韓國錦城飯店 (已搬遷) 新店位置

同朋友聚舊,朋友提議到這裡一試,我地未夠七點已到咗,入到去侍應叫我們去樓上,果然樓上有好幾張檯給我們選擇,我們叫了以下食物:牛肋骨--味道很好,肉質也不錯,不勒,筋也不多.蔥油餅--上檯先知原來係咁大碟,味道不錯,煎得很香,不會有油膩的感覺,醬汁不辣,很惹味.炸醬麵--醬汁很特別,很好味,沒有太多的餸料,但配合得不錯.還要一提,這裡的前菜做得很好味,有九碟之多.點菜前而衡量一下食物的份量.整體這裡食物味道不錯,想感受下正式的韓國菜,不錯的選擇,但食完後有點口喝的感覺,不知是否味精作怪呢?

朋友們一早相約在昨晚幫我攪生日飯，問我有乜意願，我第一時間就諗到來這間韓國料理，原因係佢既出品都係好得我既歡心。每款菜式都有好高既水準。當晚我們一行7人就係晚上19:00左右齊集在錦城，因我和女友最早到位，所以我就自把自為叫了一客海鮮蔥油餅做我地既頭盤菜式。到朋友們續一到來後，我地就立即點菜。當晚菜式如下﹕海鮮蔥油餅x 1石頭飯x 2辣豆腐湯x 1生牛肉x 1炸醬麵x 1牛肉湯x 1鐵板燒既食品如下﹕鮮蝦x 2牛肋骨x 1牛脷 x 1牛肉x 1牛柳x 1雞肉x 1蔥油餅真的很大碟，又好香口，我地7個人都覺得這個很美咪。石頭飯一到，阿珠媽就幫我地拌好飯同配菜（還加了一些唔辣既醬汁）。味道好，不太油膩。生牛肉，內裡除了生牛肉條，還有梨條、蒜條再用生雞蛋拌勻，真的很美味清新還凍凍的（記得一定要拌好即食）。其他的都菜式都很特別，好似炸醬麵，同我地食慣的中式是兩種不同的口感（不辣的，咸咸的）。到燒烤方面，我們最初只點了鮮蝦、牛肋骨、牛柳及雞肉，各樣的分量都很足夠，除了鮮蝦（得6隻，唔夠分），見各位還未夠，就再點多次鮮蝦及牛脷。全都落足腌料，味道可口，一定要讚的有牛肋骨及牛脷，一個字~~正!!!今

上星期想食韓燒,咁就一行10人去到呢間最多人讚、很高評價0既韓國食店, 但很可惜.係唔好味仲要受氣囉.仲要比朋友埋怨添呀, 各人出門口後都話唔會再幫襯囉! 因為最主要服務態度差.落單時我地叫左七款食物, 侍應就話: 係咁多咋!!! (咁我地叫住先唧,唔係唔得呀?)某d侍應服務態度仲差, 我地叫左韓燒食物,侍應就話: 燒~啦(高音)~ 個爐~熱啦~~ 仲唔燒(高音)~~~ (我地即刻話: ! D野食剛到咋喎,個爐都係剛熱咋喎)之後我地放到D食物係個爐到啦,佢又喝我地: 唔好放係側邊呀~ (! 乜個爐淨係准放四片肉係爐中間咋?)之後我地有朋友到由9位加至10位,咁叫佢加多個位,佢不耐煩話: 你地咪夠位囉(高音)~ (加多個位唧,又要解釋!!)食物水準一般, 淨係知好多味精. 第二日都好口渴.石頭飯未見得好好味,燒物多味精,可樂$20最好味: 油餅(餐牌無,所以唔知幾錢)

９碟前菜，有我至喜愛的Kimchi，好耐無食啦，好懷念呢～不過呢度既Kimchi就爭左少少，唔夠香，一味得個辣（雖然佢唔算辣），所以唔多合格lor。點左兩樣野黎燒：牛肋骨及雞肉。牛肋骨勁多渣，有ｄ仲好"un"咬唔開，雖然係幾好味，但可惜勁味精～至於雞肉都幾好味，又係可惜勁味精～所以燒完好口喝，我到第二朝都仍覺得口渴，味精太勁啦。石頭窩飯，顏色係好靚，味道都幾好，而且仲有好多飯蕉添，我都好鐘意．．．．惟一不足係，佢既牛肉又係過"un"，扣左少少分。見openrice既食評都唔錯，咪諗住試試lor。但想講既係，openrice登post係要經過編輯選過既，唔係每一篇都會登，所以．．．．．都係信自己。呢間韓燒無乜特別都唔會再幫襯,實在太味精, 唔岩我, 食完口喝到第二朝仍覺得口渴。惟一可取既係唔算貴。

2008年3月1日妹妹生日將至, 本打算去新羅寶食晚飯, 但同事們紛紛諫言叫我唔好去吧! 不是新羅寶唔好食, 而是以我的食力去到新羅寶會大出血, 因為它出名韓燒好味, 但價錢亦出名貴, 不是我這類人能開懷地吃個飽. 所以妹妹看過食評後, 就選了錦城.我地一行三人, 伙記叫我地上二樓. 打開餐牌, 由於妹妹不好燒烤, 所以她點了石頭飯($90), 湯年糕水餃($80), 但找來找去都看不到蔥油餅. 於是找位伙記(原來這裏工作的阿嬸不是個個都懂廣東話, 所以不要怪其他伙記好像看你唔到, 而是佢地都唔知我地講咩, 所以不停步)問問, 原來此菜式在餐牌是沒有, 反而在牆上的一塊白板寫滿韓文則有寫到, 我忍不住話韓文佢識我唔識囉, 阿嬸笑一笑話這個很好食, 我們也點了這個($150).前菜有九小碟, 我最欣賞就係粉絲. 泡菜則紅而不辣, 豆卜就淡淡的, 沙律都ok. 首先, 來了一個石頭飯(因我係唔食牛, 所以落單時阿嬸好細心話可以將牛轉為豬或雞), 阿嬸幫手來個鍋內翻天覆地, 加了點唔係好辣的醬, 味道不錯.跟住就來了個湯年糕水餃, 有點失望, 水餃只得三隻, 我地三人, 每人得一

以前我都唔算係真係好鍾意食韓國野, 可能因為感覺上韓國野只有韓燒...但自從去過一次韓國之後, 就對韓國食物改觀...而且我地都變得幾密去食韓國野...見到呢間評語幾好, 所以我地就去試下啦..SERVE我地既都係韓國人, 但係都識得講廣東話~兩個人都有九碟前菜, 每一碟都好味...真係好鍾意食韓國果0的前菜...有時候好似食前菜已經飽...我地叫左牛肋骨, 同埋雞肉, 味道好好呀~正!!!!!!牛肋骨真係無介紹錯...食唔停丫~另外仲有左一個辣豆腐湯...味道幾好, 不過如果係用滑豆腐咁就好, 同埋要趁熱飲, 凍左就唔係咁好咯~最後叫左一個炸醬麵, 因為睇茶煲阿四見佢食得多, 所以我都好想試下呢個同我地既炸醬麵有咩唔同...個味道幾特別, 同埋要趁熱食, 唔係0的麵會"漿"住...果個阿珠媽都好好心咁提醒我地要趁熱食...~不過感覺上我會鍾意平時食開果款炸醬麵多0的~超級滿足既一餐~而且價錢唔算貴...一定有下次!!!

這次是4人飯局配菜很多樣化，有幾款比較鹹，整體上也可以叫了多人推薦生牛肉，味道不錯，因為冰凍了，質感很有趣，連女士都可以大膽試食^^不過緊記一上檯就要清碟！！石頭飯配料很健康，又有飯焦，不過味道比較清淡，可加(辣椒)醬，有點甜有點辣燒燒只點牛助骨及羊肉，肉味濃厚，醃料香甜，淡些可以更好人參雞湯，雞味不錯，有糯米在底，成煲湯比較煙韌，飲(吃)不慣一路食飯一路見到海鮮蔥油餅不停上枱，可惜眾人都飽了，下次一定要食不設訂位服務，有心就要派人早點來

一間幾好食既韓國餐廳我去的那天還有日本人光顧, 證明此餐廳魅力非凡建議多人去吃抵d, 因為每款食物份量都幾多我跟男朋友去吃叫了石頭飯, 湯年糕加蔥油餅再加上十多碟免費前菜....吃到滯...而且也沒空位容納此餐廳其他食物價錢尚可, 值得推介

一吃便愛上了錦城(2008-01-07食評)後今次要來個六人飯局又是十年難得一見的人腳自不然第一時間便想到這裡來人多的確好辦事叫多幾款也不怕首先來個必然正選生牛肉原來不是人人欣賞的結果又是我密密食緊記剛上檯拌好時冰冰的才最好吃萬莫攤凍粉絲湯這樣濃郁的辣度六個人每人小半碗點到即止實在剛剛好韓燒有魚雞和牛肋骨牛肋骨照例香甜魚的味道淡淡的而且頗索油不過稍稍燒焦的表皮還是很吸引燒過的肉再包著生菜和蔥又是另一種風味海鮮蔥餅和石頭飯都是飽肚之作不用再多介紹了可能是男仔多的關係是夜阿朱媽比上次更為熱心每次也要下手代勞而且一見到有人燒得不好都幾乎要用手打下去教訓弄得後來大家都步步為營生怕被阿朱媽看見食飯食到咁也真是第一次很開心好玩的一餐把時間好像停留在當年一樣期待著不用十年後才再有一次

After a teabreak and shopping in Element, we walked to habour city for our further shopping. Already 9pm and K suggest to have a quick dinner and here is one of my favourite Korean restaurant. Not hungry and we just ordered a cold noodle and 炆牛肋骨. So satisfied and yummy.

這種絕技原來並非唯泰式按摩獨尊的韓式料理店竟也有提供這裡的二人四手一對替你燒肉及攪石頭飯另一對就為你伴生牛肉各位店員和老闊娘的可愛的程度實在與domon拉麵的歐巴桑相若拍此照時兩位阿朱媽(註)竟然一同向鏡頭擺pose兼hahaha大笑起來雖然沒有拍進鏡內但回想起來仍十分過癮語言障礙實在不算甚麼各款kimchi都齊備不過味道較為平淡好像莊園(2005-11-29食評)的好吃一點個人認為除此以外都與莊園是有得鬥的首選好吃的是生牛肉起初也擔心生熟一齊食有無事架但其實一開始吃就不會停口的了一盤滿滿的生牛肉現場看是更為嫩紅(現在才發覺原來沒有影closeup, sorry)而且充滿肉香再加上人手拌入梨絲和薑絲肉味配合梨汁的清甜再加上凍冰冰的感覺是自幼食牛肉以來都未嘗過的感覺密密食竟給我清了大半碟兩個人其實不是真的很餓燒的只點了雞肉(中圖) 雞肉醃得很好雞味中滲出了陣陣的甜味黑椒也夠多燒起來也加強了香味石頭飯配料豐富一口飯有一半以上都是配料不是十分出色但也不差阿朱媽出力攪拌實在應記一功加了辣椒醬其實很惹味飯焦如果更多就更好裝修很經典不是極乾淨但人情味搭救很有地道感覺不便宜但總比吃成舊水的假韓燒好吧

食完下午茶一陣間後又吃晚飯, 今次經過投票後終決一試此人氣店.裝修簡單, 但看到有韓國人幫襯, 也看到韓國主持人, 想不會差得去邊.侍應有禮, 不會硬銷.前菜有泡菜, 大豆芽, 菠菜, 豆腐, 銀魚干, 玉豆, 沙律, 炸菜, 最喜愛是菠菜和炸菜.燒肉選了牛筋骨肉和牛舌, 牛筋骨肉多汁肉嫩, 牛舌爽口.想試海鮮窩很久, 今次有五個人所以可以一試.要了少辣, 湯底惹味充滿海鮮甜味, 在冬天喝特別暖胃.海鮮窩材料豐富, 有蜆, 蟹, 蝦, 魚, 魷魚, 年糕, 大葱, 白蘿蔔. 雖料海鮮質素普通, 尤以魚肉粗糙, 但感覺似打邊爐, 氣氛十足. 附加的麵條反而最有驚喜, 質地煙韌似烏冬, 索了湯汁吃十分滋味, 不夠喉所以後加了一碟麵.

坐左一陣就送上九碟韓式小菜分別有魚片, 泡菜, 銀魚仔, 粉絲, 大芽菜, 豆腐, 沙律等等！什景麵($70) 的賣相就麻麻, 由好多泡菜同粉絲撈埋一齊．．．味道就一般啦, 但有好濃的泡菜味, 唔辣, 而且食食下都幾開胃！海鮮蔥油餅($150) 個餅份量好大, 煎得好靚,餅入面有魷魚, 蝦米, 同大蔥, 所以有好大股蔥味,表面香脆, 入面就軟軟的, 加上粒粒魷魚, 口感豐富！石頭飯$90 ～侍應會幫你將所有材料撈埋一齊, 飯同飯焦撈埋, 食落有口感, 而且好香口, 但用料就好少, 多為雜菜, 對碗飯有點失望, 可能期望過高吧...總共埋單$341 ...

一個人住，食咗幾晚麵舖同茶記，實在頂唔順，要食返D好野平衡吓心理。星期五晚八點半去到錦城，係全場爆滿，姐姐一句無位，咁無計啦！試吓走去萬豚屋，點知係萬人空巷添！唸一唸，去shopping先，九點幾再去錦城撞吓手神，今次有位啦！一個人叫咗：1. 牛筋湯飯牛骨濃湯底，加上十舊八舊筋，再加碗白飯，隨碗附上鹽同白胡椒粉。湯底雖然奶白，但入口清甜，加上鹽同胡椒吊味就剛剛好！Perfect!2. 蛋包魚簡簡單單，班塊略略醃過，用蛋漿包好去煎，上碟時蛋香撲鼻，食入口係簡而美，我鍾意！3. 真露一支凍飲，入口清清地，一種介於日本清酒同vodka嘅感覺。伴韓國菜的確一絕！韓國人有個習慣，就係唔會自己為自己添酒。所以雖然美酒佳餚，可惜一個人獨飲，總係不是味兒。P.S. 唔知點解，又俾人問係咪中國人，唔通我真係阿媽執返黎養嘅？

難得放假去搵野食，諗起好耐冇去過錦城，於是同女友去幫趁下。今次去得兩個人，不能叫得太多，結果叫左牛肋骨煲、豆腐辣湯同蛋包蝦。先上既，當然係一大堆韓式前菜，不能缺少係我至愛既泡菜，女友就喜歡個滑o都o都o既蒟蒻，炸菜亦好味，有味但不太咸，除左碟魚乾太多食唔晒之外，其他都碟碟清咁滯。講返主菜，蛋包蝦好味，蝦夠新鮮爽口，但我嫌略咸左少少。豆腐辣湯好好味，辣度適中，又有獨特既韓式香辣味，唔嗜辣既女友都話好飲。壓軸當然係牛肋骨煲，牛肋骨大大舊，略帶肥膏，牛肋骨既靈魂就在於膏。一o的新派韓國菜會盡量揀比較瘦既，但結果就係炆到冇晒肉味，同食炆豬肉冇分別。但錦城既牛肋骨因為略帶膏，所以牛肉炆得入味之餘，亦會帶有牛肉o既香味（有人帶貶意地稱之為"騷味"，但怕騷的話請吃豬肉，牛肉羊肉就是要帶"騷"才好吃！），女友就最愛個煲入面既炆蘿蔔，百幾蚊一個煲大大煲，其實都抵食。想食正宗韓國菜，錦城係值得推介，期待下次帶多幾個人試多o的菜！