菜, 腐皮就不多了, 下次還是去飯堂吃吧!

還以為這家店子已結業, 誰知只是由大舖搬回細舖.....荃灣多家雲南米線, 我最欣賞這一家, 特別是酸菜腩肉...真是我的摯愛, 而老公最愛這裏的雜醬....不過今次與這店久別重逢, 郤不能吃辣的食物, 因為是與小朋友同行, 所以只點了個二人餐, 兩個雙拼米線+一客雞翼(4隻)+兩杯豆漿= $68....但是味道依然咁好!還有這裏的豆漿, 真係好正!其實呢度的過橋米線也是超正, $48中大大碗, 下次一定要同老公兩個人來吃個痛快!

自從附近那間賣豬雜棵條的店鋪關門大吉之後，就轉到這間店子。這裏除了過橋米線外，還可以自選材料配搭：如鷄肉、豬潤、腩肉、魚蛋、雜醬等等。材料都算新鮮，是即叫即煮的；湯底夠濃，份量也足，是有誠意有水準的小本經營。