雲桂香米線專門店

營業中

休息中

呢間嘢嘅食物質素真係越嚟越差！好鹹，以前最鍾意食嘅就係酸辣米線小辣，但係依家食完之後都經常覺得好鹹，感覺上佢應該落咗幾多味精！ 而且店員嘅服務質素亦都係唔太高質，沒有笑容，問多幾句都好似唔想答你咁🥲

外賣嘅味道同堂食相差太多，可以講係完全唔一樣嘅味道，醋都蓋過咗米線所有的味道，一啲味無，中小辣都難以入口，而堂食嘅中小辣就可以接受，超級hea，外賣就可以亂黎嘅咩？

以為呢間咁多分店都唔差原來都幾劣食吓啲麵過腍 腍啤啤碎濕濕全部料都唔好 雞肉鞋到不得之了 腐皮硬過紙皮個湯底正正常常 但冇乜特別唔會再食全線分店叫咗碟皮蛋 同食膠冇分別 成浸怪味

今日突然間心血來潮又想嚟食雲貴香😂呢間米線真係會令人上癮🤤個人最鍾意係佢嘅米線佢嘅米線係比較彈牙同幼身同埋每次嚟食都煮得啱啱好🤔唔會太林，又唔會太硬👍🏻今次嗌咗👇🏻1. 腩肉小窩米線多酸少辣個人口味覺得佢嘅孫好開胃好好食🤤腩肉真係食幾多次都覺得好味，真係必加配料推介👍🏻2. 另外嗌咗個豬軟骨通菜小窩米線中辣佢嘅豬軟骨有驚喜，大大嚿鬆軟夠林而且非常入味🤤食得出佢嘅中辣唔係辣椒粉嘅辣！不過如果平時唔係好食得辣嘅就建議嗌翻小辣因為佢嘅中辣食落偏辣，唔係個個都食得到😂3. 醬拌皮蛋都係同以往水平一樣，好食嘅！4. 個人都幾鍾意佢杯凍檸茶，飲得出佢唔係得一款茶係溝茶嚟，所以茶味都出唔會太苦👍🏻

係葵芳屹立不倒嘅米線之一已經食過好多次！咁多年都保持到一貫水準平快又好味🤤凍檸茶茶味濃但唔苦每次嚟都會嗌😂次次嚟都會嗌小鍋米線加腩肉(多酸少辣)佢嘅腩肉有肥有瘦好味 大家可以試吓😆今次仲嗌咗小窩米線加牛肉 牛肉唔係平時米線鋪嘅牛肉，係自己醃製過嘅，味道有啲似牛肉乾嘅味。🤔 味道唔錯，都可以試吓。嗌咗個皮蛋皮蛋味道反而麻麻，因為我覺得佢唔夠辣同埋太多薑絲，本人本身對薑味麻麻，所以覺得個皮蛋唔太好味😂

約咗朋友做gym🏋🏼，做完攰攰地唔想行太遠加上朋友話想食米線，就試吓佢推介嘅最愛米線雲貴香🍜夜晚八點都好多人，等咗10分鐘先有位做完gym沖完涼又流晒汗🥵一入嚟，就聞到好香湯底嘅味道🤤平時食開另一間連鎖店，今次試吓新嘢我朋友推薦我食小鍋米線最後我叫咗冬菇豬大腸麻辣米線佢嘅湯底好濃，好啱鍾意食重口味嘅我👍🏻👍🏻冬菇炆到好腍，豬大腸都好入味唯一美中不足嘅係米線太腍🥺我朋友叫咗螺旋藻腩肉小窩米線佢明明叫咗走芫荽🍀點知店員唔記得咗，益咗鍾意食芫荽嘅我佢話螺旋藻好爽口☺️兩個大男人唔夠飽叫多咗份醬拌皮蛋，普普通通冇乜驚喜😌多謝我個friend帶我嚟食下次離開呢邊做gym都會再嚟💪🏼💪🏼💪🏼

曾經令我上癮嘅舖頭變得差咗好多🥲想食呢類型米線我諗起嘅一定係雲桂香，最好食嗰間係沙田，但自從老鼠事件後，就無再去🥲 今日突然之間好想食，諗起葵芳都有分店就嚟買外賣（雖然我嚟過兩次都食唔返嗰種味) 今次叫咗微辣腩肉豬紅，加咗嗰炸蝦卷$22湯底無乜味，豬紅都好淡🥹 腩肉太大塊，所以做唔到好淋嗰效果，嗰炸蝦卷都好食嘅，但係店員唔記得咗落泰式辣醬，無咗嗰靈魂😂 好彩屋企有🤭 整體來講，試咗三次，真係做得好麻麻，我諗我都唔會再試佢😂 我成碗麵都食唔到1/3碗🥹

今日放半晝，叫咗個雲桂香外賣返屋企嘆😍。叫咗酸辣米線加紫菜、中小辣、走青多芽。我一直都係雲桂香嘅鐵粉，平時通常叫腩肉🐖，但今日唔太肚餓，於是叫咗我第二最愛—紫菜，吸晒湯底嘅精華👍🏽。拎到返屋企一打開，香噴噴、紅噹噹、熱辣辣，未食都已經流晒口水🤤。湯底好濃郁，辣得有層次🌶，啱晒我重口味！雖然唔健康，但間唔中一次，無所謂啦。唯一一樣唔滿意嘅地方係佢唔單止無多芽菜，仲要幫我走晒啲芽菜🥲，唉！

呢間雲桂香係我的食堂，細細個就食佢嫁啦🤣佢除咗酸辣/麻辣湯底好味之外，呢個蟲草花雞湯米線都好好食㗎😋想食清淡啲嘅時候必選👍🏻蟲草花雞湯米線 雞湯湯底鮮甜，有少少酒香味，雞肉夠哂滑，份量又夠多，仲有蟲草花同生菜底💯蒜泥白肉呢個係我至愛，每次必點👍🏻滿滿的麻辣蒜泥鋪滿腩肉包住青瓜卷，第一啖咬落去感受到麻辣香味，再咬到青瓜有清新嘅感覺😌呢個配合天衣無縫😋炸魚肉春卷魚肉春卷夠晒香，雖然係炸但一啲都唔油膩😁

結婚之前一直都住葵芳，雲桂香可以話係陪住我成長嘅食堂。宜家新裝修嘅雲桂香比以前舒適咗好多，無論係室內外嘅顏色（淺木奶白色）同燈光都比以前柔和同明亮。我最欣賞係佢哋嘅湯底同腩肉，湯底味道好濃郁、好惹味，仲好有層次，香、酸同辣好平衡，食食吓你仲會食到淡淡嘅甜味。腩肉都好好食，肥瘦比例啱啱好，肉質彈牙，調味甜甜辣辣。但如果可以好似以前咁「另上」就更好，始終浸咗落湯，點都會無咗少少腩肉原本嘅調味。今日叫咗腩肉酸辣紅薯粉（中小辣），見到真係流晒口水！湯底一如既往嘅好食，腩肉一如既往嘅出色。唯一有少少🤏🏽唔夠好嘅地方係紅薯粉有點煮耐咗，質地有點淋，無咗彈牙煙韌嘅口感。仲有，如果可以再加多少少芽菜就更好了。

今日天氣寒冷，係食麻辣米線嘅日子。平時呢間鋪午市都好多人，今日見到有位就即刻坐低試吓啦。叫左個腩肉、牛腩加竹笙麻醉辣小辣小鍋米線。味道不錯，冇譚仔嗰啲一隻死鹹味，小鍋酸菜同埋肉碎都唔錯，小辣既辣度都啱啱好不過可能因為午市關係，d姐姐態度好一般。本來坐位已經好迫，姐姐拎住碗熱辣辣既米線都會當你無地咁行過。佢哋仲會大大聲互相喺度鬧交（同客人無關）。可能有人覺得咁樣係親切啲啦，我真係不敢恭維啦，最怕被佢地太大動作整污糟

放工又餓又凍凍地唔想開爐煮又想食碗熱辣辣既粉麵即時諗起米線！！·叫定外賣等左30分鐘到就送到樓下包裝幾好 · 無瀉出黎-重慶紅薯粉配魚肉春卷配麻辣中辣（$52）食開譚仔小辣既但今日想食辣過下癮叫左中辣試試湯底夠辣 但唔夠麻個辣有少少嗆口但又未至於辣到食唔到不過會愈食愈標汗魚肉春卷幾彈牙不過無咩魚肉味紅薯粉幾Q彈而分量都算多 -豬軟骨小窩米線配麻辣小辣 （$52）望落小辣好似辣油仲多d食落反而覺得辣過中辣唔通老板調轉左豬軟骨炆到入哂味但軟骨位好硬唔係軟淋淋果隻有少少失望米線偏淋少少整體好似紅薯粉果碗出色d-醬拌皮蛋（$28）好香蒜味但略嫌油左少少其實叫醬拌 但同紅油差唔多感覺不過佢個蒜配皮蛋食真係幾惹味

服務態度極差！一定無下次！🤬🤬🤬🤬🤬入去坐低一陣，好多烏蠅嬲，12:07落order, 叫兩碗兩餸重慶酸辣薯粉，飲品我叫咖啡，佢好串話「未有，要煲個幾鍾先有，現在未煮好」😱，我心諗「唔係掛，12pm餐廳開門做午市，你唔係12pm先開門煲咖啡掛？」算！當時只有4枱，約4~5人，竟然等左好耐(20mins)兩碗粉都未黎😡，但同時見到漸漸多客，一枱一枱滿，都有30~40個客，但比我遲來的客，都已食緊😡。我問服務員點解，佢態度好差咁答「你叫重慶野，係要耐D，等多陣」。我頂🤬！結果再要等多10分鐘兩碗粉先到，足足等左30mins。我頂！🤬🤬🤬🤬🤬🤬如果漏左單，我明，人誰無過，你識道歉，「對唔住，即刻做返俾你」，我會原諒。你講到係我問題喎，叫重慶野，所以係要咁耐？！你間係西餐廳咩？服務態度極差！一定無下次！🤬🤬🤬🤬🤬

雲貴香今次又係食米線我都話我地米線🍜控🈳️啦大家可以見到我真係常日食米線上次我係旺角食左呢間邪惡😈嘅米線🍜今次我黎到葵芳店📍📍📍📍📍呢度環境上同旺角差唔多但今次就叫左魚卷米線🍜🍜🍜我朋友就通菜海帶小窩米線🍜🍜🍜而我上次就係叫左辣肉米線🍜🍜🍜呢度都係用QR code 點餐🔍🔍🔍🔍唔係好似「*仔」咁👎🏻👎🏻👎🏻等好耐都未黎點餐上菜都好快🚴🏻🚴🏻🚴🏻🚴🏻🚴🏻所以對於一啲好趕時間嘅食客呢間米線🍜絕對係可以好快就ko 你嘅溫飽今次我地就冇叫野飲大家可以見到我收據🧾🧾🧾🧾🧾呢度食野相當相宜💸💸💸如果糧尾啦💰💰💰相信都係個唔錯嘅選擇🧮🧮🧮

雲桂香米線專門店 (English name: Yugu Noodle) is much like TamJai. They also have several locations.  What they offer is mixian noodles with a sour spicy soup base with various options to build on. As we've been to TamJai many many times, we decided to try the competition.Menu is in Chinese only. There is no English menu and no 10% service charge. You basically choose your soup base and do add ons. Or use one of their pre-selected bowls.They also offer snacks and drinks.Boyfriend ordered their signature