青山灣漁港

營業中

休息中

之前中秋晚餐，我和阿女在娘家過夜，第二日早上我準備帶阿女去super park玩，老爸要求我們一起飲茶後才外出~~~ 當時係山竹來臨前不足48小時，第一晚果餐因為好多人晚餐而冇影環境，今次趁早上影相平日食可能抵D，今次我們隨意叫了些吃而已~~~蠔皇叉燒包和香滑流沙包，熱上係幾好食~~~春蛋蒸燒賣，跟平時食的有DD唔同，有菜感覺倒是怪怪的~~~鮮蝦腸粉和叉燒腸，阿女只是食淨腸粉，我愛叉燒腸，味道算是不錯~~~薑蔥牛柏葉，感覺中規中距~~~黑松露蒸粉果冇相（因為我帶咗阿女去洗手間），七彩燕麥糕賣相好奇特，所以我唔夠食~~~今次由老爸找數，我又搶單輸了，下次我一定要負責找數！

是日跟娘家一家人提早慶祝中秋節晚餐，阿女由老爸湊放學，我收工後就去晚餐的地方會合。娘家果邊的食肆近年變化好大，商場新開的這間酒樓成為娘家近期的至愛，依家有升降機直接去酒樓，真係好方便，而我最細的妹也帶了男友一同預祝中秋新食肆的環境算幾吸引，怪不得老爸唔去市中心，留在屋企附近食~~~未上菜前可以食花生~~~老爸知道阿女最愛吃乳鴿，所以叫咗魚翅羽鴿餐，一開始上紅燒雙喜翅，我個人就覺得翅唔算多，大體都算好食~~~上湯焗蝦球配稻庭烏冬，我個人冇興趣所以只影不吃~~~潤燒脆皮乳鴿4隻，一睇個賣相就忍不住要手機先吃，我和阿女當然食個唔停魚湯浸菜苗，我忙都冇乜食，只是食木耳~~~鮮果生炒骨，呢個係阿女和我三妹爭食，我個人都覺得幾好食~~~XO醬秋葵炒帶子，個人只是食帶子，感覺不錯~~~砵仔飯，蒸飯賣相算是不錯清蒸海石斑，幾好，唔會蒸到太老，我們食到唔停口~~~我們七大一細去食，埋單有VIP9折，即係變相免加一，感覺算是抵食，多謝昕昕細姨的男朋友仔爭住埋單

平時都會到不同地方飲早茶，因為三姐緣故，今天去試吓三聖邨新酒樓，但係失望而回。價錢又唔係平，食物質素有待改善。點心大佬在酒樓內行來行去。你個責任係負責搞好食物質素，改善下個點心紙及諗多啲新款嘅點心俾我哋試吓。希望三姐多啲巡鋪，改善一下酒樓嘅營運。

家在新界西，所以三聖邨對我來說真是熟悉不過。三聖邨最有名當然是海鮮了！好友聚會最好就係到三聖食海鮮飲啤酒吹下水！今次跟好友們決定嘗試位於三聖商場裡的青山灣漁港，我地先買海鮮，再拎過黎加工食。老實說，我對上址的記憶還停留在嘉彩酒家年代。現在已經大變身了。裝潢設計都新，格局坐位都很舒適。聚會飲酒最好有點送酒小食，酒家提供的「蝦子花生」，這個比平常的花生或魚皮花生都特別好吃，不一會就已經吃光。之後就到我地豐富既海鮮主菜啦，真是十分期待。脆皮鮑魚：這個做法又跟平常的加工不同，十分創新，外皮輕輕炸過好香口，咬落去啖啖肉，又不失鮮味，火喉控制得好，不會韌！椒鹽瀨尿蝦：做得香脆惹味，椒鹽味道唔只停留在殼，連肉都滲有香味，大廚功夫一流，今期瀨尿蝦好正，大大隻，多肉口感一流！青山灣龍蝦：每隻都釀滿厚厚的芝士層，芝士十分香濃，芝士迷不容錯過，半溶的芝士跟啖啖龍蝦肉一起吃，滿足！豉椒炒蟶子煎米粉餅底：豉椒炒蟶子放在中間，味道同平時食到的無大分別，特別的反而是米粉餅底吸了帶有鮮味的豉椒汁，好好食！豉椒汁如果可以多點就更好了。脆骨腩：炸完之後再上汁，每件骨腩外脆內軟，香味一流，魚肉亦很鮮甜嫩滑！鹽焗奄仔蟹：每件

今日長老話去試下三聖間新酒樓。其實間酒樓都開左差不多半年，不過既然未試過今日就試下啦。屯門區酒樓一向多人又難等位，唔知佢多唔多人呢？依間佢因爲係舊酒樓翻新，重新裝修後分成不同食肆，其中一間就係依間新酒樓。我行到門口，係直接有位，𥚃面仲唔少吉台，都算好乾淨，位與位之間唔算寬敞，但因為午茶唔多人，所以都算舒適。坐低睇餐牌、價錢、點心紙，假日紅日都唔算平，但又唔係成日飲茶，不過平日堅平好多。長老同我都唔大食，叫左幾樣加個粥及燒味飯就算。我叫左個燒鵝燒腩仔雙併 ，一碗魚蓉粥，酒樓必叫既牛肉球，叉腸，釀青椒。先講雙併兩樣野既皮都好脆 不過好似冇乜肉咁，女仔仲要細食就剛剛好。如果諗住分享就唔好啦。釀青椒。夠熱 好味 都有四大舊。芥菜魚蓉粥，冇乜味，但唔腥，老人家小朋友啱食。牛肉球。又唔錯啵。夠熱，有芫茜，馬蒂，但酒樓既喼汁冇乜味。叉燒腸粉。一上枱。凍既？ 味道唔難食 ，但點心唔熱真係好難接受。唔多茶客都唔可以快些送比客食既？三個人 茶芥加一。食兩中兩大一個燒味併。多謝$230。埋單係自己行去cashier比錢。可能依間新式酒樓係自助形式吧。

我們一年都會約一次去三聖邨吃海鮮，今天吃得很高興呀椒鹽瀨尿蝦, 重點就是舖滿滿的香香炸蒜酥，炸蒜酥咬起來不但酥脆，更帶有要焦不焦的蒜香, 瀨尿蝦的外殼炸得香脆沾滿椒鹽，而蝦殼內的蝦肉保持鮮甜, 大大隻瀨尿蝦真係好有滿足感呢!青山灣龍蝦, 芝士焗到金黃色, 賣相好靚, 龍蝦龍蝦肉入口，芝士香同龍蝦好夾, 一點也不膩， 肉質彈牙, 正青山灣炒飯, 配上炸蝦米, 蝦仁, 蛋粒, 菜甫, 炒得金黃色, 一入口, 蝦米炸得夠香, 炒飯更爽身, 粒粒分明, 高質素

喜歡吃海鮮而又家住新界西，最喜歡來三聖食海鮮，今天又約了幾個朋友，來三聖商場這間新開的酒家，比較坐得舒服，有空間感，環境也乾淨衛生，比樓下的大排檔好，而且除了吃海鮮，也有一些特色小菜，這樣吃起來，便不會太貴。來慣三聖相信也都很熟悉，我們先去海鮮檔揀選海鮮，拿到酒樓後，便由職員拿來確認東西及煮法，便可以等食。記得以前去韓國很喜歡吃海鮮，但買了海鮮到餐廳後總有溝通問題，還是香港吃最好，同聲同氣嘛。椒鹽瀨尿蝦最近休漁期的瀨尿蝦價錢都頗高，但今天大家都滿有興緻吃，就一人吃半隻過過癮吧，現買海鮮的好處是，可以確定它的新鮮，買的時候仍是游水的，拆開來一吃，果然十分鮮嫩，也要讚大廚烹調得好，椒鹽裡加入明顯蒜香，超喜歡的，肉的熟度也剛好，又保持到水份，讚！鹽焗黃油奄仔蟹奄仔蟹是約3個月大、未曾產卵脫殼的幼年青蟹，現在應該是水尾了，奄仔蟹最適合鹽焗，最能帶出它的鮮味，它的膏質軟滑甘香且肉質鮮甜，吃過後便一試難忘。豉椒炒聖子皇 配煎米底豉椒炒聖子，聖子炒到剛好，不會過熟，滑滑的鮮鮮的，醬汁雖深色但沒太鹹，最特別是煎米粉底，脆香有咬口，沾上豉椒醬汁食十分夾，對不喜歡吃飯的朋友來說，這個是最佳替代，不要錯過青

表姐係加拿大返左黎香港度假，話好耐無食香港既新鮮海鮮，咁我地就去左三聖食海鮮啦！我地係街市買完海鮮，就去左青山灣漁港呢間新開既酒家加工！我地買左鮑魚，店家提議用脆皮方式黎整，鮑魚外層炸到十分香脆，內裡就柔軟彈牙，用脆皮黎整都唔會蓋左鮑魚味，我都係第一次咁食鮑魚，估唔到都咁正！下一道係青山灣龍蝦，自己簡既龍蝦特別肥美，仲大過我隻手，表姐中意食芝士，店家就將芝士釀入龍蝦再拎去炸，一咬落口，半熔既芝士係口中爆開，增加左龍蝦既口感，好正！再叫左個豉椒炒聖子，非常夠鑊氣，味道十足，醬汁非常入味，聖子爽口，最特別既呢度整法，下層有個煎米粉底，米粉煎到好似飯焦咁香脆！必試。再叫左個招牌胡椒蘿蔔豬筋煲！湯底有好濃郁既胡椒味，豬筋炆到非常軟諗，中意飲胡椒豬筋湯既人一定要叫！甜品係芝麻卷，芝麻店員係每日早上新鮮即磨，夠哂傳統，令到表姐諗返起以前婆婆親手整既Tim!呢間酒家十分不錯，收費又均真，非常推薦大家黎！

上次新開去試吓嘅時候都覺得唔錯👌🏼今次第二次去，好彩有定位，全場爆滿。今次我哋人多食多啲野👏🏼發現真係水準之上👍🏼👍🏼價錢又唔太貴，13個人自來7樣海鮮，青山灣脆皮琵琶蝦，椒鹽賴尿蝦，鹽焗花螺，砵酒生蠔，炒班球，豉召聖子米粉底，薑蔥炒蟹，加工費再加4隻乳鴿，兩個菜，一個炒麵一個小菜，都係$2500，最重要係所有人都非常滿意😋😋絕對有回頭。不過要改善嘅就係，夥計唔夠，冇人得閑換碟，攞一隻义，都要10幾分鐘，叫四次先至攞得到😅

尋晚朋友聚會飯局.....友人極力推介位於三聖邨新開的漁港海鮮酒家，由於新開關係大家沒有抱著太高期望。初次感覺服務態度尚算不錯，剛巧又遇著位好殷勤介紹菜式的服務員，亦憑良心去計算份量已免浪費食物！當中我們感到這間酒家與其他比較有所不同，不會令人感到去海鮮酒家難免會有被屈的感覺（價錢合理）菜式精緻廚師亦用心製作。令大家品嚐到一頓豐盛美味的晚餐，最後大家亦已約定了下次再來這裡聚會⋯⋯

新酒樓，在三聖邨商場，地方夠大夠新鮑魚絲肉絲撈麵，賣相好吸引，有好多葱絲，全部撈埋一齊食，好好味，葱好香，加埋d汁一齊食，好正，鮑魚同肉絲份量好多的！！櫻花蝦菜苗蝦，好大的一粒，個皮十分薄身，透明的見到入面的菜，蝦同櫻花蝦。味道好好，十分爽口，有好多蝦，櫻花蝦也可以帶出鮮味。流金歲月，名字很漂亮，就是奶皇包，賣相好靚，味道也好好，入面奶皇不算好流心，不過甜味剛剛好。叉燒包，有d爆口，包夠軟身，叉燒也好味，唔多肥肉的。炸芋絲餅，好金黄又香口，芋頭夠粉身，唔油身，有三件都大件架薑蕃薯糖水，這個是好細碗但大點的糖水，蕃薯好碎又散，一d也不吸引，仲要唔夠薑的，只有甜味。前腸粉夠熱，腸粉好軟身，有葱同蝦米粒，如果再煎金黄香脆d，仲好食！

喜歡飮茶吃點心，但好少揾到一間好味而且價錢合理的酒樓，無意中搵到！唔知係咪新開張的關係，無論食物或侍應都相當好. 因為年初四早上（等左45 min) 都無位，而對面海天有位即走. 但心心不忿要試下新酒樓，所以年初五再去飲茶，一去即有位！蝦餃爽脆👍🏻春卷雖然只得二條剪開份量少左D但非常彈牙加埋飛魚子放頂👍🏻沙爹魷魚好正食完要再叫多一次👍🏻上湯鮮竹卷出面D酒樓通常浸到淋曬，但這間一D都無淋曬仲好似岩岩炸起放湯的感覺，南乳豬手蒸到岩岩好👍🏻蛋散鬆化無比👍🏻