韓國錦城飯店 (已搬遷) 新店位置

睇完食評, 覺得都要去試, 所以相約一班同事, 一行7人昨晚就去左. 但係好攪笑, 一心打電話去book位, 但聽電話o個個人話識講廣東話及英文的人未返, 叫我遲d再打過黎... 咁...就遲d再打過羅.... 餐廳位置都好易搵, 出左地鐵站直行2分鐘就到喇, 一開門, 見到大部份都係韓國人(不論waiter/食客), 開頭都擔心會唔會冇人識講廣東話/英文, 但原來所有waiter都識講流利廣東話, 真好... 我地因為未齊人, 所以坐左好耐都未叫野食, 但d waiter都冇吹我地叫野, 還不斷幫我refill熱茶.我地叫左石頭飯, 麵豉醬包, 牛, 雞肉, 蝦, 雞腎, 魷魚, 牛肋骨. 每樣野都好好食, 特別係麵豉醬包+牛=超好食!! 石頭飯好香, 而且食物冇乜味精, 食完都唔覺口渴.

今日先得閒黎寫食評..估唔到我第一次寫食評就要幫呢間飯店填上"喊"呢個頭..是關呢唔係佢食物整得差..係個老闆態度令人難受..我食飯最怕就係遇到種感覺 大概2星期前..我首先BOOK左7位8點鐘食飯..我同其他4個朋友首先到然後拎檯..當時全場還未爆滿..但已經陸陸續績進客..我其他未黎的3位朋友當時係T.S.T一帶搵緊位泊車.. 之後個老闆走埋黎用廣東話問我地係咪真係7位..仲有D人幾時到?我地就話15分鐘左右...之後佢行開左..咁我地都識趣首然落ORDER叫少少食物先..叫左3碟烤肉同一個石頭飯諗住停住老闆把咀.. 點知相隔3分鐘佢又走過黎問"你地朋友幾時到呀?"我話"都話15MINS囉..泊緊車呀.."佢話"開始多人啦..唔到就讓番D位出黎.."之後又走開左... 嘩~激死我啦~!嬲到我死..好彩我朋友馬上就出現..如果唔係佢又就埋黎"GUT"我,我一定拍檯走... 至於食物...BBQ用0既烤肉未完全解凍就拎出黎買..一夾起連住幾塊肉同埋D雪..感覺好差~幸好..烤熟之後味道真係比起韓X苑0個D地方好食..石頭飯係最好食0既一個菜.. TOTAL叫左2個

吃韓國菜，好多時也是三兩個人，再多也只是五六個人，像是晚般的，包了間房，一張長檯，坐滿16人的，很少有。人多，好處當然是食物也可以吃多幾款，幫襯錦城多年，都未試過一次過吃這麼多菜的，絕對是食物多到長檯都唔夠位擺，加上份量都不少，離開的時候，是飽得不想動。開席前，照舊有食友們有心的帶來一大堆泊來手信，用的吃的都很合心意，感激又多謝。點了不少的菜，包括生牛肉、幾款烤肉、炆牛肋骨、炒粉絲、海鮮煎餅、海鮮窩、石頭飯、什景冷麵、水冷麵等十多味食物。最喜歡的還是海鮮煎餅，煎得微焦，內涵豐富，叫了兩客，但合十幾人之力也吃不完，似乎真的是太多東西吃了；生牛肉也出色，用上了肉眼，切條再用梨條去醃，撈一點麻油，是又滑又香又甜。見剩了下來的，也不浪費，統統吃清；都說過，十幾人去吃韓國菜，都要叫個窩至似樣。海鮮窩夠晒份量，海鮮湯底甜美，下了不少紅樣粉，夠香辣，所以最後雖然是十成飽，也下些麵條去醮著湯來吃，很美味；烤肉要了雞/牛肋骨/牛舌/魷魚四款，普遍不錯。烤好再拿塊高麗菜，夾著泡菜來吃，美味；牛肋骨炆得不夠腍，肉質不是肥廋相間，而是肥肉還肥肉，廋肉還廋肉的，始終這一味炆牛肋骨，是莊園比較出色一點；石頭飯撈得

兩個人黎食, 又叫唔到咁多野, 咁唯有揀兩個最正的, 就係石頭飯($90)同炆牛肋骨($160)啦﹗前菜都有9小碟, 我最鍾意泡菜, 其次係粉絲, 有個蒟蒻都幾特別, 浸0係麻油度, 充滿麻油香味。石頭飯一到, 會幫你撈埋, 好少少飯焦, 好好味。加埋韓式辣醬, 正﹗炆牛肋骨好大兜, 成八舊都有, 而蘿蔔就炆到入晒味, 正﹗牛肋骨肥瘦得宜, 好"淋", 好香牛味, 好正呀﹗不過要一人食四件真係食唔落呀, 下次叫多d人黎食先﹗

一早已訂了位, 10人, 佢俾左樓上間房我地點知, 佢話我地得10個人, 張枱有12個位, 要free番2個位1個爐出黎俾人, 但係個陣個場都未full!!!雖然後來都係冇人坐入黎, 但係佢咁講完都已經令到眾人不滿食物不錯, 可惜今時今日這樣的服務態度......

近年韓風正盛,眾迷哥迷姐除愛上韓國電視劇,迷韓國明星外,還有韓國菜.很多人一想到吃正宗口味的韓國菜,紛紛湧到金巴利街此小韓國社區.其實整個老尖外圍,也有很多韓國菜館有水準的,如新羅寶,豐園等,今次要介紹,就在墈富利士道的"錦城".歐聯決賽當晚,有阿仙奴球迷在此搞飯局,當然赴會.環境沒有新羅寶般光鮮,更沒有老銅莊園,豐園光鮮.地方細細,幾逼.如果純吃環境者,此處一定非閣下杯茶.十多人飯局,先來數碟例牌前菜,有例牌泡菜,西芹,大豆芽,豆卜,魚乾等.泡菜幾鮮,但唔夠辣.眾前菜吃完可以再添,基本淨吃前菜送白飯.已經很夠,如果你就是如此簡單的話.是夜韓燒打頭陣,韓燒可話全無技巧可言,只在乎醃得好唔好.有四樣,去到吃韓燒必點的燒牛肋骨,牛肋骨肉味濃,唔錯.牛舌一般.無甚味道.雞肉同魷魚也不錯.接下來的主菜,石頭飯賣相絕佳,碧綠蔬菜加上太陽蛋,美麗如一幅圖畫.侍應稍撈便上桌,味道不錯.飯焦夠香脆.生牛肉一向是小弟之"飛佛",雞蛋,大蒜,雪梨絲伴之.粉紅色的牛肉,外表極度挑逗,將所有材料撈埋一起吃,甜到入心.兩種麵食,先來的似係韓式撈麵,麵質幾煙齦,用雜菜撈之,幾好.另一食友追加的水冷麵.一向唔係小弟

記憶中是首次在打著風的情況下來聚會，掛著三號波，卻連半點雨粉也沾不到，七點半到步，未見人影，坐下叫了樽Coca，閒著沒事幹，左手交右手，就玩出事來，不知木頭人有沒有覺得坐置怪怪的？人到禮到，檯上散滿食友由日、韓帶來的美食、美酒，還有土產雜誌，等著吃著，又打發了些許時間，國寶如常的包尾，是屬豬乎？侍應捧著大盤前菜來，泡大白菜、蘿蔔、魚蛋、魚乾、芹菜、豆腐．．．．．．照片攝著幾多就寫幾多，又，前後添加了一次，亦全數清碟，較之其他主菜，前菜確是比較受歡迎，無雪味的泡菜，是阿朱媽自家製的證明，無甜薯，凍魚片就成為偶的最愛。先來的烤牛肋骨、雞肉、墨魚、牛，柴娃娃落手落腳放在烤爐上燒，都幾過癮，不過韓燒無乜難度，還是燒雞翼好玩，又說牛勒骨，薄薄一片，刀工了得，件頭唔大，醃得甜美，易入口，較之韓雅林6吋長的烤牛肋骨，這裡的就實而不華，掛住玩，一時無留意肉身的刀紋，是失策！對雞無興趣，幫手燒就無幫口食，牛薄薄一片，又是考刀工之作，肉味平平，油脂唔足，一般而已；而墨魚，偶的最愛，輕烤後，入口軟熟無比，若烤過火，肉散而粉，不討好。見老頭子分著北之勝，聽著學著，原來自家製的酒都附有一隻杯，樽價貴過酒價，真的

除了海鮮煎餅，這裡的烤肉、牛骨湯、石頭飯等都普遍高水準，是另一間個人而言，時常推薦的韓國菜館。復活節第一日假期的晚上，會合太座吃飯，巧遇朋友及其妹妹，相請不如偶遇，就一起吃飯。讓一眾女生選擇，都說要去吃韓國菜，金三珣的影響力，係犀利。隨便叫了些東西，包括牛骨湯、烤魷魚、烤牛肋骨肉、海鮮煎餅、石頭飯，四個人吃，已很豐富。前菜九款，掛頭牌的泡菜是酸辣味夠平衡，又夠鮮味，有水準，所以最好吃完再追加。其餘還有銀魚乾、沙律、韓國粉絲、麻油莧菜、大豆芽菜、豬肉豆腐，韓式魚蛋及西芹，幾夠陣容，吃了一陣子也吃不完。牛肋骨肉肉質不錯，吃起上來鬆化，這裡醃得不算太甜，保留了牛肉的解味，賣八十蚊，絕對是食得過；魷魚新鮮，只用點點胡椒粉去醃，口感爽口又甜美，也不錯；牛肋骨湯煲到乳白色的，夠晒火侯。喝起來亦很鮮味，卻一點不膩口，跟廣東人的牛骨湯又是兩個味道，完全不下鹽去調味也可以。很喜歡這裡的海鮮煎餅，除了魷魚、蝦粒外，也加了大量的蔥，煎得兩面香脆，點起甜甜辣辣的醬汁，非常美味。以韓式煎餅計，這裡的水準也算數一數二，未有吃過比這個更好的了，必試；相熟的阿朱媽來拌石頭飯，她細心的先用石頭窩煎熟牛肉，再拌蛋及菜蔬，

最近喜歡了韓國菜, 2人點了2樣:1. 石頭飯($90): 一般, 味道很淡, 飯很濕, 一pat pat, 沒有飯焦.2. 炆牛肋骨($160, 共六大舊): 很咸, 吃後很口渴, 不是我喜歡的帶甜味的牛肋骨, 並且很油膩, 很"濟". 價錢亦很貴.總括而言, 不對我的口味, 個人較喜歡南山谷, 遲些試吓銅鑼灣"莊園".

今晚同兩個朋友仔黎呢度試下.. 我地好夜先黎度(約九點幾).. 所以唔駛等位.. 睇個餐牌.. 都唔知嗌乜好添.. 大家都記唔起D食評有咩好介紹添.. 嘻~~ 不過我一定要食石頭飯.. 因為每次食韓國野都會想食石頭飯..最後.. 我地叫左石頭飯.. 蛋包魚.. 烤牛肋骨同埋烤雞.. 由於我地幾個七點左右先係街邊食左好多小吃.. 大家都唔肚餓既情況下.. 覺得呢度D野好大碟.. 最欣賞既係石頭飯.. 好好味.. 有飯焦的.. 蛋包魚則一般.. 因為都幾漏.. 但食第一件既時候都覺得佢唔錯架.. 烤牛肋骨.. 去了骨.. 好好味.. 好有牛味.. 烤雞都OK啦.. 前菜方面有八碟.. 最鍾意既係泡菜.. 好好味.. 好正宗~~仲有.. 有個唔知係老闆娘定係侍應.. 好風趣.. 好好人.. 成日行埋黎同我地講笑.. 好得意呀.. 又一餐開心既飯局~~~

明知今晚會好多人食飯, 我同傻鬼6時就入去食晚餐. 好好彩早到所以都唔使等位. 2個人叫左一個牛尾湯($90), 石頭飯($90)+醬燒倉魚($100).叫完"食送", 等了一回就送上9碟前菜. 全晚最欣賞都係個石頭飯(因為有好多飯焦)好香口. 個湯同個魚真係唔係好識欣賞.d前菜都一般啦...我個人都係覺得cwb個間韓雅林多d, 起碼服務好d仲有雪糕送.

當然, 只係好似十年未食過韓國菜咁叫野食法。冇記錯, 細細個有同過媽媽來食, 都知道十分不錯的。幾次經過都係過門而不入。到今日都係的起心肝食一次正宗韓國菜。叫左海鮮煎餅, 石頭鍋飯,生牛肉同烤牛肋骨for2。後三者, 上菜之快係匪夷所思程度! 5分鐘唔駛! 石頭飯個醬係我好鍾意的, 叫佢重手d, 小姐真係好重手! 正合我意! 一整個飯的底部都是脆脆的飯焦, 加埋醬的一patpat口感, 好amazing! 烤牛肋骨賣相麻麻, 呈pat狀,感覺似切好曬一段時間再o係雪櫃拎出來咁, 都幾肉酸。牛肋骨都叫肥, 輕輕一烤就食得, 最好食就係近骨的肉, 甘香軟滑得來牛肉味濃! 生牛肉就稍嫌佢多油同唔夠蒜, 鮮味都唔夠, 呢味就亞士厘道釜山好食好多。食到一半, 海鮮煎餅上場。側邊好脆, 裡面好軟, 男友愛食脆身的而我喜軟的。沾醬都係甜中帶少辣, 不沾醬食原味好食d。其中見到好多韓國人飲sake, 勁想飲! 之不過... 唉...叫左咁多野食, 近500蚊係正常, 侍應小姐雖然木口木面, 都叫有求必應。起碼要凍水有凍水。但係有一位相信係老闆娘的, 斟水時竟skip過我果檯! 係唔係巧合我真係唔知!

雖然只有八爪魚一樣海鮮, 但係D八爪魚好新鮮好有口感,煎餅兩邊煎得好脆,佐汁都幾好味.今次仲食左烤牛肋,都幾好,但係無生菜包住食,有D遜色.

在上年12月初，一行八人晚上去錦城吃飯。本人訂了晚上七時正，但因為有些朋友加班，所以等到大約八時才齊人。其間侍應沒有不快，很好！然後我們叫了兩個石頭飯、海鮮煎餅、蛋包魚、牛筋骨、燒烤有雞肉、牛肉、雞腎及魷魚。(最高5粒星)石頭飯﹕好好味！*****海鮮煎餅﹕好味！****蛋包魚﹕好味，但貴！****牛筋骨﹕味濃，有點滯。不像金羅寶及阿里朗好吃。**燒烤雞肉﹕味道不比牛肉！***燒烤牛肉﹕好正，份量也可以！****燒烤雞腎﹕好唔掂！雪藏得好勁。*燒烤魷魚﹕好好味！好似好新鮮。*****另外叫了支裝韓國啤酒，幾好味！前菜都好味。不過價錢都幾貴！多人去會抵些。

6:30pm以為唔駛等，原來間店做埋旅遊團，等得重久。點了牛肉、牛rib、牛骨湯、石頭飯、旦包蝦and海鮮餅。店很舊table很細，座得很迫人多，服務員不夠，D野要不停追、不停提住，老板賺到盡，冇辦法食物很好，除了海鮮餅，份量不大