鞍山茶座

營業中

休息中

送女兒上興趣班後，係附近嘆番個西多士做下午茶先！作為西多士愛好者，都叫識分好壞嘅西多。鞍山茶座的西多屬中上水準，表面油炸得金黃酥香，唔會有黑色老油絲係側邊👍🏻西多厚度適中，口感不錯，不過中間花生醬唔算好多，都香口但多醬會更好，我會俾4分。糖漿用小碟上，我覺得冇咗傳統茶餐廳風味。不過依家好多餐廳都唔會再用舊式嘅糖漿瓶了。凍檸茶少甜就略略甜咗啲，茶味偏淡無苦澀味，份量好大杯。埋單$29都算抵👍🏻

I first saw this restaurant three or four years ago and wondered if the food was any good. Last week, I finally went to try the food. I ordered what the menu said was fried milk, and I was expecting a crispy bun with milk inside. What I got was fried egg with cashews and chopped crab meat and shrimp. I couldn’t finish the meal. The dish wasn’t horrible, but it wasn’t appetizing. The iced yuen yang was fine, though.

咁普通嘅茶餐廳，食物質素都可以做得咁差，唔想再去第二次，除了地點好好之外，真心講非常咁浪費左。好多單車友諗住行過路過包括我呢個街坊，但真係幾失望，應該快啲換老闆換廚師換食物的定位。

今晚同屋企人食晚飯，叫咗三個餸 頭兩個都好快到第三個餸等咗半個鐘未到(當晚得3-4枱客 見到其他客D送都到晒先追)，唯有同嗰阿姐講「阿姐仲有個餸未來」，嗰阿姐嘅回應只有「哦~」，嗰阿姐仲要同第二個阿姐傾計，傾完就同第二台客落單， 咁唯有向一個較為高職位啲嘅阿姐投訴啦，換來嘅回應係「冇辦法啦隻雞未熟嘛」但我見到厨師係雪櫃道取雞出來到厨房不到10分鐘就到我面前，要追單才整，唔追都無得食，碟鷄仲要蒸到嚡晒。由開張至依家，呢間社企依舊不變，伙計熊度差，食物參差，唉，食咁多次都換嚟一肚氣，以後都唔會再去。

未食都已經可以講 太垃圾, 員工服務態度又差, 些少茶餐廳人情味都感受唔到. 夜晚7點幾好多餐已經冇得食, 加杯野飲又多多要求, 6點之後又要收正價16蚊一杯~ 連埋一個碟頭飯, 竟然要81蚊, 仲話社企... 等個餐等左三個字, 都叫做正常嘅.

去錦泰拜年前去樓下鞍山茶座先食個早餐。一坐低見一炸餐牌，餐牌分類清晰，原來亦有晚市小菜，應有都盡有。叫咗個沙嗲牛肉麵，餐飽奄列，熱菜蜜。個麵轉咗一丁唔錯，幾好食，餐飽已搽牛油，唔洗再搽，軟綿綿幾高質。奄列d蛋好香，裡面d火腿亦夠料。見d牆上面掛d馬鞍山區d舊歷史，「鞍山小城」，以前係礦場，好有意思喎。侍應服務都ok有禮貌，一舉手就有人應機，行去櫃位埋單就即刻有人黎收銀成件事好有效率。成個場大約7成滿，相信都係d街坊街里捧場客。

今朝諗住同仔仔開開心心食個早餐先番工喇，我叫咗個奶油豬餐🍞，上到嚟我咬咗一啖再望住個包，頂，個包發霉㗎，我嘔都嘔吾切🤢🤮，最衰我未影相，我叫左佢服務員過來，佢睇咗一眼個包就話:有無搞錯吖即時收走咗個包，之後我愈諗愈吾對路，我走去收銀同佢哋講，吾好意思我吾要個餐喇，佢老細好大聲咁問我咩事，我話:你個包發霉㗎，我吾使你再整過比我喇，你再整我都吾夠膽食，再加上都有可能同一批包，我吾想又中招囉，吾想多講，呢間餐廳我吾會再去，本人住附近的，就算無曬所有餐廳都吾會去呢間垃圾🤬🤬🤬🤬🤬🤬，一句道歉說話都無，不知所謂

因工作關係，間鐘都會係度食早餐。落單亂七八糟就更架喇，都算。試過食lunch就超慢，都算。到今日真係頂唔順。2點去到，午餐有一半賣晒，咁叫其他嘢食啦，想叫個焗飯，伙記話焗爐壞左。咁我話唔使焗，佢呆左，我話唔焗都唔得呀。佢去左問但一問冇回頭，再問話做唔到。真係好笑，我問乜個焗飯係原個焗熟架咩？咪又係煮好焗一焗個芝士面，焗唔到就煮唔到真係好嘢。再問個女經理，佢話廚房新黎。仲好笑，係唔識煮定真係原個焗熟咁勁呢？好彩唔係住個頭咁即地方執左佢啦

呢日又係我哋單車俠侶踩單車嘅日子，踩單車前就先嚟呢度食餐好去食嘢時，味道好唔好食未知，但見到服務人員態度親切都會未食就心情先好呢間一入嚟就服務人員笑容親切又好禮，令本已假期MOOD的呢日心情更好，抵讚男友喉嚨麻麻地所以叫咗杯熱檸茶，不過我依然比咗我杯奶茶佢試下，因為之前都同同事飲過幾香滑下佢試過都話正雞扒飯，雞扒外脆內軟，質素合格有餘肉絲白汁長通粉，白汁濃淡恰到好處，長通粉都爽滑，配合鹹鹹地的肉絲幾好食未算話勁高質不過整體質素係唔錯，加上食得開心

今早和朋友去早餐，同樓面姐姐講杯茶走唔夠奶同熱，姐姐即時跟進，等埋試味ok才行开，態度仲好好很有禮貌，早餐既雞中翼又很大隻通粉分量又多，味道唔錯，整體都好好，會再去！

一個好簡單的晚餐, 一個餐湯,一客意粉。 都可以這樣, 服務態度超差, 叫取隻碗, 都可以黑面, 好似趕客咁。食物方面: 簡簡單的一個餐包好似比人食過都可以比客人, 不知所謂。環境方面: 地下一埋咖啡, 都沒有人清理我想不會有下次

14-9-2016 (Wed)朝早o係醫院做完治療,請埋病假,就約放產假o既大肚婆同事CY食o野,我o黎到,佢問一係呢間,一係大快活,一係麥當勞,嘩!後面o個兩間no啦.就決定呢間.由於係平日同唔早,所以唔多人,我o地坐低後睇有咩食,CY揀o左$35.00o既沙爹牛肉通粉配牛油多士火腿庵列,飲熱杏霜,我要$38.00o既常餐,揀吉列魚柳,重有茄汁豆,腸仔,火腿,炒蛋同牛油多士,加$3.00飲凍奶茶.冇耐,兩杯o野飲到o黎, 凍奶茶大大杯,而且都幾夠味同滑,唔太差.味道: 4分之後CY o既牛油多士火腿庵列到o黎,然後係我份到,好大份呀!先食吉列魚柳,外面脆,魚柳好厚同滑亦唔鯹;炒蛋大份不在話吓,同樣又好厚,不過佢係全熟,但好彩唔o鞋;而茄汁豆,腸仔,火腿都正常冇問題;最後份牛油多士,睇見係烘得o岩o岩好,但唔知係咪我放得太耐,已經唔脆有啲韌.而CY o既沙爹牛肉通粉又係大大份,未食早餐o既佢都食唔晒.我成個餐o既味道係3.29分其他:落完單我周圍望吓,至知原來呢間係社企馬鞍山民康促進會經營.

今日係呢頭做嘢，早餐都係度食，見佢係甚麼甚麼註冊慈善機構，所以再支持下，點知一個雞扒腸仔飯可以等半個鐘，真有時間之好嚟支持。本來都諗住係咁易寫少少就算，係open rice要我寫超過80字，好，寫多啲！半個鐘後，催單兩次，8個字之出現碟飯，諗住會熱辣辣？唔好意思，唔係囉，飯凍嘅，腸仔同雞扒暖嘅，可想而知幾易整。係慢工出劣貨唧！上網一睇，原來同民x聯有掛鉤，早知係咁就連早餐都唔會嚟食！

平時一星期都會落黎一兩次，次次都見員工係度同人嘈，一時同食客嘈，一時又同物流嘈，搞到享用食物環境非常滋擾！而且員工大多數時間都抱唔耐煩態度，單點收費又無培訓過，成日左問右問！食物質素方面屬普通但幾貴，唯早餐價錢合理外，其他時間無乜點食就要四十幾蚊，係馬安山區內性價比都幾低……希望各方面要加強，令錦泰市民受惠。

大水坑返工一定少不免會去鞍山茶座食，貪佢夠近，夏天唔洗行咁遠出咁多汗。見今日個茶牌都ok，就行左入去食。叫左個咖哩豬柳飯，飯唔算太多，豬扒幾淋，加椰絲幾有創意，但提子乾格格不入，好在有3粒薯仔，整體黎講一般唔算特別好食，但要成$50一餐