雲壽司 (已結業)

是日同男朋友揼完骨行經門口見幾吸引，價錢亦都唔貴，就入左去試啦，門面唔算好大，大概只有十幾個座位，U型Bar枱+一兩張四人枱。但有2位Waitress+4-5個壽司師傅，所以落單到上菜都非常有效率，有種置身築地的感覺。自選壽司12件-$188 +海膽軍艦$68分別叫左三文魚腩、火炙三文魚腩、魴鮄、火炙金線鯛、赤蝦、飛魚籽軍艦、油甘魚、真鯛同蔥吞拿魚腩，額外加左件海膽軍艦。每款最多只可選2件，所有魚生都非常鮮甜，一啲魚腥味都冇，最驚喜就係蔥吞拿魚腩軍艦，吞拿魚蓉入口即溶，相當Creamy，配上青蔥花味道格外清新，真係好味到唔想吞落去！海膽軍艦同飛魚籽軍艦份量多到滿出來，味道濃郁。三色丼 $138可以自選3種刺身，分別揀咗三文魚、鯛魚同油甘魚，魚片好大塊兼厚切，肥美新鮮，油脂分佈平均，有入口即化的口感，米飯的醋味亦調配得剛剛好。蔥吞拿魚腩手卷$48食完個軍艦之後念念不忘，決定追加一個手卷，吞拿魚腩蓉份量更多，只能夠講聲真係好好味呀~另外仲有Omakase, 價錢比其他壽司店平好多, 分別係$380/$480/$680，性格比真心高。原本旺角出名多劣食，今次冇中伏之餘仲覺得可以再去，大家真係

小編來到太子一間壽司店「雲壽司」🍣 由前米芝蓮推薦餐廳的壽司師傅班底開設，食材質素媲美中上價位的壽司店，中高檔改走平價路線，希望更多人以親民價錢品嚐到高級日本料理，堅持選用新鮮日本食材，帶你的味蕾縱橫東瀛😍 餐廳環境像日本築地壽司的小店，特別有親切感✨以下推介幾款必點壽司✅1️⃣「吞拿魚面頰肉壽司」🐟 以火槍火炙魚面頰肉，令肉味更加濃郁和油花更香口，魚脂醇香停留在口腔中✨ 肉質爽口帶有彈性，一層一層的魚肉紋理清晰，魚肉和油脂味道甘香☺️2️⃣ 「大拖羅壽司」🐟 大拖羅脂肪分布如雪花般精緻均勻，甘香的魚油入口即溶，充滿甘甜香腴的滋味，是吞拿魚中的極品，大滿足之選🥰3️⃣「三文魚籽軍艦壽司」三文魚籽的份量足料，粒粒飽滿而且多到滿瀉，口感如爆珠般，味道鮮甜味濃，味道不錯😊4️⃣「火炙左口魚邊壽司」魚油特別濃重，魚肉嫩滑入口即化，香魚油緩緩滲出，味道層次豐富😍其他壽司包括活赤貝🐚、帶子、碎蔥吞拿魚腩軍艦、深海池魚、魴鮄、火炙三文魚、飛魚籽、玉子等🍣 食材夠新鮮，整體來說以平民價吃到高質素價位壽司店的水準，絕對值得一試😎🍽 ：吞拿魚面頰肉壽司；大拖羅壽司；三文魚籽軍艦壽司；火炙左口魚邊壽司、火炙三文魚壽司、玉子壽

這個差評是給這店的Marketing! 話說大半年前到訪這店，除了坐位窄啲，壽司同魚生質素都好ok, 價錢亦ok, 之後在太子及銅鑼灣多次幫襯，還向身邊很多朋友推介，看著普通會員話儲滿2000分（即食滿$2000）就有$100折扣，一路同同事，或者自己一個人都有嚟食，默默儲分，我其實已儲了2600分，今天正準備食完用咗啲分去換$100折扣，點知一路都login唔到個app, 搞咗好耐終於決定問店員，點知佢哋竟然話：「哦我哋系統升咗級，以前啲分冇㗎喇，你重新下載個新嘅app啦。」我立時瞪大隻眼，「吓，咁我原本啲分呢？」「冇㗎啦，你下載個新app裏面有$50折扣券，同埋會有九五折」我真係忍唔住話：「你哋點可以咁樣㗎，改program 又唔通知個客，無啦啦取消晒啲分，有冇搞錯啊，咁同呃人有乜分別？」😡首先我希望佢知道，$50同$100係有分別㗎！而且儲得分嘅，都係佢嘅支持者，先至可以食到$2000 ，一路咁用心捧場，竟然一句話「冇㗎喇，你下載個新㗎啦」一啲service remedy 都冇諗住做！好多店舖都有儲分計劃，無論係國泰、一田、新地商場Apps，啲分就嚟到期，一定會通知個客，個app

Ah仔難得返香港，好想食日本餐，剛經過太子見到雲壽司，見到門面幾吸引，一於試下三色丼 | $138丼飯鋪滿了新鮮食材，包括有三文魚、吞拿魚和海胆；海胆新鮮、鮮甜，日本米煮得軟硬適中，加上少少豉油同埋Wasabi, 好食壽司拼盤 | $198總共有10件不同種類的壽司，魚生新鮮，包括有油甘魚、三文魚、甜蝦、真鯛、帆立貝、三文魚籽、池魚、吞拿魚腩、北寄貝和辣味三文魚；米飯的醋味調得剛剛好，一口一件，唔錯

元旦日去太子"雲壽司"食午市定食 店舖面積不太大 我哋分別叫咗兩個刺身丼飯 套餐有麵豉湯 新鮮沙律菜 三色丼飯 魚生非常新鮮 價錢亦很合理 性價比非常高👍 下次可以再試其他食物😋

雲壽司 (太子)去完金魚街想搵餐廳食下，經過見到呢間餐廳裝修不錯，就入去試吓朋友叫海鮮丼，佢哋嘅刺身好新鮮，拖羅入口即溶，生蝦蝦頭仲有蝦膏好鮮甜✨我自己就叫咗壽司set，有好多唔同款嘅壽司刺身，我本人最鍾意食都係拖羅壽司，海膽壽司都好鮮甜新鮮，左口魚魚味好香！佢哋嘅套餐係包括左前菜沙律，麵豉湯，好抵食！同埋慢慢坐都唔會講你走，成餐飯同朋友一路慢慢食慢慢傾吓計都坐咗兩個幾三個鐘坐得好舒適，我覺得可以再嚟呢間餐廳🥰太子西洋菜南街254號地下及閣樓

之前係銅鑼灣食過3次［雲壽司］今日約咗朋友喺太子食午餐，經過見到太子原來都有分店，即時拉朋友入去食壽司😂今次我哋點咗一盤壽司、一個丼飯，魚生質素keep住有水準、新鮮，親民價錢😋 🍣特上壽司拼盤 $258《吞拿魚腩、深海池魚、牡丹蝦、赤貝、海膽、三文魚籽、火炙左口魚邊、鯖魚、魴鮄、蔥吞拿魚腩壽司》❤️海膽超creamy,濃郁鮮味。❤️吞拿魚腩好肥美，濃濃魚香，入口即溶。❤️赤貝超大，顏色鮮艷，清脆爽口。❤️三文魚籽，咬落多汁鮮甜。❤️火炙左口魚邊，經火炙後魚油更加豐富，淡淡焦香。北海丼 $208《吞拿魚腩、油甘魚、赤貝、牡丹蝦、海膽、三文魚、三文魚籽》每一片魚生大大塊，厚身足料😋赤貝爽口清脆，吞拿魚腩油脂豐富肥美😋牡丹蝦🦐蝦頭多膏，蝦肉鮮甜彈牙😋

除左迴轉壽司其中有d手握壽司我覺得性價比壽司郎高好多果間叫做雲壽司前身叫翔太壽司好耐之前入過米芝蓮餐盤推介而家分別有翔壽司同三間雲壽司我去既係係太子店講真佢地正價就唔係特別平同好多中價壽司機一樣都係中拖大拖賣四五十蚊但其實佢同立鮨一樣都有個隱藏價錢就係用eatigo book檯四五點既時段係做到五折優惠既可惜立鮨而家只係得番七折如果唔係耐唔耐都仲可以去下另外一頁係刺身同手卷飲品同刺身丼都係無半價既餐廳設計都係吧檯U型圍住幾位廚師壽司檯就雙層設計好似好多中價鮨店都係咁樣設計一開始就叫左兩板壽司三文魚唔食日本人半價之後只係6蚊一件咁就緊係叫晒最貴果幾款拖羅都唔係迴轉壽司成舊冰既感覺赤貝都有雖然我就無試過拍落去一陣風之後再點下特別d既其中有款無乜點聽過既魴鮄我就覺得幾腥下吞拿魚腦天同面肉都係第一次食兩隻都變左火炙腦天無記憶面肉就有d咬口所以都係正正經經叫番中拖大拖好過原價加一半價之後六舊水落樓平時去壽司郎正常食都要四舊呢個價已經差唔多食晒餐牌上面最貴果幾款壽司真心算係咁侍應服務都正常唔會話因為半價就會特別差店舖就係黨鐵站出面地點好方便唯一就係要下午茶時後先有半價但最重要係星期六日都有不過其實

朋友相熟的壽司師傅向我們推介雲壽司，這間餐廳用料新鮮，性價比高，聽完立刻決定訂枱和朋友去吃午餐北海丼 $208溫度處理好好，入口不會冷，用料肥美新鮮。特別喜歡赤貝，口感彈牙，牡丹蝦不單止鮮甜，蝦頭更有很多羔，另外海膽入口甘甜，鮮味濃郁自選壽司十件 $178壽司選擇好多，選擇困難症發作，可惜不能選海膽。其中油甘魚和深海池魚特別出色，油甘魚魚味重，深海池魚爽滑肥美本來我以為旺角區是壽司黑點，中伏率高，想不到有驚喜

呵呵呵之前第一次食《雲壽司》係銅鑼灣今次就試太子分店~果時下載了佢地的Apps可以儲積分之餘，第二餐食可以有9折優惠！本身我地想用9折優惠，點知入到門市望一望個apps有張「2週年50元電子優惠卷」仲掋玩！等於85折🤣9折優惠又可以留待下一次使用😆襯今次去開太子果邊，行完花墟就去食晚飯大約6:30pm店內約2/3 full，不需等位而且有好多職員同師傅serve我地坐得舒服，價錢平宜而且壽司keep住有水準！新鮮CP值超高既壽司！由於我地不算肚餓所以叫的份量不算多朋友叫了「自選12件壽司」($208@12件) 平均每件$17.33而我就叫了「火炙壽司拼盤」($88@8件) 平均每件$8.8真心好到無需要特別逐件壽司介紹件件都高水平、新鮮~其實店內仲有好多唔同既食物選擇包括我之前食過既OMAKASA仲有定食/小吃/盛盒...有機會再試！而且最緊apps既積分換領都多了好多不同禮物選擇！可以換coupon當錢用 /換壽司/清酒/刺生食！好吸引，變相不單可以有9折discount仲可以多件壽司食！(之前只有飲品換領)

之前已經有聽過人講雲壽司有好抵食既omakase食，今次lunch time黎到仲有set食添，價錢比我想像中親民。最平既三文魚盛盒$60就食到，仲跟沙律同埋麵豉湯。  1⃣️特選魚生飯（$78） 有三文魚、火炙左口魚邊同埋拖羅碎。三文魚厚切，火炙左口魚邊帶油脂香而且口感彈牙，而拖羅碎帶油香份量唔少，撈飯食一流😋仲有沙律同埋麵豉湯，呢個價錢都真係幾抵食👍  

旺角太子出名多餐廳選擇，呢間主打食壽司，刺身在太子地鐵站附近，非常方便。門口放上黑板餐牌，寫上今日推介選擇，見到款式多，非常吸引。今日就食咗個壽司拼盤，有10件不同種類的壽司🍣， 有油甘魚，三文魚，甜蝦，真鯛，帆立貝，三文魚籽，池魚，吞拿魚腩，北寄貝，辣味三文魚。材料新鮮，米飯的醋味調得剛剛好，一口一件，滋味無窮。每個餐都會附上沙律及味噌湯。座位有熱水，綠茶粉自己加。另外一個三色丼，有帶子，三文魚籽及海胆。海胆新鮮，好鮮甜，撈埋帶子三文魚籽再加少少豉油同埋Wasabi，開胃又好食，而且飯嘅份量都多架。原來除咗基本嘅午餐，呢度仲有Omakase 提供, 價錢非常相宜，由$380起。另外仲有全日供應特選餐，價錢由$60起。。。

0+3已經好多人開始去旅行啦！但近年尾已經無晒大假啦！下年先可以有旅行打算啦！咁啱經過太子發現一間食壽司既！望落好似幾好，可以止下未去到日本既癮先！呢間有 Omakase 廚師發辦 另外都有一啲散叫壽司或壽司拼盤，真係任君選擇！舖頭唔大坐位唔多，只係圍住一圈面向廚師坐！咁樣更方便睇到廚師整緊咩嘢食！唔係好肚餓想食少少野傾吓偈，所以我哋只係叫左兩入拼盤，一個刺身拼盤同一個特上壽司拼盤！特上壽司拼盤 $268共有10件壽司🍣全部都即叫即做，件件望落色澤都好新鮮！當然食落都新鮮😆刺身拼盤 $1985款刺身每款有兩件，唔駛争崩頭😆一樣都好新鮮！而且睇得出廚師一啲都唔吝嗇，件件都厚身！我哋應該太早6點，所以無咩人🤣

雲壽司已經成為我的飯堂（頭幾位）😍😍除了因為素質有保證，其定價亦相當合理，自己一個唔想食太貴，又想想食好少少享下口福，雲壽司絕對係唔錯既選擇。◉北海丼＄188 ◉除了omakase之外，呢個北海丼都算係招牌，每一樣用料都好新鮮。吞拿魚腩油脂分布平均 ，不錯；三文魚夠厚又有油脂，好難得，所以特別好食；三文魚籽微鹹，完全冇腥味，送壽司飯一流；選用左北海道馬糞海膽，鮮甜味道濃厚，作為海膽迷的我也十分滿意！◉壽司拼盤$198 ◉真係超豐富！一客十件，滿足你十個願望！分別有油甘魚、三文魚、 甜蝦、真鯛、 帆立貝、 三文魚籽、 池魚 、吞拿魚腩 、北寄貝 同埋辣味三文魚！☆油甘魚肉質不錯，帶有嚼勁，連平時唔係太鍾意食油甘魚我都愛上了。☆吞拿魚腩色澤已經反映質素, 完全冇筋！厚身，豐盈油脂感重！☆ 真鯛雖然係白魚，但係個味道幾突出，清爽☆帆立貝這家的帆立貝不會讓人失望，夠厚身，入口都帶點creamy 整體飽滿鮮甜

今日食左個$680二人餐，包括北海道海膽壽司、好味，拖羅壽司、味道一般，辣味帶子軍艦，味道唔錯，油甘魚壽司，东蝦壽司、味道一般，火买左口魚邊壽司，超好味，牡丹蝦，味道可以，深海池魚，味道一般，磯煮鮑魚，味道可以，迷你蔥吞拿魚腩井、好味，迷你鰻魚飯，味道可以，店舖新所以乾淨企理