霸嗎拉麵 (已搬遷) 新店位置

一向都有聞說這間拉麵店，碰巧銅鑼灣分店新開張，有限時優惠無限追加溫泉蛋及麵餅，所以一行三人去試一試。下午2點左右，已經有20多人排隊，排了半個小時左右便入座，效率不錯。到落單時，問店員如果追加溫泉蛋是否同時在落單紙上剔選，店員二話不說取去我們手上的落單紙，並說會替我們追加。怎知，到拉麵到時竟然沒有任何溫泉蛋....之後我們詢問要追加時，她說追加會需等較長時間，我反問當初是她說會連同拉麵一起上，她回答很快會上。先吃著拉麵等，先嚐嚐湯底，湯底挺濃郁的，還可以，但朋友發現她的特別咸，我頓時心想：湯底是拉麵的精髓，為什麼可以差別那麼多又再嚐嚐麵，明明選了適中的硬度，但是麵卻煮太軟了，都沒了口感；比較好的只有叉燒，一半脂肪，一半肉，挺不錯的吃著吃著，又怎知，麵都吃完，蛋始終還未有，結果再問另一店員，又再等了差不多十分鐘，才成功追加到。而上桌的蛋都是凍的，都不用煮...不明為何需要等那麼長時間...吃之時候已經感受不良好，怎知結賬時更令人氣憤結賬時問一問店員可以用什麼付款，結果店員一句「問來都多餘」我們氣憤的結賬離開從此一定不會再光顧，食物質素不一致，服務態度奇差！優惠目的是吸引更多客人認識及光臨

點單叫左沙津餃子，黎錯左沙津唐揚雞，個四眼阿叔侍應竟然話”咁你而家仲食唔食丫”好似我地得罪左佢咁。之後仲要高談闊論同佢地人講係我地麻煩要改單，(已經double check 左我地係剔左沙津餃子)，到比錢果陣個收銀唔肯比我地對下張單，要先比錢再對單，當然我地堅持要睇左張單先啦，最後佢先至”飛” 張單比我地睇。。。除此之外，食物味道尚可，但係侍應嘅服務態度實在係不夠恭維

心情不佳時，吃好西也是一個減壓又自愈的好方法。未有時間出走去日本不要緊，來銅鑼灣吃碗日式拉麵，效果也不錯! 登龍街，有幾家日本拉麵店，霸嗎是人氣店舖，常見排隊人龍。門面設計極具特色，瓦頂、布簾、燈籠，都帶住點點和風！趟開門，坐在舖中的長枱，枱面簡潔，餐牌、點餐紙、餐具、調味品井井有條餐牌圖文並茂，一目瞭然。有蛋、無蛋、有紫菜、無紫菜，清楚明白！點餐紙可以點選麵的軟硬度、湯的油份、還可以少蔥或走蔥走筍，很仔細不過點餐紙設計仍有待改善，如是日鄰座兩位食客點了同一款拉麵，有人適中+少蔥+沙油、有人要軟麵+走蔥，就不知道可以怎樣在餐紙表達清楚各人的選項，結果還是要向店員講解/下單！難得午市有套餐可以加配飲品或小食，當然不會放過啦！點了$88 炙燒豚肉味玉拉麵配+$12 羽根餃子！餃子外有層薄薄的蛋/春卷皮黏著，賣相有特式，外皮非常脆口，配搭軟身的菜肉餃子，口感層次豐富，好吃！拉麵湯底較濃味，質感有少少傑，湯有味精，吃完有少許口渴！拉麵不錯好吃，豚肉半肥瘦，又淋又入味，炙燒外皮，使肉汁鎖定及肉質又脆又嫩更好吃！蛋，是半熟的，要一小口一小口的吃，才不會令蛋汁漏掉。

先唔講拉麵正唔正宗，總之我就好鍾意佢哋嘅雞肉叉燒拉麵，味道夠濃。但生客去過應該唔會返轉頭，皆因員工完全唔掂。每次，係每次嚟到嘅安排都係亂七八糟。完全唔夠伙記，收錢嗰個完全唔知佢想點，樣樣做下，無樣做得好，佢枱面笠笠亂，見到心都煩。佢唔識同客冷靜溝通，一味忟同亂，非常趕客。又控制唔到出面人龍，好多人都費事排就走。下午茶情況仲離譜，等40分鐘我都試過，聽佢D解釋只會越聽越火；每次嚟親都唔可能盡慶。簡單嚟講；服務不知所謂。

拉麵迷朋友極力推介霸嗎拉麵, 終於的起心乾排隊試吓佢!銅鑼灣返工既我, 1點放lunch直奔鋪頭, 但都係要排隊. 不過一個人食, 10-15分鐘左右就已經有位, 還好. 炙燒豚肉味玉拉麵          $88第一次食, 叫返個最基本既拉麵先. 飲咗啖湯先, 湯底好濃, 唔算太鹹, 結果忍唔住係咁飲個湯! XD麵我揀硬身, 所以質地一定啱食. 炙燒豚肉係亮點! 入口即溶既肥膏!因為燒過而變得更香口既豚肉! 好~正!味玉亦非常入味, 糖心程度又剛好! 整體份量亦唔錯, 基本上女仔一定食得飽~  羽根餃子          $8 (跟拉麵)因為跟拉麵太抵既原故, 又因為當時好餓, 所以追加咗個羽根餃子. 其實本人對餃子實在冇乜研究....只要唔係特別難食, 覺得度度都差唔多 ^^'只睇CP值, $8有5隻咁大隻既餃子, 真在好抵, 外皮脆脆, 新鮮熱辣, 幾好食!一個女仔食, 份量我覺得太多, 雖然我都食哂, 但下次都係唔好咁貪心!(其實加$8除咗餃子, 仲可以揀炸雞架, 但炸雞份量好似仲多, 一個人冇可能食得哂, 唯有等下次)結論: 果然, 拉麵迷朋友推介既係唔同啲! 納入最愛之一~

日做夜做似隻狗，被人鬧仲要開口笑，做服務業就是訓練自己EQ，提昇抗逆力及轉化情緒能力……無奈，到午飯了，真的要吃好些治療下自己，這一間係日本旋風式吹過來的霸嗎拉麵，常常經過，成日被佢地又紅又大大隻日本字吸引，很想一試，幸好今次等了15分鐘，可以入座……woo,來自廣島的叉燒拉麵，一定要好好試味，看有無走樣……叫了特濃魚介魚乾豚肉拉麵，一上枱，魚濃湯已芬香樸鼻，呷一口湯，不會死咸又沒鲜味，有魚鲜及豬骨的精粹，好濃郁又入味，再試一口豚肉，不肥不瘦又吃出彈牙感，有似在山上吃山猪肉感，無得輸，配埋半熟蛋，好似去了天堂，所以煩惱消除了，值得再去！加油，我會再來！

銅鑼灣既登龍街有不少日式拉麵店雲集 每次放工時間都要排好耐隊架上次食左豚王覺得湯底平平 唔係好特別 差唔多一百蚊一碗就唔係好值啦所以見平日下午冇咁多人 食左一直都鍾意霸嗎拉麵

朋友建議食拉麵，揀左呢間試試😈一坐底見到大大個炙燒辣辣豚肉叉燒拉麵吸引！火紅色嘅湯底，大大塊叉燒！朋友話要同我增肥，仲點左唐揚炸雞🍗！炸雞內裡鮮嫩，加上檸檬汁！但食完後罪惡感不減！極贊，拉麵湯底濃郁！很香不油，辣得容易接受。唯獨麵底較少。

好開心，終於唔洗排隊就可以食到霸嗎拉麵啦！ 平時都好多人排，見到人龍就驚驚！今日2點幾去。冇乜人排隊，立即衝入去！仲等乜丫！🤩🤩🤩諗左十分鐘，最後我揀左雞叉燒辛辣雞白湯拉麵 ($88)(小辛)湯底味道唔算辣，唔食得辣既都可以一嚐！湯底雞肉味濃郁，少少辣味，更加野味！😆😆😆雞叉燒放面，厚切多肉得黎唔會肉實無味，配上湯汁更好吃！💕💕💕麵質選擇左適合，口感剛剛好！一啖湯一啖麵，真係幾好食🤤🤤🤤

工作左一整日，緊係要搵啲好野食黎慰勞下自己呢間野之前都食過，幾好食，所以今日再黎食多次！今日嗌左個特盛炙燒豚肉拉麵，份量果然驚人，足足有4塊豚肉，唔會話唔夠食！成件事好heavy但好正，偶然食下都冇所謂，鍾意食拉麵既人都會咁食！拉麵選擇了硬麵，啲拉麵煮得岩岩好。湯底選擇了少油，所以個湯幾清唔油膩，但又好足味，而且個湯底唔會死咸，岩曬我口味啲炙燒豚肉，一層肥一層瘦，幾嫩口下，又唔會過左火喉，而且食落係肥而不膩。整體黎講呢間野嘅拉麵cp值幾高，大家可以不妨一試

由於今晚將會和家人吃大餐，因此午飯就和老公吃簡單一點吧。小妹提議不如吃老公至愛的拉麵，來到登龍街，都有好幾間選擇，不過我們總是光顧這家。 今天中午12:30左右來到，都頗多人，幸好我們仍然能被安排沙發位置。 枱面上見到這個，一向有潔癖的我為這家店加了很多分，這個小小的黃色提示顧客不要使用第一隻碟，實在窩心 (雖然就算不提我也會這樣做)。 小妹點了濃厚豬骨豚內人玉子拉麵($88)，其實拉麵一向不是我的飛弗，皆因很油和日本叉燒又乾又少，不過這裡可以點餐時要求少油或走葱 / 露筍，正合我意，另外最讚的是這裡的叉燒是非一般的日本叉燒，它是腩肉，肉質腍身，充滿油甘香，不過湯底則略嫌太咸，喝了幾口已經很口渴。 老公點了特盛燒豚肉拉麵($118)，份量驚人，有四大塊叉燒那麽多！連老公都吃不下～其實性價比來說確實相對高，只比小妹那碗的貴$30但就多3塊肉～ 小小提議，如果這裡能提供冰茶會可幫助解油感及鹹味。

今日lunch 諗住試下呢間「出名」 概拉麵點知咁受氣， 永不幫襯！門口有3人家庭坐緊， 我諗住入店內去拎飛，或通知侍應2位點知一入去個男侍應大大聲叫：「要排隊啊， 3位入得」， 一手指住門口， 暗示出返去排隊我話， 我知。入口很窄， 3人家庭準備入， 我咪讓開， 諗住讓佢地入左先， 我先出返去企左2秒， 個侍應就不斷呼喝我， 叫「排隊啊」， 大大聲叫左幾次 我好少遇到咁無禮貌的侍應， 一時唔識反應，淨話 ok， 我知食物好食又點， 侍應咁樣簡直係倒米朋友在旁見到成個情況， 都替我不值即刻話唔好食呢間， 又唔係得佢一間拉麵店， 做咩要受氣！

離遠就見到好多人圍住左🤔好啦點都要一試🤗好多選擇呀🤔🤔 雞白湯同豬骨濃湯為主！重有好多款式既小食！最衰今次食左小小野先出黎😎唔係我一定會叫雞翼🤣🤣🤣🤣不過人類見到期間限定lee 個字又點忍得到手？終是叫左一個魚介豚骨拉麵☝🏻再叫左招牌既濃厚豬骨肉玉子拉麵☝🏻難怪咁出名啦！因為真係好好味😻首先湯係好濃！大大推介魚介湯！因為真係 唔會鯹！食落好有膠質feel 🤗😍😍😍🤗而且麵既份量又足！蛋係入味溫泉蛋感覺😻！直頭係香港都有日本feel 👍🏻👍🏻👍🏻

又黎朝聖啦，今次帶埋個朋友仔一齊黎食，有好野梗係要架啦。望下格離台，叫左個炙燒豚肉味玉拉麵，未諗到食乜好，一於跟風先。豚⻣湯底夠杰身，係我鐘意既口味，但又唔會成口味精既感覺。一個好既湯底，絕對係成個拉麵既靈魂。所以基本上飲啖湯，你就會知道呢間舖頭既質素。。。另外叉燒好肥美呀，又夠哂厚，再加上少少焦，食落好香口。味玉夠流心，而且蛋味好出，味道堅正。燒餃子係我去拉麵店既必點之物，因為佢總係可以燒到有層脆皮脆卜卜，而且餡料份量都多，唔會得層皮。係屋企自己嘗試過整幾次，但都係失敗，睇黎我都係出去食好過。唉。靜岡蜜瓜梳打係再次ENCORE架～因為平時係出面好少見有得飲，黎左兩次都叫呢個，味道唔錯，蜜瓜味唔會太假，值得一試。最後最後，再叫左個綠茶雪糕，兩份食，食完個拉麵可以清爽下～正～今次食完朋友仔都大讚無介紹錯，聽人講炸雞都唔錯，下次一定要再食。

成日見呢間拉麵排哂長龍，上個星期終於有機會食啦。最好彩既係我地點去到，坐低左一陣出面已經要排隊！炙燒豚肉海苔味玉拉麵本身想試辛辣，不過一場黎到應該要試左佢個招牌先！豚骨湯底超級濃厚呀，但飲落口又唔會覺得好味精，豬骨味濃郁，好有滿滿既骨膠原的感覺。個麵我要左適中，始終第一次食，都係穩陣Ｄ好，而當然都無令我失望啦。另外最最最重要係可以走青同走筍，因為呢兩樣都係我好好好唔鐘意既野，今次唔駛逐粒挑返出黎啦。紫菜係我每次食拉麵都一定要加既，吸哂Ｄ湯再一啖食左佢，所有精華係哂到。叉燒亦都再重點推介，大大塊兼好厚切，而且非常腍。肥瘦適中，岩哂我呢Ｄ重口味人士。燒汁唐揚炸雞見佢價錢幾平，估唔到都有成５大舊。炸雞熱辣辣上台，夠哂香脆，但又唔會乾爭爭，點埋燒汁食夠哂惹味。綠茶可樂呢個可樂第一次見，平時係日本餐廳都好似唔覺有。其實唔只呢個，佢其他飲品都好吸引架。選擇困難症人士幾經掙扎先諗好。綠茶味唔算好重，淡淡的，反而可樂味出Ｄ，夠哂氣味道都唔錯的。而且食完個熱辣辣拉麵，飲支可樂即刻「鋸」哂。食到飽飽行返出去，等位的人依舊的多，今日有運行啦。