雲貴軒米線專門店

營業中

休息中

又是放假日子，“尋“食又是其中一個环節！由於今日肚子不餓，可以等到下午茶時段。去到“雲贵軒“ 我的第一個飯堂。平均每月最少有6次係到用膳登登餐牌上。我只是試個顺德魚腐，而必吃及推介👍👍👍👍👍👍👍是贡丸及香炸豬扒。对於辣，是我最怕。我叫小辣係可以接受！😊😊係咪好QQ的紅薯粉。真係好彈及爽口。而湯底濃口。配以炸菜，肉碎，花生。花生有少少潮，不脆。涷飲我就柯打我只愛冬oT。而我炸豬扒……要食到1/3先才到😀😀r來la.剛好炸好！十分脆，易入口，易咬！一脆加一Q等於好味。這。是。假期下午茶

喺我身邊最近呢間舖頭可以止到麻辣隱冬菇麻辣薯粉,配菜全走大麻辣冬菇超厚肉超大隻超淋身,好濃冬菇味薯粉 好彈牙湯底好香夠麻辣仲叫咗一個蘿蔔清湯米線,配菜全走蘿蔔 真係好淋好入味又夠大嚿米線都爽滑

因天氣被困商場，又想食麻辣。咁梗係去呢間啦！止止癮!不過呢到d侍應好似講極都唔明，落少少order 都要講幾次，仲要落錯單卤水雞翼四川紅薯粉夠辣好酸豬頸肉每次食都會叫，個味夠濃，細老闆最愛口水豬手其實佢個醬真係好食，夠麻辣。但豬手本身完全冇味純粹食個醬味。仲要豬手好大嚿好硬，食落好麻煩仲有一個忘記影相豬軟骨菜肉雲吞麻麻辣紅薯粉個菜肉雲吞可以下次再食，唔錯個豬軟骨就每次必叫，因夠冧夠味

晚上七點入座，有位，唔需要等。依餐一個人食，好快諗到食咩，不過揮手超過五分鐘都無人理，最可怕係我周圍既食客情況一樣。之後到上菜，我叫左換酸辣米線+蘿蔔+冬菇，上菜侍應一言不發放低碗米線同order紙行左去。終於入戲肉，到品嘗晚餐時間，用湯匙一攪，入面好多酸菜，有五個蘿蔔，三個冬菇，簡單一句都足料既。試一口湯，酸菜味夠濃。到食落口，米線煮得唔夠時間，仲好白，咬落去生生地，冬菇不過不失，蘿蔔就真係好生，生到有d（青）既味。最後埋單，我放低張單同五十蚊係櫃面，佢找返六蚊比我，全程眼神對話都無交流。總括：食米線，我覺得依間無咩特別好唔好食，而做米線既店裝修都無咩特別靚唔靚，失敗既係（落單唔比加餸），超奇！不過連鎖式既餐廳黎講，依間服務唔得，1：見到d侍應落單方法係落完一張枱，之後去櫃面交單先可以去第二台客落單。2：侍應係無留意過客人入座，所以有客揮手都知。3：上菜，埋單，同客人講上咩菜收幾錢找幾錢，連茶餐廳都識既，集團式餐廳竟然無。

今日放假, 約左朋友去食飯, 好耐冇食過米線, 咪是但搵間試下!!!見到呢間都幾多人是食, 就試下, 入到去好多人等叫野, 我地就坐左10分鐘, 人手看來很不足!!終於可以叫野食, 叫左魚腐+豬扒米線 (麻辣湯底), 朋友就叫左雞中翼紅薯粉!!!味道幾好, 好大碗!!!不過麻辣湯底都係唔夠麻既感覺!!

新出了墨汁魚腐就咁睇黑蚊蚊以為只係加佐墨魚汁去調色咬落原來有加埋墨魚粒不太多但令魚腐感覺有咬口可惜咬咬下咬到魚骨呢！只好安慰自己佢真係自家製呢！

自領匯管理後的蝴蝶商場，食得最頻密要數此處了！由佢星期一至日都有下午茶，到現在星期六日無佐下午茶，只能慨嘆物價通脹！星期日無下午茶，所以不用等位。我近期的推介係鎮江肉排上海麵，要了酸辣湯中辣。這裡的鎮江肉排是用鎮江醋紋豬軟骨，味道夠酸，在酸辣湯浸一浸，更能增添湯底的惹味。上海麵不會過淋，有咬口，跟滑滑的米線感覺不同（題外話係娘親話星期日忙，好多時米線未煮得透就上台，反而叫上海麵未試過有此情況），所以大家可以考慮間唔中轉下口味。三十蚊的茶餐感覺貴佐d，但附近要找有水準的米線，真係幾難呢！

一品蒜花雞飯 $42跟油菜及飲品蒜花雞皮滑肉嫰, 頂瓜瓜佢個醬汁一定要試, 杰杰地, 甜甜地, 有蒜香, 用來點雞, 撈飯, 冇得彈呀~ 大家都加8蚊要左杯健康果汁--- 香蕉+奇異果 香蕉味較濃, 蓋過奇異果, 香蕉攪拌得唔夠碎, 香蕉常常塞住支飲管 --- 芒果+奇異果 試左好友一啖果汁, e...e...e... 呢杯味道開胃啲, 清新啲, 好味啲喎

今日係中秋節, 當然要罷煮出街食啦. 諗住喺屋企附近食, 記起蝴蝶商場間雲貴軒淨係試過早餐, 未幫襯過晚市, 就諗住去試下啦. 慣例去OPENRICE望下呢間食店有咩推介, 睇完發現有幾個人都話呢度啲店員服務差, 態度唔好. 但實在諗唔到去邊度食, 就孤注一擲去試下. 去到19:05, 等了五分鐘就有位. 入到去張枱未抺乾淨, 店員都提我哋小心污糟, 再即時抺乾淨. 到叫嘢食時一舉手已有店員招呼, 上菜都算快. 到嘢食到齊, 由於要分比百厭仔食, 就再舉手叫店員比隻碗仔, 同樣好快已有店員回應. 我哋叫咗兩個小鍋米線套餐, 一個餸$30.00, 每加一個餸+$5.00牛展 轉紅薯粉+$2.00 (豬骨湯, 走青走酸菜)--湯底唔錯唔太鹹, 紅薯粉煙韌, 牛展有淡淡鹵水味又夠”林” , 正!豬軟骨米線加豬耳+$5.00 (豬骨湯)-- 米線唔碎, 份量又多. 豬軟骨夠”林”夠入味, 豬耳爽口, 好味!燒豬頸肉 $20.00--切成一條條上碟, 碟面大條果啲幾好味, 但有啲切得細條嘅就比較乾. 老公話可能係”返叮”喎.一杯凍檸茶+$2.00, 一杯熱菜蜜--OK啦食飽飽就出去櫃位埋單,

其實我去得一間茶餐廳格局嘅餐廳，我唔會要求你好有禮貌，服務好好，但問題係你嘅態度差到我唔想再去光顧呀！咁你就真係好有問題，我係嚟食野架！唔係嚟受氣！你地嗰位長頭髮帶眼鏡員工，態度差到連大排檔都不如，我唔係嚟乞食呀！唔該你唔好呼喝我！唔好指指點點！我嚟食過幾次，你都係咁，黑口黑面，你係帶位呀！可唔可以歡容少少呀！坐好想轉位，你好似走嚟捉賊咁話我唔應該轉位！ok！你地規矩！點知下次再嚟食野，我坐好，你又走過嚟同我講叫我轉一轉張檯比人地坐，話又兩位客人，我當時望一望間餐廳，有其他位丫，點解要我轉檯，本來茶餐廳就可以搭檯架啦！點解你要我去同人榙檯，然後叫新嚟嗰兩個客人坐我張兩位檯！而我最終就比你轉左去一張四位檯同另一個人榙檯坐！咁即係乜野意思！我自已轉檯就同我講你地餐廳唔比轉檯，到你要轉嘅時候我又要轉比你！嬲到爆！仲有你地啲微、小、中辣根本次次個辣度都唔同，我每次都叫微辣，但有時真係唔知點解辣到食唔到，又係嗰個長頭髮帶眼鏡員工呀！明明係你地嘅問題，我都係叫你比碗清湯我自已溝嚟食，又話唔得，又話好難做，又話要收錢，喂！咁我竟然叫碗微辣都辣到食唔到，係你地出品有問題呀！唔係我貪你一碗湯呀！仲話要收

豈有此理本身我同媽媽去食米線兩個都叫左微辣[]但係我個碗就一d都唔辣 我本身都以為係因為係叫微辣的關係但試左媽媽個碗之後,,發現媽媽個碗真係有辣之後我就問個侍應我個碗係咪真係微辣,,因為兩碗都係微辣,,但我個碗一d都唔辣之後佢就將我碗野收走等佢再拎番黎時碗野就變左咁既色....個時我因為冇相機影唔到但真係太過份啦呢個辣仲辣過大辣但我只係問佢係咪微辣啫??所以我就問佢要左個外賣杯裝番屋企真係勁嬲!!!!!!之前我都有食過,,印象都唔錯但今次真係太過過份啦!!!!!!以後都唔再去!!!

A先生想食米線~所以近近地就黎左呢度食~~我地叫左炸豬扒紅薯粉豬頸肉紅薯粉醉雞翼凍檸水芒果奇異果汁炸豬扒紅薯粉份量好多~~我食唔晒~~醉雞翼好味~~好入味~~夏天食就至岩~~芒果奇異果汁幾好飲~飲落覺得好健康~~平平地~呢度係唔錯既選擇~

第一次光顧這店，點了豬軟骨米線及熱奶茶。也淺嚐了同事的撈紅薯粉。兩個餐也是份量十足，放得滿滿的！雖然是有很多芽菜"墊底"，而我亦不喜歡吃芽菜，但份量也很足夠。先說撈紅薯粉，大大碗的，撈起上來很多煙在飄，熱辣辣很吸引。紅薯粉的質感十分好，有一點煙煙靭靭的，很好吃，連平日不喜歡吃"撈"麵類的我也被軟化了，下次有機會要試一試。豬軟骨米線也不賴，米線沒什麼特別但也不錯，因為還是很完整的一條條米線，沒有斷開得很碎(最怕吃到碎濕濕的米線，又難夾起又沒有質感)。豬軟骨很入味也很林，很易入口。還有放在米線上的酸菜，很好吃又開胃，很適合炎炎夏天吃。熱奶茶則較普通，不是特別香滑但也不差。這裡上菜也很快，而且夠熱。另外想一讚餐廳的細心，餐牌上寫著"走青"意思是不要莞茜、蔥，提醒了客人如果不愛這類食物可以不加，如果不記得說也不要緊，因點菜時職員還會自動問一句要不要"走青"。

今天的起心肝餓著肚皮...餓餓餓到三點鐘就踏入去雲貴軒食下午茶.因為午餐和下午茶差成四蚊架~~(婆仔計數...XD)上次因為太大意~~~Orz今次死也記住要加兩蚊轉超好吃的薯粉!!!小鍋米線餐是可以一款配料的,我再試輕盈類別的牛'月展'.點餐後無耐就有得食.嗯嗯~比以前快很多睇下!配菜裝到滿滿的有我愛的酸菜,我愛的芽菜,我愛的浸湯蔥,我愛的浸湯韭菜,我愛的浸湯莞茜.全部都有相當的份量~~~習慣地需加入大醋紅醋陪著食.將所有東西撈好,每一口都充滿'愛'的口味十分滿足~~~牛'月展'起碼有八塊以上多到吃不完似的.有著八角的香,還帶點甜甜味.好正.主角之薯粉,晶瑩剔透樣子,其口感非常非常QQ都要出少許牙力咬斷~收單後才知道落單阿姐入錯我要的配料,變左豬軟骨,我立即叫人更正,神奇的是今次又改得.因為店方寫明入了單的食物是不準改的.=.="見到旁邊的食客吃著推介豬軟骨,勁不錯之樣子.下次又有目標了.不過記住在這裡進餐,要預左裡面的阿姐們是不多理人,要吃美味紅薯粉就要有點耐性喇~

我同我男朋友好耐冇出嚟食嘢啦，今日放工後行下屯門蝴蝶村商場，肚餓就去食下下午茶先。見雲貴軒門口唔錯，又係新開冇耐，咁就試下佢啦。門面做得唔錯，裏面係茶餐廳模式，枱櫈都ok清潔，又可以睇下電視，同埋雖然已經六點，但都有幾枱人食緊嘢。我同我男朋友選擇咗食紅薯粉，配豬軟骨同埋牛柏葉，飲檸茶，$32。 紅薯粉, 連埋一料28蚊—個湯我哋點咗小辣，個粉其實有啲酸酸辣辣，同埋好香。 加埋有啲梅菜、花生、香茜，賣相都幾好。同埋啲紅薯條透明狀，又唔會淋哂，真係幾好味。 豬軟骨—係哩度ge人氣食物，果然名不虛傳。 豬軟骨軟淋淋，一咬開就可以咬開啲軟骨，而且滿口係汁料既濃亦甜亦鹹的香味，啱啱可以夾到紅薯粉啲辣味，做得好成功。 好少餐廳啲豬軟骨咁有水準。 牛柏葉, 加四蚊—有啲失望，啲牛柏葉可能分開煮，所以冇咩湯的味道，直情無咩味。下次可以配其他料會較好‧下午茶都算係咁啦，同埋個碗好大，多到我同男朋友都食得飽，算係足料了。 如果可以日日都同我男朋友一齊去食嘢就好了。