韓國錦城飯店 (已搬遷) 新店位置

I have been to this restaurant for many times already, I must say this is one of the best korean restaurant in town. Their BBQ, Raw Beef, & Bimbimbak is very tasty. They serve very good and fresh food. Could tell that they don't put msg in their food and you won't feel very thirsty after eating (not like some other korean restaurant) Good & healthy

食過咁多間，係呢間咁有性格。牛骨湯係堅‧持‧唔‧落‧鹽well，好味就可以有性格。界乎傳統同改良之間，味道合我口味，無話好港式，又唔會死韓式。而且唔係話成日都咁多人，最重要的係抽煙做得好，食左都唔覺有味。

呢間都去過幾次...食物水準都keep 到~~石頭飯係超正... 想食個海鮮煎餅...但好得大個, 但見到人人都叫... 下次一定要試下先得...烤肉都ok...牛利好滑...雞肉又入味...同埋佢有梅酒飲...一邊飲一邊燒.... 一流

1/8/05同Honey再o黎哩處食, 上次食過牛肋骨, 牛舌同加辣魚湯都唔錯, 所以今次試下其他o野o勒…牛肋骨咁好味, 就梗係要再encore啦…另外叫o左牛肉同kimchi湯…牛肋骨就唔駛多講la; 而牛肉就麻麻地, 比較"un"; kimchi湯以我地口味就覺得酸, 認為加辣魚湯好飲d…後來Honey再order大蝦, 佢其實都唔太"好"蝦, 但佢知我鍾意食所以就叫。出乎意料, 原來d蝦好爽好肥好好食o架! 連Honey都話好食, 唔錯唔錯…跟住再加一支冰凍啤酒, 嘩! 正呀…

(26/5/05)剛返港, 緊係要食番d非西餐既野。同"一家人在此"聚一聚。好朋友話, 呢度都算幾地道, 有韓國人亦有日本人黎食既。仲有, 食過D燒烤,都好味, 最緊要係唔會燻到個人成浸韓國燒烤味。order左O野, 先會拿上8-9碟前菜來。我地叫左燒牛肉&燒牛肋骨(好朋友話燒雞係唔得既)。咁燒牛肉&燒牛肋骨真係幾好味喎, 兩樣都唔un。仲有叫左"蛋包蝦", 初時以為係蛋, 卷住蝦, 但原來係點左蛋槳炸既蝦。蛋槳感覺好多蛋, 唔會似層槳粉, 蝦仲好爽, 美中不足係應該俾d醬/汁點下, 會更好味!

見咁多網友好評如潮, 今日又有事要出尖沙咀, 所以決定去一試.我同男友兩個人去, 7點去到, 下層三張枱都無人坐, 上層只淨翻一張, 上層D冷氣好D, 所以我地坐上層.我地order 咗牛肋骨, 石頭飯同年糕水餃. 前菜有成9碟, 炒粉絲一流, 泡菜都幾好, 不過D咸魚仔太咸, 其餘幾碟都OK 啦.牛肋骨($90): 果然好好味, 但係碎濕濕, 成碟先得三四片係完整小小. 仲有, 佢地無比菜我地包黎食, 正宗韓燒肉食法係要包菜食.石頭飯($90): 個飯黎果陣, 佢地會幫你撈個飯, 佢地會問你要唔要辣醬, 但男友唔食辣, 所以無加. 個飯無乜飯焦, 但唔差, 不過90蚊有D貴, 一個石頭飯得兩小碗.年糕水餃($80): 好大碗, 水餃100%係人手包, 一碗有六粒水餃, D年糕煮得過咗火, 好"林", 無曬年糕D咬口.D野食七點半到齊, 諗住慢慢食, 之後仲打算叫甜品, 但係間野8點鐘開始多人, 個老闆勁吹我地燒D牛肋骨, 五分鐘就上一上黎睇下我地食完未, 反而同場D韓國人佢地完全無吹佢地, D前菜亦無再潻比我地, 連茶都無潻, 我覺得好過份. 我地一心黎食飯, 唔係食快餐, 你間野多

我很喜歡吃前菜，此店奉上9個前菜，每樣都好好味，吃得足。一行4人，叫了石頭窩飯、炆牛肋骨、冷麵和綠豆餅。最喜歡吃石頭窩飯，和我在韓國時所吃的一樣，連辣醬也是一樣的。炆牛肋骨︰很入味、很腍身。冷麵︰酸酸甜甜，個人不太喜歡，同行友人覺不錯。值得一提的是侍應很細心提我們要快點吃，因放久了就不好吃。綠豆餅︰很香口。4人邊吃邊談，坐了3個小時也沒有趕客現象。

之前3aunt食過讚不絕口，所以今次要佢帶我o地幾個死黨去食。3aunt話好爆場的，所以佢已早一個星期訂定位，我o地7點鐘去到，真係樓上樓下全場滿座，而樓下只得我o地一中國人，其餘的都是韓國人。先上前菜，我o地一行7人俾左18碟，當然有重覆的，不過碟碟都好好食，未食主菜都清了七七八八。只叫兩款燒烤牛肋骨同鮮魷，兩款都普普通通。而3aunt極力推介的海鮮蔥油餅，真係好好食，食唔到有乜海鮮，不過香蔥有好多，又煎得好脆好香口。前後叫了兩個石頭飯，第一個好多飯蕉，而第二個竟然冇飯蕉，所以第一個比第二個較好食。石頭飯極多配料，基本上同飯差不多份量，加埋d辣醬極之野味，我連食兩碗。泡菜湯size唔大，味道唔算辣，不過酸酸辣好醒胃。蛋包魚d魚肉唔算實，味道淡淡的，都好過莊園。擔擔冷麵買相黑黑的，好似鱔糊，D汁同麵身都好漿身好糊口。年榚雲吞-之前已食了好多濃味菜，所以再食呢個味道就較淡，同冷麵一樣再o黎的話可以不叫。食到最後個個都要抱住個肚走，埋單都係每人$140，幾抵食。死黨們之後仲話要去食個甜水潤番下，又要拉大隊去左九記，真係叫佢o地加入埋openrice的gathering。

630pm去到, 幸好早就有位, 遲些就要等了。三個人坐下叫了個蛋包魚, 石頭窩飯, 牛肋骨, 雞肉, 同一個冷麵。石頭窩飯率先上檯, 熱辣辣的喳喳聲仲聽得到, 侍應幫手加點辣醬後撈勻分了三碗, 那些飯焦仲好脆, 但係成個飯搞到勻吃有點怪怪的。跟住上來九碟前菜, 本人唔多愛吃搾菜的, 但係佢地既搾菜味道又幾吸引。烤肉叫了雞同牛肋, 兩個都幾靚, 唔會話好多肥膏, 後來加上的豬肉, 就好似無乜醃過的, 燒完點醬油吃又覺得幾好味。冷麵分了三碗, 麵質幾爽, 但係朋友話個湯怪怪的。蛋包魚或者期望大了點, 未點醬汁都幾鹹, 點後仲覺鹹, 但魚係食得出新鮮的。一頓飯吃了近個半小時, 三個人吃到飽飽要去星光大道走走。

選擇呢度食飯,因為睇到d評語唔錯黎試!但價錢偏貴，可能兩個人食，食得唔多。不過一路食一路好多人等位，全餐廳得一個老人家同女侍應招呼，老人家應該係老闆，落手落腳招呼客人，有時同我地攀談兩句。食物方面(一)蛋包魚，名符其實，絕不花巧，魚塊新鮮。-$70(二)石頭飯，飽肚，熱呼呼，有特色。-$80(三)肋骨，好大煲，伴以紅白蘿蔔燘，好入味，撈飯一流。-$150本來想試其他，但係食量有限

我比較鍾情呢度既海鮮葱 油餅，煎得好香口，大大個百二蚊，夠四條友食，食淨可以打包，返屋企翻煎一樣咁正；燒烤方面祇有牛肋骨同牛肉幾好，其他肉類比較普通；石頭鍋飯，簡單得黎好食，屬於錦城招牌野，亦唔駛多讚；前菜種類多得黎每一種都有各自味道，我見多數都係韓國人黎幫趁，而且所有前菜都掃晒咁滯，我諗都應該好地道掛?門面唔多起眼，裝修好舊式，招呼亦屬一般，畢竟一個老人家（老細）做左咁多年，乜野熱誠冇都冇晒，不過唔算冇人情味，欏多個飯，欏多碗湯亦唔會計落單。

尋晚同兩個朋友去呢度食飯,講真,招呼實在麻麻,好似唔係好理人咁,第一印象大打折扣!而且尋晚去到好多人,一路食一路好多人上黎等位,又見到好多人等唔到位就走左!跟住叫左石頭飯,烤豬肉,烤雞肉,年糕水餃,幾支可樂,石頭飯真係好正,d飯焦卜卜脆,落埋辣醬撈,好好味! 烤肉就一般水準,無驚喜,豬肉仲幾"鞋"添!年糕水餃都算唔錯,前菜有九小碟,味道都夠地道!價錢唔算平,但又唔可以話好貴,埋單$450,走時仲送香口膠一片!

呢間餐廳我食過幾次，第一次食o個陣食過石頭飯，炒人參，蛋包牛肉，仲有個什景麵...石頭飯好好食，呢次食完之後每次黎親都會食。人參我個人覺得麻麻地。蛋包牛肉都OK，咪道都幾濃下。個麵就真係麻麻地喇。兩個人食，食唔哂，估唔到咁多前菜，有大概九少碟，每款都好有特色同幾好食，其中有款半透明膠狀o既野，我唔知係乜，但係覺得好正，仲有個粗粗地一條條透明，類似麵o既東西，我又係唔知咩黎，但係又係幾好食喎。之後都有再黎過幾次，試過韓燒，有魷魚，牛肉，雞肉等，全都好鮮味，其中魷魚更加係鮮甜爽口，好好味!價錢方面真係比較高，唔夠大眾化。

睇完其他讀者o既食評咪諗住去試o下囉...一入到去, 佢地真係只比個menu 你, 上面d食物唔太平! 之後要問佢比個set lunch menu先會比你架. 前菜+石頭什景飯, 都只係$50(無加一), 以呢個價錢食到呢d o甘好質素o既食品, 真係幾抵架~~

這間小店已吃過十多次,每次都覺得不錯,星期六去食完,跟平日不同,很少人，可能是父親節前夕，多數人都喜歡去食中式酒樓,當晚有六人，所以有10款前菜，叫了兩個燒烤,一個牛俐，一個雞肉,雞肉好厚肉，亦很新鮮，牛俐就"un"咗少少，冷麵和石頭飯是必吃的,保持水準,海鮮餅很香口,白淋牛腩，蘿蔔和著仔都好入味，但偏鹹，埋單$690,扺食!