雲貴軒米線專門店

營業中

休息中

雲貴軒米線專門店位於元朗朗屏邨朗屏商場，米線愛好者的之選。米線湯底正。雲貴軒的米線湯底鮮美濃郁，讓人一喝難忘。無論是鮮蝦米線、牛腩米線還是滑雞米線，每一碗都能夠讓您品嚐到濃郁的湯汁和鮮味的食材。他們的湯底煮製得恰到好處，不會太過油膩或太淡，保持了米線本身的風味。除了湯底，雲貴軒的米線配料也非常豐富。他們的米線上搭配了新鮮的蔬菜、嫩滑的豆腐皮、鮮嫩的肉片等多種食材，每一口都能夠讓您感受到不同的口感和風味。無論您是喜歡清淡口味還是重口味，雲貴軒都能夠滿足您的需求。

中午諗唔到食咩 去雲貴軒 簡單食米線魚腐米線 湯底其實ok 小辣就剛剛好 魚腐好味 米線就一般啦今次唔夠飽叫埋糖水食芋圓又幾好食喎 唔會粉有Q彈感 椰汁勁多最後飲埋杯凍檸茶 簡單一餐滿足

好耐冇食過雲貴軒, 今日黎開呢頭行山前醫一醫個肚皮😄😄炭燒豬頸肉肉燥飯 $47 凍奶茶🥤+$3豬頸肉份量都幾多, 而肉燥好入味, 但飯就冇咩味道, 整個份量一個男人食都好飽, 但味道上中規中矩，凍奶茶奶味比較重同甜炭燒豬頸肉撈紅薯粉(香痳醬) $47 凍好立克 🥤+$3豬頸肉份量相同地都係多, 配料亦都好足夠, 但味道比以前冇咁好..但凍好立克係唔錯既😋總括黎講$100兩個人食的確係幾底架喇, 但就真係果腹, 為填飽個肚而食😅

叫咗竹笙、蘿蔔、魚腐3餸酸辣米線加凍飲要$68，都幾貴。嚟到份量都足，不過一飲個湯底即刻出事，個隻酸味好古怪，同辣味係完全分開，酸菜又唔係平時食嘅味，好似浸咗喺咗醋到...食咗米線咁多年未食過咁差嘅酸辣米線。米線正常偏淋，竹笙口感爽，不過吸咗D湯就好差， 蘿蔔大舊但無味，最出事嘅係魚腐，口感鬆散有冇魚味，食咗幾啖真係唔想食....

2021年7月24日星期六下午5點30分前食兩份下午茶餐。食唔晒碗糖水，諗住拎返屋企食，向職員索取蓋嘅時候，佢話要收取一蚊，跟住賣單嘅時候想拎一個膠袋，佢話要收我收取另外一蚊。咁果碗糖水已經用膠兜上，收一蚊外賣錢已經好過份，仲唔比埋膠袋我拎走，咁點算外賣呢？咁巧立名目既鋪頭，應該唔會生存得幾耐。bye

朗屏商場唔算多食肆，今次揀左雲貴軒食lunch! 豬腩肉小窩米線 $45湯底: 酸辣湯，微辣腩肉份量唔算多，只有3片，偏肥，但係幾入味同埋肉質幾淋，幾好食！其他配料有芫茜、芽菜、酸菜同韮菜，每款少少咁。夏天太熱唔想食咁辣，所以湯底叫左微辣，辣度剛好，味道都尚算濃味。而個人認為米線煮得過左火，淋得滯，冇咩口感，加上米線份量都唔係好多，所以食完唔係好夠喉，普普通通醫下肚都ok嘅，男士嘅話就肯定唔夠飽喇！午餐時段去仲包埋餐飲，凍飲再+$3

雲貴軒的豬扒已經食過好多次，一直都維持高水平，夠香脆鬆化而且塊扒大過塊臉，送飯唔錯。.肉燥係港式口味，我覺得咸度可以，但唔算特別優秀的肉燥。配菜仲有半隻滷蛋和少少菜。跟餐飲品，熱檸蜜不用加錢。成個午餐四十六個大洋，整體CP值是高嘅！

住舊屋邨，樓下冇咩配套，餐廳少，下下又唔想行太遠，只好食黎食去呢幾間。食到厭之際，發現有優惠，咁又唔同講法喎。無論早餐，午餐，下午茶，晚餐，都有做優惠，齊齊為大家係經濟咁惡劣嘅環街下慳錢。餐廳同時又好識做，加五蚊可以有多個小食，等客人多消費幫番自己。呢個比譚仔好，有時唔餓唔想加小食，唔想浪費食物，此餐廳給客人有進退選擇，譚仔之前做嘅優惠必包小食，又或者限死三餸。當然，今日唔太餓，姐姐力sell五蚊小食被拒後，黑左陣面唔想堂食，決定外賣自取。餐廳堂食食客多，外賣不多，不過等十分鐘左右已經拎得。番屋企打開香噴噴。味道，份量都冇咩下降，話雖不是什麼高質食物，但現時不少餐廳都價錢打折，份量打折，令人邊食邊傷心。三十幾蚊，包熱飲，飲飽食醉，仲想點。唔知其他分店有冇呢個優惠呢？！

地方易搵，環境舒服夠大，通常都唔洗排隊架，又唔洗搭枱。員工服務良好，又有禮貌，做野速度夠快，會急急步衝過黎落單我唔係好食得辣，但都鍾意食少少🤏所以通常都叫豬骨湯，然後豬腩肉做餸因為豬腩肉有少少辣，咁就可以吊吊味朗屏商場一間幾好既食肆。

工作原因入咗元朗朗屏邨附近，lunch time又唔想行咁遠，唯有喺朗屏商場搵嘢食。呢間餐廳一睇就知係食辣，雖然我唔係好食得辣，咁啱呢排胃口麻麻，食小小辣嘢刺激下又無妨。集團式經營連鎖店，地方都算乾淨企理嘅。我點咗一個四川酸麻紅薯粉(微辣)配豬腩肉$45+凍飲$3。對我嚟講湯底微辣都仲幾辣下。豬腩肉係入味嘅，不過鞋咗啲。紅薯粉尚算爽口彈牙，仲有炸醬、花生、榨菜同芫茜等配菜。份量個人認為唔算多，價錢就同一般茶記食個快餐lunch差唔多，抵唔抵食就見仁見智。

位於朗屏嘅雲貴軒，令朗屏邨居民多左個吃個便飯嘅選擇，最重要係佢仲可以嗌外賣，啲宅男宅女可以買返屋企邊食邊煲劇！另外，一個飯嘅價格係4x，唔算好貴。餐廳餐牌內有面同肉燥飯揀，要吃台式風味嘅嘢當然要揀肉燥飯！本人光顧左好多次，佢嘅肉燥飯好多肉碎，醬汁看似好濃但入口又唔會俾嗰陣味覆蓋其他味道！我食過蒜香雞翼、豬頸肉、鎮江骨、豬軟骨，好多款都試過，但最鍾意係佢豬頸肉肉燥飯，啲豬頸肉佢整到個邊有少少脆口嘅感覺，極力推介！補充返呢間店由落單至有嘢食嘅時間真係好短，好快就有嘢食😂

事發在2018-12-15早上朗屏商場內的雲貴軒，餐牌說明火腿庵例配茄汁豆，實物出現時，實在太離譜，簡直當戶客是傻仔，本人實在對餐廳服務生反映過，結果廚房還是退回說，對！我們就是規定比一匙羹，就是11粒的茄汁豆，所以覺得沒問題，本人覺得餐廳覺得成本貴就唔好寫落餐牌到喇，香港人食個早餐者都咁委屈！我決定不在光臨這店！Ps:隔離台男人同樣的餐，但分量不一，現場己經有證據說明，那規定如同虛設！

今日夜晚一個人食晚飯，所以求其去咗朗屏間雲貴軒食，嗌咗蕃茄湯香茜餃米線食，蕃茄湯味唔差，香茜餃都幾好食，不過區內太多米線選擇，如非必要或者貪佢近方便，都唔會揀呢間。

Ot到8點幾，諗住是旦搵間嘢食夜晚飯，可能因為星期六嘅關係，所以都幾多人，叫左一個豬大腸米線，酸辣湯都幾惹味，酸酸地都幾開胃，除左大中小辣之外，仲有微辣簡，岩哂我依啲又想食辣，但又怕會胃痛嘅人

早晨必須要有個"美好"的早餐, 先至叫做 Good Morning, 相反食到個糟糕的早日會影響左全日既運程的 !!自從元朗朗屏商場進行大裝修, 到裝修完後都無再專登來過朗屏邨了，今日揸住架車無咩心水,心水店門外又泊晒車, 遊下遊下來左朗屏邨, 突然好想食呢間，34蚊性價比很高，而且蕃茄米線感覺健康，早餐有粟米芯供應的印象中唔多見有,呢間竟然粟米芯, 感覺上更加"超值"......除此之外, 仲有豬扒腸旦，及蒜蓉香草脆豬，咁既陣容, 而且餐廳乾淨企理, 完全收貨了。呢份早餐巧豐富兼有營養, 值得再吃,少少溫馨提示, 呢個朗屏個停車場，可能係舊式停車場的關係, 每個車位都好"細",如果你架車稍為大少少都唔好入去，俾你泊完頂到落唔到車的, 要小心注意