雲石小姐 (已搬遷) 新店位置

今年生日收到個好靚嘅蛋糕，原來係Miss marble 嘅流心蛋糕😍好味到要開心share 蛋糕軟綿綿，裡面係士多啤梨流心，係真的有新鮮士多啤梨味，一d都唔人工添加😂配合埋fancy 嘅外型，完美😋

賣名氣多過賣好食，蛋糕完全唔好食，唔該大家真係唔好係呢間買！最基本嘅海綿蛋糕都可以做到石頭咁？！黑糖珍珠奶茶流心蛋糕簡直係伏，+$10寫個朱古力牌都可以寫錯字，唔好俾佢名氣呃到！價錢已經唔平，心諗見佢都算出名，收到件貨仲樣衰過係出面求其買嘅蛋糕，珍珠已經無放雪櫃，都可以硬到完全食得出係雪過嘅！要求寫個名，仲要寫錯，手字醜樣都算，寫錯係想點？個朱古力牌仲要崩咗一角！難食到咁都可以出晒名🙄用垃圾嚟形容個蛋糕我都覺得侮辱咗個垃圾。價錢又貴，字又寫得衰，仲要寫錯，蛋糕又難食，勁後悔

大約 4 個星期前就 whatsapp 訂蛋糕，慶祝老公生日，諗咗啲 idea 出嚟，要加錢都唔緊要，最後埋單 $6xx❕滿心期待❕一睇個蛋糕就忍唔住鬧咗出嚟#$%**@&$公仔個頭凹咗，即刻喺 whatsapp 同 cs 講，話會同鋪頭講返。。。我旨在反映，唔係要求咩補償講真~呢間算係一個貴嘅價錢，期望係高，絕對唔覺得會犯低級嘅錯誤 ❨其實公仔正常係好基本囉❕❩講返蛋糕。。。我揀士多啤梨牛奶，阿囡食到嘅因為淡味，除咗係流心，驚喜不大完❕

尋日係女小編生日🥰男小編預備左一個好靚嘅獨角獸蛋糕俾佢😚😚呢個係一個朱古力流心蛋糕😋 佢嘅外層係朱古力海綿蛋糕同埋忌廉😍入面就充滿好濃郁嘅朱古力流心🤩🤩佢嘅海棉蛋糕軟綿綿質地唔錯🤤🤤🤤不過就有少少偏乾🤔但係加埋朱古力留流之後都幾好食🧐男小編仲加咗一盞好浪漫嘅生日月亮燈($70)同埋一個閃閃燈插牌($40)😝😝熄咗燈之後效果特別靚🤩女小編好鍾意呀❤️❤️❤️各位男仔想同女朋友慶祝生日都可以考慮吓🥰😋 好味：8.03/10🤑 價錢：7.35/10🤗 服務：8.53/10😝 環境：8.00/10😚 衞生：7.98/10🤩 整體：8.01/10

為慶祝表弟生日，妹妹早前在雲石小姐預訂了蛋糕，今天就陪妹妹來到山林道這邊取蛋糕。店舖細細的，雖然主打外賣自取，但都於店面加上花藝裝飾，走少女風格，可讓客人打卡！惜取蛋糕當天正下著雨，所以一取得蛋糕後都很快就離開了～～～妹妹訂的蛋糕是海鹽芝士奶蓋流心蛋糕，用透明膠蛋糕盒裝著，綁上深紅色鍛帶，包裝簡約精美！另一好處是不怕蛋糕盒會被雨水濺濕！！店員提醒要托好蛋糕盒底，保持平衝！搭巴士回家時，見到面層的海鹽芝士奶蓋震騰騰的好有動感，好擔心會突然崩塌，幸好它能安然無恙地回到家中蛋糕的賣相不錯，海鹽芝士奶蓋溢出於蛋糕四周，充滿豐盈感，面層灑上果仁碎點綴，令蛋糕賣相不會太單調～～一切開蛋糕，流心芝士漿澎湃的一湧而出，十分流心芝士奶蓋加上芝士漿，質感細滑濃稠，配上海鹽及果仁碎，芝士香中帶點微鹹，鹹香的，整體味道不會太膩！蛋糕部分用上戚風蛋糕，質感不算鬆軟，反而口感粗糙又帶點鬆散，是扣了點分的項目！

留意左佢ig好耐，老公見到偷偷地去買當生日蛋糕，4吋蛋糕600幾蚊真心有d貴，如果好食都算，但食落連一般連續店蛋糕都比唔上😅如果係想影下靚相係無問題既，靚就幾靚，食就唔好太大期望，質地唔鬆軟，蛋糕無蛋香，外層係棉花糖既味道同質地，內層既海鹽芝士流心有d過咸，同蛋糕並唔太配合，試一次就夠lu而且店家建議要2小時完食，我食唔晒放左一半係雪櫃第二日食，個蛋糕表面會裂，而且質地會更乾，所以要買就盡量即日食完啦上面個花花同燈飾比我keep住左當留念

It was my friend’s birthday and I looked for specialty cake shop online. After 3 hours of discussion to communicate the design I wanted, finally we were proceeding to purchase. But as soon as the owner saw that the address I typed was in simplified Chinese, he or she immediately told me that they will not sell the cake to me. This was an outright xenophobic and discriminatory act and honestly something I never thought I would see in modern Hong Kong. 对待顾客如此不公平的店，应该直接歇业。

之前妹妹買， 覺得好好奇好靚。到我生日嘅時候妹妹就買咗個慶祝我生日。 好開心妹妹知道我想試。不過…靚係靚但老實講，唔算好好食。 流心都okay，但個蛋糕底其實真係幾鞋… 蛋糕點可以唔夠軟熟！！個味都係普通，所以整體好一般。只想講咁貴嘅價錢，除咗個蛋糕要靚，都真係要好味先收貨！唔知係咪因為做得耐，蛋糕嘅質素下降。有睇開亦都支持arhotv，但不會盲撐。 如果好食就係好食，質素要改善就係要改善， 如果唔係就唔好收咁貴嘅價錢。

係IG上關注左好耐，今次終於買左。去拎蛋糕既時候，店員從雪櫃拎出黎即場包裝，同時會交代d注意事項，包括三個鐘以內食以保證流心效果，同埋一定要避免碰撞等等。呢個蛋糕真係好靓，係dripping cake既感覺，芝士奶蓋上面有花生碎點綴，簡單雅致。因為從尖沙咀山長水遠拎返屋企，雖然已經小心，但係拎到屋企芝士奶蓋都有再滴多一層落黎既感覺，不過佢個樣都係無受到太大既影響。佢既芝士味真係好濃郁，但係唔甜唔膩，蛋糕本身輕盈鬆軟，所以6吋既，兩個人都好快食晒。

尋晚去羅訂蛋糕，前一晚被告知間鋪頭有急事，要求我7點半去到，咁係由我朋友負責同佢聯絡，我七點收工已經行緊過去，點知7:15又問我係邊，咁睇來佢哋鋪頭真係好有急事，去到成間鋪準備收門，係我太大意，只無留意到無蠟燭，仲+$5蠟燭，送俾人生日蛋糕點解可以冇蠟燭。咁我攞完蛋糕就行啦，行咗一陣就發覺個蛋糕好多氣孔，真係好肉酸個蛋糕，個蛋糕諗住攞嚟影相，睇佢Instagram啲蛋糕好靚，好夢幻。但係我手上係一啲都唔似雲石，似壽包多d...我羅完已經好嬲，真係好想退咗佢，但係旺角俾人撞左一下手個蛋糕就好似豆腐渣咁冧哂，大佬我唔係飛咗個蛋糕出街，俾人撞左一下手，我蛋糕搞成咁我點送俾人。我都好老實同佢講，我喺旺角俾人撞左一下，個蛋糕QC有問題，佢有人打俾我，我唔明囉佢唔係想解決問題咁問我位置係邊做乜？分別有兩個人同我對話，仲擺咗我哋啲對話上網，放大我被人撞到個蛋糕，又話佢哋係唔係賣電器，仲學人玩取巧添，你哋幾萬個followers，繼續圍爐取暖囉，扮咩接受我意見啫，仲喺度扮無辜，依家係針對返你哋蛋糕品質問題，係都要打電話講，咁驚留底咩。$503買淡氣

朋友响Miss Marble訂咗個蛋糕比我！點知未打開已見到蛋糕上面有三個插痕！之後打去問點解,有位女士接聽,一開始話有d蛋糕佢地會插牌影相post去專頁..我話個蛋糕係客人比晒錢嘅,點解你可以插自己嘅另一D牌上去影相？你哋要影廣告相應該自已另外整一個囉！之後,佢就轉口風話好多客人唔知生日牌插邊度好,所以插定幾個位比客人！當我白痴？！我之後在佢FB找到雲石紋路90%同我個蛋糕一樣的post,係我取蛋糕前1小時post的,插住個畢業牌！以後絶對不會幫襯！

前排有屋企人生日， 訂咗個打卡嘅蛋糕 店面嘅裝修唔錯有好多粉紅色嘅花花，感覺好有少女feel啲蛋糕擺喺度都可以打卡影相焦糖脆脆流心海鹽蛋糕都幾好玩㗎 啲焦糖呢就會分開係個盒度 提供左個錘仔俾我哋自己扑爛啲焦糖 先在擺上去蛋糕上面邊 玩味十足 不得不提呢個焦糖都真係幾好食 食落去唔會太甜之後仲要超脆口 媽媽食落都話好有童年回憶 味道都唔錯 蛋糕軟熟 中間仲有啲流cream 配埋焦糖好有口感 蛋糕嘅味道有少少橙味夾埋蛋香 唔錯嘅配搭

又到左中秋節喇~今年依然充滿濃濃節日氣氛，加上呢一兩年再次興起珍珠奶茶潮，茶飲店開到成行成市，依家潮到連月餅都推出珍珠奶茶味！身為珍奶粉絲，忍唔住要買番盒試試！優雅收到貨第一眼就比佢個雲石包裝吸引左！粉紅色雲石花紋，盡顯優雅風格，估唔到食個月餅都可以咁優雅~一盒一共有六件，每件獨立有紙盒包裝，食用建議係放入微波爐叮30秒包感更佳。膠袋包裝，因為新鮮即製，冇放入防潮珠，所以最好唔好擺超過一星期叮熱後，餅身變得稍為軟淋，仲會帶流心效果，味道香又不算太濃，甜度適中，內含珍珠增加新實口感！一個雖唔大，但食落都有飽濟感，不過創意無限，唔錯～

月餅總是給人甜到漏的感覺今年想要破破傳統，不吃傳統的白蓮蓉月餅改吃人手製作的新款月餅 ~ 珍珠奶茶月餅由於人手製作，沒有添加防腐劑，所以最好不要放超於一星期而且回家後最好也要放在雪櫃冷藏食用時才再叮十秒，月餅會更「惹味」淡淡的珍珠奶茶味，內裡還包含珍珠味道不會過甜，最適合想要健康，又想應節吃月餅的人了

一直聽人講呢間好靚好紅.......甘我終於的起決心買返個買果陣真心覺得佢貴 佢招牌個抺茶牛奶蛋糕最平都成500蚊仲要得果4寸！蛋糕流心係唔錯既同埋抺茶都夠味但都係偏甜少少！但蛋糕真係好鞋口又好實同埋有粒粒呀！！仲有上面果層太甜同埋口感太奇怪我就唔太鐘意食！呢d野都係玩下算 一次就算！仲有要小心價錢，佢地會忙中有錯，要自己好好計清楚！佢地覆野都好慢同成日出錯，要有耐心耐性等候，始終佢地係小店！仲有廚房係好細，但都算企理既！