韓林韓國料理 (已結業)

Tasty KOREAN food in YL despite the not attractive location which is opposite to a rubbish dumpster. We refused to try before but we tried once and love it. Comments are as below: 1) they should have more than one staff 2) If they can only keep one staff, I suggest them to have a bar for people to get kimchi on our own so that we don’t need that one staff to serve us. Customers love the mini dishes as appetisers so it was hard to flag him down to get replacement for us. 3) need to have an Englis

一向成日食呢間，已經好多次，一有老闆熟人嚟食，唔理你係一早落單定點，一定招呼左朋友先，我地呢啲客就要等老闆招呼完先有得食，係起碼等一個鐘其實有朋友嚟都可以順序煮掛？希望老闆改善下呢點，已經好多次了，好趕客

《韓林韓國料理》 #食在元朗 📍元朗鳯琴街22號金龍樓地下15號舖-餐前小食有三款 味道都唔錯 特別係泡菜 夠爽口夠辣 聽到隔離枱要多份泡菜🙈 南瓜都幾淋幾入味Lunch Set: 包熱飲 凍飲+$2🔹韓式石鍋飯 (可選 豬/牛/雞） $52今次我揀左牛肉石鍋飯 會跟一支韓式辣椒醬上菜 加左辣椒醬再撈就好好味 不過呢個辣椒醬係偏甜小小個鍋夠熱整到飯煎 冬菇好新鮮 其他配菜份量都ok食到最後都好熱😂夏天食石鍋飯真係一個挑戰🔹韓式海鮮辣豆腐湯 $48🔝落單嘅時候會問你辣定唔辣 我就一定係揀辣架啦呢鍋野外表平平無奇 但又幾好味首先佢夠辣 有一隻蝦 5隻蜆 有d碎左嘅豆腐 仲有隻蛋好夠味 除左d豆腐碎左之外呢碗野好高分 好過好多平時話係韓國人開嘅餐廳🤷🏻‍♀️🍴9/10

早前, 雞地靜了一段時間, 沒有韓國野食, 韓林算是第二間進注雞地的韓式料理餐廳不想想太多, 選了優惠2人餐, 感覺比散叫會底些先來海鮮豆腐湯, 賣相不太靚, 有點水汪汪, 看不見海鮮, 只看見瓜類,洋蔥,豆腐,青蔥隨意一翻, 沒甚麼多的海鮮, 好似只有小量的急凍蜆肉及蝦仔, 主角份量就..... ,不過味道及辣道, 很有韓FEEL韓式炒肉可三選一(牛肉/豬肉/雞肉), 選擇了韓式炒豬肉, 肉質太冧, 醃得過火了一點, 此外, 鐵盤太熱了, 導致豬肉向底盤的一面, 很多都燶了石鍋飯也是三選一(牛肉/豬肉/雞肉). 圖片就是牛肉石鍋飯, 基本材料OK, 但主角份量, 就真係不多

平時趕頭趕命吃午餐😅今天週末嘆下先🎉🎉同男朋友搵間平平地小店吃個午餐😬😬哩間小店前身係日式料理已經變了🇰🇷韓式料理不須等....可以有得入座，座位都很舒服睇下餐牌先，🤔選擇困難症又出現了🤣🤣今餐Order了韓式牛肉石鍋飯 ($52) ＆韓式海鮮辣豆腐湯飯 ($42)一坐底就擺3碗碟韓式小吃👍👍滾熱辣韓式牛肉石鍋飯 ，賣相精緻，分量十足⋯⋯仲食到有飯焦😋😋香噴噴韓式海鮮辣豆腐湯飯 ，色香味俱全，湯味濃郁😋😋經濟實惠午餐，值得推介🎉🎉

走入小巷 發現一間不起眼的餐廳 裝潢普通但乾淨企理食物質素未至於頂級/隱世美食 但最緊要的是抵食及味道不錯現在已經成為老公與我的飯堂 每當食茶記食到口淡淡就會想起呢度推薦！

朋友揀左呢間韓國小店午飯時間，客人唔算太多點菜後侍應放下三碟泡菜大荳芽菜、西蘭花、傳統辣白菜西蘭花做泡菜，我真係第一次見，佢同辣白菜嘅味道都唔錯我地叫左韓式石鍋飯（牛肉）我同朋友都好鍾意食辣，加左大量辣醬拌勻，令鍋飯變得偏甜，飯焦香脆可口，若牛肉份量多番少少就好喇。韓式海鮮辣湯麵海鮮有蝦、蜆同青口，鮮味一般，佢麵質比較特別，第一次見，白色波浪狀，比韓國麵粗身，湯底係甜辣，雖然麵條已經浸左湯一陣，但都唔太入味。我比較鍾意佢個石鍋飯，個湯麵真係麻麻地。

無意中見到一間門口細細嘅韓國野，就入左去一試。本身係見到午餐價錢牌好抵，四十幾蚊有六七款選擇，覺得好抵，所以有興趣一試。但可惜，當時已經六點，已經係晚餐時段，唯有食正價飯一坐低店員已經斟水，同送上小菜。(左至右）泡菜，甜薯，枝豆睇睇餐牌，價錢大概係$5X-8X。有啲就$6X蚊一個湯，加$10跟白飯同野飲。嗌左拌飯，分別有雞、牛、豬可揀。黎到真係估佢唔到好大碗！五十幾蚊，呢個份量，其實好老實，無呃秤！店員亦會比支辣醬你撈飯食味道還好的，冇乜特別，飯入面有翠肉瓜，我之前食都冇食過咁配，通常係青瓜瓜菜都新鮮嘅，爽嘅，紫菜撈埋飯好香，佢加左麻油，更加香！

手術之前沒胃口左好耐 日日反胃 尋日星期三突然想去食 點知逢星期三休息 今日星期四再去食lunch 牛尾湯無賣好耐 嗌左個辣海鮮豆腐呀湯 我驚太辣老闆就幫我小辣 加$2 有凍飲 幾大杯 正呀！ 我中醫佢d泡菜 醃得夠辣 有d店醃得唔夠紅唔夠辣 得d辣粉係上面 同埋佢地d菜有芝麻係上面都幾好 好過食芽菜 個豆腐湯岩岩好 上抬仲卜卜卜滾緊 食落唔會太辣 送飯岩岩好 有比熱水我好細心既服務 餐具都新淨唔會覺得好舊好污糟 覺得老闆好有heart好nice 最後差唔多食曬咁濟 好正呀 好耐無試過有胃口食得落 感動

新年流流有時都唔知食咩好, 起身求其食一餐就要出發拜年!!今日行過呢間韓國餐廳, 店員即刻出黎話有LUNCH SET介紹, 冇諗過就入左去諗住試下~叫左2個LUNCH SET, 有3款前菜~分別係泡菜, 大豆芽同埋酸蘿蔔~三個前菜都好好味~泡菜可以再辣點~通常平時D餐廳前菜唔好食會覺得好浪費, 寧願佢唔送~呢間D前菜係有質數!我既 韓式牛肉湯 (配白飯)$48賣相真係唔多好, 而且撩極都唔覺有牛肉, 係就咁韓式湯~有點失望~不過個味道係不錯既~材料方面係勁多九菜同埋洋蔥, 兩樣都係我唔中意食既野~家人既 韓式海鮮湯麪 $58貴$10果然係有小小分別, 有隻似樣既蝦同埋青口, 仲有幾隻見到肉既蜆~湯底係一樣既湯底, 麪係傳統韓國拉麪~開頭以為係辛辣麪~個麪都唔錯~唔會煮到好霖~所有LUNCH SET都送熱飲架~~

嗌咗個燒烤套餐。牛肉有雪花紋，另外有一個一口牛係我自己加嘅，真係絕頂，超多肉汁，好嫩，係值得加嘅。推介！！👍🏻👍🏻豬梅頭又係正，成塊扒上，但係就咁食就膩咗啲，要同埋生菜食，五花腩同樣要包，加埋泡菜就會爽啲，又會冇咁膩。牛肉我就冇包菜，就咁都已經好好食，又係肉汁係個口到Bit哂出嚟😋。-所有肉都係冇醃，齋食原味，少咗啲醃料汁，煙都少啲，身上嘅燒烤味都少啲。-雖然佢係韓國餐廳，但係就有港式奶茶，意外地好飲，好飲過啲茶記，用黑白淡奶係唔同啲。-順便一提，佢嘅前菜(泡菜超正！！包生菜一流)同生菜都應該係免費添，我地添完幾次都冇加過我地錢。

如果可以比我揀一個國家既菜，以後日日食，我一定會揀韓國菜，個種甜甜辣辣，香口得黎，又覺得清清地既口味，真係好正不過衣家香港大部份韓國料理，都搞到好好濃味，食一次之後，成個月都唔洗再食今次呢間，好有住家韓國菜feel，清清地，易入口，而且韓國菜價錢黎講，係合理既，可以密密食都得老公食襯韓國菜，都話要食海鮮豆腐湯，散叫一個都成$168，最後我放棄我致愛既年糕，要左二人餐，$198有3樣野！炒牛肉香甜既牛肉同洋蔥，入口鬆化豆腐海鮮湯足料，飲完唔覺口渴，老公另外叫多左個白飯黎撈落去食雞肉石頭飯呢個老公覺得有啲乾，我覺得ok既，不過唔落辣醬既話係真係淡啲環境方面，細鋪仔迫少少理所當然係服務方面唔滿意，雖然有人幫我撈個石頭飯，但係都抵唔返明明我就拿住筷子食緊台面上面唯一一碟仲有牛肉係度既炒午肉，店員都係要收走，我已經“啊”左一聲，因為我罷明仲食緊，佢都仲可以羅起既，我真係一時之間，除左“啊”之外，唔識比反應近近地會再去試其他既

近年韓劇和去韓國旅行令韓國菜大行其道，尤其是新派韓國菜（芝士炸鸡，蛋色飯之類），甚受年轻人歡迎。但好奇怪，要想嚐到正宗傳统韓國料理，则非要韓國人主理不可，這可能始终韓國菜登陸香港比日本菜晚，还未能培養出本地接班人。今天就試了本地厨師手藝的幾个菜式：1. 三款配菜：清爽OK2. 韓式炒粉絲，用上正式番薯粉丝，口感煙靱。可惜材料不足，只有牛肉、洋蔥、菜丝；紅蘿蔔、彩椒、蘑菇欠奉。味道则欠了整碟菜式的靈魂，麻油！3. 韓炆牛筋骨： 炇得吾夠腍，味道只得一个甜字！4. 烧牛仔骨：完全是中式煮法。5. 煎韓式饺子：這个反而好吃，因為原装韩国進口。6. 韓式泡菜海鲜湯：湯底有濃郁嘅蝦醬香味，應該用了蝦頭煮湯。可惜做吾到辛辣，失了韓菜神髓！

新開張的韓式家庭料理，我吃過的最經濟實惠的韓式料理，雖然只吃了韓式豬肉伴飯水準很高，中午來吃，還有飲品，配菜都好好味呀！支持好味的餐廳，因為元朗太多開完又關的好味餐廳，很可惜，所以大家都要支持下用心經營的餐廳

係元朗巷仔新開既小店試一試 點左大醬海鮮湯同炸醬麵 大醬湯好有鮮味 炸醬麵既配料足 仲有送左三碟前菜 玄米茶都好飲 總括而言食物唔錯 環境舒服 性價比ok 會再幫襯試下唔同既食物