雲家小鍋米線 (328廣場)

營業中

休息中

今次黎到好出名食米線既雲家就即管睇下佢係咪真係真價比咁高先！我地今次食晚餐叫左兩碗米線肥牛小鍋米線🥩對於食唔到辣但又想食少少辣既我🌶️見到有得揀bb辣就即刻揀左個酸辣黎試碗米線黎到已經好香湯底好足料好好飲配料都好多 連埋米線食好有口感而且個辣度都好岩我 唔會食到出曬汗👶🏻但又滿足到我食辣既慾望加埋酸酸辣辣 超開胃 越食越想食豬頸肉小鍋米線另一碗就叫左清湯清湯唔辣就淨酸但佢既酸一樣都係調較過唔會話酸到乸喉嚨🙂‍↕️係食落開胃既酸 同清湯底好夾！豬頸肉都落得好多一啲都唔孤寒！🐷好食又抵食！醬拌皮蛋🥚估唔到係用黃金皮蛋！連埋鋪頭秘製既醬料撈埋一齊食超好食！皮蛋既蛋香加埋醬料既鹹香食得好開心！台灣烤小香腸🌭台灣腸都整得出色烤得外脆內軟而且比平時食既腸冇咁鹹唔會食完係咁飲水！郊外油菜🥬我地叫左個通菜！份量都幾多而且炒得翠綠 通菜新鮮好食！果然雲家既湯底真係好好食！下次食米線又多個選擇啦！係性價比之選👍🏼

.#foodie #hk #hkfoodie#HTB美食推介【📍荃灣｜人流絡繹不絕米線店】🐨豬頸肉小鍋米線 $50推薦度：⭐️⭐️⭐️⭐️小窩米線已經包含咗豬肉碎、芽菜、韭菜、蔥、芫荽等，淨係配料都非常豐富～今次試嘅豬頸肉，有大約八至九片，份量唔惹少🤣豬頸肉肥瘦適中，有咬口而唔會好肥膩～米線順滑而且掛汁，配埋芽菜食口感就更豐富！另外揀咗麻辣湯底，麻味、辣味互相配合唔會好搶口，最緊要係冇味精，食完都唔會覺得好頸渴🙂‍↕️.🐨炸雞中翼（4隻） $32推薦度：⭐️⭐️⭐️⭐️⭐餐廳有各款田園風味小食，例如出名嘅涼拌墨魚頭、蒜泥白肉等，不過小編梗係幫吓大家試其他嘢啦！今次揀咗炸雞翼，直接冇加粉炸脆雞翼，所以薄皮放咗一陣都仲好脆口～雞翼保持到嫩滑多汁，配埋泰式辣醬食，增添多一份酸辣感更加惹味😛.🐨凍豆漿 $10推薦度：⭐️⭐️⭐️⭐️⭐支裝豆漿估計應該唔係餐廳整，似係入貨嘅，有豆味飲落順滑冇渣，而且唔會好甜，建議大家都可以試吓～餐廳仲有做學生同下午茶優惠，凍熱飲只需加$3就有，性價比極高！！.⌫舖頭喺德華公園入口往鹹田街方向直行就搵到，地點唔算方便，但人流卻一直冇減少，咁就證明係用味道留住客人🩷❤️‍🔥——☼——☼——☼—

荃灣呢間米線店名不虛傳，晚市更座無虛席，更要排隊等候入座，家住離島的我都要去食一嗚驚人的「雲家小鍋米線」。睇了網上評論，得知廚師是一碗碗獨立烹調，好似煮煲仔飯咁，所以要稍微等候。湯底有酸辣、麻辣唔辣選擇，有辣有吾辣，任君選擇。份量十足，價錢親民，性價比極高，難怪咁多人排隊。豬紅韭菜重慶酸辣粉配蘿蔔豬耳：酸辣鮮明，酸味開胃，辣味刺激，帶來強烈的味覺衝擊。豬紅口感滑嫩，帶有淡淡的鐵質風味，能吸收湯汁的精華，增添層次感。毫不吝嗇的韭菜帶來獨特香氣，平衡了酸辣的濃郁，紅薯粉口感Q彈滑順，能很好地吸附湯汁，每一口都充滿酸辣滋味。湯頭層次分明，酸、辣、鮮、香交織，搭配豬紅的滑嫩和韭菜的清脆。豬頸肉小窩米線：濃郁的湯底和豬頸肉的香氣，豬頸肉油脂豐富，肉質嫩滑，經過簡單醃製和烹煮後，口感彈牙且多汁。湯底通常帶有淡淡的鹹味，搭配米線非常順口，能吸收湯汁的精華，吃起來滑順且有彈性，與豬頸肉和湯底完美搭配。加入豆芽、青菜等蔬菜，增添清爽口感，大量蔥花、香菜等則帶來香氣，讓整體味道更豐富。涼拌墨魚頭：充滿大量蒜蓉醬香，大量生熟蒜頭贊油，墨魚嘴好爽彈，好惹味，會追食。總結：荃灣區性價比高米線湯底配料小食出色 會

天氣凍冰冰，香港人需要一碗熱辣辣嘅米線。位於荃灣嘅雲家係不二之選。呢間舖頭喺荃灣好出名，今次又排長龍，等咗差唔多半個鐘先入去。舖頭細細，座位有點逼，但入到去充滿人情未，職員態度好親切！ 店家嘅米線係即叫即整，需時10-15分鐘。上枱時熱辣辣香噴噴！🤩我同老公都分別叫咗三款餸既小鍋線，有腩肉、豬大腸、螺旋藻、蘿蔔、豬潤等。配料多份量十足。豬骨湯底濃郁，好惹味！店家仲有好多出名嘅小食：1）墨魚頭-非常爽脆，入口凍冰冰，配上蒜蓉醬，好解辣，食唔停口2）酥炸雞翼 4隻-外表炸到金黃色，好酥脆，啖啖肉總括而言，呢間餐廳簡直係米線當中既強者，相當美味！！

🌶️小鍋米線｜紅薯粉 $32｜$36揀左麻辣 BB辣有少少麻痺感覺😛呢間嘅粉麵份量較少米線較幼身薯粉亦唔係好煙韌嗰種，似食緊普通米線🦑墨魚頭 $16好好食！份量都好多墨魚頭有咬口鮮味十足，食到墨魚香～🐷豬軟骨 $11啲骨係雞軟骨硬度，唔淋的🐷腩肉 $11 Ok la🌿螺旋草 $9同石蔭小鍋米線一樣🐷秘製豬頸肉 $48雲川燒惹味啲呢間味道較淡同埋煎到好乾∠( ᐛ 」∠)＿多謝你睇到呢度🤍有興趣嘅朋友快啲share比fd一齊去啦！٩(๑>∀<๑)۶

又落雨又凍冰冰最好就係食碗熱辣辣嘅米線啦！早幾日辦完年貨就順便去雲家食lunch紅日去食要排一陣隊 唔洗10分鐘就入得去除左米線 哩度嘅小食都好味架！🔸豬頸肉酸辣小辣米線鍾意哩度嘅湯底炸醬令個湯好濃郁、甜甜酸酸咁好開胃米線彈牙滑身✅豬頸肉幾啖啖肉🔸腩肉、豬紅麻辣中辣薯粉腩肉滷得入味、豬紅夠滑湯底椒麻味突出薯粉煙煙銀銀好彈牙🔸炸雞翼、魚肉春卷2款都出色！雞翼炸皮脆肉juicy，食到少少南乳香。春卷超脆！中間包左彈牙嘅鯪魚肉，好味！

呢間雲家我已經想試好耐，次次行經都係門口有人排隊，成日係網上見人介紹話好好味，今次連放幾日假我終於去試左。佢嘅價錢都好實惠，重點係味道好岩我口味！我係愛酸之人，佢呢到嘅酸就非常滿足到我。佢嘅麵都好有份量，湯底基本係糊麻辣，有肉碎，蔥蒜同芽菜等等，可以同佢講辣度，酸辣。我就淨係鐘意酸辣口味，酸酸又開胃。配料方面我地加左豬軟骨同魚肉春卷，份量唔少，好抵食。豬軟骨煮夠軟淋又入味，魚肉春卷飽滿又好食。我地都加左2款小食，分別係蒜泥白肉同涼拌墨魚頭。2款都係蒜頭多到滿瀉，作為愛蒜之人真係覺得好滿意。個涼拌墨魚頭係凍食嘅，墨魚頭超有咬勁，咬落QQ彈牙，爽口到不得了，仲要份量多，好抵食。蒜泥白肉係另一種蒜醬料口味，同樣好滋味。再飲埋可樂同豆漿，真係夠晒滿足 呢一餐超滿意。

傳說中米線關注組力推嘅小店…就係位於荃灣嘅雲家小鍋米線本身都搵緊路點樣去🧐點知遠已經見到條人龍就知啱路了…阿豬同阿龔排咗大半個鐘到底值唔值呢？雲家米線(bb辣)$65呢碗米線入面乜都有啲👨🏻‍🍳有雞絲冬菇春卷仲有好多其他餸第一次嚟可以試下🤣選擇困難症啱曬要留意雲家米線都幾大碗…兩個女仔share可能都夠同埋bb辣係十小辣都無💥小窩米線(豬耳，豬潤，通菜，清湯)$57大部分客人都會點呢個自選米線🧐清湯就食得出佢真正嘅湯底有酸菜同芫茜同唔同香料嘅味的確係幾特別👨🏻‍🍳涼拌墨魚頭$47呢個小菜比米線仲出色就係將蒜泥白肉個調味放落墨魚頭度🐙墨魚頭非常爽口而且份量好多必點！回頭指數：🧡🧡🧡🧡🧡/5📍雲家小鍋米線荃灣沙咀道328號328廣場地下G01號舖

黎到荃灣見到寶石大廈呢度有一間…..人氣十足，鍾意食米線嘅，我當然唔會錯過啦！立刻入咗去，叫咗一碗酸辣小窩米線，小辣，餸方面叫咗…肥牛，腩肉，炸醬，生菜！！！跟住我見到炸雞翼同埋蒜泥白肉都想食，所以都叫咗，凍凍地想飲熱嘢仲有熱嘅菊花蜜添！！！碗小窩米線嚟到估唔到咁大碗！！！！真係好大碗，非常之足料！！！！！😆而且味道仲好好食，我用咗九牛二虎之力食咗個幾鐘都未食完😂最後打包！！！

禮拜日下午1:29同老婆黎食，一入到去坐低即叫野食，但個落單呀姐話水吧仲未返，我地叫豬扒米線同小食佢地都話冇，個呀姐仲要講到老馮咁，話係咁架啦，水吧都未返，啲語氣同態度極差😔😔令人覺得非常失望。重申：今日已經唔算多人😢

話說，周不時揸車經過都見度好多人幫襯 app上邊又顯示得獎熱店 因此搵左日同倆個老友特登慕名而來天色漸晚 大概七點左右啦😄流程如下首先排隊先.（預30分鐘左右啦）其次落柯打.（預15分鐘左右啦）跟住出餐啦.（預15分鐘左右啦）環境就麻麻啦.香港哋 理解到嘅大概係咁啦.奉勸大家趕時間或肚餓就過主一係就先去隔離麵包舖食倆個麵包先一路食一路等😂費事餓親🤣🤣🤣值得一提嘅就係啲嘢食好味👍特別係碗米線.肉醬好香.米線又爽口👍🏽正最後想講冇耐心或者燥底就唔好去啦😄因為入手不夠.得倆個人.一個包外賣出餐事頭婆又唔幫手寫單出餐.係收銀度唔知做乜.見到當睇唔度咁.高高在上.態度消極😑😑😑最後最後最後同埋大家新年快樂身體健康喔～🎆🎉🍾

雲家小窩米線以其獨特風味同新鮮嘅食材，成功吸引左唔少食客。雲家米線米線的口感滑順，入口即化，搭配的配料豐富多樣。腐竹有嚼勁、冬菇好鮮甜、雞絲嫩滑、雞翼多汁，都係一絕。特別係魚春卷，外脆內嫩，為整體增添左唔少層次感。螺旋草嘅清新同腸仔嘅風味，令碗米線更加誘人。而芽菜同酸菜嘅酸脆感，好有效咁平衡左整體嘅油膩，令人食指大動。醬拌皮蛋皮蛋滑嫩搭配香醇嘅醬汁，口感豐富，十分開胃，調味恰到好處。麻辣魚皮四川風味，香辣可口，令人回味無窮。魚皮爽脆，麻辣嘅味道喺口中爆發。凉拌墨魚頭鮮美同醬料嘅獨特搭配，感受到海洋嘅氣息，清爽又唔油膩，而且份量十足。

米線是其中一款個人的最愛，所以非常留意米線的動向，今晚便來到荃灣一間人氣米線。豬扒小窩米線$48，豬扒份量十足，厚度適中，經過調味之後，非常美味。豬扒經過油炸之後，沒有太油膩的感覺，已經算不錯了。米線湯底的辣度屬於酸辣，除了芽菜還有肉碎在湯內，非常有特色。加生菜$7，生菜份量十足，媲美油菜的份量。豬頸肉小窩米線$50，豬頸肉肥瘦均勻，爽口彈牙，配合湯底的酸辣感覺，不會油膩。加豬大腸$11，豬大腸爽口彈牙，不過有部份帶點臊味，不建議添加。加芥蘭$7，軟硬適中，健康之選。台式烤小香腸$32，經過油炸之後，仍然保持內裏的肉汁。凍檸檬茶$12，檸檬份量十足，茶味香濃。

今晚去了荃灣食米線，舖頭超級多人，好多人都要等位。我和朋友叫左：-雲家米線米線配料十分豐富，包含了腐竹、冬菇、雞絲、雞翼、魚春卷、螺旋草、腸仔、芽菜、酸菜、韮菜、蔥和芫茜。每種配料都為整體風味增添了層次感。首先腐竹吸收湯底的精華，冬菇提升了整道菜的風味。雞絲和雞翼肉質鮮嫩。仲有魚春卷-牛腩小窩米線（酸辣BB辣）牛腩煮得十分軟爛，肉質鮮嫩，充分吸收了湯底的精華，口感滑順。清脆芽菜為整道菜增添了爽口感，平衡了牛腩油膩。韮菜香氣與湯底味道相融，為菜餚增添了層次感。芫茜提升了整體風味。麻辣金錢肚口感脆嫩，搭配麻辣醬汁，使其更加入味Tonight, I went to Tsuen Wan to eat rice noodles, and the place was super crowded, with many people waiting for seats.My friend and I ordered:- Signature Rice Noodles The rice noodles came with a rich variety of ingredients, including

每次食雲家必點就是小鍋米線，米線湯底濃郁，特別是辣味的選擇，搭配豬肉碎，讓人每一口都充滿驚喜！若不喜歡辣的話，可以選擇不辣的版本，雖然沒有豬肉碎，但依然美味可口。🌟特別推薦搭配的豬軟骨，肉質嫩滑，湯汁吸附得恰到好處，讓人回味無窮🌟腩肉則是肉質豐富，口感層次分明，真是絕配！‼️小食推薦：🌟涼拌墨魚頭 $47獨特的調味讓墨魚頭的鮮味充分釋放，酸甜的口感令人開胃，是個不錯的選擇。🌟豆漿 $5 （下午茶時段）：豆漿清新可口，搭配米線非常合適。總體來說，黎雲家的小鍋米線真的是值得一試，無論辣與不辣的選擇都能帶來不同的驚喜，搭配的餸料多樣化，每次的用餐都充滿新鮮感！