霸嗎拉麵 (已結業)

又係食得招積嘅時間， 今日食龍蝦拉麵， 夠招積吧! 霸嗎拉麵位於銅鑼灣地鐵站出口， 行埋去睇睇價錢非常合理， 便入來食碗拉麵醫肚。 午餐一碗拉麵大部分$7X-8X, 銅鑼灣地帶算非常抵食!我呢......睇中呢個餐牌囉麵硬度，走油，少油，走青，走…….夠晒細心。極上原隻龍蝦味玉拉麵 ($128 免加一)隻加拿大龍蝦非常養眼, 湯底看似非常濃杰, 還附送流心蛋一隻, 少量木耳絲及時蔬。先呷一口湯， 非常濃郁的櫻花豬骨龍蝦湯， 鮮濃而不死鹹， 有點似飲緊食西餐的龍蝦湯。龍蝦開邊用牛油煎香原隻上 ，有好多龍蝦膏呀。龍蝦肉都幾多， 肉質彈牙爽口， 甜度就一定冇新鮮龍蝦咁鮮甜，$128 非常不錯了。流心蛋同樣係原隻上， 用筷子切開。。。。。 艷红的流心蛋黃非常吸引， 入口香滑富蛋香， 蛋白都係剛剛熟，非常滑溜，正抖!至於拉麵我叫”適中硬度”， 個人覺得入口偏腍了，麵質軟滑，不知是否因為吃龍蝦放久了的緣故， 下次還是叫唔硬的試試看。又係一餐非常滿足的午餐

唔少豬太郎嘅朋友都知道，就算得一個人，豬太郎都會去食拉麵！上星期日上完堂，同學仔問到一唔一齊食～即刻捉佢陪豬太郎食拉麵！霸嗎拉麵最近無做放題麵，排隊時間明顯短咗好多，等咗一陣就有得入座！#雞叉燒味玉拉麵 $88之前食過佢哋啖啖肉嘅灸燒豚肉，今次試下雞叉燒先！一樣厚實大片，肉質唔”鞋”，味道👍🏻👍🏻，雞白湯非常濃稠😳，豬太郎忍唔住一邊食拉麵、一邊怒飲湯🍜！#羽根燒餃子 $35食拉麵食餃子真係基本配搭，羽根燒下面唔會煎到硬晒，有少少似蒸完再煎嘅感覺，粒粒餃子大細適中，煎成一大片長型好靚！🥟同學仔揀咗香甜嘅 #蜜瓜梳打 ，而豬太郎就揀咗日本嘅經典 #三矢梳打

今日去左銅鑼灣食飯，男朋友突然間想食拉麵，我地就去左霸嗎啦！我地經過見到門口放左龍蝦拉麵既poster，男朋友超愛龍蝦啊！佢叫左龍蝦拉麵，濃濃蝦湯底，好濃香好杰身，膠質感好重，豬骨味不輕，愈飲愈滋味！龍蝦爽口彈牙，加拿大龍蝦好大隻，充滿龍蝦膏，蟹籽豐富，龍蝦爽口鮮甜，用料好新鮮啊！拉麵掛湯力非常高，溏心蛋流心度非常高！我叫左雞白湯雞叉燒拉麵，雞肉厚切，肉質爽嫩滑溜，雞白湯濃香清甜！羽根餃子香脆香口，餃子餡料豐富，叫左辣味，辣度強勁，好惹味啊！

前幾日同朋友想搵拉麵食，喺銅鑼灣又冇乜心水，我哋就決定食返之前我哋食開個間，至少水準穩定唔會有錯。拉麵選擇唔算多但係可以自己選擇要唔要蔥、木耳、軟硬面等等任君選擇。另外如果真係唔想食拉麵嘅亦都會有少量飯分別係石鍋燒豚肉飯同埋石鍋豚肉海老飯。特盛炙燒豚肉拉麵 $118平時食拉麵多數都係得一兩塊嘅豚肉，仲要唔係厚切。今次我哋叫最肥嘅就係四塊一齊黎！每塊厚嘅豚肉，脂肪分布得極為清晰，一層肥一層瘦一咁樣，食落味道唔錯，調味夠。辣醬有畫龍點睛嘅作用，雖然湯底夠哂重口味，但鍾意食辣嘅人一定好鍾意加D辣醬。硬嘅麵條落去幾彈口，唔太差，穩穩陣陣！另外，筍唔太臭入得口，有陣時食拉麵嗰啲筍係臭到完全唔想食嘅！今次可以食啦！食落去爽口嘅有少少甜唔差！

咁岩去開銅鑼灣，要獨自晚餐，諗唔到食咩好🤔咁岩諗起朋友之前介紹過霸嗎拉麵好好食，行到過去見條隊唔算太長，就試下先😋門口有免費既茶俾大家飲用，好有心👍🏻～濃厚豬骨豚肉玉子拉麵～正宗嘅日本拉麵，湯底濃郁，簡埋少油，可以清晒成碗湯👍🏻👍🏻👍🏻豚肉入面即溶，唔會太肥膩！麵質軟硬適中，好岩我口味！😋食拉麵又點可以冇溫泉蛋，流心蛋好好食！☺️朋友真係冇介紹錯，好好食☺️😋下次要帶多幾個朋友試多幾款拉麵先🥰

澱粉質好肥，但朋友一路都話有新嘅龍蝦拉麵，忍唔住都要黎試下。真系好似好特別咁。坐底侍應即刻俾咗兩杯水，填紙仔落單，同日本的拉麵店簡直差不多。重點佢裝修都很日式。希望食物比的起日本的素質。朋友是食肉怪，叫了碗勁多肉的拉麵。試咗一塊，真的好肥美，湯底是豬骨濃湯，有小小辛辣漿，好好飲好濃。朋友給了所有配菜給我，荀及黑木耳都得好味。我的龍蝦拉麵都上來了。好大只龍蝦，好正。賣相簡直滿分。湯底系濃濃的海鮮味，配上多肉又有黃的龍蝦仔，好滿足。仲有個溫泉蛋，好JUICY.今餐肥咗都掋，香港有間無得輪的拉麵店，好正。

此店最近又有新搞作，推出了期間限定的原隻龍蝦味玉拉麵，當然要立即來試試。果然原隻龍蝦無欺場，霸佔著大半個碗面，配以味玉及西蘭花，勁道拉麵浸沉在惹味龍蝦湯中，賣相豐富飽滿，色彩繽紛，十分吸引。然而，就是因為龍蝦太大隻，所以吃得有點麻煩，不得不架起雙臂動手剝殼，幸好是下午非繁忙時間，隔離没有食客，否則隨時“鬆踭”碰到别人。啖啖龍蝦肉，食得滋味滿足。味玉亦十分好吃，熟成度剛好，西蘭花就只是一般般，不吃也罷。吃完麵後，還一口氣把湯喝光，大満足！

因與朋友在銅鑼灣相約，突然想吃拉麵，所以選了霸嗎拉麵試試。 我們8點多來到，等了一陣就有位。 這間拉麵店的裝修很有日本feel，十分喜歡。 我點了一份特盛炙燒豚肉拉麵。我選了這款的原因是實在太肚餓，而這份拉麵有4塊豚肉。 等了一陣，拉麵就到。豬骨湯底十分濃郁，而且有少少辣，十分惹味。 豚肉十分厚身，真的很足料。而且吸收了湯底，十分入味。 拉麵也十分彈牙，份量也足夠。 我們又點了一份抹茶雪糕。抹茶雪糕的抺茶味很濃郁，而且入口即溶。吃完十分飽肚，很滿足。下次一定會再來試試其他拉麵。

星期日與朋友短聚，來到了銅鑼灣的霸嗎拉麵。店內空間非常寬敞，裝潢富正宗日式風格，就如日本的拉麵店一樣。豚味玉拉麵（$88）湯底濃郁，麵質爽滑，豚肉肥瘦適中，灸燒後十分香口，味玉溏心效果十分出色，有淡淡的醬油味，不會過鹹，配料有筍絲，十分爽口。雞白湯味玉拉麵（$88）湯底清甜，附有兩塊厚切的雞肉，肉質嫩滑，。而原味餃子（$35）也煎得香脆，一份有五隻，餡料的菜肉比例適中，沾上酸酸的餃子汁非常解膩，店內還有炸雞、枝豆等小食 ，下次再來也會試試看。

今日午餐食得比較晏，17:20到左門口，已經有人排緊家，門面已經贏左對面街。十分鐘左右就入左去坐底左。豬骨豚肉紫菜玉子拉麵$98辛辣炙燒豚肉味玉拉麵$93 唐揚炸雞（5件）$351）豬骨豚肉紫菜玉子拉麵（軟麵）2）辛辣炙燒豚肉味玉拉麵（適中）3）唐揚炸雞（5件） 今次上菜時間算快，賣相同菜譜相片大致相同。有三片（半塊）紫菜；豚肉有口感，肥瘦厚道適中；玉子有少少流心；炸雞好多汁。整體上合格。 其實呢間拉麵食過好幾次，就係覺得食左幾次依然有水準先再次幫襯。不過今日再試，就覺得有點失望。首先軟麵不夠軟，而且濃湯底有點膩，飲埋湯底就好口渴。可能肚餓，唔洗半個鐘就完成全部食物。

雖然香港有很多拉麵店，但並不是每一間都會做厚燒豚肉。普通拉麵店都是薄切叉燒，所以要找到這一間厚燒豚肉拉麵餐廳，我真的很開心、很期待，而霸嗎拉麵亦無讓我失望。裝修設計都好日本風。炙燒豚肉玉子拉麵$88豬骨湯味好濃欲，面嘅軟硬度適中。粒蛋煮得好好，流心好正，味道不錯。最後連湯都飲埋，真的很正，很好吃。另外點了一個石鍋燒豚肉飯$68醬汁煮豚肉味道唔錯，飯桶至愛！辛口唐揚炸雞$38炸雞即叫即做，上桌時熱辣辣的。炸雞很嫩，加上辣椒油夠辣，好快又清哂，不過粉漿略嫌過厚。

之前曾經去過呢間鋪既姊妹店"風雲丸"食過，同樣都是來自廣島的拉麵店，店內外都有顏色鮮艷既佈置，濃濃的日式風格，埸內都是四人枱/有間板的並排坐，一個人黎食都不怕尷尬，櫈下面有得放袋，所以密密的枱人流轉得快，就算要排隊都好快入到去特盛炙燒豚肉拉麵 $118一向大食既我食親拉麵都唔係幾夠食，通常都會點替玉先夠，上次食過姊妹店風雲丸都對霸嗎有信心，成日見人排隊，今次终於一試，打開餐牌見到特盛梗係要點，麵一到，肉呀🤤🤤🤤平時拉麵多數都係得一件厚叉燒，今次呢碗有4件，仲要係又厚又大件既慢煮厚切叉燒，加上廣島直送既濃郁豬骨湯底，真係原汁原味from Japan,今次真係唔洗加替玉都夠飽，不過大食開既我見到有小食當然都試番2款😋😋羽根燒餃子 $35一碟5件，正宗九州餃子，餃子連埋原塊脆卜卜既皮底，入面既野菜餡份量夠多，味道清新加埋脆脆口感，不錯的小食。唐揚炸雞 $35一碟5件，即叫即炸的日式炸雞，今次揀左原味，另仲有辣汁燒汁同沙拉揀，炸雞外層夠脆，雞肉香嫩多汁，又夠大件，$35性價比很高

有晚，去左銅鑼灣睇戲。睇完戲和朋友都肚餓，見駱克道開左間霸嗎。仲要在限定拉麵推出，所以同朋友即刻拎位試下先得！環境方面，依間霸嗎比其他分店較多座位，坐得舒適！極上原隻龍蝦味玉拉麵：極上原隻龍蝦味玉拉麵是期間限定，當然不錯過要試下，大大原隻開邊龍蝦鮮味彈牙，湯底是櫻花蝦和豬骨熬製成的濃湯，超鮮甜，還有一隻滑滑的流心蛋。拉麵幼滑有口感，掛湯後食好惹味！甜品芝麻雪糕：好幼滑，芝麻香味濃郁，加有甜甜的紅豆更好味！

天寒地凍同朋友做完運動就當然要食野補充體力，朋友想吃拉麵但我又不想吃某大型拉麵店，想起銅鑼灣廣場二期對面開了間新的，就跟朋友去試過究竟。還記得之前都要大排長龍，今晚九點多終於不用排，但店內仍然很多人。辛辣炙燒豚肉拉麵(中辛)始終都是日本煮法，所以中辣程度是可以接受的。麵的軟淋程度是按照個人喜好，選了適中，一勺湯加一口拉麵是絕配的吃法，本整個人即時暖和了。豚肉屬厚切，脂肪跟肉比例是3/7吧，肉不會太韌，而且因爲脂肪被炙燒過，食落更加香口。朋友則點了炙燒豚肉拉麵，豬骨湯底，濃而不膩，不吃辣的絕對不要錯過。

the noodle is good. But no any supprise.Sure not a high standard noodle but is acceptable.The price is not cheap. So compare with other shop nearby. You can have better choose. 點了普通的叉燒拉麵。湯底一般，平時好的湯我會全喝光，今次沒有。it is so so for this shop. I Should not try next time.