影片
港鐵元朗站 H 出口, 步行約5分鐘
繼續閱讀
營業時間
今日營業
08:00 - 21:30
星期一至日
08:00 - 21:30
公眾假期
08:00 - 21:30
公眾假期前夕
08:00 - 21:30
以上資料只供參考, 請與餐廳確認詳情
優惠
95折
【亞洲國際餐飲集團】$50美食現金券
$47.5
$50
呢間餐廳越來越少人幫襯但貪佢就腳 所以呢晚一家人嚟咗快食晚餐價錢唔貴 同茶餐廳差唔多價 仲要唔使加一服務費叫咗牛肉石鍋飯，豬肉石鍋飯，雞扒便當(?)係啊 韓式餐廳入面有便當啊哈哈等緊期間 見到隔籬枱上咗一份炸雞 好似山咁高 望一望價錢 都只係$88？平到咁？ 喺充滿期待下 牛肉石鍋飯同埋豬肉石鍋飯都上埋枱色彩繽紛 睇落唔錯喎但係牛肉質感粉粉地，豬肉係8分肥2分瘦既豬腩肉食咗幾啖已經好膩，食到尾仲發現牛肉石鍋飯好！多！油！ 平時食茶餐廳炒飯，炒河都冇見咁多油！多到池塘咁而雞扒便當，食嗰位冇乜評價，只係話雞扒好多總結 呢間當茶餐廳食算啦 況且食完個身會有啲油煙味 拍拖聚會千祈唔好嚟啊
繼續閱讀
服務態度影響一齊，安排位置失敗，只想多做生意，位置細少，迫人做沙甸魚坐，食物用QR 落單，叫咗主食價錢偏高，唔會直接有連結叫飲品，係要再落單選飲品，價錢正價，選後自動跳減，如果第一次真係唔清楚後，沒有跟飲品，浪費跟餐飲優惠😮💨今次韓式牛肉飯，外表好靚，食落另一翻味道，辣汁醬汁另上，自己撈，牛肉味道一般，牛肉太硬太乾，飲品係冷壓檸檬茶，係我覺得最難飲既一次，記者之前係其他店食唔係咁，下次在元朗唔會再食佢
繼續閱讀
韓樂已食過多次係荃灣西， 天水圍，今次去元朗元點食，但極為失學， 焗雞飯， d雞質數仲差過兩餸飯d雞， 熱奶茶係常温， 唔熱，焗豬排飯有油益味， 總括非常差體驗， 我一定唔會再去這間韓樂
繼續閱讀
我哋兩個人行入餐廳被職廳職員截住，被告知只能坐餐廳門口最細既枱，當時餐廳內仲有其他較大張既枱選擇，我哋依照指示坐細枱，由於攜帶有大件禮物，係無位擺既情況下只能擺係油淋淋既地下。然後最經典既一幕出現，職員拎一個餐具盒比我地同隔離枱share用，姐係我哋需要自行係個餐具盒內拎取要用既餐具，然後將個餐具盒pass比隔離枱用，如有需要再拎額外餐具，就再自行向隔離枱拎翻個餐具盒，非常衛生。上菜了，由於我哋order既兩樣野都要連個爐上，結果張細枱上完菜同兩杯野飲已經幾乎完全無位比人食野，我哋只能係枱既一角大約20cm x 20cm既位置進食，個爐既煤氣罐貼住我既碗，手仲好容易比個爐或者個兜辣到，到就嚟食完個陣，先有職員走埋嚟問洗唔洗換枱，韓樂你係得既👍🏻
繼續閱讀
簡單啲講，完全中伏，餐廳價錢快餐店都冇嘅質素。牛扒定食，塊牛扒難食到不能相信係餐廳出品，無味不特止，又柴。個人感覺，同平時街市賣嗰啲長期凍肉冇分別。豚肉韓式拌飯，拌飯個汁醬竟然係淡到黐線，個飯勁油。最後竟然唔收信用卡… 唔係話要食夠幾多錢先收，係冇信用卡機… 咩年代…唔會再食
繼續閱讀