雲貴軒米線專門店

營業中

休息中

每次經過葵芳一定要食！🥰今次叫三個餸，樣樣餸都好味，仲要份量好多！但因為好好味，一個女仔食曬都冇難度。🤭🍲麻辣湯底、米線湯底好香，唔會好油，飲完唔會好口渴，我叫咗小辣。大概等於譚仔10小辣，叫中辣或大辣相信會更惹味。米線今次腍咗少少，但可接受。🍜 酥炸豬扒+墨魚片+蘿蔔豬扒外皮酥脆，係記憶中嘅滋味！🥹豬扒肉質軟腍多汁，肥瘦適中，唔乾唔柴！墨魚片好厚切🤭口感好彈牙，墨魚味香濃，十分推介，極少地方有得揀呢一味餸。蘿蔔都好清甜，份量又多又大舊。🥤 凍華田味道香濃，真係做到少冰，不過略甜，下次叫少甜應該更加好飲。

成個疫情都冇黎過，今日趁端午節留港消費去葵芳廣場行下順便過黎食，4:15分去到大約都有八成人，坐低睇下menu，menu已經轉咗唔係之前嗰個，當然價錢亦都加咗好多，由於係假期所以米粉冇下午茶價，一碗米線最低消費50蚊其實都有啲貴，熱門嘅餸普遍都要加一兩蚊，凍飲再加三蚊，因為比較少食呢間所以價錢貴都可以接受，例牌都係叫返嗰2款炸豬扒麻辣湯底中辣，炸豬扒一樣咁好味，熱辣辣出來，不過好似深色咗少少，中辣唔算好辣，不過叫大辣就怕食得辛苦啲豬軟骨麻辣中辣，有三大舊豬軟骨，呢個份量幾足，豬軟骨 感覺骨部份都幾多，除咗白色嘅軟骨仲有啲似真豬骨嘅硬骨頭，但係家人都咬到我地兩碗米線底係一樣，但係撩落去好明顯一碗米線正常一碗米線少啲，凍奶茶凍檸茶都好好飲，應該係個茶底唔錯嘅關係，可惜叫咗少少冰都係正常冰量，加咗兩個小食，杏鮑菇豬肚絲，呢個比較鹹，下面有啲榨菜同韭菜墊底，太鹹都食唔哂，麻辣皮蛋醋味幾重，鍾意食醋應該覺得幾好味呢間餐廳座位中間依然有隔板分隔住幾細心，呢個係加分位

今日lunch同同事一齊去左食米線，天氣咁熱，食酸酸辣辣既野先有胃口😆😆呢間係我第一次黎食，叫左豬頸肉+九菜豬肉餃，酸麻中辣紅薯粉。同事就叫左豬扒大辣紅薯粉，再加左兩份一人小食，（皮蛋+紅油炒手），小食可以用優惠價加購。紅薯粉幾彈牙，但中辣唔算太辣，食得辣既可以叫大辣都得。😎😎小食就不過不失，紅油抄手比較失色。但最好食既係塊豬扒同豬頸肉豬扒好大塊同夠脆口，好值得食。可以讚呢間既份量比較多，就算加餸份量都唔少。

我来第n刷了卤水鸡中翼卤得特别的软烂，🐔鸡皮在嘴里入口即化，而绵软入味的鸡肉不仅鲜香四溢，而且饱含着汁水💦，直接吃泡汤都好吃三重奏是早餐限定☀️，口味比较的清淡，而米线还是一如既往的顺滑细腻‼️但是一定要现金或者八达通，还是稍稍有一点不方便哈

之前係葵芳返工日日食既米線，之前係葵芳返工放飯放12點30分，出去食，都要等位，因為真係有好多人食呢間，我係其中一個。呢間既餸同出面好唔同，佢有好多餸係自己秘制，出面係冇，例如魚肚，出面真係好少米線店會有呢個餸，而我偏偏好鍾意食呢個餸，叫2個餸其實都已經50幾蚊，佢係米線當中又唔係特別平，但係就係好食，湯底無論係酸辣定麻辣都有佢既獨特之處，而如果你食得辣，一定要叫佢既麻辣，佢麻辣湯係超好食真係有麻個種感覺

懶洋洋既週末😴訓到晏就兩點先起身，即係食下午茶既好時機😎🛎 $34 芝士漢堡豬仔包+脆香雞翼同餐牌張相一樣～有芝士片、漢堡扒，仲有火腿🐷豬仔包烘過，幾脆👍🏻兩隻雞翼都大大隻，炸粉唔會太厚不過應該係一早炸定所以唔太熱～🛎 +$8 香辣炸醬米線每次我都要加個米線先過癮😳真心覺得抵食又會搭棵菜，俾我覺得健康少少🤏🏻減低罪惡感佢唔太辣，我會再加包辣椒油，比較惹味🤤🛎 跟餐 熱奶茶🌐 環境/服務上餐好快～幾多位，我食得好慢都冇催我埋單🙈

喺葵青區荃灣區生活咗咁耐，竟然係第一次食葵芳廣場入面嘅雲貴軒⁄(⁄ ⁄ ⁄ω⁄ ⁄ ⁄)⁄ 估唔到有幾好喎！ 我可以日日食米線，餐餐食，食極唔會厭(*ˉ︶ˉ*)我叫左：小窩米線 （豬大腸）酸辣湯底 微辣 $46 總有啲moment想食重口味嘅嘢，呢度嘅豬大腸用滷水滷得非常入味，好𣺉，一啲味道都冇，清洗得非常乾淨！ 湯底濃郁，叫咗微辣，真係微辣🤣🤣所以偏酸多少少，本身仲厂莞茜、酸菜、韭菜、牙菜，加埋一齊飯多重口感(*ˉ︶ˉ*)咖喱牛肉牛展腸仔飯 $48男朋友點的「麻甩佬頹餐」🤣🤣不過味道不錯，咖哩很香，牛展同樣是用滷水滷，相當新鮮，食落口亦唔會乾爭爭👍🏻特飲 椰汁紅豆冰 +$8男朋友的評價是很淡，椰汁🥥的味道明顯溝了糖水，紅豆🫘綿密軟糯，算是加分了！ 紅油抄手 $9 以一人小食來講，相當抵食，不過其實整體似餃子而唔係抄手🤣味道正正常常，但係略嫌紅又唔夠辣味。整體來說，價錢不貴，算係咁啦！

Happy Friday 又黎啦，同成班同事齊齊試新野-雲貴軒。估唔到由一開始抱著都係普通野既心態，到最後有大驚喜，因為食物質素、份量，同價錢都係相當唔錯。CP值好高，值得再黎。準時12 點食飯有個好處，等位唔使等好耐。一到步就有位。見到menu有魚唇，就不妨試一試，估唔到咁好食！好滑溜，好大塊，鐘意食魚既人，真係要試一試。蘿蔔好淋好入味好甜。再配埋肉醬同米線，加埋個湯底，呢個配搭真係好夾。熱茶走都ok la，不過不失，但好大杯。成個午餐食到好飽。好大滿足！會再過黎試過。

今日同朋友去嘆下午茶，第一次嚟食，很驚喜，因為齋睇店名，以為淨係食米線之類，但入座後發現原來佢哋都有下午茶餐，我同朋友都各自叫左紅豆仙草芋圓加雞翼，另外加$8可有一碗米線，我揀左肉燥米線，我朋友揀左碗仔翅米線，然後餐飲配熱奶茶，另外再叫了一碗豬骨湯底嘅菜肉雲吞，一共有六粒，每人食到3粒，食物味道好好味，份量好足夠，我哋食完都好滿意呢一餐，呢餐我哋埋單$108不用加一，每人人均消費都係$54，呢度咁多選擇、份量又夠、而且仲要咁抵食，連我果位對食物要求很挑剔嘅朋友，都一邊食一邊大讚好正，所以之後我朋友住得遠都話一定會再來食多次喎。

didnt have much to say but this is still a tasting experience.getting into the rest isnt that hard. but need long way to walk to.it has no waiting time and this is ok for me. although i expected to wait few tables.order a tomato noodle and is it very fast to cook and the pork fillet is coming after.it tastes normal and food is ok. didnt have much surprise afterall.this is budget and simple meal. thanks!

如果想食肉燥飯，我只會諗到食這間，其他好多正宗台灣肉燥飯唔係乾就係濕，唔係油就係丸咸太甜。這間肉燥飯既乾濕度，咸甜度都岩曬我。而且肉類出色，豬扒、雞扒、豬軟骨樣樣正。

4月頭果陣想去食個下午茶，經常來呢間雲貴軒，因為好like佢地雞全翼下午茶，點知裝修，最近知道佢地開返即刻去食個下午茶最驚喜係佢地有番呢個足料糖水蜜糖燒雞全翼，真係無得輸，以前有雙翼下午茶餐，但而家無呀，不過有番雞翼配糖水都好正又抵！加多7蚊有碗小米線，糖水有豆腐花，紅豆，涼條，黃色透明似愛玉，芋圓加奶糖水，真係好味又抵食,希望佢地keep住呢個糖水雞翼餐

好鍾意雲貴軒嘅酸辣湯底，夠酸得來陣味好自然，似係煲咗好耐嘅湯底。今次叫咗豬軟骨酸辣中辣米線，超級大碗，豬軟骨份量都幾多。豬軟骨瘦肉部份有少少差，但都可以接受。軟骨就未去到入口即溶，但係都咬得都幾好食。

第一份全職工作係呢度，2015年時成日黎呢度食野，現在搭錯車經過偶爾會食下午茶。碗仔翅撈米線，惜米線太軟，但組合ok的，雞翼加西多士，西多士內有花生醬，送熱奶茶，平過譚仔，份量好大，唔會食得曬（自問好大食）。

琴晚原本約咗媽咪一齊落樓下食飯，點知自己冇啦啦瞓著咗！直到21:00我先瞓醒，問咗媽咪原來佢頭先叫極我都唔醒😅，所以已經煮咗野食，我唯有自己落去呢間雲貴軒食野，估唔到咁夜都咁多人係入面食嘢，不過都仲可以坐卡位🤣，叫咗個腩肉酸辣湯紅薯粉同一杯凍奶茶，原本想叫豬頸肉，點知收銀姐姐提醒我原來係冇豬頸肉配紅薯粉既！我由中二開始食咗咁耐真係唔知佢冇🤣😅。BTW,個紅薯粉真係好好食（可能因為我好耐冇食過呢間既紅薯粉）真心讚！👍🏻，口感煙韌，最奇怪係個腩肉仲辣過個酸辣湯底🤔😅.......，腩肉味道係唔錯但可唔可以剪下佢呢？太長了又咬唔開😅，訓練牙力？🤣😅，而杯凍奶茶，以米線同肉燥飯既專門店黎講算係好飲了，起碼D冰冇咁快融，又唔會飲落似水😁💪🏻👌🏻，總括嚟講，成個餐都幾好食，係腩肉比較難咬斷，Total食咗$49，都唔算好貴！唔係住係呢區既朋友🧍🏻‍♀️🧍🏻🧍🏻‍♂️👫👭，經過或者係附近行街既朋友，歡迎大家嚟呢度試試👋🏻😄😆😙😂🤣